ఈతరం నేర్చుకోలేకపోతున్న లైఫ్‌ స్కిల్స్‌ ఇవే..!

ప్రస్తుతం జనరేషన్‌ అంత ఇంటర్నెట్‌, స్మార్ట్‌ ఫోన్‌ల టెక్నాలజీ యుగంలో పెరుగుతోంది. అలా అని టెక్నాలజీ మీద మంచి పట్టు ఉంది అనుకుంటే పొరబడినట్లే. ఎందుకంటే.. దానికంటే..కనీస ప్రాథమి జీవిత నైపుణ్యాలపై అవగాహన ఉండాలి. అత్యంత కీలకమైనది ఇదే అంటున్నారు నిపుణుల. మరీ ఈ తరం నేర్చుకోలేకపోతున్న ఆ జీవన నైపుణ్యాలేంటో తెలుసా..!.

టొరంటో మెట్రోపాలిటన్‌ విశ్వవిద్యాలయం జరిపిన అధ్యయనంలో చాలామంది యువకులకు కారు టైర్‌ మార్చడం, కుట్టడం వంటి చిన్న చిన్న పనులపై కనీస అవగాహన లేదంటున్నారు. చెప్పాలంటే ఈ జెన్‌ జెడ్‌ తరం అధికంగా అనారోగ్య సమస్యలతో సతమతమవుతోందని, ముఖ్యంగా ఊబకాయంతో బాధపడుతున్నారని పరిశోధనలో వెల్లడైంది. 

ఇంకొందరికి కనీసం చెల్లింపులు, డబ్బు ఖర్చు పెట్టే విషయం, వడ్డీరేట్లు గురించి అస్సలు సరిగా తెలియదని అన్నారు. ఇక్కడ పిల్లలు నేర్చుకుంటున్న చదువు వారి జీవన గమనానికి ఉపయోగపడకపోవటం బాధకరమని అంటున్నారు నిపుణులు. ముఖ్యంగా పిల్లలకు ఆర్థిక అక్షరాస్యత తప్పక నేర్పించాలని చెబుతున్నారు నిపుణులు. అలాగే తల్లిదండ్రులు ఇంట్లో లేనప్పుడూ ఎలా ఇంటిని నిర్వహించాలి, ప్రమాదాలు వాటిల్లకుండా ఎలా వంట చేసుకోవాలి తదితరాలపై కొంచెం కూడా అవగాహన లేదని చెప్పారు. 

ముందు వాళ్లకు కనీస ప్రాథమిక జీవిత నైపుణ్యాలను నేర్పించాల్సిన అవసరం ఉందని నొక్కి చెబుతున్నారు నిపుణులు. అంతేగాదు ఇప్పటికే కొన్ని విద్యాసంస్థలు ఆ దిశగా అడుగులు వేస్తూ..క్లాస్‌లో దీనిపై సెషన్లు కూడా నిర్వహిస్తున్నాయన్నారు. ఇక మానసిక నిపుణులు ఆ నేపథ్యంలోనే 'అడల్టింగ్ 101' ఆన్‌లైన్‌ కోర్సు రూపొందించాయి. 

ఈ కోర్సులో ఏం నేర్చుకుంటారంటే..
పోషకాహారం అంటే ఏంటీ, గృహ నిర్వహణ, కిరాణ దుకాణానికి ఎలా వెళ్లాలి, ఎలా కొనుగోళ్లు చేయాలి వంటి అంశాలపై యువతకు తర్ఫీదు ఇస్తారు. నిజానికి ఈ తరం జనరేషన్‌ ఇవి తెలుసుకోకపోవడానికి ప్రధాన కారణం తగిన స్వేచ్ఛ లేకపోవడమేనని అంటున్నారు. 

అన్ని అమర్చిపెట్టేయడం, ఏదైనా చెయ్యబోతుంటే..అమ్మో..! వద్దు ఏదో అవుతుందంటూ పేరెంట్స్‌ అతి ప్రేమ ఒలకపోయడంతో ఈ జెన్‌ జెడ్‌ జీవిన విధానానికి సంబంధించిన పరిజ్ఞానం లేకుండా పోయిందని చెబుతున్నారు నిపుణులు. 1997  నుంచి 2012 మధ్య జన్మించిన యువతరానికి ప్రాథమిక జీవన నైపుణ్యాలు తెలియదని అన్నారు. ఇలా 'అడల్టింగ్ 101' క్రాష్ కోర్సుల సాయంతో వాళ్లు తెలుసుకునేలా చేస్తున్నట్లు చెప్పుకొచ్చారు నిపుణులు.

(చదవండి: కల్చర్‌ మారింది సామీ..! అడవి బిడ్డల వివాహాల్లో 'పెళ్లి సందడి'..!)