విజయనగరంలో ఇంత దారుణం ఎప్పుడు చూడలేదు ఇంతలా దాడి చేస్తారా..
Breaking News
రాప్తాడు ఘటన.. బాలికపై దాడి చేసింది వీడే..
ఢిల్లీ కాలుష్యం: 50 శాతం ఉద్యోగులు వర్క్ ఫ్రమ్ హోమ్!
5 స్టార్‌ హోటల్‌ స్విమ్మింగ్‌ పూల్‌లో షాక్ : ఇద్దరు విదేశీయులు దుర్మరణం
ఇండియా కూటమికి ఢిల్లీ పోలీసుల షాక్!
ఏపీ, టీజీ సహా 13 రాష్ట్రాలకు వర్షసూచన.. అటు ఎల్‌నినో కలవరం!
టెన్త్ క్లాస్‌ బాలికను రంపంతో కోసిన ఉన్మాది
సిద్ధరామయ్యపై స్టింగ్‌ ఆపరేషన్‌.. మరో బిగ్‌ ట్విస్ట్‌
ఇరాన్‌తో యుద్ధం.. డబ్బు అంతా అక్కడి నుంచే.. ట్రంప్‌ సంచలన ప్రకటన
మాజీ ఎమ్మెల్యే పిన్నెల్లిపై అక్రమ కేసు
భద్రతా వలయంలో ఢిల్లీ.. 3,500 మంది పోలీసుల మోహరింపు!
కానిస్టేబుల్‌ పేపర్‌ లీక్‌.. రూ.2.01 కోట్ల ఆస్తులు జప్తు!
కూటమికి అనుకూలంగా పోలింగ్‌ జరిగేలా కుట్ర!
దీపావళి ఎఫెక్ట్: 50 శాతానికి పైగా పెరిగిన విమాన ఛార్జీలు!
ఇస్రో ప్రయోగం విజయవంతం.. ప్రధాని మోదీ హర్షం
ప్రముఖ హీరోకు ఎఫ్‌డీఏ నోటీసు.. హైకోర్టులో సవాల్‌ చేస్తూ..
కశ్మీర్‌లో పొలిటికల్‌ ట్విస్ట్‌.. సీఎం ఒమర్‌కు భారీ షాక్!
ఢిల్లీలో వింత వాతావరణం.. 75 ఏళ్లలో ఎన్నడూ లేనంతగా..!
సైనిక చర్యలతో సమస్యలు పరిష్కారం కావు: జైశంకర్
Delhi: షూ ఫ్యాక్టరీలో అగ్నిప్రమాదం.. నలుగురు మృతి
తమిళనాట సంచలనం.. నిరుద్యోగులకు విజయ్‌ సర్కార్‌ గుడ్‌న్యూస్‌
వీడు అలరిస్తాడు... అదే వీడి సత్తా
Published on Sat, 10/31/2026 - 05:28
ఓటీటీలో ‘ఇది చూడొచ్చు’ అనే ప్రాజెక్ట్స్‌ చాలా ఉంటాయి. ప్రస్తుతం స్ట్రీమ్‌ అవుతున్న వాటిలో తమిళ చిత్రం ‘బత్తా’ ఒకటి. నెట్‌ ఫ్లిక్స్‌లో స్ట్రీమ్‌ అవుతున్న ఈ చిత్రం గురించి తెలుసుకుందాం.
ఏదైనా సున్నితమైన అంశాన్ని సూటిగా చెప్పకుండా సుతిమెత్తగా, సుతారంగా... ముఖ్యంగా సినిమాటిక్‌గా చెబితే ఇక ఆ సినిమా సూపర్‌ హిట్టే. ఆ కోవలో తీసిన సినిమానే ‘బత్తా’. ప్రముఖ దర్శకుడు అట్లీ సమర్పణలో విజయ్‌ సేతుపతి హీరోగా నటించిన ఈ సినిమా ఓ అద్భుతమనే చెప్పాలి. కథాంశం పక్కన పెడితే... విజయ్‌ సేతుపతి ఇమేజ్‌కి ఈ సినిమా చేయడమంటే చాలా సాహసమనే చెప్పాలి. ఎందుకంటే ఈ సినిమా కథ అంత చిన్నది కాబట్టి.
