ఇంట్లో ఐటీ రెయిడ్.. ఫోన్లో లైవ్!

 

ఢిల్లీలో అంతగా పేరు కూడా ఎవరికీ తెలియని రోహిత్ టాండన్.. టీ అండ్ టీ అనే న్యాయసంస్థను నడిపిస్తున్నారు. ఈయన ఇంట్లో అత్యాధునిక సెక్యూరిటీ వ్యవస్థ ఉంది. తనకు తెలియకుండా ఎవరైనా ఇంట్లో ప్రవేశించినా, ఇంట్లో లైటు స్విచ్ ఆన్ అయినా కూడా ఆయన ఫోన్‌కు ఒక మెసేజ్ వస్తుంది. ఆయన ఢిల్లీ గ్రేటర్ కైలాష్ ప్రాంతంలో ఉన్న తన ఇంట్లో మొత్తం అన్నిచోట్లా సీసీటీవీ కెమెరాలు బిగించేశాడు. అధికారులు లైట్లు వేయగానే ఆయన ఫోన్‌కు మెసేజ్ వచ్చింది. ఏంటా అని ఫోన్లో మానిటరింగ్ ఆన్ చేసి చూశాడు. అధికారుల సోదాలు మొత్తం లైవ్‌లో కనిపించాయి. వాళ్లు ఎక్కడెక్కడ ఏవేం కనిపెట్టారో అన్నీ తాపీగా చూశాడు. వెంటనే అండర్‌గ్రౌండ్‌లోకి వెళ్లిపోయాడు. ఈ విషయాన్ని ఢిల్లీ క్రైం బ్రాంచి జాయింట్ సీపీ రవీంద్ర యాదవ్ తెలిపారు.