ఇందిరమ్మ ఇళ్లకు ‘ఉపాధి’ తో అనుసంధానం

ఇందిరమ్మ ఇళ్లకు ‘ఉపాధి’ తో అనుసంధానం

నాగారం : ఇందిరమ్మ ఇళ్ల నిర్మాణాలను రాష్ట్ర ప్రభుత్వం ప్రతిష్టాత్మకంగా తీసుకొని వేగవంతం చేసేందుకు చర్యలు చేపడుతోంది. ఇందులో భాగంగా ప్రస్తుతం ఇళ్ల నిర్మాణాలకు ఉపాధి హామీ పథకం అనుసంధానం చేసి పని కల్పించనున్నారు. ఉపాధి కార్డు ఉన్న ఇందిరమ్మ లబ్ధిదారుకు 90 రోజులు పని కల్పించి వేతన డబ్బులు వారి ఖాతాల్లో జమ చేయనున్నారు. తన సొంతింటికి కూలీ పనులు చేసుకున్నట్లయితే వేతనం కింద రూ.307 ఉండగా.. గరిష్టంగా 90 రోజులకు గాను రూ.27,630 చెల్లించనున్నారు. జాబ్‌ కార్డు ఉన్న ప్రతి లబ్ధిదారుకు ఇందిరమ్మ ఇల్లు బేస్‌మెంట్‌ స్థాయి వరకు 40 రోజులు, స్లాబు వేసే వరకు 50 పనిదినాలు కల్పించనున్నారు.

కొనసాగుతున్న గుర్తింపు ప్రక్రియ

జిల్లా వ్యాప్తంగా ఇందిరమ్మ ఇళ్లు మంజూరై జాబ్‌కార్డు కలిగిన లబ్ధిదారుల గుర్తింపు ప్రక్రియ కొనసాగుతోంది. ఇప్పటి వరకు జిల్లాలో 31 మంది లబ్ధిదారులను గుర్తించారు. ప్రస్తుతం ఇందిరమ్మ ఇళ్ల లబ్ధిదారులకు జాబ్‌ కార్డు ఉన్నట్లయితే.. ఉపాధి హామీ కింద పనులు కల్పించాలని ఆదేశించారు.

ఫ ఉపాధి హామీ కార్డున్న ఇందిరమ్మ లబ్ధిదారుడికి పనుల కల్పనకు ప్రణాళిక

ఫ 90 రోజుల పనిదినాలకు వేతనం ఖాతాల్లో జమ

ఫ ఇప్పటి వరకు 31మంది లబ్ధిదారుల గుర్తింపు

ప్రస్తుతం జాబ్‌ కార్డు కలిగి ఇందిరమ్మ ఇళ్లు నిర్మించుకుంటున్న లబ్ధిదారులను గుర్తిస్తున్నాం. ఆయా లబ్ధిదారులకు ఉపాధి హామీ పథకం అనుసంధానం చేసి ఇంటికి అవసరమైన పనులు చేసుకుంటే కూలి డబ్బులు చెల్లించేలా చర్యలు తీసుకుంటున్నాం. నేరుగా వారి ఖాతాల్లో డబ్బులు జమ చేసేలా చూస్తాం.

– వి.వి. అప్పారావు, డీఆర్డీఓ

1/1

ఇందిరమ్మ ఇళ్లకు ‘ఉపాధి’ తో అనుసంధానం