నటిగా కెరీర్ ప్రారంభించి, వ్యాపారవేత్తగా అవతరించిన పరుల్ గులాటికి స్వయంగా తన ఉద్యోగులనుంచే భారీ షాక్‌ తగిలింది. తనను తాను ముద్దుగా మల్కిన్ అని పిలుచుకునేఈ అమ్మడు ప్రముఖ హెయిర్ ఎక్స్‌టెన్షన్స్ బ్రాండ్ 'నిష్ హెయిర్' అధినేత. తాజాగా బెంగళూరు కార్యాలయంలోని ఇద్దరు ఉద్యోగుల చేతిలో మోసపోయానని వాపోయారు. ఈ సందర్బంగా స్థానిక పోలీస్ స్టేషన్‌లో రోజంతా గడిపినట్లు సోషల్‌ మీడియాలో వెల్లడించారు.ఏం జరిగిందంటే...పరుల్‌ గులాటి తన బ్రాండ్ 'నిష్ హెయిర్' (Nish Hair) బెంగళూరు శాఖలో జరిగిన భారీ మోసం గురించి ఇన్‌స్టాలో చెప్పుకొచ్చారు. దీని ప్రకారం నిష్‌ హెయిర్‌ ఉత్పత్తులను వినియోగదారులకు అమ్మి, వచ్చిన డబ్బును వారి వ్యక్తిగత ఖాతాలకు మళ్లించుకున్నారు. ఇది తెలుసుకున్న తర్వాత, ఆమె బెంగళూరులోని ఒక పోలీస్ స్టేషన్‌లో రోజంతా గడపవలసి వచ్చిందని ఇన్‌స్టాగ్రామ్ వేదికగా వెల్లడించారు. స్టోర్ మేనేజర్, సేల్స్ ఎగ్జిక్యూటివ్ ఫొటోలను షేర్ చేస్తూ.. బెంగళూరు స్టోర్‌లో ఏదో తప్పు జరుగుతోందని తనకు ముందే అనుమానం వచ్చిందని, దీంతో తాను అకస్మాత్తుగా స్టోర్‌ను సందర్శించినప్పుడు అసలు నిజాలు బయటపడ్డాయని పరుల్ పేర్కొన్నారు. అలాగే సేల్స్ ఎగ్జిక్యూటివ్‌గా పనిచేస్తున్న యువతికి స్టోర్ సీసీటీవీ యాక్సెస్ ఉందని అందుకే తాను బెంగళూరు వస్తున్న విషయం తెలుసుకుని, తాను రాకముందే ఒంట్లో బాగోలేదంటూ సెలవు పెట్టి తప్పించుకుంది.ఇలా రోజుకు దాదాపు రూ.15,000 నుండి రూ. 20 వేల దాకా నొక్కేశారు. పరుల్ వచ్చిన రోజు డ్యూటీలో ఉన్న స్టోర్ మేనేజర్‌ను నిలదీయడంతో అతను మోసం చేసినట్లు అంగీకరించాడు. ఉద్యోగంలో చేరిన మొదటి నెల మొత్తం బిజినెస్ ఎలా నడుస్తుందో అర్థం చేసుకున్నానని, రెండో నెల నుంచే ఈ మోసానికి తెరలేపానని అతను ఒప్పుకున్నట్లు పరుల్ చెప్పారు. View this post on Instagram A post shared by Parul Gulati 🤍 (@gulati06) రూ.10 లక్షల స్టాక్ మాయంగత నెలలో తమ ఇన్వెంటరీ (స్టాక్) లెక్కలు చూసినప్పుడు దాదాపు రూ.10 లక్షల విలువైన ప్రొడక్ట్స్ తక్కువగా ఉన్నట్లు గుర్తించామని పరుల్ చెప్పారు. 'షాపిఫై' (Shopify) యాప్‌లో లెక్కలు సరిచేస్తున్నట్లు కనిపించినా, తాను పంపిన అసలు స్టాక్‌కు, అమ్మకాలకు పొంతన కుదరక పోవడంతో అనుమానం బలపడిందని అన్నారు. తన ప్రొడక్ట్స్‌ని, ప్యాకేజింగ్‌నువాడుకొని, తనను, తన కస్టమర్లను కూడా మోసం చేశారని ఆమె ఆవేదన వ్యక్తం చేసింది.ఇదీ చదవండి: ఉద్యోగం Vs సంసారం : సింగిల్‌ మదర్‌ సునీత సక్సెస్‌ స్టోరీపరుల్ గులాటి విజ్ఞప్తిప్రస్తుతానికి కేవలం గత 6 నెలల కాలానికి సంబంధించిన ఆధారాలు మాత్రమే తన వద్ద ఉన్నాయని పరుల్ తెలిపారు. మేనేజర్ ఒక్కడే దాదాపు రూ.8 లక్షల వరకు కాజేసినట్లు ఒప్పుకున్నాడని, ఆ సేల్స్ ఎగ్జిక్యూటివ్ యువతి మాత్రం ప్రస్తుతం పరారీలో ఉందని పేర్కొన్నారు. పోగొట్టుకున్న డబ్బు తిరిగొస్తుందనే నమ్మకం తనకు లేదని, కానీ ఇలాంటి మోసగాళ్లను ఎవరూ కూడా ఉద్యోగాల్లోకి తీసుకోకూడదనే ఉద్దేశంతోనే ఈ విషయాన్ని బయటపెడుతున్నట్లు ఆమె స్పష్టం చేశారు. ఈ విషయంలోఅప్రమత్తంగా ఉండాలని తన కస్టమర్లకు విజ్ఞప్తి చేశారు.ఇదీ చదవండి: నాడు డెలివరీ బాయ్‌.. నేడు రెండు AI స్టార్టప్స్‌కు ఫౌండర్‌!

