మహబూబాబాద్‌ రూరల్‌: ఆయిల్‌పామ్‌ పంట సాగు చేసిన రైతులు మంచి దిగుబడులు సాధించి, ఆర్థికంగా నిలదొక్కుకుంటున్నారు. జిల్లాలో ఇప్పటి వరకు 1,535 మంది రైతులు 6,585 ఎకరాల్లో పంట సాగు చేశారు. కాగా ప్రస్తుతం ఆరుగురు రైతులు 85 ఎకరాల విస్తీర్ణంలో పంట దిగుబడులు తీశారు. జిల్లాలోని కురవి, తొర్రూరు, నెల్లికుదురు, చిన్నగూడూరు, డోర్నకల్‌ మండలాల్లో ఉన్న రైతుల క్షేత్రాల్లో ఆయిల్‌ పామ్‌ పంటలు దిగుబడులను తీసి మార్కెట్‌కు తరలించి అధిక ఆదాయం పొందుతున్నారు. టన్నుకు రూ.13,726.. మొదటిసారి గెలలు కోసిన రైతులు.. ఎకరానికి ఐదు నుంచి ఆరు టన్నుల ఆయిల్‌పామ్‌ పంట దిగుబడులు సాధించారు. మార్కెట్‌లో టన్నుకు ధర రూ.13,726 పలుకుతోంది. ఈమేరకు ఎకరాకు రూ.70వేలకు పైగా ఆదాయం వస్తున్నట్లు జిల్లా ఉద్యానశాఖ అధికారులు తెలుపుతున్నారు. మరో 370 ఎకరాల్లో కోతలకు సిద్ధం.. జిల్లాలో 45 మంది రైతుల 370 ఎకరాల తోటలు కోతకు సిద్ధంగా ఉన్నాయి. జూన్‌ నెలలో కోతలు కోసే అవకాశం ఉంది. ఇదిలా ఉండగా ఇటీవల జిల్లాలోని తొర్రూరు మండలం గోపాలగిరి రెవెన్యూ పరిధిలో ఆయిల్‌పామ్‌ ఫ్యాక్టరీ నిర్మాణ పనులకు భూమి పూజ చేశారు. 2027వరకు ఈ ఫ్యాక్టరీని అందుబాటులోకి తీసుకురావడం కోసం ప్రయత్నాలు చేస్తున్నారు. రూ.75 కోట్ల అంచనా వ్యయంతో నిర్మాణం చేపట్టనున్న ఫ్యాక్టరీలో గంటకు 30 నుంచి 60 టన్నుల గెలలను క్రష్‌ చేసే అవకాశం ఉందని అధికారులు తెలిపారు. జిల్లాలో 6,585 ఎకరాల్లో ఆయిల్‌ పామ్‌సాగు మంచి దిగుబడులతో రైతులకు ఆదాయం

మహబూబాబాద్‌ అర్బన్‌: జిల్లా విద్యాశాఖ కార్యాలయంలో ఔట్‌ సోర్సింగ్‌లో అటెండర్‌గా విధులు నిర్వహిస్తున్న మహిళను మానసికంగా వేధింపులకు గురిచేసిన డీఈఓ రామారావుపై ఎస్సీ, ఎస్టీ అట్రాసిటి కేసు నమోదు చేయాలని ఎల్‌హెచ్‌పీఎస్‌ జిల్లా అధ్యక్షుడు బోడ రమేష్‌నాయక్‌ అన్నారు. హైదరాబాద్‌లో ఎస్సీ, ఎస్టీ కమిషనర్‌ కార్యాలయంలో గురువారం జాతీయ ఎస్టీ కమిషన్‌ సభ్యుడు జాటోత్‌ హుస్సేన్‌నాయక్‌కు ఎల్‌హెచ్‌పీఎస్‌ నాయకులు వినతిపత్రం అందజేశారు. ఈ సందర్భంగా రమేష్‌ నాయక్‌ మాట్లాడుతూ.. గిరిజన ఔట్‌ సోర్సింగ్‌ ఉద్యోగి పార్వతిని అకారణంగా విధుల నుంచి తొలగించి, తోటి ఉద్యోగస్తులు ఆమెతో మాట్లాడొద్దని హుకుం జారీ చేయండం ఏమిటని ప్రశ్నించారు. డీఈఓను వెంటనే సస్పెండ్‌ చేసి పార్వతి ఉద్యోగం రెన్యూవల్‌ చేయాలన్నారు. అలాగే గూడూరు ఉద్యోగి నీలను యథావిధిగా ఉద్యోగంలోకి తీసుకోవాలన్నారు. హుస్సేన్‌నాయక్‌ స్పందించి పార్వతికి న్యాయం జరిగేలా కృషి చేస్తామని హామీ ఇచ్చారన్నారు. కార్యక్రమంలో సేవాలాల్‌ సేన రాష్ట్ర, జిల్లా నాయకురాలు పద్మాబాయి, లక్ష్మి, దేవి, బాధితులు పార్వతి, నీల తదితరులు పాల్గొన్నారు.

