నామినేషన్ వేయనియ్యకుండా.. టీడీపీ నేతల అరాచకం.. చోద్యం చూస్తున్న పోలీసులు..
Breaking News
దుర్గా మండపంలో తొక్కిసలాట.. 19కి చేరిన మృతుల సంఖ్య
పులివెందులలో మరోసారి ఉద్రిక్తత
‘స్థానిక’ ఎన్నికలు: వైఎస్సార్‌సీపీ అభ్యర్థుల మూడో జాబితా విడుదల
దీప్కేను విడుదల చేసి.. సౌరవ్, ఆశుతోష్‌ను జైల్లోనే ఎందుకు ఉంచారు?
పసికందుపై అఘాయిత్యం, బతికుండగానే ఇసుకలో పాతేశాడు!
చంద్రబాబు ఆదేశాలతోనే పోలీసులు కాల్పులు జరిపారు: సజ్జల
రైల్వే కౌంటర్ టికెట్లకు ఇక కొత్త సదుపాయం.. ఈ 27 నుంచే..
సీజేఐ జస్టిస్ సూర్యకాంత్ సంచ‌ల‌న వ్యాఖ్య‌లు
లాఠీఛార్జ్ చేశారు.. టియర్ గ్యాస్ ప్రయోగించారు: లేళ్ల అప్పిరెడ్డి
ఈసీకి వైఎస్సార్‌సీపీ నేతల ఫిర్యాదు
39 గంటల రెస్క్యూ ఆపరేషన్ : 9 ఏళ్ల బాలుడి విషాదాంతం
గ్లాస్గోలో కుప్ప కూలిన విమానం, ఇద్దరు మృతి
టీడీపీ గూండాల చేతుల్లో వేటకొడవళ్లు, పెట్రోల్‌: అవినాశ్‌ రెడ్డి
పులివెందులలో ఏకే 47తో కాల్పులు
ఎంపీ చేతుల్లోంచి నామినేషన్ పేపర్లు లాక్కుని..
బాలీవుడ్‌ హీరోకి షాక్ : అక్రమ నిర్మాణం కూల్చివేత
తిరుపతిలో టీడీపీ గూండాల దౌర్జన్యం
IPL 2027: ముంబై ఇండియన్స్‌ కీలక ప్రకటన.. అతడికి గుడ్‌బై
తిరుపతి పోలీసుల ఓవరాక్షన్‌.. భూమన ఫ్యామిలీపై కేసులు
పలాస వైఎస్సార్‌సీపీ ఛైర్మన్‌ అభ్యర్థిగా తాళాసు శ్రీపద్మ
భారత్‌కు ‘బ్యాడ్‌’మింటన్‌
Published on Fri, 08/02/2024 - 03:24
పారిస్‌ ఒలింపిక్స్‌ బ్యాడ్మింటన్‌లో గురువారం భారత్‌కు కలిసి రాలేదు. కచ్చితంగా పతకాలు సాధిస్తారనుకున్న పీవీ సింధు... సాత్విక్‌ సాయిరాజ్‌–చిరాగ్‌ శెట్టి జోడీ ఓటమి చవిచూసి రిక్తహస్తాలతో రానున్నారు. పురుషుల సింగిల్స్‌లో సహచరుడు ప్రణయ్‌ను ఓడించి లక్ష్య సేన్‌ క్వార్టర్‌ ఫైనల్‌కు చేరి భారత్‌ ఆశలను నిలబెట్టాడు.
పారిస్‌: ‘రియో’లో రజత పతకం. ‘టోక్యో’లో కాంస్యం... ‘పారిస్‌’లో మాత్రం నిరాశ... గత రెండు ఒలింపిక్స్‌లో పతకాలు సాధించి వరుసగా మూడో ఒలింపిక్‌ పతకం లక్ష్యంగా ‘పారిస్‌’కు వచ్చిన భారత బ్యాడ్మింటన్‌ స్టార్‌ పీవీ సింధు ప్రస్థానం ప్రిక్వార్టర్‌ ఫైనల్లోనే ముగిసింది.
