ప్రభాస్‌ కల్కిలో ఆఫర్‌.. రిజెక్ట్‌ చేశా: కీర్తి సురేశ్

దసరా బ్యూటీ కీర్తి సురేశ్‌ ప్రస్తుతం రఘుతాత చిత్రంతో ప్రేక్షకుల ముందుకు రానున్నారు. గతేడాది దసరా మూవీతో సూపర్ హిట్ కొట్టిన కోలీవుడ్ భామ డిఫరెంట్‌ స్టోరీతో రాబోతోంది. అయితే ఈ ముద్దుగుమ్మ ప్రభాస్ నటిచిన కల్కి 2898 ఏడీ సినిమాలో బుజ్జికి వాయిస్ ఓవర్ ఇచ్చిన సంగతి తెలిసింగే. తాజా ఇంటర్వ్యూలో కల్కి సినిమా గురించి ఆసక్తికర కామెంట్స్ చేసింది. ఇందులో నాగ్ అశ్విన్‌ తనకు ఓ రోల్‌ ఆఫర్‌ చేశారని తెలిపింది. కానీ దాన్ని సున్నితంగా తిరస్కరించినట్లు వెల్లడించింది.

కీర్తి సురేశ్ మాట్లాడుతూ..'కల్కి 2898 ఏడీ చిత్రంలో ఓ రోల్ కోసం డైరెక్టర్ నన్ను సంప్రదించారు. కానీ ఆ పాత్ర నేను చేయలేనని చెప్పా. ఈ ప్రాజెక్ట్‌లో భాగం కావాలనుందని మెసేజ్‌ చేశా. ఆ తర్వాత ఆయన కాల్‌ చేసి బుజ్జి రోల్‌కు వాయిస్‌ ఓవర్‌ ఇవ్వాలని అడిగారు. నాకు మొదట అర్థం కాలేదు. షూట్‌లో నేను కూడా భాగం కావాల్సిన అవసరం లేదా? అని అడిగా. లేదు కేవలం వాయిస్‌ ఓవర్‌ ఇస్తే చాలు అన్నారు. దీంతో నేను వెంటనే ఓకే చెప్పా. వాయిస్‌ ఓవర్‌ విషయంలో నాగ్‌ అశ్విన్‌ నాకెంతో సాయం చేశారు' అని చెప్పుకొచ్చారు. 

అంతే కాకుండా కల్కి పార్ట్‌ -2 కోసం తాను ఎంతో ఆసక్తిగా ఎదురుచూస్తున్నట్లు తెలిపింది. అయితే తనకు కల్కిలో ఆఫర్‌ చేసిన పాత్ర ఏంటనేది మాత్రం వెల్లడించలేదు. దీనికి సంబంధించిన వీడియో సోషల్ మీడియాలో వైరలవుతోంది. కాగా.. కీర్తి ప్రధానపాత్రలో సుమన్‌కుమార్‌ తెరకెక్కించిన రఘు తాత ఆగస్టు 15న విడుదల కానుంది. 

I was offered some other role in #Kalki2898AD which I said no & opted for #Bujji voice. My best dubbing till date, lot of fun and waiting for #Kalki2898AD Part 2👌#Bujji voice is getting such fame that Bhardwaj wanted to end episode with that voice👌🤩
.@keerthyofficial #Prabhas pic.twitter.com/iIOUhIu8zB

— Pakistan Prabhas Fanclub (@Pak_PrabhasFC) August 11, 2024