వజ్రపుకొత్తూరు రూరల్‌ : శ్రీకాకుళం జిల్లా వజ్రపు­కొ­త్తూరు మండలం పల్లిసారథిలో మద్యం ఏరులై పారుతోంది. గ్రామంలో శుక్రవారం నుంచి గ్రామ దేవత ఉత్సవాలు ప్రారంభమయ్యాయి. గ్రామంలో అనధికారికంగా బెల్ట్‌ షాపు నిర్వహణకు వేలంపాట వేశారు. దీంతో.. రూ.9 లక్షలకు బెల్టు షాపును ద­క్కించుకున్న వారు ప్రభుత్వ పాఠశాల ఎదు­రుగానే దుకాణం తెరిచారు. కళ్లెదురుగానే ఈ తంతు జరు­గుతున్నా ఎక్సైజ్‌ , పోలీసు అధికారులు ప్రేక్షక­పా­త్రకు పరిమిత­మయ్యారు. ఇక్కడ ఒక్కో మద్యం బా­టిల్‌పై రూ.30 అదనంగా వేసి మరీ అమ్ముతు­న్నా­రు.అనధికార బారు షాపు ఏర్పాటు కోసం ఎక్సైజ్‌ అధికారులకు రూ.1 లక్ష, పోలీసులకు రూ.50 వేలు గ్రామం నుంచి అందించినట్లు ఆరోపణలు వినిపి­స్తున్నాయి. బెల్టు షాపు నిర్వాహకులు వారం ముందు నుంచే అక్కడ బార్‌ షాపు తెరి­చారు. పోలీసులు అభ్యంతరం వ్యక్తంచేయడంతో రెండ్రోజుల పాటు విక్ర­యా­లు బంద్‌ అయ్యాయి. దీంతో టీడీపీ నాయ­కులు, ఉత్సవ కమిటీ సభ్యులు అధికారులను మచ్చి­క చేసుకోవడంతో మద్యం అమ్మకాలు జోరందుకు­న్నాయి. ఈ విషయంపై ఎక్సైజ్‌ సీఐ మల్లికార్జున­రావును వివరణ కోరగా.. బెల్ట్‌ షాపు విషయం తమ దృష్టికి వచ్చిందని, షాపుని మూసేసి మద్యం అమ్మకాలను నియంత్రించామని చెప్పారు.


 బొబ్బిలి: ప్రమాదవశాత్తూ రైలులో నుంచి జారిపడి ఓ పాలిటెక్నిక్ విద్యార్థి మృతిచెందాడు. ఈ సంఘటన విజయనగరం జిల్లా బొబ్బిలి రైల్వేస్టేషన్‌లో మంగళవారం ఉదయం చోటు చేసుకుంది. బారంగి మండల కేంద్రానికి చెందిన మరడాన కిషోర్(18) విజయవాడ ప్రభుత్వ పాలిటెక్నిక్ కళాశాలలో మెకానికల్ ఇంజనీరింగ్ రెండో సంవత్సరం చదువుతున్నాడు. గ్రామదేవత పండగ కోసం రైలెక్కిన కిషోర్ ఈరోజు  ఉదయం బొబ్బిలి స్టేషన్‌లో దిగేటప్పుడు ఈ దుర్ఘటన జరిగింది. పూర్తి వివరాలు ఇంకా తెలియరాలేదు.