అప్పుడు భూమిక.. ఇప్పుడు శ్రీముఖి.. భోళాశంకర్‌లో ఆ సీన్‌ రిపీట్..!

మెగాస్టార్‌ చిరంజీవి నటిస్తున్న తాజా చిత్రం భోళా శంకర్‌. మెహర్ రమేష్ తెరకెక్కిస్తున్న ఈ సినిమా తమిళ హిట్  వేదాళంకి రీమేక్‌గా తెరకెక్కుతున్న సంగతి తెలిసిందే. ఈ సినిమాలో తమన్నా హీరోయిన్‌గా నటిస్తుండగా, కీర్తి సురేష్‌ చిరుకు చెల్లెలిగా నటిస్తుంది. ఏకే ఎంటర్టైన్మెంట్స్ బ్యానర్ పై అనీల్ సుంకర నిర్మిస్తున్న ఈ చిత్రం కోసం మెగా ఫ్యాన్స్‌ ఆసక్తిగా ఎదురుచూస్తున్నారు. అయితే తాజాగా ఈ చిత్రానికి సంబంధించిన ఓ వార్త నెట్టింట్లో తెగ వైరలవుతోంది. అప్పట్లో పవన్ కల్యాణ్ సూపర్ హిట్ మూవీ ఖుషిలో భూమిక నడుము సీన్ ఇప్పటికీ ఎవర్‌ గ్రీన్. అయితే అలాంటి సీనే భోళా శంకర్‌లో తెరకెక్కించినట్లు టాక్ వినిపిస్తోంది. 

అయితే ఈ సీన్‌ను యాంకర్ శ్రీముఖిపై చిత్రీకరించారని సమాచారం. ఈ సినిమాలో చిరంజీవి-శ్రీముఖిపై నడుము సీన్ తెరకెక్కించారని టాలీవుడ్ వర్గాల్లో టాక్ వినిపిస్తోంది. ఈ చిత్రంలో మెగాస్టార్ పవన్ కల్యాణ్ అభిమానిగా కనిపిస్తారని.. అందుకే పవన్‌ సీన్ ఒక్కటైనా ఉండాలని ఖుషి సినిమాలోని ఎవర్ గ్రీన్ సన్నివేశం ప్లాన్ చేశారట. అయితే దీనిపై ఇప్పటివరకూ  ఎలాంటి అధికారిక ప్రకటన లేదు. మరిన్ని రోజులు ఆగితే ఈ విషయంపై క్లారిటీ రానుంది. మహా శివరాత్రి సందర్భంగా భోళా శంకర్‌ సినిమాకు సంబంధించి మేకర్స్‌ “స్ట్రీక్ ఆఫ్ శంకర్” పేరుతో గ్లింప్స్‌ను విడుదల చేసిన సంగతి తెలిసిందే.