ఫన్నీగా 'పైలం పిలగా'.. ట్రైలర్‌ చూశారా?

సాయి తేజ కల్వకోట, పావని కరణం జంటగా నటించిన చిత్రం పైలం పిలగా. హ్యాపీ హార్స్ ఫిలిమ్స్ బ్యానర్ పై నిర్మించిన ఈ మూవీ నుంచి రిలీజ్ అయిన పాటలు, టీజర్‌కు మంచి రెస్పాన్స్‌ వచ్చింది. తాజాగా ఈ సినిమా ట్రైలర్‌ను డైరెక్టర్ వెంకటేష్ మహా లాంచ్ చేశారు. పల్లె నుంచి పట్నం దాకా ఈ గ్లోబలైజేషన్ యుగంలో యువత ఉద్యోగాల కన్నా సొంత స్టార్ట్ అప్‌లు, వ్యాపారాల వైపే పరుగులు పెడుతున్నారు. కోట్లు సంపాదించాలని కలలు కంటున్నారు. 

ఇలాగే ఓ యువకుడు తన ఊళ్లోనే, తన భూమిలోనే సొంత వ్యాపారం ప్రారంభించి జీవితంలో ఎదగాలనుకుంటాడు. కానీ పంచాయితీ ఆఫీస్ నుంచి సెక్రటేరియట్ ఆఫీస్ వరకు సవాళ్లు, అవినీతి, అలసత్వం నిండిన బ్యూరోక్రసీ సిస్టంలో ఇరుక్కొని ఎన్ని బాధలు పడ్డాడో  తెలిపే హాస్యభరిత వ్యంగ చిత్రమే పైలం పిలగా. నందమూరి బాలకృష్ణ, విక్టరీ వెంకటేష్ వంటి టాలీవుడ్, బాలీవుడ్ అగ్రనటులతో వందకి పైగా యాడ్ ఫిలిమ్స్ కి  డైరెక్షన్‌ చేసిన ఆనంద్ గుర్రం ఈ సినిమాతో దర్శకుడిగా వెండితెరకు పరిచయం కానున్నాడు. 

ఈ చిత్ర ట్రైలర్  రిలీజ్ సందర్బంగా డైరెక్టర్ వెంకటేష్ మహా మాట్లాడుతూ ఈ చిత్ర దర్శకుడు ఆనందం గుర్రం రాసిన  'ఊరెళ్ళిపోతా మావ', 'కంచె లేని దేశం' పాటలకు పెద్ద అభిమానిని, ఇప్పుడు ఈ సినిమాలో పాటలు కూడా  చాలా బాగున్నాయి. సినిమా ట్రైలర్ మంచి డైలాగ్స్ తో చాలా ఇంట్రెస్టింగా ఉంది అన్నారు.

హ్యాపీ హార్స్ ఫిలిమ్స్ బ్యానర్ పై రామకృష్ణ బొద్దుల, ఎస్.కే.శ్రీనివాస్ నిర్మించిన ఈ చిత్రం లో డబ్బింగ్  జానకి, చిత్రం శీను, మిర్చి కిరణ్ తదితరులు నటించారు. యశ్వంత్ నాగ్ సంగీతం అందించగా సందీప్ బద్దుల సినిమాటోగ్రాఫర్‌గా వ్యవహరించారు.