థ్రిల్లర్‌ సిరీస్‌లో సముద్రఖని.. స్ట్రీమింగ్‌ ఎప్పుడంటే?

ఓటీటీ ప్లాట్‌ఫామ్స్‌ వచ్చాక చిన్నాపెద్ద తేడా లేకుండా నటీనటులందరూ అందులోనూ ప్రాజెక్ట్స్‌ చేస్తున్నారు. తాజాగా సముద్రఖని తొలిసారి ఓ ఓటీటీ వెబ్‌సిరీస్‌లో బాగమయ్యాడు. ఆ సిరీస్‌ పేరు తడయం (క్లూ అని అర్థం). సస్పెన్స్‌ క్రైమ్‌ థ్రిల్లర్‌గా తెరకెక్కిన ఈ సిరీస్‌ ప్రముఖ ఓటీటీ ప్లాట్‌ఫామ్‌ జీ5లో ఫిబ్రవరి 27న ప్రసారం కానుంది.

ట్రైలర్‌ రిలీజ్‌
తాజాగా ట్రైలర్‌ వదిలారు. అందులో ఒక పాలవాడు రోజూలాగే అందరికీ పాలు పోసేందుకు బయలుదేరతాడు. అయితే ఓ ఇంటికి వచ్చాక మాత్రం ఎంత పిలిచినా ఎవరూ బయటకు రారు. దాంతో అతడే అమ్మా అని పిలుస్తూ లోపలకు వెళ్తాడు. తీరా అక్కడ రక్తపుమడుగు చూసి భయభ్రాంతులకు లోనవుతాడు. ఈ సన్నివేశంతోనే ట్రైలర్‌ మొదలైంది. వరుస హత్యలను చేధించేందుకు ప్రయత్నిస్తున్న ఎస్‌ఐ అదియమాన్‌గా సముద్రఖనిని చూపించారు.

ఓటీటీలో తడయం
ఇది ఎక్కడ మొదలుపెట్టామో అక్కడే ముగించేద్దాం అని తెలుగు నటుడు నవీన్‌ చంద్ర వాయిస్‌తో డైలాగ్‌ వచ్చింది. మరి ఈ సిరీస్‌లో నవీన్‌ ఉన్నాడా? లేదా? అన్నది తడయం ఓటీటీలోకి వచ్చాకే తెలియనుంది. యదార్థ సంఘటనల ఆధారంగా ఈ సిరీస్‌ తెరకెక్కించినట్లు మేకర్స్‌ తెలిపారు. నవీన్‌ కుమార్‌ పలనివేల్‌ దర్శకత్వం వహించిన ఈ  సిరీస్‌కు విబిన్‌ భాస్కర్‌ సంగీతం అందించాడు.

A story that unfolds frame by frame🔍

Samuthirakani's 1st ever web-series #Thadayam Premieres on 27th Feb On ZEE5!@thondankani @SshivadaOffcl @cocktailcinemas @dirNavin_offl#Thadayam #ThadayamOnZEE5 #TamilZEE5Original #ZEE5Tamil #TamilZEE5 pic.twitter.com/xYfK9xg6s4

— ZEE5 Tamil (@ZEE5Tamil) February 19, 2026