చిగురుమామిడి: చిగురుమామిడి డీసీఎంఎస్‌ ఎరువుల దుకాణంలో ఆదివారం రైతులకు జీలుగ విత్తనాలు పంపిణీ చేశారు. చాలామంది రైతులు విత్తనాలకోసం ఉదయమే వచ్చి క్యూ లైన్‌లో నిల్చున్నారు. విత్తనాలు దొరకపోవడంతో వెనుదిరిగారు. గత రెండు విడతలుగా 80 క్వింటాళ్ల జీలుగ విత్తనాలు వచ్చాయి. వాటిని వ్యవసాయశాఖ అధికారులు 260మంది రైతులకు పంపిణీ చేశారు. ఒక్కొక్కరికి ఒక బ్యాగు చొప్పున అందించారు. సబ్సిడీ పోను బ్యాగు ధర రూ.1116 ఉండగా.. చాలా మంది రైతులు తమకు విత్తనాలు అందలేదని వాపోయారు. 100 క్వింటాళ్ల విత్తనాలు తెప్పిస్తే సరిపోతుందని తెలిపారు. మన సంస్కృతిని రక్షించుకోవాలి విద్యానగర్‌: మన సంస్కృతి, సంప్రదాయాలను రక్షించుకోవాలని కాకతీయ యూనివర్సిటీ ప్రొఫెసర్‌ మారోజు స్వర్ణలత అన్నారు. ఆదివారం కరీంనగర్‌లోని ఓ ఫంక్షన్‌హాల్లో జిల్లా విశ్వబ్రాహ్మణ అఫీషియల్స్‌, ప్రొఫెషనల్స్‌ అసోసియేషన్‌ ఆధ్వర్యంలో విశ్వబ్రాహ్మణ వధూవరుల పరిచయ వేదిక నిర్వహించారు. కార్యక్రమానికి ఆమె ముఖ్య అతిథిగా హాజరై, మాట్లాడారు. మన దేశ సనాతన ధర్మం గొప్పదన్నారు. శాస్త్ర, సాంకేతికతలను అందిపుచ్చుకుంటూనే మన సంస్కృతిని రక్షించుకోవాలని సూచించారు. ఈ కార్యక్రమంలో సంఘం జిల్లా గౌరవ అధ్యక్షుడు వేములవాడ ద్రోణాచారి, అధ్యక్షుడు కట్ట విష్ణువర్దన్‌, ప్రధాన కార్యదర్శి గజ్జెల హరిహరాచారి, ఉపాధ్యక్షుడు గద్దె సత్యనారాయణ, కోశాధికారి యాస్వాడ అంజయ్య, సంయుక్త కార్యదర్శి బండ్ల శివప్రసాద్‌ తదితరులు పాల్గొన్నారు. జాతీయ పోటీల్లో జిల్లా క్రీడాకారులకు పతకాలుకరీంనగర్‌స్పోర్ట్స్‌: గోవాలో ఈనెల 25, 26 తేదీల్లో జరిగిన జాతీయస్థాయి కరాటే పోటీల్లో పాల్గొన్న జిల్లాకు చెందిన దమ్మికా కాయ్‌ షిటోరియో కరాటే అకాడమీకి చెందిన క్రీడాకారులు ఉత్తమ ప్రతిభ కనబరిచి బంగారు, రజత, కాంస్య పతకాలు సాధించినట్లు అకాడమీ చీఫ్‌ ఆర్‌.ప్రసన్న కృష్ణ తెలిపారు. అండర్‌ 14 కేటగిరీలో కుముటీ, కటాస్‌ విభాగంలో పాల్గొన్న మధు, ఆదిత్యసాయి(బంగారు), శ్రితిక్‌ చందన్‌, శ్రీచరణ్‌, మణితేజ(రజత) పతకాలు సాధించినట్లు పేర్కొన్నారు. పతకాలు సాధించిన చిన్నారులను సంఘం ప్రధాన కార్యదర్శి బండారి సంతోశ్‌, కోచ్‌ వినోద్‌ అభినందించారు. బధిరుల ఆశ్రమ పాఠశాలలో ప్రవేశాలకు ఆహ్వానం కరీంనగర్‌: కరీంనగర్‌ ప్రభుత్వ బధిరుల(చెవిటి)ఆశ్రమ పాఠశాలలో 2024–25 విద్యా సంవత్సర ప్రవేశాలకు బాలబాలికల నుంచి దరఖాస్తులు ఆహ్వానిస్తున్నామని ప్రధానోపాధ్యాయురాలు నాగలక్ష్మి ఒక ప్రకటనలో తెలిపారు. 1 నుంచి 6వ తరగతి వరకు ఇంగ్లిష్‌ మీడియంలో, 1 నుంచి 10వ తరగతి వరకు తెలుగు మీడియంలో ప్రవేశాలు కల్పిస్తున్నామన్నారు. 6 నుంచి 14 ఏళ్లలోపు ఉన్న బాలబాలికలు దరఖాస్తు చేసుకోవడానికి అర్హులన్నారు. కరీంనగర్‌, ఆదిలాబాద్‌, నిజామాబాద్‌, వరంగల్‌ జిల్లాలోని బధిర బాలబాలికలకు ప్రాధాన్యం ఉంటుందన్నారు. ఉచిత విద్య, భోజన సదుపాయాలతో పాటు పాఠ్య, నోట్‌బుక్స్‌, ఏకరూప దుస్తులు అందిస్తామన్నారు. ఆసక్తి కలిగిన వా రు సదరం ధ్రువీకరణపత్రం, ఆధార్‌కార్డు, టీ సీ, రెండు ఫొటోలతో కరీంనగర్‌లోని మ ల్కాపూర్‌ రహదారి శాతవాహన విశ్వవిద్యాలయం సమీపంలోని పాఠశాలలో దరఖాస్తు చేసుకోవాలన్నారు. వివరాలకు 90002 21301, 9000013639, 9666868755, 9491476253 నంబర్లను సంప్రదించవచ్చునని పేర్కొన్నారు.

