‘విరూపాక్ష’కు ఊహించని కలెక్షన్స్‌.. తొలి రోజు ఎంతంటే..

సూప్రీమ్ హీరో సాయి ధరమ్ తేజ్, సంయుక్త మీనన్‌ జంటగా నటించిన చిత్రం ‘విరూపాక్ష’. క్రియేటివ్‌ డైరెక్టర్‌ సుకుమార్‌ శిష్యుడు కార్తీక్‌ దండు దర్శకత్వం వహించిన ఈ చిత్రం ఏప్రిల్‌ 21న విడుదలై మంచి టాక్‌ సంపాదించుకుంది. కార్తీక్‌ దండు రాసుకున్న కథ రొటీన్‌గానే ఉన్నప్పటికీ.. సుకుమార్‌ స్క్రీన్‌ప్లే సినిమాను నిలబెట్టింది. అలాగే అజనీష్‌ లోక్‌నాథ్‌ నేపథ్యం సంగీతం కూడా సినిమాకు బాగా ప్లస్‌ అయింది. ఇక ఫస్ట్‌డే ఫస్ట్‌ షో నుంచి సినిమాకు పాజిటివ్‌ టాక్‌ రావడంతో బాక్సాఫీస్‌ వద్ద మంచి వసూళ్లనే రాబట్టింది. . ఫస్ట్ డే రెండు తెలుగు రాష్ట్రాల్లో దాదాపు 5 కోట్ల షేర్‌, 8.5 కోట్ల గ్రాస్‌ వసూళ్లను రాబట్టినట్లు ట్రేడ్‌ వర్గాలు వెల్లడిస్తున్నాయి.

(చదవండి: విరూపాక్ష మూవీ రివ్యూ)

ప్రపంచవ్యాప్తంగా ఈ చిత్రం రూ. 6.35కోట్ల షేర్‌ వసూళ్లను రాబట్టింది. ఇక ఏరియా వైజ్‌గా చూస్తే.. నైజాంలో అత్యధికంగా రూ.1.82 కోట్లు, వైజాగ్‌ రూ.58లక్షలు, సీడెడ్‌ రూ. 54 లక్షలు, గుంటూరు రూ. 46 లక్షలు, నెల్లూరు రూ. 20 లక్షలు, కృష్ణా రూ. 32 లక్షలు, వెస్ట్‌ రూ. 47 లక్షలు, ఈస్ట్‌ రూ.40 లక్షలు కలెక్ట్‌ చేసింది. ఇక ఓవర్సీస్‌తో పాటు మిగిలిన ప్రాంతాలలో రూ. 1. 56కోట్లు వసూళ్లను రాబట్టినట్లు తెలుస్తోంది. ఇక ఈ సినిమా ప్రీ రిలీజ్ థియేట్రికల్ బిజినెస్ రూ. 22 కోట్లకు జరిగింది. బ్రేక్‌ ఈవెన్‌ సాధించాలంటే రూ. 23 కోట్లను వసూలు చేయాలి. తొలిరోజు పాజిటివ్‌ టాక్‌ వచ్చింది కాబట్టి ఈ వీకెండ్‌లోగా ఈజీగా బ్రేక్‌ ఈవెన్‌ సాధిస్తుందని సినీ వర్గాలు అంచానా వేస్తున్నాయి.