మహబూబాబాద్‌ అర్బన్‌: పాలిటెక్నిక్‌ కళాశాలల్లో ప్రవేశాలకు శుక్రవారం పాలిసెట్‌–2024 పరీక్ష నిర్వహించనున్నట్లు వరంగల్‌ మహిళా పాలిటెక్నిక్‌ కళాశాల ప్రిన్సిపాల్‌ డి.శోభారాణి గురువారం తెలిపారు. ఉదయం 11నుంచి మధ్యాహ్నం 1:30గంటల వరకు ప్రవేశ పరీక్ష జరుగుతుందన్నారు. నిమిషం ఆలస్యమైనా సెంటర్‌లోకి అనుమతి ఉండదని, పరీక్షకు గంట ముందే హాజరుకావాలన్నారు. మానుకోట పట్టణంలోని ప్రభుత్వ డిగ్రీ కళాశాల, తక్షశిల హైస్కూల్‌, ప్రభుత్వ బాలికల పాఠశాల, ప్రభుత్వ బాలిక జూనియర్‌ కళాశాల, శ్రీచైతన్య టెక్నోస్కూల్‌, ప్రభుత్వ బాలుర పాఠశాలలోని పరీక్ష కేంద్రాల్లో 1,605 మంది విద్యార్థులు పరీక్ష రాస్తారన్నారు. విద్యార్థులు పరీక్ష కేంద్రంలోకి ఎలక్ట్రానిక్‌ వస్తువులు తీసుకురావొద్దని సూచించారు. ఎన్‌హెచ్‌ఎం ఉద్యోగులకు వేతనాలు చెల్లించాలినెహ్రూసెంటర్‌: ఎన్‌హెచ్‌ఎం ఉద్యోగులకు వెంటనే వేతనాలు చెల్లించాలని ఎన్‌హెచ్‌ఎం ఉద్యోగుల జేఏసీ రాష్ట్ర అధ్యక్షుడు కుమార్‌, ప్రధాన కార్యదర్శి రుక్ముద్దీన్‌ అన్నారు. డీఎంహెచ్‌ఓ కళావతిబాయికి గురువారం సమ్మె నోటీసు అందజేశారు. ఈ సందర్భంగా వారు మాట్లాడుతూ.. వేతనాలు రాకపోవడంతో ఉద్యోగులు ఇబ్బందులు పడుతున్నారన్నారు. ఈమేరకు శుక్రవారం హైదరాబాద్‌లో ఏఐటీయూసీ ఆధ్వర్యంలో జరగనున్న సమ్మెకు మద్దతు ఇస్తూ నోటీసు అందజేశామని తెలిపారు. కార్యక్రమంలో ఎన్‌హెచ్‌ఎం జేఏసీ కార్యవర్గ సభ్యులు సంజీవ్‌నాయక్‌, ఎల్‌.కరుణాకర్‌, రఘునాఽథ్‌ పాల్గొన్నారు. నేటి నుంచి ఇంటర్‌ సప్లిమెంటరీ పరీక్షలుమహబూబాబాద్‌ అర్బన్‌: జిల్లాలో నేటి నుంచి ఇంటర్‌ సప్లిమెంటరీ పరీక్షలు ప్రారంభమవుతాయని డీఐఈఓ సమ్మెట సత్యనారాయణ గురువారం తెలిపారు. ఉదయం 9గంటలకు మొదటి సంవత్సరం విద్యార్థులకు, మధ్యాహ్నం 2:30గంటలకు ద్వితీయ సంవత్సరం విద్యార్థులు పరీక్షలు జరుగుతాయన్నారు. జిల్లాలోని మొత్తం 16కేంద్రాల్లో పరీక్షలు