వీడియో: డే కేర్‌ సెంటర్‌ నిర్వాకం.. పిల్లల విషయంలో జాగ్రత్త!

నోయిడా: చిన్నారులను వారి పేరెంట్స్‌ ఎంత జాగ్రత్తగా చూసుకుంటారో చెప్పాల్సిన పని లేదు. కానీ.. ప్రస్తుత జనరేషన్‌లో ఉద్యోగాలు, ఇతర కారణాల రీత్యా.. వారి పిల్లలను చూసుకునేందుకు కొందరు పేరెంట్స్‌కి సమయం ఉండటం లేదు. ఈ కారణంగా చిన్నారులను డే కేర్‌ సెంటర్లలో వదిలేసి వెళ్తున్నారు. ఇక, కొన్ని డే కేర్‌ సెంటర్లలో చిన్నారుల పట్ల అక్కడి సిబ్బంది ప్రవర్తిస్తున్న తీరు దారుణంగా ఉంటోంది. తాజాగా నోయిడాలోని ఓ డే కేర్‌ సెంటర్‌లో 15 నెలల చిన్నారిని తీవ్రంగా కొట్టిన ఘటన సీసీ కెమెరాలో రికార్డు అయ్యింది. ఈ వీడియో సోషల్‌ మీడియాలో వైరల్‌ కావడంతో డే కేర్‌ అంటే వణికిపోయే పరిస్థితి ఏర్పడింది.

వివరాల ప్రకారం.. ఉత్తరప్రదేశ్‌లోని నోయిడాకు చెందిన ఇద్ద‌రు పేరెంట్స్ ఉద్యోగ‌స్తులు కావ‌డంతో.. త‌మ 15 నెల‌ల ప‌సిబిడ్డ‌ను స్థానికంగా ఉన్న ఓ డేకేర్ సెంట‌ర్‌లో జాయిన్ చేశారు. అయితే ఆగ‌స్టు 4వ తేదీన ఆ ఆడ‌శిశువు ఎందుకో గుక్క‌ప‌ట్టి ఏడ్చింది. దీంతో డే కేర్‌లో యువతి.. ఏడుస్తున్న పాప‌ను లాలించాల్సింది పోయి.. క్రూర మృగంలా ప్ర‌వ‌ర్తించింది. ఏడుస్తున్న ఆ ప‌సిబిడ్డ‌ను ఎత్తుకుని ప‌లుమార్లు నేల‌కేసి కొట్టింది. అయినా ఏడుపు మాన‌డం లేద‌ని త‌ల‌ను గోడ‌కేసి కొట్టింది. చెంప దెబ్బ‌ల‌తో తీవ్రంగా గాయ‌ప‌రిచింది. అంతటితో ఆగకుండా.. బ్యాట్‌తో కొట్ట‌డంతో తొడ‌ల‌కు తీవ్ర గాయాల‌య్యాయి.

#Noida DAY CARE HORROR: A 15-month-old child was beaten, head smashed against a wall, dropped on the ground and bitten.

Every working parent's worst nightmare! pic.twitter.com/KttIyyL0g3

— Karan Singh (@Journo_Karan) August 11, 2025

అదే రోజున సాయంత్రం కావడంతో డే కేర్‌ సెంటర్‌కు వచ్చిన పేరెంట్స్‌.. తమ బిడ్డను ఇంటికి తీసుకెళ్లారు. ఈ క్రమంలో ఆ ప‌సిపాప శ‌రీరంపై ఉన్న గాయాల‌ను చూసి షాక్ అయ్యారు. తొడపై కొరికనట్టు గాయం, పలుచోట్ల ఎర్రగా కమిలిపోయి ఉండటంతో ఆవేదనకు గురైన పేరెంట్స్‌.. బిడ్డను తీసుకుని స్థానిక ఆసుపత్రిలో డాక్టర్‌ను సంప్ర‌దించారు. ఈ గాయాల‌న్నీ ఎవ‌రో కొట్టిన‌వి అని.. సదరు డాక్ట‌ర్ నిర్ధారించడంతో ఖంగుతిన్నారు.

దీంతో డే కేర్ సెంట‌ర్‌లోని సీసీటీవీ ఫుటేజీని బాధిత చిన్నారి పేరెంట్స్ ప‌రిశీలించారు. చంటిబిడ్డ‌ను ప‌నిమ‌నిషి హింసించిన భ‌యాన‌క దృశ్యాల‌ను చూసి త‌ల్లిదండ్రులు షాక్ అయ్యారు. దీంతో డే కేర్ సెంట‌ర్ హెడ్‌తో పాటు ప‌ని మ‌నిషిపై పోలీసుల‌కు ఫిర్యాదు చేశారు. వారిద్ద‌రిని పోలీసులు అదుపులోకి తీసుకుని విచారిస్తున్నారు. ఈ వీడియో సోషల్‌ మీడియాలో వైరల్‌ కావడంతో నెటిజన్లు డే కేర్‌ సెంటర్‌ నిర్వాకంపై మండిపడుతున్నారు. 

Noida - Sector-137 - पारस टियरा सोसायटी 

डे-केयर में 15 महीने की बच्ची से मारपीट और दांत काटने का आरोप

मेड ने थप्पड़ मारा, पटक दिया, प्लास्टिक बेल्ट से मारा और काटा

बच्ची जोर-जोर से रोती हुई दिखी

आरोपी मेड को पुलिस ने गिरफ्तार किया

अपने बच्चों को किसी के सहारे ना छोड़े 🙏🏻 pic.twitter.com/iTkb95I0VB

— Rimjhim Jethani (@RimjhimJethani1) August 11, 2025