● ప్యాకెట్‌పై రెండింతలు వసూలు ● విత్తనాల కృత్రిమ కొరత పేరిట దండుకుంటున్న వైనం ● పట్టించుకోని వ్యవసాయశాఖ ● టాస్క్‌ఫోర్స్‌ ఉన్నట్టా.. లేనట్టా? ● దిక్కుతోచని స్థితిలో జిల్లా రైతాంగం కరీంనగర్‌ అర్బన్‌: పత్తి విత్తనాల కొరత పేరిట వ్యాపారులు రైతులను దోచుకుంటున్నారు. నియంత్రించాల్సిన వ్యవసాయశాఖ అధికారులు పట్టించుకోక పోవడం విమర్శలకు తావిస్తోంది. క్షేత్రస్థాయి అధికారుల నిర్లక్ష్యం.. ఉన్నతాధికారు ల పర్యవేక్షణ లోపం అన్నదాతలకు శాపంగా మారింది. సాక్షాత్తూ కరీంనగర్‌ జిల్లా కేంద్రంలోనే పత్తి విత్తనాలను అధిక ధరలకు విక్రయిస్తుండగా.. ఇక పల్లెల్లో పరిస్థితి ఏమిటో ఊహించుకోవచ్చు. వానాకాలం సీజన్‌ ముంచుకొస్తుంటే టాస్క్‌ఫోర్స్‌ ఉందా లేదా అన్నది అధికారులు ప్రకటించకపోవడం, ఫిర్యాదు నంబర్లు వెల్లడించకపోవడం వ్యాపారులకు వరమవుతోంది. రెండు, మూడింతల ధరలు పత్తి ప్యాకెట్‌ ధర రూ.862 కాగా, ఎక్కువ ధరకు విక్రయించవద్దని ఇటీవలే సీఎంతోపాటు వ్యవసాయ శాఖ మంత్రి స్పష్టం చేశారు. కానీ, జిల్లాలో మాత్రం విరుద్ధ పరిస్థితి ఉంది. అధికారులతో ఉన్న లోపాయికారి ఒప్పందంతో ఇప్పటికే క్వింటాళ్ల కొద్దీ ప్యాకెట్లను నిల్వ చేసిన ఓ మార్వా డి వ్యాపారి భారీగా ధరలను పెంచేసి, విక్రయిస్తుండగా మరి కొందరు ఇదే దారిని అనుసరిస్తుండటంతో అన్నదాతలు దిక్కుతోచని స్థితిలో ఉన్నారు. బ్రాండ్‌ పేరిట వ్యాపారులు కృత్రిమ కొరత సృష్టిస్తున్నారు. జిల్లాలో వరి తర్వాత అధిక విస్తీర్ణంలో సాగయ్యేది పత్తి. దీంతో రెండు నెలల ముందుగానే పత్తి విత్తనాలను గోడౌన్లలో నిల్వ చేసిన వ్యాపారులు తీరా కర్షకులు కొనుగోలు చేసే సమయంలో కొరత పదాన్ని ఉచ్చరిస్తూ కాసులు దండుకుంటున్నారు. ఒక్కో ప్యాకెట్‌కు రూ.1,400, బ్రాండ్‌ పేరిట రూ.2,500 అంటూ కొత్త రాగం పాడుతున్నారు. అదీ ముందస్తుగా అడ్వాన్స్‌ ఇస్తేనే ఇవ్వగలమని చెబుతుండటం విశేషం. రాశి, నూజివీడ్‌, నాత్‌సీడ్స్‌, సాకేత్‌, యూఎస్‌ కంపనీల విత్తనాలకు