చింతమనేని మోసం చేశాడు.. వాపోయిన జనసేన దెందులూరు ఇంచార్జ్ వెంకటలక్ష్మి
Breaking News
ఢిల్లీ రికీ బహల్‌.. 20 మంది మహిళా కానిస్టేబుళ్లకు వల
IND vs NZ: తిలక్‌ వర్మ ప్రపంచ రికార్డు
ఏపీ వైపు దూసుకొస్తున్న తుపాను..
అయ్యో పాపం.. ఏనుగు
హర్యానా గ్యాంగ్‌స్టర్ హిమాన్షు అమెరికాలో అరెస్ట్‌
Palnadu: జనసేన నేతలను చితక్కొట్టిన టీడీపీ నాయకులు
టీఎంసీ రెబల్‌ ఎమ్మెల్యే సంచలన వ్యాఖ్యలు.. రాజకీయాలకు గుడ్‌బై!
అరుణాచల్‌ సరిహద్దులో టెన్షన్‌.. ఎదురెదురుగా భారత్‌-చైనా సైనికులు!
మైనింగ్‌ ప్రాంతంలో భారీ పేలుడు.. ఏడుగురి మృతి
వెస్ట్ బ్యాంక్‌లో ఇజ్రాయెల్‌ ‘ఐడీఎఫ్’ ఆపరేషన్
అంత్యక్రియల్లో కాల్పులు.. ఒళ్లు గగుర్పొడిచే దృశ్యాలు
దక్షిణ పసిఫిక్‌లో భారీ భూకంపం.. రెండుసార్లు ప్రకంపనలు
అమెరికా సీక్రెట్‌ స్థావరాలపై వింత వస్తువులు.. ఏంటీ మిస్టరీ?
టీవీకే నేతపై లైంగిక దాడి కేసు.. మరుసటి రోజే షాకింగ్‌ ట్విస్ట్‌!
రష్యా-ఉక్రెయిన్‌ యుద్ధంలో మెలానియా ఎంట్రీ.. 29న ఏం జరగనుంది?
ఇరాన్‌ బిగ్‌ ప్లాన్‌.. ట్రంప్‌ వార్నింగ్
ఎల్‌నినో అంటే భూతం కాదు.. కరువు: సీఎం రేవంత్‌
అతడి వల్లే తొలి టెస్టులో రాణించా.. వాళ్లిద్దరు కూడా అండగా ఉన్నారు: సిరాజ్‌
Published on Tue, 12/03/2024 - 09:56
పేలవ ఫామ్‌తో ఆస్ట్రేలియా గడ్డపై అడుగుపెట్టిన టీమిండియా పేసర్‌ మహ్మద్‌ సిరాజ్‌.. తొలి టెస్టులోనే సత్తా చాటాడు. పెర్త్‌ మ్యాచ్‌లో ఐదు వికెట్లతో చెలరేగి జట్టు గెలుపులో తన వంతు పాత్ర పోషించాడు. అయితే, తాను మునుపటి లయ అందుకోవడానికి కారణం పేస్‌ దళ నాయకుడు, ఆసీస్‌తో మొదటి టెస్టులో కెప్టెన్‌గా వ్యవహరించిన జస్‌ప్రీత్‌ బుమ్రానే అంటున్నాడు సిరాజ్‌.
అప్పటికీ వికెట్లు లభించకపోతే
‘నేను తరచుగా నా బౌలింగ్‌ గురించి బుమ్రాతో చర్చిస్తూనే ఉంటా. తొలి టెస్టుకు ముందు కూడా నా పరిస్థితి గురించి అతడికి వివరించా. బుమ్రా నాకు ఒకటే విషయం చెప్పాడు. ఎలాగైనా వికెట్‌ సాధించాలనే లక్ష్యంతో దాని గురించే అతిగా ప్రయత్నించవద్దు.
నిలకడగా ఒకే చోట బంతులు వేస్తూ బౌలింగ్‌ను ఆస్వాదించు. అప్పటికీ వికెట్లు లభించకపోతే నన్ను అడుగు అని బుమ్రా చెప్పాడు. అతడు చెప్పిన మాటలను పాటించా. వికెట్లు కూడా దక్కాయి’ అని సిరాజ్‌ తన సీనియర్‌ పేసర్‌ పాత్ర గురించి చెప్పాడు.
