నారాసురుడి రక్తపాతం.. ఇంత పిరికిపందలు.. సీమలో ఎలా పుట్టారురా!
Breaking News
‘టైగర్ ష్రాఫ్‌పై కాల్పులు మా పనే’.. లారెన్స్ బిష్ణోయ్ గ్యాంగ్
ఎస్‌ఎస్‌ఆర్‌, ఎస్‌ఐఆర్‌ మధ్య తేడాలివే.. సింపుల్‌గా తెలుసుకోండి
రాబోయే ఎన్నికల్లో కూటమికి సింగిల్‌ డిజిట్‌ కూడా రాదు: వైఎస్ జగన్
ఏపీలో ముగిసిన మున్సిపల్‌ ఎన్నికల నామినేషన్ల గడువు
ఏపీలో ఎక్కడా స్వేచ్ఛగా నామినేషన్లు వేయనివ్వడం లేదు!
ఎస్‌ఈసీని కలిసిన వైఎస్ జగన్
మా టైం వచ్చినప్పుడు మేమేంటో చూపిస్తాం: వైఎస్ జగన్
కోల్‌కతా తొక్కిసలాట: సీఎం సువేందు ఉన్నత స్థాయి సమీక్ష
సీఈసీ నియామకంపై వైఎస్ జగన్ కీలక వ్యాఖ్యలు
బాబుకు ఓటమి భయం పట్టుకుంది: వైఎస్ జగన్
పార్ట్‌నర్‌ పార్టీకి.. బాబు పార్టీ నుంచే అభ్యర్థుల సప్లై: వైఎస్ జగన్
తొక్కిసలాట విషాదం: పలు మండపాల్లో పూజల నిలిపివేత
ఏపీలో అధర్మ, రక్త చరిత్ర నడుస్తోంది: వైఎస్ జగన్
వైఎస్ జగన్ ప్రెస్‌మీట్‌ హైలైట్స్‌
జనసైనికుల ఆర్తనాదాలు.. నమ్మించి.. ఆపై నిండా ముంచిన పవన్‌ కల్యాణ్‌?!
బంగారం, వెండి ధరలు ఇలా..
19 మంది మృతి ‘సర్వసాధారణం’!.. తొక్కిసలాటపై బీజేపీ మంత్రి
ఏపీలో ఎమర్జెన్సీ రోజులు తలపిస్తున్నాయి: పెద్దిరెడ్డి
చెన్నైలో భారీ వర్షం: అధికారులకు సీఎం విజయ్ ప్రత్యేక ఆదేశాలు
ఎన్నడూ లేనిది.. నితీష్‌ను పొగిడిన ప్రశాంత్ కిశోర్
క్యూ1లో ఎఫ్‌డీఐల జోరు
Published on Fri, 09/05/2025 - 04:07
న్యూఢిల్లీ: ప్రస్తుత ఆర్థిక సంవత్సరం(2025–26) తొలి త్రైమాసికంలో విదేశీ ప్రత్యక్ష పెట్టుబడులు(ఎఫ్‌డీఐలు) 15 శాతం ఎగశాయి. వెరసి ఏప్రిల్‌–జూన్‌(క్యూ1)లో 18.62 బిలియన్‌ డాలర్లను తాకాయి. వీటిలో యూఎస్‌ నుంచి మూడు రెట్లు అధికంగా 5.61 బిలియన్‌ డాలర్లు తరలి వచ్చాయి. ప్రభుత్వ గణాంకాల ప్రకారం 2024–25 క్యూ1లో 16.17 బిలియన్‌ డాలర్ల ఎఫ్‌డీఐలు నమోదయ్యాయి.
ఈక్విటీ పెట్టుబడులుసహా మొత్తం ఎఫ్‌డీఐలు 25.2 బిలియన్‌ డాలర్లకు చేరాయి. గతేడాది క్యూ1లో 22.5 బిలియన్‌ డాలర్ల విదేశీ పెట్టుబడులు లభించాయి. టారిఫ్‌ సవాళ్లున్నప్పటికీ యూఎస్‌ నుంచి అత్యంత భారీగా 5.61 బిలియన్‌ డాలర్లు తరలి వచ్చాయి. గత క్యూ1లో ఇవి కేవలం 1.5 బిలియన్‌ డాలర్లుగా నమోదయ్యాయి.
ఈ ఏడాది క్యూ1లో ప్రధానంగా సింగపూర్‌ నుంచి 4.59 బిలియన్‌ డాలర్లు, మారిషస్‌ నుంచి 2.08 బిలియన్‌ డాలర్లు, సైప్రస్‌ నుంచి 1.1 బిలియన్‌ డాలర్లు, యూఏఈ నుంచి బిలియన్‌ డాలర్లు చొప్పున లభించాయి.
కాగా.. 2000 ఏప్రిల్‌ నుంచి 2025 జూన్‌వరకూ చూస్తే 76.26 బిలియన్‌ డాలర్ల పెట్టుబడులతో యూఎస్‌ మూడో ర్యాంకులో నిలవగా.. 182.2 బిలియన్‌ డాలర్లతో మారిషస్‌ అగ్రస్థానాన్ని ఆక్రమించింది. ఈ బాటలో సింగపూర్‌ 179.48 బిలియన్‌ డాలర్లతో రెండో పెద్ద ఇన్వెస్టర్‌గా నిలిచింది.
రంగాలవారీగా చూస్తే
ఈ ఏడాది తొలి త్రైమాసికంలో పలు రంగాలలోకి విదేశీ పెట్టుబడులు ప్రవహించాయి. ప్రధానంగా కంప్యూటర్‌ సాఫ్ట్‌వేర్‌ అండ్‌ హార్డ్‌వేర్‌ 5.4 బిలియన డాలర్లను ఆకట్టుకోగా.. సర్వీసులు 3.28 బిలియన్‌ డాలర్లు, ఆటోమొబైల్‌ 1.29 బిలియన్‌ డాలర్లు, సంప్రదాయ ఇంధనం 1.14 బిలియన్‌ డాలర్లు, ట్రేడింగ్‌ 50.6 కోట్ల డాలర్లు, కెమికల్స్‌ 14 కోట్ల డాలర్లు, టెలికమ్యూనికేషన్లు 2.4 కోట్ల డాలర్లు చొప్పున అందుకున్నాయి.
ఇక రాష్ట్రాలవారీగా చూస్తే కర్ణాటక అత్యధికంగా 5.69 బిలియన్‌ డాలర్ల విదేశీ పెట్టుబడులను సమకూర్చుకుంది. జాబితాలో తదుపరి మహారాష్ట్రకు 5.36 బిలియన్‌ డాలర్లు, తమిళనా డుకు 2.67 బిలియన్‌ డాలర్లు, గుజరాత్‌కు 1.2 బిలియన్‌ డాలర్లు, హర్యానాకు 1.03 బిలియన్‌ డాలర్లు, ఢిల్లీకి బిలియన్‌ డాలర్లు చొప్పున లభించాయి.
#
Tags : 1