అలసత్వాన్ని సహించేది లేదు

విజయనగరం అర్బన్‌: గ్రామాల్లో పారిశుధ్య పనులు చేపట్టడంలో అలసత్వం వహిస్తే చర్యలు తప్పని కలెక్టర్‌ ఎస్‌.రామసుందర్‌రెడ్డి హెచ్చరించారు. సోమవారం ఆయన తన చాంబర్‌ నుంచి ఎంపీడీఓలు, మున్సిపల్‌ కమిషనర్లు, జిల్లా అధికారులతో పారిశుధ్యం, సూపర్‌ జీఎస్‌టీ కాంపెయిన్‌, ఎరువుల సరఫరా అంశాలపై నిర్వహించిన టెలీకాన్ఫెరెన్స్‌లో ఈ మేరకు పేర్కొన్నారు. 

గ్రామాల్లో పండుగలు కొనసాగుతున్న దృష్ట్యా రక్షిత తాగునీటిని సరఫరా చేయాలని, కలుషిత నీరు, ఆహారం తీసుకోవద్దని ప్రజలకు అవగాహన కల్పించాలన్నారు. ప్రతిరోజూ పారిశుధ్య పనులు చేపట్టాలన్నారు. సూపర్‌ జీఎస్టీ క్యాంపెయిన్‌లో భాగంగా షెడ్యూల్‌లో ఇచ్చిన లక్ష్యాల మేరకు ఏ రోజు కార్యక్రమాలను ఆ రోజే పూర్తి చేయాలని ఆదేశించారు. పాఠశాలలు, కళాశాలల్లో సూపర్‌ జీఎస్టీపై అవగాహన తరగతులను నిర్వహించి విద్యార్థులకు పలు పోటీలు కూడా నిర్వహించాలని సూచించారు.

పిడుగుపాటుకు 13 మేకలు మృతి

శృంగవరపుకోట: మండలంలోని రేగ పుణ్యగిరిలో సోమవారం సాయంత్రం పిడుగు పడడంతో 13 మేకలు మృతి చెందాయి. కొండపై మేత మేస్తున్న సమయంలో పిడుగు పడడంతో మూగజీవాలు కళ్లెదుటే చనిపోయాయని చెబుతూ పెంపకందారులు కన్నీరుమున్నీరయ్యారు. ప్రభుత్వం బాధితులకు పరిహారం అందజేయాలని పలువురు కోరారు.

1/1

అలసత్వాన్ని సహించేది లేదు