Breaking News

19 డిపోలు లాభాలబాట

Published on Tue, 07/19/2022 - 02:53

సాక్షి, హైదరాబాద్‌: ఆర్టీసీ డిపోలు క్రమంగా లాభాలు ఆర్జించడం మొదలుపెట్టాయి. దాదాపు ఎనిమిదేళ్ల తర్వాత 19 డిపోలు లాభాలను సమకూర్చుకున్నాయి. మొత్తం 97 డిపోలున్న సంస్థ ప్రతినెలా రూ.100 కోట్లకు తగ్గకుండా నష్టాలు చవిచూస్తున్న నేపథ్యంలో ఇది వెలుగురేఖలా కనిపిస్తోంది. ఈ ఆర్థిక సంవత్సరం ఏప్రిల్‌లో కేవలం 4 డిపోలు, మే నెలలో ఎనిమిది డిపోలు లాభాలు చవిచూడగా, జూన్‌లో లాభాలు సాధించిన డిపోల సంఖ్య 19కి చేరినట్టు అధికారులు తేల్చారు. జూన్‌లో ఈ డిపోల మొత్తం లాభాలు రూ.7.43 కోట్లు. జూన్‌కు సంబంధించి ఆర్టీసీ సంస్థ మొత్తం నష్టాలు రూ.52.67 కోట్లు. వెరసి మొత్తం రూ.40 కోట్ల వరకు నష్టాలు తగ్గినట్టు తెలుస్తోంది.  

2014 తర్వాత..? 
రాష్ట్రం విడిపోయిన తర్వాత 2014 జూన్‌లో తొలిసారి లాభ నష్టాలను తెలంగాణ, ఆంధ్రప్రదేశ్‌ ఆర్టీసీలు విడివిడిగా చూపాయి. ఆ నెలలో తెలంగాణ ఆర్టీసీ రూ.7.87 కోట్ల లా­భాలను తెచ్చిపెట్టినట్టు లెక్కల్లో తేల్చారు. కానీ, సరైన పర్యవేక్షణ, ప్రణాళిక లేకుండా వ్యవహరించటం, భారీగా పెరిగిన సిబ్బంది జీతాలు, ఒకేసారి పెద్ద సంఖ్యలో తాత్కాలిక ఉద్యోగుల క్రమబద్ధీకరణ వెరసి... ఆర్టీసీ నష్టాలబాట ప­ట్టింది.

ఏడాదికి రూ.వంద కోట్లలోపు నష్టాలతో మొదలై క్రమం­గా అది రూ.2 వేల కోట్లకు చేరింది. రెండుమూడు ప­ర్యా­యాలు ముఖ్యమంత్రి కేసీఆర్‌ ఆర్టీసీ అధికారులపై తీవ్ర ఆగ్రహం వ్యక్తం చేయడం, మూడు నాలుగు నెలల్లో లాభాల్లోకి రాకుంటే ఆర్టీసీని ప్రైవేటీకరిస్తామంటూ ఆర్టీసీ చైర్మన్‌ బాజిరెడ్డి గోవర్ధన్‌ ఇటీవల హెచ్చరించడంతో ఆర్టీసీ పనితీరులో మార్పు కనిపించడమేకాక లాభాలబాటపట్టింది. 

డీజిల్‌ సెస్‌.. వంద రోజుల ప్రణాళిక 
ఆర్టీసీ ఎండీ సజ్జనార్‌ రెండు నెలల క్రితం 100 రోజుల ప్రణాళిక ప్రారంభించి అధికారులు, సిబ్బందికి లక్ష్యాలు నిర్దేశించారు. దీంతో డిపోలలో నష్టా­లు, ఖర్చులకు కొంత బ్రేక్‌ పడింది. డీజిల్‌ ఖర్చు భారీగా పెరిగినందున సజ్జనార్‌ డీజిల్‌ సెస్‌ ప్రవేశపెట్టారు. నెల రోజుల వ్యవధిలో మళ్లీ సెస్‌ సవరించారు. జూన్‌లో ఈ సవరింపు అమలులోకి రావడంతో రోజువారీ ఆదాయం రూ.2 కోట్ల కంటే ఎక్కువగా పెరుగుదల నమోదైంది.

