చిన్నారులపై టీడీపీ నేత దాష్టీకం

కంభం: ప్రభుత్వ పాఠశాలలో 8వ తరగతి చదువుతున్న తన కుమార్తె పుస్తకంలోని పేజీలు చింపారంటూ ఓ టీడీపీ నేత తమ పిల్లలను తీవ్రంగా కొట్టాడంటూ పలువురు తల్లిదండ్రులు ఆందోళన వ్యక్తం చేస్తున్నారు. ప్రకాశం జిల్లా కంభం మండలం ఎల్‌కోట పంచాయతీకి టీడీపీ నేత గని చిన్నవెంకటేశ్వర్లు కుమార్తె ఎల్‌కోట జిల్లా పరిషత్‌ ఉన్నత పాఠ­శాలలో చదువుతోంది. శనివారం తన కూతురి పుస్తంలోని కొన్ని పేజీ­లను ఎవరో చించారు.

అదే తరగతిలో చదువుకుంటున్న పిల్లలే చించారన్న అను­మానంతో శనివారం సాయంత్రం మరో ఇద్దరితో పాఠశాలలోకి వచ్చి తమ పిల్లలను తీవ్రంగా కొట్టారని తల్లి­దండ్రులు ఆవేదన వ్యక్తం చేస్తున్నారు. ఈ మేరకు ఎమ్మా­ర్పీఎస్‌ నేత జయరాజ్, ఓ బాధిత విద్యార్థి తండ్రి దుగ్గె­పోగు బాబురావు మీడియాతో మా­ట్లా­డారు. ఘ­టనపై హెచ్‌ఎం, ఎంఈవోకు ఫిర్యా­దు చేసి­నా వారు పట్టించుకోకపోవడంతో పో­లీ­సు­­లకు ఫిర్యాదు చేసినట్టు చెప్పారు. ఈ విష­యమై కంభం సీఐ మల్లికార్జునను వివరణ కో­రగా ఘటనపై విచారణ జరుపు­తున్న­ట్టు చెప్పారు.