'నాటు నాటు' పాట అలా పుట్టింది... వెల్లడించిన చంద్రబోస్‌

చిట్యాల: చల్లగరిగలో చిన్నప్పుడు నేర్చుకున్న పదాలతోనే ‘నాటు నాటు’పాట పుట్టింది.. దీంతో ఊరికే ఆస్కార్‌ అవార్డు దక్కిందని.. సినీ గేయ రచయిత కనుకుంట్ల చంద్రబోస్‌ అన్నారు. ఆర్‌ఆర్‌ఆర్‌ సినిమాకు రాసిన ‘నాటు నాటు’పాటకు వచ్చిన ఆస్కార్‌ అవార్డు స్వీక­రిం­చిన అనంతరం సొంత ఊరు జయశంకర్‌ భూపాలపల్లి జిల్లా చిట్యాల మండలం చల్లగరిగకు ఆదివారం వచ్చిన చంద్రబోస్‌ దంపతులు.. స్థానిక శివాలయంలో పూజలు చేశారు.

ఇంటినుంచి పాఠశాల వరకు డప్పు చప్పు­ళ్ల మధ్య ఊరేగింపుగా వెళ్లారు. చంద్రబోస్‌ చదివిన పాఠశాల 1969–2022 బ్యాచ్‌ల పూర్వ విద్యార్థులు అతన్ని ఘనంగా సన్మానించారు. అనంతరం చంద్రబోస్‌ మాట్లాడుతూ గ్రంథాలయం నుంచే తనకు అక్షర బీజం పడిందని.. ఇప్పడు శిథిలావస్థలో ఉన్న గ్రంథాలయాన్ని పునర్నిర్మిస్తానని చెప్పారు. గ్రామస్తులతో చిన్నప్పటి జ్ఞాపకాలను నెమరు వేసుకున్నారు.