కానీ విజయ్‌ సేతుపతి చేయడం వల్ల ఈ సినిమా కథాంశం ప్రేక్షకాదరణకు నోచుకుంది. దర్శకుడు బాలాజీ తరణీతరన్‌ ఈ కథ రాసి, తెరకెక్కించిన విధానం న భూతో న భవిష్యతి అని చెప్పవచ్చు. అంతేకాకుండా విజయ్‌ సేతుపతితో పాటు ఈ సినిమాలో నటించిన ఓ బాల నటుడి గురించి ప్రత్యేకంగా చెప్పుకోవాలి. సినిమా మొత్తంలో తన నటనతో ప్రేక్షకులను మెప్పించిన ఈ బుడతడి పేరు సాయి పృథ్వీరాజ్‌. తను ఈ సినిమాలో నటించలేదు... జీవించాడు.
‘బత్తా’ సినిమా మొత్తం కేవలం రెండు పాత్రల చుట్టూనే కథ తిరుగుతుంది. ఒకటి విజయ్‌ సేతుపతి పాత్ర అయితే మరోటి ఈ సాయి పృథ్వీరాజ్‌ది. సినిమా అయిపోయాక ఇదా కథ అని అనుకోకుండా ఉండలేరు. అంతలా మెప్పించిన ఆ కథేంటో ఓసారి చూద్దాం. 1986 కాలం ఇతివృత్తంగా రాసుకున్న కథ ఇది. అప్పట్లో మద్రాసు నగరానికి దగ్గరలో ఉండే ఓ పల్లెటూరిలో కరడుగట్టిన ఓ కసాయి రౌడీ భక్తవత్సలం బత్తా (విజయ్‌ సేతుపతి) పేరుతో చలామణీ అవుతుంటాడు.
ఊర్లో ఉన్న చిన్నా పెద్దా అందరికీ బత్తా అంటే వణుకే. మరీ ముఖ్యంగా ఆ ఊరి ప్రైమరీ స్కూల్‌లో చదివే శబరి అనే చిన్నోడికి మాత్రం బత్తా పేరు వింటేనే చెమటలు పడుతుంటాయి. అలాంటి రౌడీని ఈ పిల్లాడు అనుకోకుండా కిడ్నాప్‌ చేస్తాడు. అదే సినిమాలోని అసలైన పాయింట్‌. మరి... పిల్లాడి చేతిలో కిడ్నాప్‌ అయిన ఈ రౌడీ బత్తా బయటపడ తాడా? లేదా? అసలు అంత పెద్ద రౌడీ చిన్నపిల్లాడి చేతికి ఎలా చిక్కాడు? ఇటువంటి వాటన్నిటికీ సమాధానమే ‘బత్తా’.
సినిమా మొత్తం ఎగ్జైటింగ్‌గా ఉంటుంది. క్లైమాక్స్‌లో వచ్చే అనూహ్యమైన మలుపు ప్రేక్షకులను గిలిగింతలు పెట్టిస్తుంది. విజయ్‌ సేతుపతి సహజ నటన, సాయి పృథ్వీరాజ్‌ అసమాన ప్రతిభ ఈ సినిమాకి మణి మాణిక్యాలు. ఈ ‘బత్తా’ సినిమా మాతృక తమిళం అయినా నెట్‌ఫ్లిక్స్‌లో తెలుగులోనూ లభ్యమవుతోంది. మస్ట్‌ వాచ్‌ విత్‌ ఫ్యామిలీ ఫర్‌ ది వీకెండ్‌.
– హరికృష్ణ ఇంటూరు
#
Tags : 1