జూన్‌ నెలాఖరులో భారీ వర్షాలు కురవటంతో ప్రయాణికుల సంఖ్య తగ్గి ఆదాయానికి కొంత గండిపడింది. లేని పక్షంలో కనీసం మరో 10 డిపోలు లాభాల్లోకి వచ్చేవని అధికారులు పేర్కొంటున్నారు. వానాకాలంలో సెప్టెంబర్‌ వరకు సాధారణంగా ఆదాయం పడిపోతుంది. మళ్లీ అక్టోబర్‌ తర్వాత పుంజుకోవటం సహజం.  

2022 మే నెలలో డిపోలవారీ లాభాలు 
పరిగి: రూ.2.53 లక్షలు, జహీరాబాద్‌: రూ.6 లక్షలు, నిజామాబాద్‌–1 డిపో రూ.11.75 లక్షలు, మిర్యాలగూడ: 38.53 లక్షలు, పికెట్‌: 62.46 లక్షలు, హైదరాబాద్‌–1 డిపో: 1.45 కోట్లు, హైదరాబాద్‌–2 డిపో: 1.28 కోట్లు, యాదగిరిగుట్ట: 2.62 కోట్లు చొప్పున లాభాలు సాధించాయి. వెరసి ఈ ఎనిమిది డిపోలు 6.5 కోట్ల లాభాలు సాధించిపెట్టాయి.  

తాజాగా లాభాల్లోకి వచ్చిన 19 డిపోలు ఇవే 
హైదరాబాద్‌–1, 2, పికెట్, మణుగూరు, దేవరకొండ, భద్రాచలం, కరీంనగర్, జగిత్యాల, వేములవాడ, యాదగిరిగుట్ట, పరిగి, వరంగల్‌–1, సత్తుపల్లి, నిర్మల్, గోదావరిఖని, నిజామాబాద్‌–1, సూర్యాపేట, నల్లగొండ, కోదాడ.  

#

Tags : 1

Videos

వల్లభనేని వంశీ ఆరోగ్యంపై భార్య ఎమోషనల్..

మాజీ ఎమ్మెల్యే వల్లభనేని వంశీకి 14 రోజుల రిమాండ్

రేపట్నుంచి ఐపీఎల్ పునఃప్రారంభం

Liquor Case: రాజకీయ కక్ష అని తేలితే...? సుప్రీం సీరియస్

Miss World 2025: అందం అంటే..!

మాట నిలబెట్టుకున్న జగన్.. ఆర్మీ జవాన్ మురళీ నాయక్ కుటుంబానికి 25 లక్షల చెక్

మంత్రి కొండా సురేఖ వ్యాఖ్యలపై కేటీఆర్ రిప్లై

సమంత లవ్ స్టోరీలో బిగ్ ట్విస్ట్?

ప్రపంచానికి మన సత్తా ఏంటో కళ్లకు కట్టేలా చూపించాం

తిరుమల శ్రీవారికి భారీ విరాళం

Photos

+5

నెల్లూరులో ప్రసిద్ధ ఆలయం..శనివారం ఒక్కరోజే భక్తులకు దర్శనం (ఫొటోలు)

+5

'వచ్చినవాడు గౌతమ్‌' సినిమా టీజర్‌ లాంచ్‌ (ఫొటోలు)

+5

సుందరీమణుల మనస్సు దోచిన 'పోచంపల్లి చీరలు'..ఫ్యాషన్ షో అదరహో (ఫొటోలు)

+5

సరస్వతి పుష్కరాలు.. కాళేశ్వరంలో సీఎం రేవంత్‌ పర్యటన (ఫొటోలు)

+5

Miss World 2025 : యాదగిరిగుట్ట, పోచంపల్లిలో మిస్‌ వరల్డ్‌ బ్యూటీస్‌ సందడి (ఫొటోలు)

+5

బర్త్ డే పార్టీ ఫోటోలు షేర్ చేసిన యాంకర్ రష్మీ గౌతమ్ (ఫొటోలు)

+5

డ్యాన్సింగ్‌ క్వీన్‌ 'మాధురీ దీక్షిత్‌' బర్త్‌డే.. ఈ విషయాలు తెలుసా?

+5

నిఖిల్‌ సిద్ధార్థ్ పెళ్లికి ఐదేళ్లు.. భార్యకు స్పెషల్ విషెస్ (ఫొటోలు)

+5

తెలంగాణ : సరస్వతీ నది పుష్కరాలు ప్రారంభం (ఫొటోలు)

+5

అనంతపురంలో కుండపోత వర్షం.. వరద నీటిలో ప్రజల ఇక్కట్లు (ఫొటోలు)