జరుగుతాయని, కేంద్రానికి 30నిమిషాల ముందే హాజరుకావాలని సూచించారు. మొదటి సంవత్సరం జనరల్‌ విద్యార్థులు 2,043, ఒకేషనల్‌ విద్యార్థులు 531మంది హాజరవుతారన్నారు. అలాగే ద్వితీయ సంవత్సరం జనరల్‌ విద్యార్థులు 1038, ఒకేషనల్‌ విద్యార్థులు 898మంది పరీక్షలు రాస్తారని చెప్పారు. జ్వరాల బారిన పడకుండా జాగ్రత్తలు పాటించాలినెహ్రూసెంటర్‌: ప్రజలు విష జ్వరాల బారిన పడకుండా తగు జాగ్రత్తలు పాటించాలని ప్రోగ్రాం ఆఫీసర్‌ సుధీర్‌రెడ్డి, పీహెచ్‌సీ వైద్యాధికారి విజయ్‌కుమార్‌ సూచించారు. గురువారం జిల్లా కేంద్రంలోని ఇంద్రానగర్‌ సబ్‌సెంటర్‌, వడ్డెర కాలనీలో ప్రజలకు రక్తపరీక్షలు నిర్వహించారు. ఈ సందర్భంగా వారు మాట్లాడుతూ.. ఇటీవల కాలంలో మలేరియా కేసులు నమోదు కావడంతో ఆ ఏరియాలోని 98మందికి రక్త పరీక్షలు నిర్వహించామని తెలిపారు. రక్త పరీక్షల్లో పాజిటివ్‌ వచ్చిన వ్యక్తులు వెంటనే వైద్య చికిత్స చేయించుకోవాలన్నారు. కార్యక్రమంలో పీడీఎంఓ డాక్టర్‌ నర్మద, హెచ్‌ఈఓ పురుషోత్తం, ఆరోగ్య విస్తరణ అధికారి ఒబిలిశెట్టి రామకృష్ణ, హెల్త్‌ అసిస్టెంట్‌ రాజేందర్‌, లింగారెడ్డి, రవి, దీన దయావతి, ఆశ్విని, కళావతి, శారద, మమత, మాధవి, మహేశ్వరి, రాధాబాయి, విజయ పాల్గొన్నారు. కాళేశ్వరంలో గోదావరి హారతి కాళేశ్వరం: కాళేశ్వరంలో గురువారం గోదావరి హారతి కార్యక్రమం నిర్వహించారు. పౌర్ణమి సందర్భంగా కాళేశ్వర ముక్తేశ్వరస్వామి దేవస్థానం నుంచి మంగళ వాయిద్యాలు, వేదమంత్రాలతో గోదావరి నది వద్దకు కాలినడకన వెళ్లారు. ప్రధాన అర్చకులు త్రిపురారి కృష్ణమూర్తిశర్మ ఆధ్వర్యంలో వేదపండితులు, అర్చక స్వాములు ప్రత్యేక పూజాకార్యక్రమాలతో గోదావరి నదీ హారతి కార్యక్రమం ఘనంగా నిర్వహించారు. కోలాట ప్రదర్శనలు ఆకట్టుకున్నాయి. ఆలయ సూపరింటెండెంట్‌ బుర్రి శ్రీని వాస్‌, సిబ్బంది, గ్రామస్తులు, భక్తులు, సేవాసమితి, సభ్యులు, మహిళలు పాల్గొన్నారు.