గురువారం జరిగిన మహిళల సింగిల్స్‌ ప్రిక్వార్టర్‌ ఫైనల్లో ప్రపంచ 13వ ర్యాంకర్‌ సింధు 19–21, 14–21తో ప్రపంచ 9వ ర్యాంకర్‌ హి బింగ్‌జియావో (చైనా) చేతిలో ఓడిపోయింది. 2020 టోక్యో ఒలింపిక్స్‌లో హి బింగ్‌జియావోను ఓడించి కాంస్య పతకాన్ని గెల్చుకున్న సింధు ఈసారి అలాంటి ఫలితాన్ని పునరావృతం చేయలేకపోయింది.
పోరాడినా...
పురుషుల డబుల్స్‌లో ఈ సీజన్‌లో అద్భుతమైన ఫామ్‌లో ఉన్న సాత్విక్‌ సాయిరాజ్‌–చిరాగ్‌ శెట్టి జోడీ కూడా ముందంజ వేయలేకపోయింది. స్వర్ణ పతకంతో తిరిగి వస్తారనుకున్న సాత్విక్‌–చిరాగ్‌ ద్వయం క్వార్టర్‌ ఫైనల్లోనే వెనుదిరిగింది. ప్రపంచ మూడో ర్యాంక్‌ జోడీ ఆరోన్‌ చియా–సో వుయ్‌ యిక్‌ (మలేసియా)తో జరిగిన క్వార్టర్‌ ఫైనల్లో ప్రపంచ ఐదో ర్యాంక్‌ ద్వయం సాత్విక్‌–చిరాగ్‌ 21–13, 14–21, 16–21తో పరాజయం పాలైంది.
ఆరోన్‌ చియా–సో వుయ్‌ యిక్‌లతో తలపడిన గత మూడు మ్యాచ్‌ల్లో నెగ్గిన సాత్విక్‌–చిరాగ్‌ ఈసారి పోరాడినా విజయాన్ని అందుకోలేకపోయింది. ఈ ఏడాది సాత్విక్‌–చిరాగ్‌ రెండు టైటిల్స్‌ గెలిచి, నాలుగు టో ర్నీ ల్లో రన్నరప్‌గా నిలిచారు. అంతేకాకుండా ప్రపంచ నంబర్వన్ ర్యాంక్‌ను కూడా అందుకున్నారు. కానీ వరుసగా రెండో ఒలింపిక్స్‌లోనూ పతకం గెలవలేకపోయారు.
ప్రణయ్‌ అవుట్‌
సింధు, సాత్విక్‌–చిరాగ్‌ నిష్క్రమించడంతో భారత పతక ఆశలన్నీ లక్ష్య సేన్‌పై ఉన్నాయి. భారత నంబర్వన్, సహచరుడు హెచ్‌ఎస్‌ ప్రణయ్‌తో జరిగిన పురుషుల సింగిల్స్‌ ప్రిక్వార్టర్‌ ఫైనల్లో లక్ష్య సేన్‌ 21–12, 21–6తో అలవోకగా గెలిచి క్వార్టర్‌ ఫైనల్‌ చేరాడు.
పారుపల్లి కశ్యప్‌ (2012 లండన్‌), కిడాంబి శ్రీకాంత్‌ (2016 రియో) తర్వాత ఒలింపిక్స్‌ పురుషుల సింగిల్స్‌లో క్వార్టర్‌ ఫైనల్‌ చేరిన మూడో భారత ప్లేయర్‌గా లక్ష్య సేన్‌ నిలిచాడు. నేడు జరిగే క్వార్టర్‌ ఫైనల్లో ప్రపంచ 11వ ర్యాంకర్‌ చో టిన్‌ చెన్‌ (చైనీస్‌ తైపీ)తో లక్ష్య సేన్‌ తలపడతాడు. ఈ మ్యాచ్‌లో గెలిస్తేనే లక్ష్య సేన్‌ సెమీఫైనల్‌ చేరి పతకం రేసులో ఉంటాడు.
#
Tags : 1