స్టీవ్‌ స్మిత్‌ విధ్వంసకర సెంచరీ.. వణికిపోయిన బౌలర్లు! వీడియో

Published on Fri, 01/16/2026 - 18:09

బిగ్ బాష్ లీగ్‌-2025లో ఆస్ట్రేలియా స్టార్ బ్యాట‌ర్ స్టీవ్ స్మిత్ విధ్వంసం సృష్టించాడు. ఈ టోర్నీలో సిడ్నీ సిక్సర్సకు ప్రాతినిథ్యం వహిస్తున్న స్మిత్‌.. శుక్రవారం సిడ్నీ థండర్‌తో జరిగిన మ్యాచ్‌లో అద్భుతమైన సెంచరీతో చెలరేగాడు. 190 పరుగుల లక్ష్య చేధనలో స్మిత్ ఆకాశమే హద్దుగా చెలరేగాడు. ఓపెనర్‌గా బరిలోకి దిగిన స్మిత్‌.. ప్రత్యర్ధి బౌలర్లను ఉతికారేశాడు.

సిడ్నీ క్రికెట్ గ్రౌండ్‌లో బౌండరీల వర్షం కురిపించాడు. ముఖ్యంగా సిడ్నీ థండర్ బౌలర్ రైన్ హాడ్లీని స్మిత్ టార్గెట్ చేశాడు. రైన్ హాడ్లీ వేసిన 12వ ఓవర్‌లో స్మిత్ వరుసగా నాలుగు సిక్సర్లు, ఒక ఫోర్‌తో ఏకంగా 32 పరుగులు రాబట్టాడు. ఈ క్రమంలో కేవలం 41 బంతుల్లో తన నాలుగో బీబీఎల్ సెంచరీ మార్క్‌ను స్మిత్ అందుకున్నాడు.

స్మిత్ 5 ఫోర్లు, 9 సిక్స్‌లతో సరిగ్గా వంద పరుగులు చేసి ఔటయ్యాడు. అతడితో పాటు బాబర్ ఆజం(39 బంతుల్లో 47) కీలక ఇన్నింగ్స్ ఆడాడు. దీంతో సిడ్నీ సిక్సర్‌ లక్ష్యాన్ని 17.2 ఓవర్లలో కేవలం 5 వికెట్లు కోల్పోయి చేధించింది. సిడ్నీకి ఇది వరుసగా నాలుగో విజయం.

వార్నర్ సెంచరీ వృథా..
ఇక ఇదే మ్యాచ్‌లో ఆసీస్ మాజీ ఓపెనర్, సిడ్నీ థండర్ కెప్టెన్ డేవిడ్ వార్నర్ కూడా శతక్కొట్టాడు. 65 బంతుల్లో 11 ఫోర్లు, 4 సిక్స్‌లతో 110 పరుగులు చేసి వార్నర్‌ అజేయంగా నిలిచాడు. మిగితా ప్లేయర్ల నుంచి పెద్దంగా సహకరం లేకపోవడంతో సిడ్నీ 200 పరుగుల మార్క్‌ను దాటలేకపోయింది.

తొలుత బ్యాటింగ్‌ చేసిన సిడ్నీ నిర్ణీత 20 ఓవర్లలో 6 వికెట్ల నష్టానికి 189 పరుగులు చేసింది. సిడ్నీ సిక్సర్స్‌ బౌలర్లలో సామ్‌కుర్రాన్‌ మూడు వికెట్లు పడగొట్టగా.. ఎడ్వర్డ్స్‌, స్టార్క్‌, బెన్ మనేంటి తలా వికెట్‌ సాధించారు. కాగా వార్నర్‌కు ఈ ఏడాది సీజన్‌లో ఇది రెండో సెంచరీ.

స్మిత్ స‌రికొత్త చ‌రిత్ర‌
ఈ మ్యాచ్‌లో సెంచ‌రీతో చెల‌రేగిన స్మిత్ ప‌లు అరుదైన రికార్డుల‌ను త‌న ఖాతాలో వేసుకున్నాడు. బిగ్ బాష్ లీగ్ చరిత్రలో అత్యంత‌వేగ‌వంత‌మైన సెంచ‌రీ చేసిన రెండో ప్లేయర్‌గా స్మిత్ నిలిచాడు. ఈ జాబితాలో మిచెల్ ఓవెన్, క్రెయిగ్ సిమన్స్ అగ్ర‌స్దానంలో ఉన్నారు. వీరిద్ద‌రూ కేవ‌లం 39 బంతుల్లోనే సెంచ‌రీ మార్క్‌ను అందుకున్నారు.