మోర్నీ మోర్కెల్‌ కూడా
ఇక భారత బౌలింగ్‌ కోచ్ మోర్నీ మోర్కెల్‌ కూడా తనతో దాదాపు ఇవే మాటలు చెప్పి ప్రోత్సహించాడని కూడా సిరాజ్‌ పేర్కొన్నాడు. ఆరంభంలో సిరాజ్‌ కెరీర్‌ను తీర్చిదిద్దడంతో భారత మాజీ బౌలింగ్‌ కోచ్ భరత్‌ అరుణ్‌ కీలకపాత్ర పోషించాడు. అందుకే ఎప్పుడు ఏ సమస్య వచ్చినా అరుణ్‌ను సంప్రదించడం సిరాజ్‌కు అలవాటు.
అరుణ్‌ సర్‌ను అడిగా
ఈ విషయం గురించి సిరాజ్‌ మాట్లాడుతూ.. ‘సుదీర్ఘ కాలంగా నా బౌలింగ్‌ గురించి ఆయనకు బాగా తెలుసు. అందుకే నాకు ఇలా ఎందుకు జరుగుతోంది అంటూ అరుణ్‌ సర్‌ను అడిగా. ఆయన కూడా వికెట్లు తీయడంకంటే ఒక బౌలర్‌ తన బౌలింగ్‌ను ఆస్వాదించడం ఎంతో కీలకమో, ఫలితాలు ఎలా వస్తాయో చెప్పారు’ అని వెల్లడించాడు.
ఇక ఆస్ట్రేలియాకు బయలుదేరడానికి ముందు భారత ఫీల్డింగ్‌ కోచ్, హైదరాబాద్‌కే చెందిన దిలీప్‌తో కలిసి సాధన చేసిన విషయాన్ని కూడా సిరాజ్‌ ఈ సందర్భంగా గుర్తు చేసుకున్నాడు. మరోవైపు అడిలైడ్‌లో జరిగే రెండో టెస్టు కోసం ‘పింక్‌ బాల్‌’తో సిద్ధమవుతున్నట్లు సిరాజ్‌ చెప్పాడు.
అలాంటి స్థితిలో ఎప్పుడూ ప్రాక్టీస్‌ చేయలేదు
‘గులాబీ బంతి సింథటిక్‌ బంతి తరహాలో అనిపిస్తోంది. ఎరుపు బంతితో పోలిస్తే భిన్నంగా, గట్టి సీమ్‌తో ఉంది. నా దృష్టిలో ఈ బాల్‌తో షార్ట్‌ ఆఫ్‌ లెంగ్త్‌ తరహాలో బంతులు వేస్తే బాగుంటుంది.
దీంతో ఎంత ఎక్కువ సాధన చేస్తే అంత పట్టు చిక్కుతుంది. అయితే లైట్లు ఉన్నప్పుడు ఎక్కువగా స్వింగ్‌ అవుతుందని విన్నా. నేను అలాంటి స్థితిలో ఎప్పుడూ ప్రాక్టీస్‌ చేయలేదు. అడిలైడ్‌లో అలాంటి వాతావరణంలో ప్రాక్టీస్‌ చేస్తా’ అని సిరాజ్‌ వివరించాడు.
కాగా స్వదేశంలో భారత జట్టు ఆడిన గత ఐదు టెస్టుల్లో నాలుగింటిలో హైదరాబాద్‌ పేసర్‌ సిరాజ్‌ బరిలోకి దిగాడు. వీటన్నింటిలో కలిపి అతడు మొత్తం కేవలం ఆరు వికెట్లే పడగొట్టగలిగాడు. అయితే, ఆస్ట్రేలియాలో అతడు తిరిగి ఫామ్‌లోకి రావడం సానుకూలాంశం. ఇక భారత్‌- ఆసీస్‌ మధ్య డిసెంబరు 6 నుంచి రెండో టెస్టు మొదలుకానుంది.
చదవండి: ప్రపంచంలోనే బెస్ట్‌ బౌలర్‌ బుమ్రా.. నా మనుమలకూ చెబుతా: సన్‌రైజర్స్‌ విధ్వంసకర వీరుడు
#
Tags : 1