మార్కెట్లో కొరత సృష్టించి, వీలైనంత దండుకుంటున్నారు. ఇక, సాకేత్‌ విత్తన ప్యాకెట్‌ను రూ.2,500 విక్రయిస్తున్నారు. ఇదెక్కడి అన్యాయమంటే.. ఎవరికీ చెప్పమంటేనే బ్లాక్‌ మార్కెట్‌ నుంచి తెప్పిస్తామని చెబుతున్నారు. డిస్ట్రిబ్యూటర్లకు ప్యాకెట్‌ రూ.700కు లభిస్తుండగా, ప్రభుత్వం నిర్ణయించిన ఎమ్మార్పీ రూ.862. అయినా, అధిక ధరలతో రైతులను పీల్చిపిప్పి చేస్తున్నారు. అధికారులు ఏం చేస్తున్నట్లు? వ్యవసాయశాఖ పక్కాగా వ్యవహరిస్తే ఒక్క ప్యా కెట్‌ కూడా బ్లాక్‌ మార్కెట్‌కు వెళ్లే పరిస్థితి లేదు. కానీ, కొందరు అధికారులతో మామూళ్ల బంధంతో వ్యాపారులకు అడ్డూఅదుపు లేకుండా పో తోంది. వానాకాలం సీజన్‌కు రెండు నెలల ముందే జిల్లా వ్యవసాయ అఽధికారి, ఏడీఏలు, ఏవో, ఏఈవోలు సీడ్‌ డిస్ట్రిబ్యూటర్లు, రిటేల్‌, హోల్‌సేల్‌ వ్యాపారుల గోడౌన్లను తనిఖీ చేసి, రిజిస్టర్లను పరిశీలించాలి. ఏయే విత్తనాలు విక్రయిస్తున్నారు.. ఏయే కంపనీ సీడ్‌ ఎంత ఉంది.. అనే వివరాలను వ్యాపారులు కచ్చితంగా రిజిస్టర్‌లో నమోదు చేయాలి. అధికారుల పర్యవేక్షణ కూడా అదేస్థాయిలో ఉండాలి. కానీ, అవేం జరగడం లేదన్నది రైతులు చెబుతున్న మాట. టాస్క్‌ఫోర్స్‌ కమిటీలేవి..? వాస్తవానికి కల్తీ విత్తన విక్రేతలు సీజన్‌కు రెండు నెలల ముందే వ్యాపారం విస్తరిస్తుంటారు. జిల్లాలో అనధికార గోడౌన్లలో కల్తీ దందా సాగుతుందన్న ఆరోపణలున్నాయి. జిల్లా వ్యవసాయ శాఖలోని ఓ అధికారి సంపూర్ణ సహకారంతోనే నిషేధిత మందులు, విత్తనాల అమ్మకాలు సాగుతున్నాయన్న వి మర్శలున్నాయి. గ్రామాల్లో, పట్టణాల్లో నమ్మకమైన వ్యక్తుల వద్ద విత్తనాలను నిల్వ చేసి, చాపకింద నీరులా రైతులకు చేరుస్తుంటారు. ఏప్రిల్‌, మే రెండో వారం కల్లా చేరాల్సిన చోటుకు చేరిపోతాయి. ఈ క్రమంలో ఏప్రిల్‌ నెల నుంచే వ్యవసాయ శాఖ క్షేత్రస్థాయిలో నిఘాను ఏర్పాటు చేస్తే అడ్డుకట్ట పడే అవకాశం ఉంటుంది. కానీ, నేటికీ టాస్క్‌ఫోర్స్‌ కమిటీలను ఏర్పాటు చేయకపోవడం విడ్డూరం.