అంతేకాకుండా బిగ్ బాష్ లీగ్‌లో అత్య‌ధిక సెంచ‌రీలు చేసిన ప్లేయ‌ర్‌గా స్మిత్(4) రికార్డుల‌కెక్కాడు. ఇంత‌కుముందు ఈ రికార్డు డేవిడ్‌ వార్న‌ర్‌, బెన్ మెక్‌డెర్మాట్‌ల పేరిట ఉండేది. వారిద్ద‌రూ త‌మ బీబీఎల్ కెరీర్‌లో మూడు సెంచ‌రీలు చేశాడు. తాజా సెంచ‌రీతో వీరిద్ద‌రిని స్మిత్ వెన‌క్కి నెట్టాడు.
చదవండి: అతడొక అద్భుతం.. కనీసం మూడో మ్యాచ్‌లోనైనా ఆడించండి: అశ్విన్‌

32 RUNS OFF ONE OVER!

Steve Smith hit four sixes in a row in this wild over at the SCG. #BBL15 pic.twitter.com/fSPEaw3Xoo
— KFC Big Bash League (@BBL) January 16, 2026

Tags : 1

Videos

View all

నామినేషన్ వేయనియ్యకుండా.. టీడీపీ నేతల అరాచకం.. చోద్యం చూస్తున్న పోలీసులు..

AK-47తో YSRCP నేతలపై కాల్పులు... YS అవినాష్ రెడ్డి స్ట్రాంగ్ వార్నింగ్..!

అమెరికాలో మహా ప్రళయం.. ఒకేసారి 3 రాకాసి తుఫానులు!

బన్నీ - జూ ఎన్టీఆర్ మల్టీస్టారర్.. నెల్సన్ మాస్టర్ ప్లాన్...

కడపలో ఉద్రిక్తత.. కార్పొరేటర్ అభ్యర్థులపై కత్తి పోట్లు.. బండి దీప్తి ఇంటిపై దాడి!

పులివెందులలో కాల్పులు.. YSRCP నేతలపై పోలీసుల దాష్టీకం

MP గురుమూర్తి చేతిలో నుంచి నామినేషన్ పేపర్స్ లాక్కొని పారిపోయిన టీడీపీ నేతలు

నూజివీడులో బాబుకు బిగ్ షాక్.. YSRCPలో చేరిన TDP కుటుంబాలు

బంగారం ధరల్లో బిగ్ ట్విస్ట్! నేడు తులం ఎంతంటే?

ఓటీటీలో ట్రెండ్ అవుతోన్న రొమాంటిక్ థ్రిల్లర్..

Photos

View all

తిరుమల : పుష్ప‌క విమానంలో గోవర్ధనగిరిధారి కృష్ణుడి రూపంలో శ్రీ మ‌ల‌య‌ప్ప (ఫొటోలు)

'రణబాలి' జయమ్మ.. మర్చిపోలేకపోతున్న రష్మిక (ఫొటోలు)

విజయవాడ ఇంద్రకీలాద్రిపై భక్తుల రద్దీ.. (ఫొటోలు)

‘ఇట్లు అర్జున’ మూవీ ప్రీ-రిలీజ్ వేడుకలో హీరోయిన్‌ అనస్వర రాజన్ (ఫొటోలు)

తిరుమల : హనుమంత వాహనంపై కోదండ రామునిగా శ్రీ మలయప్పస్వామి (ఫొటోలు)

బర్త్‌డే స్పెషల్‌.. కీర్తి ఫొటోలు వైరల్‌

కరీంనగర్ జిల్లాలో ఘనంగా బతుకమ్మ వేడుకలు (ఫొటోలు)

‘రణబాలి’ మూవీ సక్సెస్ సెలబ్రేషన్స్ (ఫొటోలు)

'ఇట్లు అర్జున'కి అండగా కింగ్ నాగార్జున (ఫొటోలు)

ఇంట్లో అమ్మవారి పూజ చేసిన డైరెక్టర్ మారుతి (ఫొటోలు)