దొడ్డబళ్లాపురం: హత్యకేసులో నిందితుడైన రౌడీ షీటర్ పోలసుల కాల్పుల్లో మృతి చెందాడు. ఈఘటన  దొడ్డ రూరల్‌ పోలీస్‌స్టేషన్‌ పరిధిలో చోటుచేసుకుంది. నిందితుడు రౌడీషీటర్‌ నరసింహమూర్తి ఈనెల 10వ తేదీన హేమంత్‌ గౌడ అనే యువకుడిని చర్చలకు పిలిచాడు. అనంతరం అనుచరులతో కలిసి మారణాయుధాలతో దాడిచేసి దారుణంగా హత్య చేశారు. ఆ రోజు రాత్రి నుంచి నిందితుడు పరారీలో ఉన్నాడు. పోలీసులు అతని కోసం విస్తృతంగా గాలింపు చేపట్టారు. ఈక్రమంలో బుధవారం మధ్యాహ్నం దొడ్డ పట్టణ శివారులో ఒక చోట నిందితుడు నరసింహమూర్తి దాక్కున్నట్లు పోలీసులకు పక్కా సమాచారం అందింది.   పోలీసులు ఘటన స్థలానికి వెళ్లి లొంగిపోవాలని హెచ్చరికలు జారీ చేశారు. అయితే నిందితుడు పోలీసులపై దాడికి యతి్నంచాడు. దీంతో పోలీసులు కాల్పులు జరిపారు. ఒక బుల్లెట్‌ నరసింహమమూర్తికి తగలడంతో మృతి చెందాడు. కేసు దర్యాపులో ఉంది.  

శివాజీనగర: జేఎస్‌ రెడ్డిగా అందరికీ సుపరిచితులైన జక్కా శ్రీనివాసులురెడ్డి గొప్ప సేవా తత్పరుడని ప్రముఖులు అన్నారు. ఈ నెల 1వ తేదీన బెంగళూరులో తుదిశ్వాస విడిచిన జేఎస్‌ రెడ్డి దశదిన కర్మ కార్యక్రమాన్ని బుధవారం బెంగళూరులోని ఇందిరా నగర్‌ క్లబ్‌లో నిర్వహించారు. మాజీ ఉప రాష్ట్రపతి ఎం.వెంకయ్యనాయుడుతో పాటు నెల్లూరు పార్లమెంట్‌ సభ్యులు ఆదాల ప్ర«భాకర్‌రెడ్డి, నెల్లూరు మాజీ ఎమ్మెల్యే జే.కే.రెడ్డి, బెంగళూరు తెలుగు విజ్ఞాన సమితి అధ్యక్షుడు డాక్టర్‌ ఏ.రాధాకృష్ణరాజు, వైఎస్సార్‌సీపీ నాయకుడు భక్తవత్సలరెడ్డి, భాస్కర్‌రెడ్డి, వెంకట్, నెల్లూరు జిల్లాకు చెందిన పలువురు రాజకీయ నాయకులు, బెంగళూరుకు చెందిన వివిధ రంగాల ప్రముఖులు పాల్గొని జేఎస్‌ రెడ్డి చిత్రపటానికి నివాళులు అర్పించారు. సమాజానికి ఆయన అందించిన సేవలను గుర్తు చేసుకున్నారు.  