సినిమా అవకాశాల కోసం మరో రూట్‌ ప్లాన్‌ చేసిన రాశీఖన్నా

రాశీఖ‌న్నా.. ఒకప్పుడు టాలీవుడ్‌లో బీజీగా ఉన్న హీరోయిన్లలో ఒకరు. చిత్ర సీమలో అడుగుపెట్టి పదేళ్లు పూర్తి అయినా కూడా సౌత్‌ ఇండియాలోని అన్ని భాషల్లోని ప్రేక్షకులను మెప్పిస్తుంది. థాంక్యూ, పక్కా కమర్షియల్‌ చిత్రాల తర్వాత ఈ బ్యూటీ తెలుగు సినిమాల్లో కనిపించలేదు. కానీ హిందీ వర్షన్‌లో వచ్చిన ఫర్జీ అనే వెబ్‌ సిరీస్‌లో మాత్రం కనిపించింది. ప్రస్తుతం అవకాశాల వేటలో ఈ బ్యూటీ ఉంది.

కోలీవుడ్‌లో కూడా పలు చిత్రాలతో రాణించిన ఈ బ్యూటీ.. ఎక్కువగా గ్లామర్‌ను ప్రదర్శించడం పైనే దృష్టి పెట్టినా ఎందుకనో రాశీఖన్నాకు అక్కడ  పెద్దగా వర్కౌట్‌ కాలేదు. దీంతో అవకాశాలు కనుమరుగు అయ్యాయనే చెప్పాలి. కోలీవుడ్‌లో కూడా ఈ బ్యూటీ నటించిన చివరి చిత్రం తిరుచిట్రం బలం (తిరు). ధనుష్‌ హీరోగా నటించిన ఈ చిత్రం మంచి విజయాన్ని సాధించింది. అయితే ఆ క్రెడిట్‌ను నటుడు ధనుష్‌తో పాటు ప్రధాన నాయకిగా నటించిన నిత్యామీనన్‌ కొట్టేశారు.

అందులో రాశీఖన్నా కొన్ని సన్నివేశాల్లోనే కనిపించారు. ఇకపోతే తెలుగులో పలు హిట్‌ చిత్రాల్లో నటించినప్పటికీ ప్రస్తుతం అక్కడ, ఇక్కడ అవకాశాలు నిల్‌. హిందీలో యోధ అనే చిత్రం మాత్రమే ఈ అమ్మడి చేతిలో ఉంది. దీంతో మళ్లీ అందాలారబోతతో అవకాశాల వేట మొదలుపెట్టారు. రాశీఖన్నా తాజాగా ప్రత్యేకంగా ఫొటో షూట్‌ నిర్వహించుకుని ఆ ఫొటోను మీడియాకు విడుదల చేశారు. అవి ఇప్పుడు సామాజిక మాధ్యమాల్లో హల్‌చల్‌ చేస్తున్నాయి. వీటి ఫలితం ఎలా ఉంటుందో చూడాలి మరి.

View this post on Instagram

A post shared by Raashii Khanna (@raashiikhanna)