● గతేడాది అమాంతం పెరిగిన డీసిల్టింగ్‌ అంచనాలు ● మున్సిపల్‌ సాధారణ నిధుల దుర్వినియోగం ● నాలాల నిర్వహణలో అమలుకాని సీడీఎంఏ నిబంధనలు ● కనుమరుగైన నాలా మ్యాన్‌ వాహనంసాక్షిప్రతినిధి,కరీంనగర్‌: కరీంనగర్‌ మున్సిపల్‌ కార్పొరేషన్‌ (ఎంసీకే) ఆధ్వర్యంలో నాలాల నిర్వహణ, డీసిల్టింగ్‌ ప్రక్రియ ఆ శించినంత మేరకు ఫలితాలు ఇవ్వడం లేదు. నాలా ల నిర్వహణలో కాసులవేట ఎక్కువగా.. వ్యర్థాలు తొలగించాల్సిన ఆలోచన తక్కువగా ఉన్నట్లు కనిపిస్తోంది. గతేడాది అమాంతం పెరిగిన డీసిల్టింగ్‌ ఖర్చే దీనికి నిదర్శనం. ఏటా కమిషనర్‌ అండ్‌ డైరెక్టర్‌ మున్సిపల్‌ అడ్మినిస్ట్రేషన్‌ (సీడీఎంఏ) వర్షాకాలం ముందు జాగ్రత్తలో భాగంగా మురుగు కాల్వల్లో చర్యలు చేపట్టాల్సిందిగా మున్సిపాలిటీలు, కార్పొరేషన్లకు ఆదేశాలు జారీ చేస్తుంది. ఇందులో భాగంగా రెండు మీటర్ల వెడల్పు ఉన్న ఓపెన్‌ నాలాల్లో స్లాబ్‌ లేకుండా ఓపెన్‌గా పెట్టాలి. ఈ నాలాలను డీసిల్టింగ్‌ చేయాలి. ఇందుకు నగరపాలక సంస్థ ఏటా నాలాల్లో సిల్ట్‌ (మురుగు ఇసుక వ్యర్థాలు) తొలగించేందుకు మున్సిపల్‌ సాధారణ ఫండ్స్‌తో టెండర్లు పిలుస్తుంది. శ్లాబులతో ఇబ్బందులు నాలాల నిర్వహణ విషయంలో సీడీఎంఏ పలు నిబంధనలు రూపొందించింది. వీటి ప్రకారం.. రెండు మీటర్ల వెడల్పు ఉన్న ఓపెన్‌ నాలాల్లో స్లాబ్‌ లేకుండా ఓపెన్‌గా పెట్టాలి. రెండు మీటర్ల కన్నా అధిక వెడల్పు ఉన్న నాలాలకు ప్రతీ 30 మీటర్లకు మ్యాన్‌హోల్స్‌ ఏర్పాటు చేయాలి. ఈ నిబంధనలు పాటిండచం వల్ల అటు పౌరులకు రక్షణతోపాటు, నాలాల నిర్వహణ సులభతరమవుతుంది. కానీ, కరీంనగర్‌లో నాలాల నిర్వహణ దీనికి వ్యతిరేకంగా ఉంది. రెండు మీటర్ల కన్నా తక్కువ వెడల్పు ఉన్న నాలాలు పలుచోట్ల మూసి ఉండటం, రెండు మీట ర్ల కన్నా అధిక వెడల్పు ఉన్న నాలాలకు రక్షణ కంచె, మ్యాన్‌ హోల్స్‌ లేకపోవడం గమనార్హం. చాలా చోట్ల 50 నుంచి 400 మీటర్ల వరకు శ్లాబులు వేయడంతో నాలాలు మూసుకుపోయాయి. ఉదాహరణకు.. శనివారం అంగడి నుంచి బొమ్మ వెంకన్న భవనం , అక్కడ నుంచి వరాహస్వామి ఆలయం వరకు ఉన్న వరద కాలువ మీద చాలా వరకు శ్లాబుతో కప్పి ఉంది. ఫలితంగా ఈ కాలువలో టన్నుల కొద్ది వ్యర్థాలు అలాగే మిగిలిపోతున్నాయి. 2023లో పెరిగిన అంచనా వ్యయం ఏటా వర్షాకాలానికి ముందు బల్దియా నాలాల్లో డీసిల్టింగ్‌ ప్రక్రియ చేపడుతుంది. ఈ వ్యయం ప్రతీ సంవత్సరం రూ.30 లక్షలకు అటూఇటుగా ఉంటుంది. గతేడాది ఇదేపనికి రూ.54.58 లక్షలు కేటాయించి, ఈ ఏడాది రూ.38.22 లక్షలతో అంచనాలు రూ పొందించారు. ఇది ఎలా సాధ్యమైందో అధికారులకే తెలియాలి. 