త్వరలో స్కై

‘‘స్కై’లో ప్రతిభ గల టీమ్‌తో వర్క్‌ చేయడం హ్యాపీగా ఉంది. మంచి కథతో రూపొందిన ఈ చిత్రం ప్రేక్షకులను అలరిస్తుంది’’ అన్నారు  మురళీ కృష్ణంరాజు. పృథ్వీ పెరిచెర్ల దర్శకత్వంలో మురళీ కృష్ణంరాజు, శ్రుతీ శెట్టి జంటగా నటించిన సినిమా ‘స్కై’. నాగిరెడ్డి గుంటక, పృథ్వీ పెరిచెర్ల, శ్రీలక్ష్మీ గుంటక, మురళీ కృష్ణంరాజు నిర్మించిన ఈ చిత్రం త్వరలో రిలీజ్‌ కానుంది.

ఈ సినిమా టీజర్‌ విడుదల వేడుకలో పృథ్వీ పెరిచెర్ల మాట్లాడుతూ– ‘‘డైరెక్టర్‌గా నాకు ఇది తొలి చిత్రం. ‘స్కై’ ప్రీమియర్‌ చూసినవారు చాలా బాగుందని చెప్పారు. మా సినిమాని ఆదరిస్తే ఇలాంటి మంచి కథలు తెరపైకి తెచ్చే ప్రయత్నం చేస్తూనే ఉంటాం’’ అన్నారు. ‘‘ఒక కాంపాక్ట్‌ బడ్జెట్‌లో పర్ఫెక్ట్‌గా ఒక మూవీ చేస్తే ఎలా ఉంటుంది అనేందుకు మా ‘స్కై’ ఓ ఉదాహరణ’’ అని సినిమాటోగ్రాఫర్‌ రసూల్‌ ఎల్లోర్‌ చెప్పారు.