హోంబలే ఫిల్మ్స్‌ బిగ్‌ ప్రాజెక్ట్‌ 'మహావతార్‌' ప్రకటన

భారతీయ చలనచిత్ర పరిశ్రమలో హోంబలే ఫిల్మ్స్‌ పరిచయం అవసరం లేని నిర్మాణ సంస్థ. ఈ సంస్థ నుంచి ఇప్పటికే కేజీఎఫ్‌,సలార్‌,కాంతార వంటి భారీ ప్రాజెక్ట్‌లను నిర్మించింది. ఆపై ప్రభాస్‌తో మరో మూడు చిత్రాలను నిర్మిస్తున్నట్లు కూడ తెలిపింది. అయితే, తాజాగా ఈ సంస్థ ఒక కొత్త ప్రాజెక్ట్‌ను ప్రారంభించింది. అందుకు సంబంధించిన పోస్టర్‌తో పాటు ఒక వీడియోను కూడా ప్రేక్షకులతో పంచుకుంది.

'మహావతార్‌: నరసింహ' అనే హిస్టారికల్‌ చిత్రాన్ని తెరకెక్కిస్తున్నట్లు హోంబలే ఫిల్మ్స్‌ అధికారికంగా ప్రకటించింది. అత్యంత భారీ బడ్జెట్‌తో నిర్మిస్తున్న ఈ చిత్రాన్ని అశ్విన్‌ కుమార్‌ దర్శకత్వం వహిస్తున్నారు. అయితే, ఈ మూవీలో నటించనున్న నటీనటులు ఇతర సాంకేతిక నిపుణుల పూర్తి వివరాలను త్వరలో వెల్లడించనున్నట్లు సమాచారం. 

పాన్‌ ఇండియా రేంజ్‌లో కన్నడ, తెలుగు, తమిళ, మలయాళ, హిందీ భాషల్లో  ఈ చిత్రం విడుదల కానుంది. సామ్‌ సీఎస్‌ ఈ మూవీకి సంగీతం అందిస్తుండగా.. శిల్పా ధావన్‌, కుశాల్‌ దేశాయ్‌, చైతన్య దేశాయ్‌లు నిర్మిస్తున్నారు.  మహావతార్‌ సిరీస్‌లో భాగంగా వస్తున్న తొలి సినిమా ఇదే కావడం విశేషం. అయితే, ఈ కథకు సీక్వెల్‌గా ఇతర అవతారాలతో పలు సినిమాలు రానున్నాయన మేకర్స్‌ హిట్‌ ఇచ్చారు.

హోంబలే ఫిల్మ్స్‌ నిర్మాణ సంస్థ నుంచి  కాంతార  ప్రీక్వెల్‌ చిత్రీకరణ జరపుకుంటుంది. భారీ బడ్జెట్‌తో తెరకెక్కుతున్న ఈ చిత్రంలో రిషభ్‌శెట్టి కీలక పాత్రలో కనిపించనున్నారు. మరోవైపు సలార్‌ పార్ట్‌2 శౌర్యంగ పర్వం కూడా ఇదే సంస్థ నిర్మిస్తుంది. ఈ చిత్రంతో కలిపి ప్రభాస్‌తో మూడు భారీ చిత్రాలు ప్లాన్‌ చేసినట్లు ఆ సంస్థ ప్రకటించిన విషయం తెలిసిందే.