అమ్మలపై హింస-పిల్లలకు చెప్పలేనంత నరకం : న్యూ స్టడీ

Published on Tue, 06/03/2025 - 12:42

తల్లి ఇంట్లో నిశ్శబ్దంగా బాధపడటం చూసినప్పుడు పిల్లల మనస్సులో ఏమి జరుగుతుందో ఎప్పుడైనా ఆలోచించారా? ఆమె మూగ వేదన పిల్లలపై శాశ్వత ప్రభావాన్ని చూపుతుందని మీకు తెలుసా?  ఇది అనేక మంది పిల్లల్లో  బయటికి కనిపించని వేదన. అమ్మను నాన్న ఎందుకు కొడుతున్నాడో అర్థం కాక, నాన్న మద్యానికి ఎందుకు బానిసగా మారిపోయాడో తెలియక, నాన్న పెట్టే హింసను అమ్మ ఎందుకు భరిస్తుందో   చిట్టి బుర్రకు అర్థంకాక సతమతమయ్యే పిల్లలు గుండెల్లోని గాయాల ప్రభావం మాత్రం చాలా గట్టిగా, సుదీర్ఘంగా ఉంటుంది. ఇది చాలామంది పిల్లల అనుభవం కూడా.  తాజాగా  టీనేజర్ మానసిక ఆరోగ్యం వారి తల్లి ఇంట్లో భరించే హింస ఎంత తీవ్ర ప్రభావాన్ని చూపుతుంది అనే దానిపై  ఒక అధ్యయనం కొన్ని హృదయ విదారకమైన అంశాలను శాస్త్రీయంగా వెలుగులోకి   తీసుకొచ్చింది.


ఎదుగుతున్న పిల్లలపై తల్లిదండ్రుల ప్రభావం చాలా ఉంటుంది. ముఖ్యంగా తల్లి మానసిక స్థితి, ఇంట్లో ఆమె స్థానం, ఆమె ఎదుర్కొనే గృహ హింస పిల్లల ఎదుగుదలను, మానసిక వికాసాన్ని ప్రభావితం చేస్తుంది. దీనిపై ఇండియాలోని  కొన్ని రాష్ట్రాల్లో తల్లీ బిడ్డలపై ఆసక్తికర అధ్యయనం జరిగింది.ఈ అధ్యయనం భారతదేశంలోని కౌమారదశలోని పిల్లల మానసిక ఆరోగ్యంపై గృహ హింస ఎదుర్కొనే తల్లి అనుభవాల ప్రభావాన్ని పరిశీలించింది.  

PLOS One అనే మెడికల్ జర్నల్‌లో ప్రచురించిన ఈ స్టడీలో , తల్లులు గృహ హింసను ఎదుర్కొన్నప్పుడు, వారి కౌమారదశలో ఉన్న పిల్లలు ఆందోళన, నిరాశ ,ఇతర సాధారణ మానసిక రుగ్మతల బారిన పడే అవకాశం ఎక్కువగా ఉందని వెల్లడించింది. దేశంలోని ఏడు రాష్ట్రాలలో 2,784 తల్లి-బిడ్డ జంటల నుండి వచ్చిన డేటా ఆధారంగా, ఇంట్లో హింస మహిళలను మానసిక వేదనకు గురి చేయడం మాత్రమే కాదు, భవిష్యత్తరం మానసిక శ్రేయస్సును కూడా దెబ్బతీసింది. నిశ్శబ్దంగా చాప కింద నీరులా వారిని పట్టి పీడిస్తుందని  అధ్యయనం  తెలిపింది.