ప్రపంచవ్యాప్తంగా జరిగే ఫిల్మ్‌ ఫెస్టివల్స్‌లో ఫ్రాన్స్‌లో జరిగే కాన్స్‌ చిత్రోత్సవాలకు అధిక ప్రాధాన్యం ఉంటుంది. అందుకే ఈ వేడుకల్లో పాల్గొనే తారలు ప్రత్యేక దుస్తుల్లో ప్రత్యక్షమై కనువిందు చేస్తుంటారు. ప్రస్తుతం జరుగుతున్న 78వ కాన్స్‌ చిత్రోత్సవాల్లో ఇప్పటికే పలువురు నటీమణులు అదిరేటి డ్రెస్సుల్లో ఆకట్టుకోగా... తాజాగా మరికొందరు రెడ్‌ కార్పెట్‌పై మెరిశారు. భారతదేశం నుంచి ఈ చిత్రోత్సవాల్లో పాల్గొన్న అనుష్కా సేన్‌ పర్పుల్‌ ఫ్రాక్‌లో కలర్‌ఫుల్‌గా కనిపించారు. ‘దేవోం కే దేవ్‌.... మహాదేవ్, బాలవీర్, ఝాన్సీ కీ రాణి’ తదితర షోస్‌లో నటించిన అనుష్కా సేన్‌ భారతీయ సంస్కృతిని ప్రతిబింబిస్తూ ‘నమస్తే’ అంటూ, అక్కడున్న వారికి అభివాదం చేయడం దేశం పట్ల ఆమెకున్న గౌరవానికి నిదర్శనంగా నిలిచింది. ఇక ఈ చిత్రోత్సవాల్లో ప్రదర్శితం కానున్న అనుపమ్‌ ఖేర్‌ దర్శకత్వంలో రూపొందిన ‘తన్వీ ది గ్రేట్‌’లో నటించిన శుభాంగి దత్‌ మల్లెపువ్వుల తాజాదనాన్ని గుర్తు చేస్తూ తెల్లటి గౌనులో ఫ్రెష్‌గా కనిపించారు. అలాగే పలు పంజాబీ చిత్రాల్లోనూ, ఒక తెలుగు చిత్రం (‘నీ జత లేక’), పలు హిందీ సీరియల్స్, టీవీ షోస్‌లో నటించిన పారుల్‌ గులాటి నిజమైన జుట్టుతో తయారు చేసిన ఫ్రాక్‌లో ప్రత్యేక ఆకర్షణగా నిలిచారు. సోషల్‌ మీడియా ఇన్‌ఫ్లుయెన్సర్‌ న్యాన్సీ త్యాగి స్వయంగా తానే తయారు చేసుకున్న గౌనులో, మ్యూజిక్‌ సెన్సేషన్‌ ఆస్టా గిల్‌ బంగారు రంగు గౌనులో మెరిసిపోయారు. ఇంకా హాలీవుడ్‌ తారలు ఏంజెలినా జోలి, ఎమ్మా స్టోన్‌ తదితరులు రెడ్‌ కార్పెట్‌ పై ఐ ఫీస్ట్‌గా నిలిచారు.అమెరికన్‌ కాంటెంపరరీ వెస్ట్రన్‌ ఫిల్మ్‌ ‘ఎడింగ్టన్‌’ స్పెషల్‌ ప్రీమియర్‌ కాన్స్‌లో ఓ హైలైట్‌గా నిలిచింది. ఆరి ఆస్టర్‌ డైరెక్షన్‌లో జోక్విన్‌ ఫీనిక్స్‌ (‘జోకర్‌’ సినిమా ఫేమ్‌), పెడ్రో ఫాస్కల్, ల్యూక్‌ గ్రిమ్స్, డీర్ర్‌డే ఓ కానల్, మైఖేల్‌ వార్డ్, ఆస్టిన్‌ బట్లర్, ఎమ్మా స్టోన్‌ ప్రధాన ΄ాత్రలు ΄ోషించారు. ఈ ‘ఎడింగ్టన్‌’ టీమ్‌ రెడ్‌ కార్సెట్‌ వాక్‌ చేసినప్పుడు ఓ గమ్మతైన సంఘటన చోటు చేసుకుంది. ఓ ఈగ ఎమ్మా స్టోన్‌ చూట్టూ తిరిగింది. ఆ ఈగను చూసి, ఎమ్మో స్టోన్‌ కొన్ని సరదా ఎక్స్‌ప్రెషన్స్‌ ఇవ్వడం, ఆమె పక్కనే ఉన్న పెడ్రో ΄ాస్కల్‌–ఆస్టిన్‌ బట్లర్‌లు ఆ ఈగను తోలడం వంటివి వీక్షకులను అలరించాయి. అలాగే ఈ ప్రీమియర్‌ తర్వాత ఈ సినిమాకు ఐదు నిమిషాల స్టాండింగ్‌ ఒవేషన్‌ దక్కింది. ఈ మూవీ జూలై 18న అమెరికాలో విడుదల కానుంది. ఇక ఈ సినిమా ప్రీమియర్‌కు ఏంజెలినా జోలీ హాజరవ్వడం స్పెషల్‌ ఎట్రాక్షన్‌గా నిలిచింది.