దేవతను దెయ్యంగా వర్ణించిన బాలీవుడ్‌ హీరో

ఎంతో అట్టహాసంగా కొనసాగిన ఇఫీ (అంతర్జాతీయ చలనచిత్రోత్సవ) వేడుకలు శుక్రవారం (నవంబర్‌ 28న) విజయవంతంగా ముగిశాయి. గోవాలో ఈ ముగింపు వేడుకకు కాంతార హీరో రిషబ్‌ శెట్టితో పాటు బాలీవుడ్‌ స్టార్‌ రణ్‌వీర్‌ సింగ్‌ సైతం హాజరయ్యాడు. కానీ అత్యుత్సాహంతో రణ్‌వీర్‌ చేసిన కామెంట్స్‌పై కన్నడ ప్రేక్షకులు మండిపడుతున్నారు.

ఇంతకీ ఏం జరిగిందంటే?
స్టేజీపై రణ్‌వీర్‌ మాట్లాడుతూ.. నేను కాంతార: చాప్టర్‌ 1 థియేటర్‌లో చూశాను. రిషబ్‌ పర్ఫామెన్స్‌ అద్భుతంగా ఉంది. ఆడ దెయ్యం అతడి శరీరంలో ప్రవేశించినప్పుడు వచ్చే సన్నివేశం అయితే అమేజింగ్‌ అంటూ ఆ సీన్‌ను రీక్రియేట్‌ చేసేందుకు ప్రయత్నించాడు. అలాగే తనను కాంతార 3లో చూడాలనుకుంటే రిషబ్‌ను మీరే ఒప్పించండి అని ప్రేక్షకులను కోరాడు.

ఇందుకు సంబంధించిన వీడియో నెట్టింట వైరల్‌గా మారింది. ఒక నటుడిగా స్టేజీపై ఏం మాట్లాడాలి? ఏం మాట్లాడకూడదు? అనేది కూడా తెలీదా? దైవాన్ని పట్టుకుని దెయ్యం అంటాడేంటి? దేవతను కించరిచే హక్కు ఈయనకెక్కడిది? అని మండిపడుతున్నారు.

కాంతార విశేషాలు
రిషబ్‌ శెట్టి దర్శకత్వం వహించడంతో పాటు హీరోగా నటించిన కాంతార చిత్రం (Kantara Movie) బ్లాక్‌బస్టర్‌గా నిలిచింది. 2022లో వచ్చిన ఈ చిత్రం దాదాపు రూ.450 కోట్ల మేర వసూళ్లు రాబట్టింది. ఈ ఏడాది ఈ మూవీకి ప్రీక్వెల్‌గా కాంతార: చాప్టర్‌ 1 రిలీజైంది. జయరామ్‌, రుక్మిణి వసంత్‌, గుల్షన్‌ దేవయ్య కీలక పాత్రలు పోషించిన ఈ చిత్రం ఏకంగా రూ.850 కోట్ల కలెక్షన్స్‌ వసూలు చేసింది.

#RanveerSingh literally called chavundi mata a ghost and mimicked her in funny way 

Isn't this Blasphemy pic.twitter.com/iJ1bAjRCLs

— Tyler Burbun (@BurbunPitt) November 29, 2025

చదవండి: ప్రకాశ్‌ రాజ్‌ భార్యగా ఛాన్స్‌.. ఐదుగురితో కాంప్రమైజ్‌ అడిగారు