సినీ నిర్మాత, దర్శకుడు కేతిరెడ్డి జగదీశ్వరరెడ్డి మాట్లాడుతూ జేఎస్‌ రెడ్డి తన పుట్టినగడ్డకు విశేష సేవలు అందించారన్నారు. జేఎస్‌ రెడ్డి ఉత్తమ వ్యక్తిత్వం కలిగి స్వశక్తితో ఎదిగారన్నారు. కాంట్రాక్టర్‌గా ఆయన ప్రతిభ అపారమన్నారు. గుజరాత్‌లో నర్మదా నది కాలువల నిర్మాణంలో ఆయన ప్రతిభను ఆ రాష్ట్ర ముఖ్యమంత్రి మెచ్చుకొని జేఎస్‌ రెడ్డిని ప్రభుత్వం తరఫున సన్మానించారన్నారు. కాంట్రాక్టర్లకు అలాంటి గౌరవం దక్కడం అరుదైన విషయమన్నారు. కర్ణాటక రీజియన్‌లో  అత్యధిక ఆదాయపు పన్ను చెల్లించిన వ్యాపారవేత్తగా ఆయనకు బిరుదు లభించిందన్నారు. రెడ్‌క్రాస్‌ ఆస్పత్రి భవన నిర్మాణానికి సొంత డబ్బు వెచ్చించడమే కాకుండా ఆస్పత్రి నిర్వహణను చూశారన్నారు. క్యాన్సర్‌ ఆస్పత్రిలో తన సొంత డబ్బుతో వేలాది మంది పేద రోగులకు వైద్యం అందించేందుకు కృషి చేశారని గుర్తు చేశారు.   కోట్ల రూపాయలతో చిల్డ్రన్స్‌ పార్కు నిర్మించారన్నారు.  రైతుల సంక్షేమానికి  దాదాపు రూ.15 కోట్లు వ్యయం చేశారన్నారు. ఎన్నో అభివృద్ధి పనులకు సహకరించారన్నారు. దాన ధర్మాలు సమాజ బాధ్యతగా భావించారన్నారు. ఆయన మృతి నెల్లూరు జిల్లాకు తీరని లోటని స్మరించుకున్నారు. జేఎస్‌ రెడ్డి మృతి సమాజానికి తీరని లోటు:     ఎం.వెంకయ్య నాయుడు జేఎస్‌ రెడ్డి తనకు మంచి మిత్రుడని, గొప్ప సేవాతత్పరుడని, ఆయన మృతి వారి కుటుంబానికి, సమాజానికి పెద్ద లోటని మాజీ ఉప రాష్ట్రపతి ఎం.వెంకయ్యనాయుడు అన్నారు. జేఎస్‌ రెడ్డి చిత్రపటానికి పూలమాల వేసి  నివాళులరి ్పంచి మాట్లాడారు. జేఎస్‌ రెడ్డి భౌతికంగా లేకపోయినా అందరి హృదయాల్లో శాశ్వత  స్థానం సంపాదించుకున్నారన్నారు. పెద్దల మాటలను గౌరవిస్తూ అనేక సేవా కార్యక్రమాలు చేపట్టారన్నారు. జేఎస్‌ రెడ్డి ఆత్మకు శాంతి కలగాలని ప్రారి్థస్తూ, వారి కుటుంబ సభ్యులకు ప్రగాఢ సానుభూతి తెలియజేస్తున్నానన్నారు.  కార్యక్రమంలో జేఎస్‌ రెడ్డి కుమారుడు భక్తవత్సలరెడ్డి, కుమార్తె ఇందిర తదితరులు పాల్గొన్నారు.     

