గమనిక: స్విట్జర్లాండ్‌ వెళ్లి ఉంటే.. ప్రాణాలతో.. నావీ అధికారి కుటుంబం

ఏప్రిల్‌  22న పహల్గామ్‌  ఉగ్రదాడిలో నేవీ అధికారి లెఫ్టినెంట్ వినయ్ నర్వాల్ ప్రాణాలు కోల్పోయారు.  పెళ్లి తరువాత హనీమూన్‌ కోసం   కశ్మీర్‌కు వచ్చిన ఆ దంపతులు.  వినయ్ నర్వాల్ , అతని భార్య హనీమూన్ కోసం ముందు స్విట్జర్లాండ్ వెళ్లాలని అనుకున్నారట. కానీ వీసా రిజెక్ట్‌ కావడంతో మినీ స్విట్జర్లాండ్‌  ,సుందరమైన బైసరన్‌కు వెళ్లాలని నిర్ణయించుకున్నారు. రిసెప్షన్ పార్టీ తర్వాత రెండు రోజుల తర్వాత    పెళ్లైన ఆరు రోజులకు   పహల్గాం వెళ్లారని అదే  తన మనవడి జీవితానికి శాపంలా తగిలిందని వినయ్ తాత ,  హర్యానా రిటైర్డ్ పోలీసు అధికారి హవా సింగ్  తెలిపారు. తన మనవడికి స్విస్ వీసా మంజూరు అయి ఉండే తన  మనవడు ప్రాణాలతో ఉండేవాడని కన్నీటి పర్యంతమయ్యారు.

ఈ సందర్బంగా  వినయ్ నర్వాల్‌, అతని  భార్యకు  హిమాన్షికి చెందిన వీడియో అంటూ ఒక వీడియో నెట్టింట  తెగ వైరల్‌ అయింది. అయితే  ఈ వైరల్ వీడియో 22 ఏప్రిల్ 2025న కాశ్మీర్‌లోని పహల్గామ్‌లో జరిగిన ఉగ్రవాద దాడిలో మరణించిన నేవీ అధికారి లెఫ్టినెంట్ వినయ్ నర్వాల్, ఆయన భార్యకు సంబంధించింది కాదు.  యాషికా శర్మ షెరావత్, ఆశిష్ షెరావత్ అనే జంటది. వినయ్‌ వీడియోగా ఇది వైరల్‌ కావడంతో  ఈ వీడియో వినయ్‌ సార్‌ ది కాదని, తమది అంటూ అసలు విషయాన్ని వెల్లడించింది. దీన్ని లెఫ్టినెంట్ వినయ్ కుటుంబం ధృవీకరించింది కూడా.

చదవండి: పండక్కి ఫ్యామిలీతో ఇండియాకు.. ఉగ్రదాడిలో టెకీ దుర్మరణం

తన భర్తను ఉగ్రవాదులు కాల్చి చంపిన తరువాత, ఆయన శవపేటికను కౌగిలించుకుని గుండెలవిసేలా రోదించిన దృశ్యాలు కలచివేశాయి.  "జై హింద్"  అంటే తన భర్తకు  కన్నీటి నివాళులర్పించింది.  

చదవండి: Pahalgam : ఈ దుఃఖాన్ని ఆపడం ఎవ్వరి తరము? గుండెల్నిపిండేసే వీడియోలు
 

VIDEO | Karnal: Navy officer Lt. Vinay Narwal, who lost his life in the Pahalgam terror attack, was cremated with state honours.

(Full video available on PTI Videos - https://t.co/n147TvrpG7) pic.twitter.com/xUirNpooUC

— Press Trust of India (@PTI_News) April 23, 2025

సోదరి చేతుల మీదుగా అంత్యక్రియలు

వినయ్ అంత్యక్రియలు బుధవారం సాయంత్రం కర్నాల్‌లోని అతని స్వగ్రామంలో  అన్ని గౌరవ లాంఛనాలతో  జరిగాయి.  నేవీ అధికారి లెఫ్టినెంట్ వినయ్ నర్వాల్ సోదరి కర్నాల్‌లో ఆయన అంత్యక్రియలు నిర్వహించారు. హర్యానా ఎమ్మెల్యే జగ్మోహన్ ఆనంద్ సహా, పలువురు ఆర్మీ , నేవీ అధికారులు కూడా అంతిమ నివాళులు అర్పించారు. 

 
నోట్‌ : వినయ్‌, హిమాన్షికి సంబంధించిందిగా వైరల్  అయిన వీడియో  వారిది కాదని తెలియజేస్తున్నాం.  పొరపాటును గమనించగలరు.