కదులుతున్న రైలులో పానీపూరీల అమ్మకం.. ఆ స్కిల్‌కి నెటిజన్లు ఫిదా!

చేయాలన్న సంకల్పం ముందు ఎలాంటి ప్రతికూల వాతావరణం అయిన అనుకూలంగా మారిపోతుంది. ఉత్సాహం, సాధించాలన్న తపన ఇవే ప్రధానం. బహుశా ఏ వ్యాపారినికైనా సక్సెస్‌ మంత్రం ఇదే కాబోలు. ఇక్కడొక వ్యక్తి అందుకు నిలువెత్తు నిదర్శనంగా నిలిచాడు. ఆ వ్యక్తి కదులుతున్న రైలులో పానీ పూరీలు అమ్మి చూపించాడు. వీధి వ్యాపారి ఏ మాత్రం బెరుకు లేకుండా చాలా చక్యంగా ఆ రైలులో ప్రయాణిస్తున్న ప్రయాణికులుకు సర్వ్‌ చేశాడు.

అందులోనూ పానీపూరీలు కదులుతున్న రైలులో విక్రయించడం అంత ఈజీ కాదు. కానీ అతను నైపుణ్యం ప్రజలకు ఆ పానీ పూరీలను విక్రయిస్తూ అందరీ దృష్టిని ఆకర్షించాడు. అందుకు సంబంధించిన వీడియోన నెట్టింట తెగ వైరల్‌ అవుతోంది. నెటిజన్లు సైతం తనను తాను బ్యాలెన్స్‌ చేసుకుంటూ అమ్ముతున్న విధానాన్ని చూసి ఫిదా అవ్వడమే గాక అతడిని ప్రశంసిస్తూ ట్వీట్‌ చేశారు. 

When you put your business mind on the right track pic.twitter.com/Wg3sQmEgpQ

— Sagar (@sagarcasm) June 21, 2023

ఈ ఘటన ముంబై లోకల్ రైల్లో జరిగింది. 14 సెకన్ల ఈ వీడియోను ఓ యువకుడు ట్విట్టర్ లో జూన్ 21న అప్ లోడ్ చేయగా.. వైరల్ గా మారింది. కనిపించిన ప్రతీ అవకాశాన్ని సద్వినియోగం చేసుకుంటేనే సక్సెస్ అవుతారంటూ నెటిజన్లు ప్రశంసించారు. 

నోట్ : రైల్లో ఇలా పానీ పూరీ విక్రయించడం నిషేధం. తోటి ప్రయాణీకులకు ఇబ్బందికరం. దీన్ని ఎవరూ అనుకరించకూడదని మనవి

(చదవండి: రెండు వేల ఏళ్ల క్రితమే పిజ్జా వంటకం ఉందంటా!)