జేడన్‌ పాంచ్‌ పటాకా.. విండీస్‌ను చిత్తు చేసిన న్యూజిలాండ్‌

వెస్టిండీస్ టూర్‌లో న్యూజిలాండ్ బోణీ కొట్టింది. కివీస్‌ బౌలర్‌ జేడన్‌ లిన్నెక్స్‌ ఐదు వికెట్లతో విండీస్‌ పతనాన్ని శాసించి ప్లేయర్‌ ఆఫ్‌ ది మ్యాచ్‌గా నిలిచాడు. గ‌యానా వేదిక‌గా జ‌రిగిన రెండో వ‌న్డేలో న్యూజిలాండ్ 5 వికెట్ల తేడాతో విజ‌యం సాధించింది. టాస్ ఓడి బ్యాటింగ్‌కు దిగిన వెస్టిండీస్ 36 ఓవ‌ర్ల‌లో 138 ప‌రుగుల‌కు ఆలౌటైంది. 

ఓపెన‌ర్ జాన్ కాంప్‌బెల్ (43) టాప్ స్కోర‌ర్‌గా నిల‌వ‌గా, అమిర్ జాంగో (24) ప‌ర్వాలేద‌నిపించాడు. న్యూజిలాండ్ బౌల‌ర్ల‌లో జేడ‌న్ లెన్నోక్స్ 5 వికెట్ల‌తో విండీస్ న‌డ్డి విరిచాడు. మైకెల్ బ్రేస్‌వెల్, మిచెల్ సాంట్న‌ర్ చెరో 2 వికెట్లు తీశారు. అనంత‌రం బ్యాటింగ్ చేసిన న్యూజిలాండ్ 32.4 ఓవ‌ర్ల‌లో 5 వికెట్లు కోల్పోయి 141 ప‌రుగులు చేసి విజ‌యాన్ని అందుకుంది. 

టామ్ లాథ‌మ్ (37 నాటౌట్‌),మైకెల్ బ్రాస్‌వెల్ (24 నాటౌట్‌) కివీస్‌ణు విజ‌య‌తీరాల‌కు చేర్చారు. అంత‌క‌ముందు విల్ యంగ్ (28), డారిల్ మిచెల్ (28) రాణించారు. వెస్టిండీస్ బౌల‌ర్ల‌లో ఖారీ పియ‌ర్రె 2 వికెట్లు తీయ‌గా, అల్జారీ జోసెఫ్‌, గుదకేశ్ మోతీ చెరొక వికెట్ ప‌డ‌గొట్టారు. ఐదు మ్యాచ్‌ల వ‌న్డే సిరీస్‌లో ఇరుజ‌ట్లు 1-1తో స‌మంగా నిలిచాయి. జూలై 16న మూడో వ‌న్డే జ‌ర‌గ‌నుంది.