బీరు బాటిల్స్‌ లోడ్‌తో వెళుతున్న లారీ దగ్ధం

సాక్షి, కర్నూలు : బీరు బాటిల్స్‌ లోడ్‌తో వెళుతున్న ఓ లారీ దగ్ధమైంది. కర్నూలు జిల్లా నంద్యాల ఆర్డీఓ కార్యాలయం వద్ద సోమవారం ఈ సంఘటన చోటుచేసుకుంది. సాంకేతిక లోపం కారణంగా ఉన్నట్టుండి లారీ ఇంజిన్‌లో నుంచి మంటలు రావడం.. అవి వేగంగా వ్యాపించడంతో చూస్తుండగానే లారీ మొత్తం దగ్ధమైంది. లారీ బీర్‌ బాటిళ్ల లోడ్‌ ఉండటంతో మంటలు మరింత చెలరేగాయి. ఒక్కసారిగా ఈ సంఘటన జరగడంతో స్థానికులు భయాందోళనలకు గురయ్యారు. మరోవైపు మంటలను అదుపు చేసే క్రమంలో డ్రైవర్‌కు స్వల్ప గాయాలయ్యాయి. అతడిని స్థానికులు సమీప ఆస్పత్రికి తరలించారు.

సంబంధిత వీడియో కోసం ఇక్కడ క్లిక్ చేయండి :
నంద్యాలలో బీరు బాటిల్స్‌ లోడ్‌ లారీ దగ్ధం