'తెలంగాణ' ఒకరి గెలుపు.. మరొకరి ఓటమి కాదు: కేసీఆర్

తెలంగాణ చరిత్రలో మరిచిపోలేనటువంటి మధురమైన ఘట్టం అని తెలంగాణ రాష్ట్ర సమితి అధినేత కే చంద్రశేఖర్ రావు అన్నారు. తెలంగాణ బిల్లుకు రాజ్యసభ కూడా ఆమోదం తెలిపిన నేపథ్యంలో దేశరాజధాని ఢిల్లీలో ఏర్పాటు చేసిన మీడియా సమావేశంలో కేసీఆర్ మాట్లాడుతూ.. తెలంగాణ ప్రజలు తమ అస్థిత్వం కోసం కొనసాగించిన ఆరు దశాబ్దాల పోరాటం అద్భుతమైన విజయాన్ని సాధించింది అని అన్నారు. తెలంగాణ చరిత్రలో ఈ రోజు జరిగిన ఘట్టం సువర్ణ అక్షరాలతో లిఖించదగినదని కేసీఆర్ అన్నారు. తెలంగాణ రాష్ట్ర ఏర్పాటు ఏ ఒక్కరి గెలుపు కాదు ఓటమి కాదు అని కేసీఆర్ తెలిపారు. తెలంగాణ ప్రజలు అస్థిత్వం కోరుకున్నారు. స్వయం పాలన కోరుకున్నారు. అది సాధించుకున్నారు అని అన్నారు. ఉద్యమ క్రమంలో వివిధ వ్యక్తులు, సంఘాల మధ్య ఏర్పడిన విభేదాలను గుర్తులో పెట్టుకోవద్దని ఆయన అన్నారు. తెలంగాణ రాష్ట్ర ఏర్పాటు కోసం ఆత్మహుతి చేసుకున్న అమరవీరులకు అంకితమన్నారు.