విశ్వక్ సేన్ లో ఇంత మార్పా?
Breaking News
ఎల్‌నినో అంటే భూతం కాదు.. కరువు: సీఎం రేవంత్‌
iPhone Duo క్రేజీ సేల్‌ : 5 నిమిషాల్లోనే ఆల్ స్టాక్ అవుట్
ప్రెగ్నెంట్‌ మైనర్‌ బాలికపై గ్యాంగ్‌రేప్‌ : డెలివరీ, శిశువు మృతి
కేఎల్‌ రాహుల్‌ అవుట్!.. భారత జట్టులో అతడికి చోటు
ఏపీ హైకోర్టులో వైఎస్సార్‌సీపీ లంచ్‌మోషన్‌ పిటిషన్
విడదల రజినీని నెట్టేసిన ఎస్‌ఐ.. కింద పడ్డ మాజీ మంత్రి!
బరువైన లెహంగా, నగలతో పెళ్లి కూతురి పరుగు : సీఎంకు విజ్ఞప్తి వైరల్‌
బాబు కుట్రలు.. సాక్ష్యాలతో బయటపెట్టిన వైఎస్‌ జగన్
ఏపీ రావణ కాష్ఠం.. బాబు సర్కార్‌ అష్ట కుట్రలు!
సీజేపీకి మద్దతు కాదు.. కేంద్రాన్ని టార్గెట్‌ చేసిన అన్నామలై!
రిటైర్మెంట్‌ ప్రకటించిన టీమిండియా క్రికెటర్‌
వీటిని ఎన్నికలంటారా?: వైఎస్‌ జగన్
అడ్డగోలు అబద్ధాలు, డ్రామాలు ఎందుకు బాబూ?
ఎయిర్‌ ఇండియా విమానానికి తప్పిన పెను ప్రమాదం
ఐపీఎస్‌ అంకితా శర్మకు బిగ్‌ షాక్‌.. ఇలా జరిగిందేంటి?
మాల్దీవుల డబుల్‌ గేమ్‌.. భారత్‌కు వెన్నుపోటేనా?
రాష్ట్రపతి, సీజేఐకి ఎంపీ గురుమూర్తి లేఖ
ఈసీలో అంతర్గత పోరు.. కమిషనర్ల ఫిర్యాదుపై కేంద్రం వెనకడుగు!
ఇరాన్‌ మాస్టర్‌ప్లాన్‌.. ఎన్నికల వేళ ట్రంప్‌ ఉక్కిరిబిక్కిరి!
పరాకాష్టకు రెడ్‌బుక్‌ దాష్టీకాలు.. అవే దౌర్జన్యాలు, దాడులు
వన్డే ప్రపంచకప్‌లో ఫాస్టెస్ట్‌ సెంచరీ ఎవరిదో తెలుసా?
Published on Wed, 10/04/2023 - 11:05
వన్డే వరల్డ్ కప్ 2023 ప్రారంభానికి సమయం ఆసన్నమైంది. మరో 24 గంటల్లో అహ్మదాబాద్‌లోని నరేంద్ర మోదీ స్టేడియం వేదికగా ఈ మెగా ఈవెంట్‌కు తెరలేవనుంది.
తొలి మ్యాచ్‌లో ఢిఫెడింగ్‌ ఛాంపియన్స్‌ ఇంగ్లండ్‌, రన్నరప్‌ న్యూజిలాండ్‌ జట్లు అమీతుమీ తెల్చుకోనున్నాయి. ఈ మెగా టోర్నీ నేపథ్యంలో వన్డే వరల్డ్‌కప్‌లో ఫాస్టెస్ట్‌ సెంచరీలు చేసిన టాప్‌-5 ఆటగాళ్లపై ఓ లూక్కేద్దం.
కెవిన్‌ ఓబ్రియన్‌..
వన్డే ప్రపంచకప్‌ చరిత్రలో అత్యంత వేగవంతంగా సెంచరీ చేసిన రికార్డు ఐర్లాండ్ మాజీ ఆటగాడు కెవిన్‌ ఓబ్రియన్‌ పేరిట ఉంది. భారత్‌ వేదికగా జరిగిన 2011 వన్డే ప్రపంచకప్‌లో ఓబ్రియన్‌ ఈ ఫీట్‌ నమోదు చేశాడు. ఈ టోర్నీలో భాగంగా ఇంగ్లండ్‌తో జరిగిన మ్యాచ్‌లో అతడు కేవలం 50 బంతుల్లోనే సెంచరీ సాధించి రికార్డులకెక్కాడు.