దొడ్డబళ్లాపురం: 40 మంది ప్రయాణికులతో వెళ్తున్న కేఎస్‌ఆర్టీసీ ఐరావత బస్సు చిక్కమగళూరు వద్ద నడిరోడ్డుపై కాలిబూడిదైన సంఘటన మంగళవారం తెల్లవారుజామున చోటుచేసుకుంది. డ్రైవర్‌, క్లీనర్లతో కలిపి మొత్తం 40 మందితో శివమొగ్గ నుండి మైసూరుకు వెళ్తున్న ఏసీ ఐరావత స్లీపర్‌ కోచ్‌ బస్సు చిక్కమగళూరు జిల్లా తరీకెరె తాలూకా నేరలకెరె క్రాస్‌ వద్దకు రాగానే బస్సులోంచి హఠాత్తుగా మంటలు చెలరేగాయి. తక్షణం డ్రైవర్‌, క్లీనర్‌లు ప్రయాణికులను కిందకు దించేసారు. సమాచారం అందుకున్న ఫైర్‌ సిబ్బంది వచ్చి మంటలు ఆర్పేలోపు బస్సు 90 శాతం కాలిపోయింది. కారణాలపై విచారణ జరుగుతోంది. త్రుటిలో ప్రాణాలతో బయటపడిన ప్రయాణికులు

● లోకోపైలట్‌కు గాయాలు మండ్య: బెంగళూరు నగరం నుంచి మైసూరుకు వెళ్తున్న రైలు ఇంజిన్‌ ముందుభాగంపై గాలీవానకు చెట్టు కొమ్మ విరిగి పడింది. దీంతో అద్దాలు పగిలిపోయి రైలు డ్రైవర్‌కు గాయాలయ్యాయి. మండ్య నగరంలోని రైల్వే స్టేషన్‌లో సోమవారం సాయంత్రం ఈ సంఘటన జరిగింది. సాయంత్రం 6:20 గంటలకు రైలు మండ్య స్టేషన్‌కు చేరుకున్న సమయంలో భారీ ఈదురు గాలులతో పాటు వర్షం కురిసింది. ఈ సమయంలో చెట్టు కొమ్మ పడిపోవడంతో లోకోపైలట్‌ ప్రసాద్‌ (39)కు గాయాలు తగిలాయి. ఆయనను మండ్య జిల్లా ఆస్పత్రికి తరలించారు. చికిత్స వేసి విశ్రాంతి తీసుకోవాలని వైద్యులు తెలిపారు. రైల్వే అధికారులు మరో లోకో పైలట్‌ను రప్పించి రైలును మైసూరుకు పంపించారు. దీని వల్ల మూడు గంటల పాటు ఆలస్యమైంది. ఆ రైలులోని అనేక మంది ప్రయాణికులు ఇతర రైళ్లలో వెళ్లిపోయారు. జైలు నుంచి రేవణ్ణ విడుదల బనశంకరి: మాజీ మంత్రి హెచ్‌డీ రేవణ్ణ బెయిల్‌ పై మంగళవారం పరప్పన అగ్రహార జైలు నుంచి విడుదలయ్యారు. మహిళపై వేధింపులు, కిడ్నాప్‌ కేసులో 11 రోజుల పాటు జైలు జీవితం గడిపిన రేవణ్ణ విడుదల కాగానే తండ్రి దేవెగౌడ కుటుంబంలో సంతోషం నెలకొంది. రేవణ్ణ పద్మనాభనగరలోని తండ్రి నివాసానికి చేరుకున్నారు. అక్కడ తల్లిదండ్రులతో మాట్లాడారు. ఇంటి బయట ఉన్న జేడీఎస్‌ కార్యకర్తలను చూసి కన్నీరుపెట్టారు. మీరు ఏడవకండి అని కార్యకర్తలు ఆయనను సముదాయిస్తూ, డిప్యూటీ సీఎం డీకే.శివకుమార్‌కు వ్యతిరేకంగా నినాదాలు చేశారు. తరువాత అక్కడి నుంచి జేపీ నగరలోని తిరుమలగిరి లక్ష్మీవెంకటేశ్వరస్వామి ఆలయానికి వెళ్లి పూజలు చేశారు. తరువాత మైసూరు, శృంగేరి తీర్థయాత్రలకు వెళ్లారు. వర్షానికి అరటితోట ధ్వంసం తుమకూరు: సోమవారం రాత్రి భారీ ఈదురుగాలులతో కూడిన వర్షానికి హులియూరు వద్దనున్న యళనాడు గ్రామంలో ఓ తోటలో 400కు పైగా అరటి చెట్లు నేలకూలాయి. వైఎస్‌ నాగరాజు