మహబూబాబాద్‌: అమ్మ ఆదర్శ పాఠశాలల పెండింగ్‌ పనులు త్వరగా పూర్తి చేయాలని కలెక్టర్‌ అద్వైత్‌కుమార్‌ సింగ్‌ అధికారులను ఆదేశించారు. కలెక్టర్‌ కార్యాలయంలోని సమావేశ మందిరంలో గురువారం అమ్మ ఆదర్శ పాఠశాలల పనులపై అధికారులతో కలెక్టర్‌ సమీక్ష సమావేశం నిర్వహించారు. ఈసందర్భంగా ఆయన మాట్లాడుతూ.. జిల్లాలో అమ్మ ఆదర్శ పాఠశాలల్లో మౌలిక వసతులు కల్పించాలన్నారు. పాఠశాలల పునఃప్రారంభం నాటికి పూర్తవ్వాలన్నారు. ఎంపీడీఓలు, డీఈలు, ఏఈలు దగ్గరుండి పనులు పూర్తి చేయించాలని ఆదేశించారు. జిల్లాలో 438 పాఠశాలలు ఎంపిక కాగా, 432 గ్రౌండింగ్‌ అయ్యాయని, మిగతావి రెండు రోజుల్లో పూర్తి చేయాలన్నారు. పాఠశాలల రూపురేఖలు మార్చేవిధంగా హెచ్‌ఎంలు బాధ్యతలు తీసుకోవాలని ఆదేశించారు. సమీక్ష సమావేశంలో అదనపు కలెక్టర్‌ లెనిన్‌ వత్సల్‌ టొప్పో, జెడ్పీ డిప్యూటీ సీఈఓ నర్మద, డీఈఓ రామారావు, సంబంధిత అధికారులు పాల్గొన్నారు. పరీక్షలకు ఏర్పాట్లు చేయాలి.. జూన్‌ 3నుంచి 13వ తేదీ వరకు జరగనున్న పదో తరగతి సప్లిమెంటరీ పరీక్షలకు తగిన ఏర్పాట్లు చేయాలని కలెక్టర్‌ అద్వైత్‌కుమార్‌ సింగ్‌ అధికారులను ఆదేశించారు. గురువారం కలెక్టరేట్‌లో అదనపు కలెక్టర్‌ డేవిడ్‌తో కలిసి పదో తరగతి సప్లిమెంటరీ, ఓపెన్‌ స్కూల్‌ టెన్త్‌ పరీక్షల నిర్వహణపై సంబంధిత అధికారులతో కలెక్టర్‌ సమన్వయ సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ.. పదో తరగతి సప్లిమెంటరీ పరీక్షలకు జిల్లాలోని రెండు పరీక్ష కేంద్రాల్లో ఉదయం 9.30నుంచి 12.30గంటల వరకు జరిగే పరీక్షలకు 591మంది విద్యార్థులు హాజరుకానున్నట్లు తెలిపా రు. సెంటర్ల చీఫ్‌ సూపరింటెండెంట్లను నియమించాలన్నారు. విద్యార్థులకు ఎలాంటి ఇబ్బందులు లేకుండా అన్ని ఏర్పాట్లు చేయాలని ఆదేశించారు. కేంద్రాల వద్ద 144 సెక్షన్‌ అమలు చేయాలన్నారు. ఓపెన్‌ స్కూల్‌ పదో తరగతి పరీక్షలు సజావుగా జరిగేలా ఆయా శాఖల అధికారులు తగు చర్యలు తీసుకోవాలన్నారు. సమీక్ష సమావేశంలో అదనపు ఎస్పీ చెన్నయ్య, డీఈఓ రామారావు పాల్గొన్నారు. కలెక్టర్‌ అద్వైత్‌కుమార్‌ సింగ్‌

కాళేశ్వరం: మహదేవపూర్‌ మండలం కాళేశ్వరం ప్రాజెక్టు పరిధి లక్ష్మీపంపుహౌస్‌ను కేంద్ర సర్వీస్‌ ట్రైనీ అసిస్టెంట్‌ సెక్షన్‌ ఆఫీసర్స్‌ (ఏఎస్‌ఓ) బృందం సందర్శించింది. గురువారం కాళేశ్వరం పరిధిలోని రెవెన్యూ, వ్యవసాయ, ఉద్యానవనశాఖలపై క్షేత్రస్థాయిలో పర్యటించి వివరాలు అడిగి తెలుసుకున్నారు. అంతకుముందు కాళేశ్వరం ప్రాజెక్టులోని డెలివరీ చానల్‌ వద్ద ప్రాజెక్టు వివరాలు తెలుసుకున్నారు. మోటార్ల పనితీరు, టీఎంసీల తరలింపు, నీటి వినియోగం, విద్యుత్‌ వినియోగంపై ఇంజనీర్ల ద్వారా తెలుసుకున్నారు. వారివెంట కార్యదర్శి సత్యనారాయణ ఉన్నారు.