అధ్యయనం ఏమి కనుగొంది?
గత  ఏడాది పిల్లలున్న మహిళలపై గృహ హింస (DV) 36.8 శాతం ఉందని అధ్యయనం కనుగొంది. శారీరక లేదా లైంగిక వేధింపులను ఎదుర్కొన్న తల్లుల టీనేజ్‌ పిల్లలు అనేక మానసిక రుగ్మతలతో బాధపడే అవకాశం గణనీయంగా ఎక్కువగా ఉంది. ముఖ్యంగా శారీరక వేధింపులను ఎదుర్కొనే తల్లులున్న పిల్లలలో నిరాశ ప్రమాదాన్ని రెట్టింపుచేశాయని పేర్కొంది. కొట్టడం, తిట్టడం లాంటి వాటిని ప్రత్యక్షంగా చూడకపోయినా, భావోద్వేగం, వాతావరణం  పిల్లల మానసిక ఆరోగ్యంపై ప్రభావం చూపుతాయని అధ్యయనం హైలైట్ చేసింది.


ఎలా  విశ్లేషించారు:

  • కొట్టడం, చెంపదెబ్బ కొట్టడం, కొట్టడం వంటి శారీరక  వేధింపులు

  • తిట్టడం, అవమానించడం, బెదిరింపులు

  • భర్త బలవంతం లేదా దాడితో సహా  ఇతర లైంగిక  వేధింపులు


మానసిక ఆరోగ్యాన్ని ఎలా అంచనా వేశారు?
12–17 సంవత్సరాల వయస్సు గల కౌమారదశలో ఉన్నవారిని ఈ క్రింది రుగ్మతలను గుర్తించే డయాగ్నస్టిక్ టూల్ ద్వారా పరీక్షించారు.ఆందోళన (GAD, సోషల్ ఫోబియా, PTSD) డిప్రెషన్ (మేజర్ డిప్రెసివ్ డిజార్డర్, డిస్టిమియా)

సాధారణ మానసిక రుగ్మతలు (CMDలు), ఆందోళన  నిరాశ .   5.3 శాతం మందికి ఆందోళన రుగ్మతలు, 3.2 శాతం మందికి డిప్రెషన్ మరియు 7.4 శాతం మందికి CMDలు ఉన్నట్టు ఈ స్టడీ గుర్తించింది.

భారతదేశంలో ఎందుకు ముఖ్యం?
భారతదేశంలో, ఉమ్మడి కుటుంబాల్లో మహిళలపై  గృహ హింస,  శారీరక వేధింపులు చాలా ఎక్కువ. కట్నం తేలేదనో, మగ బిడ్డ పుట్టలేదనో, అందంగా లేదనో.. ఒకవిధంగా చెప్పాలంటే ఈ కారణాలకు లెక్కేలేదు. అలాగే మగబిడ్డ పుట్టే వరకు గర్భ నిరోధకాలను నిలిపివేయడం లేదా తల్లిదండ్రుల ఇళ్లకు బలవంతంగా పంపడం వంటి  అనేకరకాల వేధింపులను అధ్యయనం గుర్తించింది.  ఇవి  పైకి మామూలుగా కనిపించినప్పటికీ, మహిళలు, వారి పిల్లలు ఇద్దరిపైనా దీర్ఘకాలిక ఒత్తిడిని తెస్తుందని తెలిపింది. అంతేకాదు ఈ కారణంగా ఉద్భవించిన  శారీరక, మానసిక సమస్యలు, భావోద్వేగ బాధలకు గుర్తింపుగానీ, తగిన చికిత్స కానీ  జరగడం లేదని ఆవేదన వ్యక్తం చేసింది. 