అనె రైతు 1.3 ఎకరాలలో అరటి తోట వేశాడు. ఈదురుగాలులకు చెట్లు మొత్తం విరిగిపడ్డాయి. గాలీవానకు తిపటూరులో ప్రభుత్వ కాలేజీలో పెద్ద వృక్షం కాంపౌండ్‌ మీద కూలింది. బ్యాటరీ బస్సు డ్రైవర్ల ధర్నా శివాజీనగర: వేతనాలు చెల్లించలేదంటూ బీఎంటీసీ ఎలెక్ట్రిక్‌ బస్సు డ్రైవర్లు హఠాత్తుగా ధర్నాకు దిగారు. శాంతినగర డిపో–3 ముందు బస్సులను బయటికి తీయకుండా ధర్నా చేపట్టారు. సక్రమంగా జీతాలు ఇవ్వడం లేదని ధర్నా నిర్వహించిన ఉద్యోగులు మంగళవారం ఉదయం నుండి వాహనాలను బయటికి తీయలేదు. చివరకు బీఎంటీసీ అధికారులతో చర్చలు విజయవంతం కావడంతో బస్సులు బయటకు కదిలాయి. త్వరలోనే జీతాలను అందిస్తామని హామీ ఇచ్చారు. అప్పుల బాధతో మహిళ ఆత్మహత్య శివమొగ్గ: అప్పు చెల్లించాలని రుణదాతలు ఇంటికి వచ్చి గొడవ చేయడంతో ఆవేదన చెందిన మహిళ ఆత్మహత్య చేసుకుంది. ఈ సంఘటన శివమొగ్గ తాలూకాలోని గొంది బట్నహళ్ళి గ్రామంలో జరిగింది. మృతురాలు శోభ (39). వివరాలు.. శోభ, రంగనాథ్‌ దంపతులు కొత్త ఇల్లు కట్టుకున్నారు. ఇందుకోసం బ్యాంకులోను, అధిక వడ్డీలకు మరికొందరి వద్ద అప్పులు చేశారు. రంగనాథ్‌కు పానీ పూరి షాపు సరిగా సాగక ఆర్థిక ఇబ్బందులు వచ్చాయి. దీంతో అసలు, వడ్డీ కట్టలేకపోయారు. కొన్నిరోజులుగా అప్పులవారు వచ్చి భర్తను, శోభను దూషించడంతో విరక్తి చెందిన ఆమె ఇంట్లో ఉరి వేసుకొని ఆత్మహత్య చేసుకొంది. శివమొగ్గ గ్రామీణ పోలీసులు పరిశీలించి కేసు నమోదు చేశారు.

కోలారు: కాశీ, అయోధ్య యాత్ర పేరుతో మహిళల నుంచి డబ్బులు వసూలు చేసి వంచన చేసిన ఘటన కోలారు తాలూకాలోని వడగూరు వెలుగు జూసింది. డబ్బులు పోగొట్టుకున్న మహిళలు శాపనార్థాలు పెడుతున్నారు. అబ్బణి శంకరప్ప అనే ఏజెంటు ఉత్తర భారత యాత్ర అని చెప్పి 28 మంది మహిళల వద్ద నుంచి తలా రూ.3,500 వసూలు చేశాడు. యాత్రకయ్యే మిగిలిన ఖర్చును కేంద్ర ప్రభుత్వమే భరిస్తుందని నమ్మించాడు. వడగూరుకి చెందిన వెంకటమ్మ అనే మహిళను ముఖ్యస్థురాలిగా చేసుకుని వడగూరు, మాలూరు, హొసకోట, కోలారు తదితర ప్రాంతాల నుంచి 28 మంది మహిళల నుంచి డబ్బులు సేకరించాడు. ఆరు నెలలు గడిచినా యాత్రకు తీసుకు వెళ్లకపోవడంతో మహిళలు శంకరప్పను ప్రశ్నించారు. దీంతో సోమవారం రాత్రికి బంగారుపేట రైల్వే స్టేషన్‌కు రావాలని, అక్కడి నుంచి రైలులో తీసుకు వెళతానని తెలిపాడు. దీంతో మహిళలు లగేజీతో సహా చేరుకున్నారు. శంకరప్పకు కాల్‌ చేస్తే స్విచాఫ్‌ అని వచ్చింది. మహిళలు తాము మోసపోయామని తెలుసుకున్నారు. స్థానికులు ఏమైందని ఆరా తీయగా బాధితులు గొల్లుమన్నారు. డబ్బయినా తిరిగి ఇవ్వాలని కోరారు. వృద్ధ మహిళలకు ఏజెంటు మోసం