2023లో బక్రీద్‌, రంజాన్‌ సందర్భంగా ఈద్గాల్లో ఏర్పాట్ల విషయంలోనూ చేసిన ఖర్చు ఏటా చేసే ఖర్చు సగటు కన్నా 50 శాతం పెరగడం విమర్శలకు దారి తీసిన విషయం తెలిసిందే. పలు ఫెయిర్స్‌ అండ్‌ ఫెస్టివల్స్‌ ప్రోగ్రాం కింద బల్ది యా 2023 సంవత్సరంలో చేసిన అన్ని ఎస్టిమేషన్లను పరిశీలిస్తే.. చాలా విషయాలు బయటపడతాయని పలువురు అభిప్రాయ పడుతున్నారు. డి–94 కాలువలోనూ పూడిక తీత.. కొత్తపల్లి మండలంలో మొదలై రేకుర్తి మీదుగా కరీంనగర్‌ రూరల్‌ మండలంలోని పలు గ్రామాలకు సాగునీరు అందించే ప్రధాన వనరు డీ–94 కాలు వ. రేకుర్తిలోని షేఖాబీ కాలనీ నుంచి జగిత్యాల రోడ్‌ నుంచి గౌడ్స్‌ కాలనీ వరకు కాలువను శుభ్రం చేయడానికి బల్దియా రూ.4.82 లక్షలతో అంచనాలకు మించి టెండర్లు పిలవడం విమర్శలకు దారి తీసింది. ఇరిగేషన్‌ ఆధ్వర్యంలో ఉన్న డీ–94 కెనాల్‌లో పలువురు స్థానికులు తమ నివాసాల నుంచి డ్రైనేజీ పైపులైన్లు వేసి, వ్యర్థాలను నేరుగా కాలువలోకి వదులుతున్నారు. దీనిపై పలువురు ఇరిగేషన్‌ అధికారులు తీవ్ర అభ్యంతరం వ్యక్తం చేస్తూ.. బల్దియా బాధ్యత వహించాలని ఖరాఖండిగా చెప్పడంతో కార్పొరేషన్‌ ఆధ్వర్యంలో ఈ సిల్టింగ్‌ పనులు చేపడుతున్నారు. దీనిపై ఎంసీకే ఈఈ రొడ్డ యాదగిరిని సంప్రదించగా.. పెరిగిన అంచనా వ్యయం వివరాలను పరిశీలిస్తామని వివరణ ఇచ్చారు. నాలా మ్యాన్‌ వాహనం ఎక్కడ? ప్రతీ వర్షాకాలంలో చేపట్టే డీసిల్టింగ్‌ ప్రక్రియ కోసం బల్దియా 2020లో దాదాపు రూ.19.75 లక్షలతో ‘నాలా మ్యాన్‌’ వాహనం కొనుగోలు చేసింది. ఆ ఏడాది నాలా డీసిల్టింగ్‌ పనుల్లో ఈ వాహనాన్ని వినియోగించారు. ఆ తరువాత ఈ వాహనం కనిపించలేదు.సంవత్సరం పనిపేరు పనులు టెండర్లు 2021 డీసిల్టింగ్‌ 8 రూ.30.53 లక్షలు 2022 డీసిల్టింగ్‌ 8 రూ.31.60 లక్షలు 2023 డీసిల్టింగ్‌ 15 రూ.54.58 లక్షలు 2024 డీసిల్టింగ్‌ 16 రూ.38.22 లక్షలు

వ్యాధులను వండి వడ్డిస్తున్నారు..● గడువు ముగిసిన మసాలాలు.. సాస్‌లు ● పురుగులు పట్టిన మాంసాహారం.. కుళ్లిన కోడిగుడ్లు ● అపరిశుభ్రంగా కిచెన్‌ పరిసరాలు.. ● పేరుకు పెద్ద హోటళ్లు.. రోగాలకు నిలయాలు ● ఫుడ్‌సేఫ్టీ అధికారుల తనిఖీలతో వెలుగులోకి..కరీంనగర్‌ అర్బన్‌: వీకెండ్‌.. బర్త్‌డేలు.. ఏదైనా పార్టీ సందర్భంలో హోటల్‌కు వెళ్తున్నారా..? నగరంలో పేరున్న రెస్టారెంట్లలో నచ్చిన ఐటమ్స్‌ కడుపునిండా తిందామనుకుంటున్నారా.? తస్మాత్‌ జాగ్రత్త..! కాలంచెల్లిన పదార్థాలతో కంటికి ఇంపుగా అనిపించే ఫుడ్‌ తయారు చేస్తుండగా.. ఏమాత్రం ఏమరుపాటుగా ఉన్నా మీ ఆరోగ్యం గల్లంతే. ఆదివారం ఫుడ్‌సేఫ్టీ అధికారుల టాస్క్‌ఫోర్స్‌ బృందం