పిల్లల్లో ఎలాంటి  ప్రభావం
 

  • దీర్ఘకాలిక నిరాశ,ఆందోళన ముప్పు

  • ఆరోగ్యకరమైన సంబంధాలను ఏర్పరచుకోవడంలో ఇబ్బంది

  • పేలవమైన  పనితీరు, చదువులో శ్రద్ధలేకపోవడం, పాఠశాల మానేయడం

  • ఆత్మహత్య ఆలోచనల ప్రమాదం ఎక్కువ

  • ఈ ప్రభావాలు యుక్తవయస్సు, ఆపైన కూడా కొనసాగవచ్చు
     

ఎవరెవరు ఏం చేయాలి?  
సామాజిక-ఆర్థిక స్థితి, లింగం, విద్య లాంటి అంశాలను పరిగణనలోకి తీసుకున్న తర్వాత కూడా, గృహ హింస,  లైంగిక వేధింపులు బలమైన ప్రమాద కారకాలుగా ఉన్నాయని అధ్యయనం గుర్తించింది.  దీనిపై అత్యవసర చర్యలు తీసుకోవాలని స్టడీ పిలుపునిచ్చింది.  తల్లిదండ్రులు, ఉపాధ్యాయులు, విధాన నిర్ణేతలు తగిన చర్యలు చేపట్టాలని తెలిపింది. తల్లిదండ్రుల సంబంధాలు, వ్యవహారం పిల్లలను ఎలా ప్రభావితం చేస్తుందో తెలుసుకోవాలి. వారి  మానసిక ఆరోగ్య సమస్యల కోసం స్క్రీనింగ్ చేయాలి. అలాగే అధికారులు గృహ హింస నివారణ కార్యక్రమాలను బలోపేతం చేయాలి. పాఠశాలలు,సమాజాలలో మానసిక ఆరోగ్య మద్దతును ఏకీకృతం చేయాలి.

Videos

హోం మంత్రి వంగలపూడి అనితకు YSRCP అధికార ప్రతినిధి కౌంటర్

జర్నలిస్టు కొమ్మినేని శ్రీనివాసరావు అరెస్టు అక్రమం : కోరుముట్ల

సీనియర్ జర్నలిస్ట్ కొమ్మినేనిపై నమోదు చేసిన సెక్షన్లపై న్యాయమూర్తి ఆగ్రహం

ఎర్రవల్లిలోని కేసీఆర్ ఫాంహౌజ్‌కు హరీష్ రావు

వైఎస్ జగన్ ను కలిసిన ఏలూరు కోకో రైతులు

రేపు ప్రకాశం జిల్లా పొదిలిలో వైఎస్ జగన్ పర్యటన

Kalyani: భారతమ్మ జోలికి వస్తే.. అనితకు మాస్ వార్నింగ్

ప్రజలకిచ్చిన మాటను చంద్రబాబు నిలబెట్టుకోలేకపోయారు: శైలజానాథ్

మహిళలను అవమానించడమే టీడీపీ విష సంస్కృతి

కొమ్మినేనిని అరెస్ట్ చేయడం రెడ్ బుక్ పాలనకు పరాకాష్ట: రోజా

Photos

+5

పాత శ్రీకాకుళం: వైభవంగా సిరిమానోత్సవం (చిత్రాలు)

+5

తిరగబడ్డ ఆడబిడ్డ.. కూటమి విఫల పాలనపై ఆగ్రహజ్వాలలు (చిత్రాలు)

+5

'ఒంటరి' బ్యూటీ.. ఏ మాత్రం మారలే (ఫొటోలు)

+5

నీ తల్లిని కావడం వరం రా కన్నయ్యా! బిగ్‌బాస్‌ ఫేమ్‌ నటి ప్రియ ఇన్‌స్టా పోస్ట్‌ (ఫొటోలు)

+5

సమ్మర్ జ్ఞాపకాలు.. మర్చిపోలేకపోతున్న బన్నీ భార్య (ఫొటోలు)

+5

శ్రీకాకుళం జిల్లాలో భారీ వర్షాలు (ఫొటోలు)

+5

ముంబై ఎయిర్‌పోర్ట్‌లో అల్లు అర్జున్‌.. అట్లీ సినిమా గురించేనా (ఫోటోలు)

+5

అక్కడ 11 ఏళ్ల త‌ర్వాత 'దేవ‌ర'.. సతీమణితో మంచు మనోజ్‌ సందడి (ఫోటోలు)

+5

ఏపీలో ‘సాక్షి’ పై టీడీపీ కుట్రపూరిత దాడులు (ఫొటోలు)

+5

తిరుమలలో ఘనంగా జ్యేష్ఠాభిషేకం ప్రారంభం (ఫొటోలు)