6వ స్ధానంలో బ్యాటింగ్‌కు వచ్చిన ఓబ్రియన్‌ బౌండరీల వర్షం కరిపించాడు. ఓవరాల్‌గా ఈ మ్యాచ్‌లో 63 బంతులు ఎదుర్కొన్న కెవిన్‌ 13 ఫోర్లు, 6 సిక్స్‌లతో 113 పరుగులు చేశాడు. ఇంగ్లండ్‌పై 328 పరుగుల లక్ష్యాన్ని ఛేదించడంలో అతడు కీలక పాత్ర పోషించాడు. అతడి ఇన్నింగ్స్‌ ప్రపంచకప్‌ చరిత్రలోనే చిరస్మరణీయంగా మిగిలిపోనుంది.
గ్లెన్‌ మాక్స్వెల్
ఈ అరుదైన ఘనత సాధించిన జాబితాలో ఓబ్రియన్‌ తర్వాత ఆస్ట్రేలియా స్టార్‌ ఆల్‌రౌండర్‌ గ్లెన్‌ మాక్స్వెల్ ఉన్నాడు. సొంతగడ్డపై జరిగిన 2015 వన్డే ప్రపంచకప్‌లో కేవలం 51 బంతుల్లోనే మాక్సీ సెంచరీ మార్క్‌ను అందుకున్నాడు. శ్రీలంకతో జరిగిన లీగ్‌ మ్యాచ్‌లో మాక్స్వెల్ ఈ ఫీట్‌ సాధించాడు. ఈ మ్యాచ్‌లో 53 బంతులు ఎదుర్కొన్న మాక్సీ 10 ఫోర్లు, 4 సిక్స్‌లతో 102 పరుగులు చేశాడు.
ఏబీ డివిలియర్స్‌
ఇక లిస్ట్‌లో మాక్స్వెల్ తర్వాత ఈ లిస్ట్‌లో దక్షిణాఫ్రికా లెజెండ్‌ ఏబీ డివిలియర్స్‌ ఉన్నాడు. ఆస్ట్రేలియా వేదికగా జరిగిన 2015 ప్రపంచకప్‌లో వెస్టిండీస్‌పై కేవలం 52 బంతుల్లోనే డివిలియర్స్‌ సెంచరీ చేశాడు. ఈ మ్యాచ్‌లో 66 బంతులు ఆడిన ఏబీడీ.. 17 ఫోర్లు, 8 సిక్స్‌లతో 162 పరుగులు చేశాడు.
ఇయాన్‌ మోర్గాన్‌
ఇక ఈ అరుదైన ఫీట్‌ సాధించిన జాబితాలో ఇంగ్లండ్‌ మాజీ కెప్టెన్‌ ఇయాన్‌ మోర్గాన్‌ నాలుగో స్ధానంలో ఉన్నాడు. సొంత గడ్డపై జరిగిన 2019 వన్డే ప్రపంచకప్‌లో మోర్గాన్‌ 57 బంతుల్లో తన సెంచరీ మార్క్‌ను అందుకున్నాడు. ఆఫ్గానిస్తాన్‌పై ఈ ఘనత సాధించాడు. ఈ మ్యాచ్‌లో ఓవరాల్‌గా 71 బంతులు ఆడిన మోర్గాన్‌ 4 ఫోర్లు, 17 సిక్స్‌లతో 148 పరుగులు చేశాడు.
మాథ్యూ హేడన్‌
ఇక ఈ జాబితాలో ఐదు స్ధానంలో ఆస్ట్రేలియా క్రికెట్‌ దిగ్గజం మాథ్యూ హేడన్‌ ఉన్నాడు. 2007 వన్డే ప్రపంచకప్‌లో హేడన్‌.. దక్షిణాఫ్రికాపై 66 బంతుల్లో శతకాన్ని సాధించాడు. మొత్తంగా 68 బంతులు ఎదుర్కొన్న హేడన్‌ 14 ఫోర్లు, 4 సిక్స్‌లతో 101 పరుగులు చేశాడు.
చదవండి: Asian Games 2023: శ్రీలంక ఘోర పరాజయం.. సెమీఫైనల్లో ఆఫ్గానిస్తాన్‌
#
Tags : 1