26నుంచి భారీ వర్షాలు
Breaking News
వెస్ట్ బ్యాంక్‌లో ఇజ్రాయెల్‌ ‘ఐడీఎఫ్’ ఆపరేషన్
అంత్యక్రియల్లో కాల్పులు.. ఒళ్లు గగుర్పొడిచే దృశ్యాలు
దక్షిణ పసిఫిక్‌లో భారీ భూకంపం.. రెండుసార్లు ప్రకంపనలు
అమెరికా సీక్రెట్‌ స్థావరాలపై వింత వస్తువులు.. ఏంటీ మిస్టరీ?
టీవీకే నేతపై లైంగిక దాడి కేసు.. మరుసటి రోజే షాకింగ్‌ ట్విస్ట్‌!
రష్యా-ఉక్రెయిన్‌ యుద్ధంలో మెలానియా ఎంట్రీ.. 29న ఏం జరగనుంది?
ఇరాన్‌ బిగ్‌ ప్లాన్‌.. ట్రంప్‌ వార్నింగ్
ఎల్‌నినో అంటే భూతం కాదు.. కరువు: సీఎం రేవంత్‌
IPL 2024 DC VS KKR: ఐపీఎల్‌ చరిత్రలో రెండో భారీ స్కోర్‌
Published on Wed, 04/03/2024 - 21:50
ఐపీఎల్‌ 2024లో భాగంగా ఢిల్లీ క్యాపిటల్స్‌తో ఇవాళ (ఏప్రిల్‌ 3) జరుగుతున్న మ్యాచ్‌లో కేకేఆర్‌ బ్యాటర్లు వీరంగం సృష్టించారు. టాపార్డర్‌ బ్యాటర్లు పోటాపోటీపడి విధ్వంసం సృష్టించారు. ఫలితంగా ఐపీఎల్‌ చరిత్రలోనే రెండో అతి భారీ స్కోర్‌ నమోదైంది.
ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన కేకేఆర్‌.. సునీల్‌ నరైన్‌ (39 బంతుల్లో 85; 7 ఫోర్లు, 7 సిక్సర్లు), రఘువంశీ (27 బంతుల్లో 54; 5 ఫోర్లు, 3 సిక్సర్లు), ఆండ్రీ రసెల్‌ (19 బంతుల్లో 41; 4 ఫోర్లు, 3 సిక్సర్లు), శ్రేయస్‌ అయ్యర్‌ (11 బంతుల్లో 18; 2 సిక్సర్లు), రింకూ సింగ్‌ (8 బంతుల్లో 26; ఫోర్‌, 3 సిక్సర్లు) ఆకాశమే హద్దుగా చెలరేగిపోవడంతో నిర్ణీత ఓవర్లలో 7 వికెట్ల నష్టానికి 272 పరుగుల చేసింది. ఐపీఎల్‌లో ఇది రెండో అతి భారీ స్కోర్‌.
ఇదే సీజన్‌లో ముంబై ఇండియన్స్‌పై సన్‌రైజర్స్‌ చేసిన స్కోర్‌ (277/3) ఐపీఎల్‌ చరిత్రలోనే అత్యధిక స్కోర్‌గా ఉంది. ఓ సీజన్‌లో 250పైగా స్కోర్లు రెండు సార్లు నమోదు కావడం 17 ఏళ్ల ఐపీఎల్‌ చరిత్రలో ఇదే మొదటిసారి.
ఐపీఎల్‌ చరిత్రలో టాప్‌-5 అత్యధిక స్కోర్లు..
- సన్‌రైజర్స్‌ హైదరాబాద్‌ (277/3): 2024 సీజన్‌లో ముంబై ఇండియన్స్‌పై
- కోల్‌కతా నైట్‌రైడర్స్‌ (266/6): 2024 సీజన్‌లో ఢిల్లీ క్యాపిటల్స్‌పై
- రాయల్‌ ఛాలెంజర్స్‌ బెంగళూరు (263/5): 2013 సీజన్‌లో పూణే వారియర్స్‌పై
- లక్నో సూపర్‌ జెయింట్స్‌ (257/5): 2023 సీజన్‌లో పంజాబ్‌ కింగ్స్‌పై
- రాయల్‌ ఛాలెంజర్స్‌ బెంగళూరు (248/3): 2016 సీజన్‌లో గుజరాత్‌ లయన్స్‌పై
#
Tags : 1