ఎన్ని కుట్రలు చేసినా నామినేషన్లు వేసి తీరుతాం
'జై భీమ్‌' డైరెక్టర్‌తో రజనీకాంత్‌ సినిమా.. షూటింగ్‌ అప్పుడే
Published on Mon, 04/10/2023 - 12:20
హీరో రజనీకాంత్‌ మే మొదటి వారంలో పోలీస్‌ ఆఫీసర్‌గా ఛార్జ్‌ తీసుకోనున్నారుట. 'జై భీమ్‌' ఫేమ్‌ టీజే ఙ్ఞానవేల్‌ దర్శకత్వంలో రజనీకాంత్‌ హీరోగా లైకా ప్రొడక్షన్స్‌పై సుభాస్కరన్‌ ఓ సినిమాను నిర్మించనున్న సంగతి తెలిసిందే. ఈ మూవీ షూటింగ్‌ మే మొదటివారంలో ప్రారంభం కానుందని, ఇందుకు తగ్గట్లుగా ఙ్ఞానవేల్‌ ప్రీ పొడక్షన్‌ పనుల్ని వేగవంతం చేశారని కోలీవుడ్‌ టాక్‌.
కొన్ని వాస్తవ సంఘటనలతో రూపొందనున్న ఈ సినిమాలో ఓ ముస్లిం పోలీస్‌ అధికారి పాత్రలో రజనీకాంత్‌ నటించనున్నారని సమాచారం. ప్రస్తుతం నెల్సన్‌ దిలీప్‌ కుమార్‌ దర్శకత్వంలో జైలర్ సినిమాలో నటిస్తున్నారు రజనీకాంత్‌. అలాగే లాల్‌సలామ్‌ చిత్రంలో ఆయన ఓ అతిథి పాత్ర చేస్తున్నారు.
#
Tags : 1