నగరంలోని పేరున్న మూడు హోటళ్లలో తనిఖీలు చేశారు. అపరిశుభ్రత, కాలంచెల్లిన మసాలాలు, సాస్‌లు వినియోగిస్తున్నారని తేలగా డీ ఫ్రిజ్‌, కోల్డ్‌ఫ్రిజ్‌లో వండిన పదార్థాలను నిల్వ చేసినట్లు గుర్తించి నోటీసులు జారీ చేస్తామని అసిస్టెంట్‌ ఫుడ్‌ కంట్రోలర్‌ అమృతశ్రీ వెల్లడించారు. పేరుకే ఫేమస్‌ హోటళ్లు తీరు మాత్రం ‘పైన పటారం.. లోనలోటారం’ అన్నట్లుగా రుచికరమైన ఆహారం పేరిట ప్రజల ప్రాణాలతో చెలగాటమాడుతున్నారు. ఈ నెల 22న ‘ఒకే ఒక్కడు’ శీర్షికన ‘సాక్షి’లో కథనం వెలువడిన విషయం తెలిసిందే. తనిఖీలు లేకపోగా కల్తీరా యుళ్ల ఆగడాలకు అడ్డూఅదుపు లేకుండా పోతోందని ప్రస్తావించగా అధికారులు మెరుపుదాడులు నిర్వహించారు. ఆయా హోటళ్లలో తినే పదార్థాలు సురక్షితం కాదని, 20–25 రకాల వండిన ఆహార పదార్థాలను డి ఫ్రిజ్‌లో నిల్వ చేశారని గుర్తించడం ఆందోళనకర పరిణామం. శ్వేత, ప్రతిమ, హోటల్‌ విందు హోటళ్లలో తనిఖీలు చేసిన అధికారులు నమూనాలు సేకరించి పరీక్షలకు పంపారు. పేరుకే పెద్ద హోటళ్లు.. పెద్ద రెస్టారెంట్లలోనూ కనీస నాణ్యతా ప్రమాణాలు పాటించడం లేదు. నీళ్లను ఫ్రీగా ఇవ్వాల్సిన నిర్వాహకులు బయట రేటు కన్నా రెండు మూడింతల ఎక్కువ ధరకు అంటగడుతున్నారు. ఫుడ్‌సేఫ్టీ రూ ల్స్‌ ప్రకారం నీళ్లలోని టీడీఎస్‌ 75 మైక్రోగ్రాములు ఉండాలి. అంత కన్నా తక్కువ ప్రమాణాలున్న నీళ్లను జనానికి ఇచ్చేస్తున్నారన్న ఆరోపణలున్నా యి. నూనెలను ఒకట్రెండు సార్లు వాడాక మార్చాల్సి ఉన్నా మార్చడం లేదు. పలు రెస్టారెంట్లలో కల్తీ నూనెలను వాడుతున్నట్లు సమాచారం. కొన్ని చోట్ల చనిపోయిన జంతువుల కళేబరాల్లోని బొక్కల నుంచి తీసిన ఆయిల్‌తో నూనెల్ని కల్తీ చేస్తున్నారు. వాటి తో పేగులపై దుష్పరిణామాలు ఉంటాయి. బయటి ఫుడ్‌తో రోగాలే.. కల్తీఫుడ్‌ తింటే దీర్ఘకాలిక సమస్యలూ వస్తాయని సీనియర్‌ వైద్యుడు, ఎండీ చెస్ట్‌ డా.సాయిని నరేందర్‌ వివరించారు. బ్యాక్టీరియల్‌ ఇన్‌ఫెక్షన్‌తో డయేరియా, విరేచనాలు, కడుపునొప్పి, ఎసిడిటీ వంటివి వస్తాయన్నారు. కలరింగ్‌ ఏజెంట్లు, క్లాస్‌ 2 ప్రిజర్వేటి వాడకం వల్ల కేన్సర్‌ వచ్చే ప్రమాదముందన్నారు. పేగు, ప్యాంక్రియాటిక్‌ కేన్సర్ల ముప్పు ఉంటుందన్నారు. ఫ్రిజ్‌లో పెట్టి.. వండి వడ్డిస్తూ.. రెస్టారెంట్లలో డీఫ్రిజ్‌, డీ కోల్డ్‌ విధానాన్ని అనుసరిస్తుండటం విచారకరం. కొన్ని హోటళ్లలో అపోలో ఫిష్‌, ఫ్రాన్స్‌, పాలక్‌ పన్నీరు, వండిన చికెన్‌, మటన్‌, కట్‌ మిర్చి, ఉడుకబెట్టిన అన్నం ఫ్రిజ్‌లో పెట్టినట్లు అధికారుల తనిఖీల్లో వెల్లడైంది. ఫంగస్‌ వచ్చిన మక్కలు కూడా ఉండటం విశేషం. గడువు