TV
ఆర్‌ఆర్‌ఆర్‌ మూవీ మేకింగ్‌ వీడియో వచ్చేసింది. దర్శకధీరుడు ఎస్‌ఎస్‌ రాజమౌళి, యంగ్‌ టైగర్‌ ఎన్టీఆర్, మెగా పవర్‌ స్టార్‌ రామ్ చరణ్‌ల భారీ మల్టీస్టారర్‌ చిత్రమే ‘ఆర్‌ఆర్‌ఆర్‌’. ఈ చిత్రంలో జూనియర్ ఎన్టీఆర్ కొమరం భీమ్ పాత్రలో నటిస్తుండగా రామ్ చరణ్ అల్లూరి సీతారామరాజు అలరించనున్నాడు. డీవీవీ దానయ్య నిర్మిస్తున్న ఈ చిత్రంలో ఒలివియా మోరిస్, ఆలియా భట్‌ కథానాయికలుగా నటిస్తున్నారు. ఈ మూవీ షూటింగ్‌ దాదాపు పూర్తయ్యింది. దేశవ్యాప్తంగా అక్టోబర్‌ 13న ఈ చిత్రం ప్రేక్షకుల ముందుకు రానుంది .
ఈ నేపథ్యంలో ‘ఆర్‌ఆర్‌ఆర్‌’ మేకింగ్‌ వీడియోని గురువారం ఉదయం చిత్రబృందం విడుదల చేసింది. ‘రోర్‌ ఆఫ్‌ ఆర్‌ఆర్‌ఆర్‌’ పేరుతో బయటకు వచ్చిన ఈ వీడియో ప్రతి ఒక్కర్నీ ఎంతగానో ఆకర్షిస్తోంది. ఇందులో ఎన్టీఆర్, రామ్ చరణ్‌ల సన్నివేశాలతో పాటు.. శ్రియ, అజయ్ దేవగణ్, అలియా భట్‌ల లుక్‌ని చూపించారు. అలాగే యాక్షన్‌ సీన్లు భారీ స్థాయిలో ఉండబోతున్నట్లు మేకింగ్‌ వీడియో చూస్తే అర్థమవుతుంది. ఇక జక్కన్న ఎప్పటి మాదిరే మరో మ్యాజిక్‌ చేసేశాడు. కీరవాణి నేపథ్య సంగీతం మేకింగ్‌ వీడియోని మరో మెట్టు ఎక్కించింది.
(ఫొటో గ్యాలరీ కోసం ఇక్కడ క్లిక్ చేయండి)
