విశ్వక్ సేన్ లో ఇంత మార్పా?
Breaking News
ఎల్‌నినో అంటే భూతం కాదు.. కరువు: సీఎం రేవంత్‌
iPhone Duo క్రేజీ సేల్‌ : 5 నిమిషాల్లోనే ఆల్ స్టాక్ అవుట్
ప్రెగ్నెంట్‌ మైనర్‌ బాలికపై గ్యాంగ్‌రేప్‌ : డెలివరీ, శిశువు మృతి
కేఎల్‌ రాహుల్‌ అవుట్!.. భారత జట్టులో అతడికి చోటు
ఏపీ హైకోర్టులో వైఎస్సార్‌సీపీ లంచ్‌మోషన్‌ పిటిషన్
విడదల రజినీని నెట్టేసిన ఎస్‌ఐ.. కింద పడ్డ మాజీ మంత్రి!
బరువైన లెహంగా, నగలతో పెళ్లి కూతురి పరుగు : సీఎంకు విజ్ఞప్తి వైరల్‌
బాబు కుట్రలు.. సాక్ష్యాలతో బయటపెట్టిన వైఎస్‌ జగన్
ఏపీ రావణ కాష్ఠం.. బాబు సర్కార్‌ అష్ట కుట్రలు!
సీజేపీకి మద్దతు కాదు.. కేంద్రాన్ని టార్గెట్‌ చేసిన అన్నామలై!
రిటైర్మెంట్‌ ప్రకటించిన టీమిండియా క్రికెటర్‌
వీటిని ఎన్నికలంటారా?: వైఎస్‌ జగన్
అడ్డగోలు అబద్ధాలు, డ్రామాలు ఎందుకు బాబూ?
ఎయిర్‌ ఇండియా విమానానికి తప్పిన పెను ప్రమాదం
ఐపీఎస్‌ అంకితా శర్మకు బిగ్‌ షాక్‌.. ఇలా జరిగిందేంటి?
మాల్దీవుల డబుల్‌ గేమ్‌.. భారత్‌కు వెన్నుపోటేనా?
రాష్ట్రపతి, సీజేఐకి ఎంపీ గురుమూర్తి లేఖ
ఈసీలో అంతర్గత పోరు.. కమిషనర్ల ఫిర్యాదుపై కేంద్రం వెనకడుగు!
ఇరాన్‌ మాస్టర్‌ప్లాన్‌.. ఎన్నికల వేళ ట్రంప్‌ ఉక్కిరిబిక్కిరి!
పరాకాష్టకు రెడ్‌బుక్‌ దాష్టీకాలు.. అవే దౌర్జన్యాలు, దాడులు
విక్రమ్‌–1 తొలిదశ బూస్టర్‌ పరీక్ష విజయవంతం
Published on Sat, 08/09/2025 - 03:26
సాక్షి, హైదరాబాద్‌: భారత్‌లో మొదటిసారిగా అభివృద్ధి చేస్తున్న ప్రైవేట్‌ కక్ష్యనౌక విక్రమ్‌–1 తొలి ప్రయోగానికి ముందు కీలక మైలురాయిని అధిగమించింది. హైదరాబాద్‌కు చెందిన స్కైరూట్‌ ఏరోస్పేస్‌ శుక్రవారం శ్రీహరికోటలోని సతీశ్‌ధవన్‌ అంతరిక్ష కేంద్రం (షార్‌)లో, కలామ్‌–1200 పేరు గల మొదటి దశ కార్బన్‌ కాంపోజిట్‌ ఘన ఇంధన బూస్టర్‌ను స్థిర పరీక్ష (స్టాటిక్‌ టెస్ట్‌)లో విజయవంతంగా ప్రదర్శించింది. ఈ పరీక్షను ఇస్రో పర్యవేక్షణలో నిర్వహించారు. 11 మీటర్ల పొడవు కలిగిన కలామ్‌–1200, భారత అంతరిక్ష రంగంలో ఇప్పటివరకు ప్రైవేట్‌ రంగం అభివృద్ధి చేసిన అతిపెద్ద ఏకరూప ఘన రాకెట్‌ మోటార్‌గా గుర్తింపు పొందింది. ఇది శూన్యావస్థలో సుమారు 1,200 కిలోన్యూటన్‌ గరిష్ట థ్రస్ట్‌ను ఉత్పత్తి చేస్తుంది.
ఇది బోయింగ్‌ 737 మాక్స్‌ విమాన ఇంజిన్‌ శక్తి కంటే దాదాపు 10 రెట్లు ఎక్కువ. ఈ మోటార్‌లో ప్రత్యేక ఘన ఇంధనాన్ని కార్బన్‌ కాంపోజిట్‌ కాస్టింగ్‌లో పోసి ఆకారం ఇవ్వడం (కాస్టింగ్‌) అనే సంక్లిష్ట ప్రక్రియను శ్రీహరికోట షార్‌లోని ఇస్రో నిపుణులు పూర్తి చేశారు. పరీక్షలో బూస్టర్‌ దశ బెలిస్టిక్‌ పనితీరు, దహన రేటు, థర్మల్‌ ప్రొటెక్షన్‌ సిస్టమ్, రాకెట్‌కు దిశ మార్చే ఫ్లెక్స్‌ నాజిల్‌ సిస్టమ్‌ను సమగ్రంగా అంచనా వేశారు. సుమారు 110 సెకన్ల పాటు సాగిన ఈ పరీక్షలో మోటార్‌ అన్ని అంచనా పరిమితులలోనే అవసరమైన థ్రస్ట్‌ను అందించింది.
ప్రయోగ సమయంలో, కలామ్‌–1200 విక్రమ్‌–1ను 50 కిలోమీటర్ల ఎత్తుకు తీసుకెళ్లి, ఆపై అధునాతన వాయు–సంచాలిత వ్యవస్థ (ప్న్యూమాటిక్‌ సిస్టమ్) ద్వారా రెండవ దశ వేరు పడటం (స్టేజ్‌ సెపరేషన్‌) సాఫీగా జరుగుతుంది. యువ ఇంజినీర్ల కృషి, ఇస్రోలోని వసతులు, ఇన్‌స్పేస్‌ సహకారంతో ఈ విజయం సాధించినట్టు స్కైరూట్‌ సహ వ్యవస్థాపకులు పవన్‌కుమార్‌ చందన, నాగ భారత్‌ డాకా హర్షం వ్యక్తం చేశారు. ప్రైవేట్‌ రంగం నిర్మించిన అతిపెద్ద ఘన మోటార్‌ స్టాటిక్‌ టెస్ట్‌ విజయవంతం కావడం చరిత్రాత్మక ఘట్టమని ఇన్‌స్పేస్‌ చైర్మన్‌ డాక్టర్‌ పవన్‌గోయంకా అభినందించారు. విక్రమ్‌–1 ప్రయోగం ఈ ఏడాది చివర్లో జరగనుంది. ఇది చిన్న ఉపగ్రహాల కోసం తక్షణం, వినియోగదారుల అవసరాలకు అనుగుణంగా ప్రయోగ సేవలు అందించనుంది.
#
Tags : 1