నామినేషన్ వేయనియ్యకుండా.. టీడీపీ నేతల అరాచకం.. చోద్యం చూస్తున్న పోలీసులు..
Breaking News
ఈసీకి వైఎస్సార్‌సీపీ నేతల ఫిర్యాదు
39 గంటల రెస్క్యూ ఆపరేషన్ : 9 ఏళ్ల బాలుడి విషాదాంతం
గ్లాస్గోలో కుప్ప కూలిన విమానం, ఇద్దరు మృతి
టీడీపీ గూండాల చేతుల్లో వేటకొడవళ్లు, పెట్రోల్‌: అవినాశ్‌ రెడ్డి
పులివెందులలో ఏకే 47తో కాల్పులు
ఎంపీ చేతుల్లోంచి నామినేషన్ పేపర్లు లాక్కుని..
బాలీవుడ్‌ హీరోకి షాక్ : అక్రమ నిర్మాణం కూల్చివేత
తిరుపతిలో టీడీపీ గూండాల దౌర్జన్యం
IPL 2027: ముంబై ఇండియన్స్‌ కీలక ప్రకటన.. అతడికి గుడ్‌బై
తిరుపతి పోలీసుల ఓవరాక్షన్‌.. భూమన ఫ్యామిలీపై కేసులు
పలాస వైఎస్సార్‌సీపీ ఛైర్మన్‌ అభ్యర్థిగా తాళాసు శ్రీపద్మ
భారత జట్టు కెప్టెన్‌గా కృనాల్‌ పాండ్యా
కాల్వలో పడ్డ బస్సు.. ఎనిమిది మంది మృతి
భారత్‌కు ట్రంప్‌ భారీ ఊరట.. 100% టారిఫ్‌కు బ్రేక్‌
పులివెందులకూ పాకిన టీడీపీ దౌర్జన్యకాండ
చంద్రబాబు పాలనలో జంగిల్‌ రాజ్‌.. ఆగని పచ్చ మూకల అరాచకాలు!
అర్ధరాత్రి ఖాకీ బూచోళ్లు!.. పల్నాడులో దాష్టీకం
దీప్కే ఎక్కడ?
కడుపునొప్పి అంటూ నాటకం .. 300 మంది సైనికుల మృతికి కారణమయ్యాడు?
ట్రాఫిక్ పోలీసులు విధుల్లో ఇక సెల్ఫోన్ వాడొద్దు!
Published on Mon, 07/27/2026 - 07:33
కరీంనగర్‌క్రైం: ట్రాఫిక్ నియంత్రణలో ఆటంకాలు లేకుండా, ప్రజలకు మెరుగైన సేవలందించాలనే లక్ష్యంతో రాష్ట్ర పోలీసుశాఖ కీలక నిర్ణయం తీసుకుంది. ట్రాఫిక్ పోలీసులు విధుల్లో వ్యక్తిగత సెల్‌ఫోన్లు ఉపయోగించొద్దని డీజీపీ ఆదేశాలు జారీ చేశారు. ఈ ఉత్తర్వులతో కరీంనగర్ కమిషనరేట్‌వ్యాప్తంగా ట్రాఫిక్ సిబ్బంది సెల్‌ఫోన్లు లేకుండానే విధులకు హాజరవుతున్నారు. జంక్షన్ల వద్ద విధులు నిర్వహిస్తున్న సమయంలో కొందరు ఫోన్లలో మాట్లాడటం, సోషల్‌ మీడియా వినియోగించడం, వ్యక్తిగత కాల్స్‌కు స్పందించడం ద్వారా ట్రాఫిక్ నియంత్రణపై ప్రభావం పడుతున్నట్లు ఉన్నతాధికారుల దృష్టికి వెళ్లింది. దీంతో విధుల సమయంలో సెల్ఫోన్ వినియోగాన్ని నిషేధిస్తూ పోలీస్‌బాస్‌ ఆదేశాలిచ్చారు.
అయితే ఇంట్లో.. లేకపోతే స్టేషన్‌లో డిపాజిట్‌
కమిషనరేట్‌ పరిధిలో చాలామంది ట్రాఫిక్ పోలీసులు వ్యక్తిగత సెల్‌ఫోన్లను ఇంట్లోనే ఉంచి విధులకు హాజరవుతున్నారు. అత్యవసర పరిస్థితుల్లో వెంట తీసుకొచ్చినా పోలీస్‌స్టేషన్‌లో డిపాజిట్‌ చేసి, డ్యూటీ పూర్తయిన తర్వాత తీసుకుంటున్నారు. దీంతో విధి నిర్వహణ సమయంలో వ్యక్తిగత ఫోన్‌ వినియోగానికి పూర్తిగా అడ్డుకట్ట పడుతోంది. ట్రాఫిక్ సిగ్నల్స్, ప్రధాన కూడళ్లు, రద్దీ ప్రాంతాల్లో ఒక్క క్షణం నిర్లక్ష్యం జరిగినా ప్రమాదాలు జరిగే అవకాశం ఉంటుందని గుర్తించిన అధికారులు ఈ నిర్ణయం తీసుకున్నారు.
అధికారులకు మినహాయింపు
ట్రాఫిక్ విభాగంలో విధులు నిర్వహించే ఉన్నతాధికారులకు అధికారిక కమ్యూనికేషన్, అత్యవసర సమాచార మార్పిడి కోసం సెల్‌ఫోన్లు వినియోగించే వెసులుబాటు కల్పించారు. కరీంనగర్ ట్రాఫిక్ విభాగంలో ప్రస్తుతం ఒక ఏసీపీ, ఇద్దరు సీఐలు, ఐదుగురు ఎస్సైలు, సుమారు 65మంది సిబ్బంది విధులు నిర్వహిస్తున్నారు. కొత్త ఆదేశాల మేరకు ఫీల్డ్‌ సిబ్బంది సెల్‌ఫోన్లు ఉపయోగించకుండా విధులు నిర్వహిస్తున్నారు.
వేగవంతమైన సేవలు
ట్రాఫిక్ నియంత్రణలో ఎలాంటి అంతరాయాలు లేకుండా, ప్రమాదాలను తగ్గించి, ప్రజలకు వేగవంతమైన సేవలు అందించాలనే ఉద్దేశంతో ఈ ఉత్తర్వులు అమలు చేస్తున్నట్లు పోలీసులు చెబుతున్నారు. రాష్ట్రవ్యాప్తంగా పలువురు ట్రాఫిక్ పోలీసులు చలాన్లు విధించడానికి ఫొటోలు తీసి, తిరిగి వాటిని డిలీట్‌ చేస్తున్నారన్న ఆరోపణలు రావడం కూడా ఈ నిర్ణయానికి కారణంగా చర్చ జరుగుతోంది. ట్రాఫిక్ నిబంధనలు ఉల్లంఘిస్తున్న వాహనదారుల ఫొటోలు తీసి చలాన్లు వేయడానికి పోలీసులకు త్వరలోనే ప్రత్యేక కెమెరాలు అందించనున్నట్లు తెలిసింది.
#
Tags : 1