ముగిసిన మసాలాలు, సాస్‌లు, వెనిగర్‌లు ఉండగా 25 రకాల వండిన పదార్థాలను ఫ్రిజ్‌లో నిల్వ చేసినట్లు తేలడం భోజన ప్రియులకు ఎంతటి నాణ్యౖ మెన ఆహారం అందిస్తున్నారో అర్థం చేసుకోవచ్చు. బిర్యానీతో నాసిరకం ఉల్లిగడ్డలను సర్వ్‌ చేస్తున్నా రు. నాన్స్‌, రుమాలీ రోటీ తయారీ కోసం పురుగు పట్టిన మైదాను వాడుతున్నారు. బూజు పట్టిన డ్రైఫ్రూట్స్‌ను బిర్యానీ, కర్రీల్లో వినియోగిస్తున్నారు. చికెన్‌, మటన్‌, ఇతర మాంసాహారాలను సగం వండి ఫ్రిజ్లో పెట్టి.. కస్టమర్‌ అడిగినప్పుడు మళ్లీ వండి వడ్డిస్తున్నారు. మిగిలిపోయిన ఫుడ్‌ ఐటమ్స్‌ను ఫ్రిజ్లో దాచి, మరుసటి రోజు వేడి చేసి కస్టమర్లకు సర్వ్‌ చేస్తున్నట్లు తనిఖీల్లో తేలింది. వివరాల వెల్లడిలో ఏఎఫ్‌సీ దోబూచులాట కరీంనగర్‌లో తనిఖీలు నిర్వహించిన ఫుడ్‌ సేఫ్టీ బృందం వివరాల వెల్లడిలో గోప్యత పాటించడం అనుమానాలకు తావిస్తోంది. ఉదయం తనిఖీలతో హడలెత్తించి.. సాయంత్రం 6గంటల వరకు పూర్తి వివరాలు వెల్లడిస్తామని అసిస్టెంట్‌ ఫుడ్‌ కంట్రోలర్‌ అమృతశ్రీ ప్రకటించారు. 9దాటినా.. వివరాల వెల్ల డిలో గోప్యత పాటించారు. ఫోన్‌ చార్జింగ్‌ లేదని, 10నిమిషాల్లో ప్రెస్‌నోట్‌ పంపిస్తామని చెప్పి తర్వాత ఫోన్‌ లిఫ్ట్‌ చేయకపోవడం గమనార్హం.

రామగుండం: సికింద్రాబాద్‌, కాజీపేట–సిర్‌పూర్‌ కాగజ్‌నగర్‌ మధ్య నడిచే ప్యాసింజర్‌ రైళ్లు ఎప్పుడూ ఆలస్యంగానే రాకపోకలు సాగిస్తుంటాయి. రోడ్డు రవాణాతో పోల్చితే రైలు ప్రయాణం సమయం ఆదా, సురక్షిత, సుఖమయమైన ప్రయాణం, బస్సు చార్జీల్లో నాలుగో వంతు రైలు చార్జీలు కావడంతో సాధారణ, మధ్యతరగతి ప్రయాణికులు రైలు ప్రయాణాల వైపే మొగ్గు చూపిస్తుంటారు. ఈ నేపథ్యంలో రైల్వే శాఖ సాధారణ ప్రయాణికుల కష్టాలను గుర్తించే పరిస్థితిలో ప్యాసింజర్‌ రైళ్ల సమయపాలనపై దృష్టి సారించకపోగా.. బోగీల నిర్వహణను సైతం పట్టించుకోకపోవడంతో తీవ్ర ఇబ్బందులు ఎదుర్కొంటున్నారు. కాగజ్‌నగర్‌ నుంచి కాజీపేట, కొత్తగూడెంకు నిత్యం వేలాది మంది కోల్‌బెల్ట్‌ నుంచి ప్యాసింజర్‌ రైళ్లలో రాకపోకలు సాగిస్తుంటారు. రైల్వే శాఖ సాధారణ ప్రయాణికుల సంక్షేమాన్ని వీడి లాభాపేక్షపైనే దృష్టి సారిస్తున్నట్లు అత్యధిక శాతం ప్రయాణికుల నుంచి విమర్శలు వ్యక్తమవుతున్నాయి. కానరాని సమయపాలన కాగజ్‌నగర్‌ నుంచి కాజీపేటకు ఇరువైపులా నడిచే ప్యాసింజర్‌ రైళ్లు నిర్దేశిత సమయానికి వచ్చాయంటే ఆరోజు ప్రత్యేకం. సికింద్రాబాద్‌–బల్హర్షా(భాగ్యనగర్‌), కాజీపేట–కాగజ్‌నగర్‌(రామగిరి), కొత్తగూడెం–కాగజ్‌నగర్‌(సింగరేణి), కాగజ్‌నగర్‌–కరీంనగర్‌(డెమూ) రైళ్లు ప్రతీరోజు కనీసం గంట.. గరిష్టంగా రెండు గంటలకు పైగానే ఆలస్యంగా నడుస్తుంటాయి. ప్యాసింజర్‌ రైళ్లతో ఆదాయం తక్కువ కావడంతోనే నిర్లక్ష్యంగా వ్యవహరిస్తున్నారనే విమర్శలు వెలువెత్తుతున్నాయి. బోగీల నిర్వహణ అస్తవ్యస్తం ప్యాసింజర్‌ రైళ్ల బోగీలను ఎప్పటికప్పుడు వాషింగ్‌ చేయకపోవడం, వాష్‌రూంలకు నీటి సరఫరా లేకపోవడం, బియ్యం అక్రమ దందాలకు క్యాబిన్‌గా మారడం, డోర్లు విరిగిపోయి ఉండడం తదితర సమస్యలతో సాధారణ ప్రయాణికులు అత్యవసరాలకు వెళ్లలేని దుస్థితి. ఒకవేళ అక్కడకక్కడ వాష్‌రూంలున్నా.. నీటి సరఫరా లేక మలంతో నిండిపోయి తీవ్ర దుర్వాసనతో ఉంటున్నాయి. ప్రతీరోజు ఇరువైపులా రాకపోకల షెడ్యూల్‌ పూర్తయ్యాక శుభ్రం చేయాల్సి ఉన్నా.. రైల్వే అధికారుల చర్యలు శూన్యం. తరచూ రద్దు.. కాజీపేట–బల్లార్షా సెక్షన్ల మధ్య ఎక్కడ రైల్వే ట్రాక్‌ పునరుద్ధరణ పనులు కొనసాగినా.. తొలుత ప్యాసింజర్‌ రైళ్లను రద్దు చేయడం పరిపాటిగా మారింది. ఈ విధానం కోవిడ్‌ తర్వాత సాధారణమైంది. అదే రైల్వే ట్రాక్‌ మీదుగా గూడ్సు రైళ్ల రాకపోకలకు లేని అభ్యంతరం ప్యాసింజర్‌ రైళ్లకు ఎందుకంటూ ప్రయాణికులు ప్రశ్నిస్తున్నారు. సమస్య మరీ ఎక్కువగా ఉంటే ఎక్స్‌ప్రెస్‌ రైళ్ల రూట్‌ మళ్లిస్తున్నారు. అప్పటికే ప్రయాణికులు తమ ప్రయాణ షెడ్యూల్‌ను ఫిక్స్‌ చేసుకొని సిద్ధమయ్యేలోగా దారి మళ్లిస్తున్నట్లు సమాచారం అందజేయడం సాధారణంగా మారింది. ఆన్‌లైన్‌ అనౌన్స్‌మెంట్‌.. రైల్వే స్టేషన్‌ ఆధునికీకరణ పనుల నేపథ్యంలో రైళ్ల రాకపోకలపై ప్లాట్‌ఫారంపై ఉన్న ప్రయాణికులను అప్రమత్తం చేసే ఆన్‌లైన్‌ అనౌన్స్‌మెంట్‌ రద్దు చేశారు. ప్లాట్‌ఫారంపై బోగీ నిలిపే స్థలాన్ని సైతం గుర్తించే సైన్‌బోర్డులు పని చేయడం లేదు. బోగీల వివరాలు మైక్‌లో ప్రకటిస్తున్నా.. ప్రయాణికులకు అర్ధం కావడం లేదు. ఫలితంగా రైలు వచ్చి నిలిచిన తర్వాత లగేజీతో పరుగులు పెట్టాల్సిన పరిస్థితి నెలకొంది. సాంకేతిక కారణాలతో తరచూ రద్దు బోగీల నిర్వహణను గాలికొదిలేసిన రైల్వే శాఖ ప్రయాణికులకు తప్పని తిప్పలు రైల్వే జీఎంకు ఫిర్యాదు చేశా రైళ్ల ఆలస్యంపై పలుమార్లు రైల్వే జనరల్‌ మేనేజర్‌కు లిఖితపూర్వకంగా ఫిర్యాదు చేశా. రైల్వే స్టేషన్‌ ఆధునికీకరణ పనులతో తరచూ సాంకేతిక కారణాలను చూపుతూ ప్యాసింజర్‌ రైళ్లను రద్దు చేయడం సరికాదని ఉన్నతాధికారులకు వివరించా. పార్లమెంట్‌ ఎన్నికల ఫలితాలు పూర్తయ్యాక నూతనంగా ఎంపికయ్యే పెద్దపల్లి ఎంపీని కలిసి సమస్యలను వివరించి ఎంపీ సహకారంతో మరోసారి రైల్వే జీఎంను కలుస్తా. – అనుమాస శ్రీనివాస్‌, రైల్వే ప్రజాసంబంధాల మాజీ ప్రతినిధి