మహిళ అని చూడకుండా నాపై దాడి చేసి.. చేతిని మెలిపెట్టి విరిచేశారు
Breaking News
బుక్‌షెల్ఫ్‌: పాజిటివ్‌... పవర్‌ఫుల్‌ పేరెంటింగ్‌
Published on Tue, 06/24/2025 - 10:02
సైకోథెరఫిస్ట్‌ జి. త్రివేది, పేరెంటింగ్‌ ఎక్స్‌పర్ట్‌ అనఘ నాగ్‌పాల్‌ తాజా పుస్తకం... దిస్‌ బుక్‌ వోన్ట్‌ టీచ్‌ యూ పేరెంటింగ్‌: బట్‌ ఇట్‌ విల్‌ మేక్‌ యూ ఏ బెటర్‌ పేరెంట్‌. బెటర్‌ పేరెంటింగ్‌ స్టైల్స్, వ్యక్తిగత అనుభవాలు, ప్రాక్టికల్‌ చెక్‌ లిస్ట్‌లు ఈ పుస్తకంలో కనిపిస్తాయి. ఈ కాలంలో పేరెంటింగ్‌కు ఎదురవుతున్న సవాళ్ల గురించి చర్చించే పుస్తకం ఇది.
‘పేరెంటింగ్‌ గురించి బోధించడానికి ఈ పుస్తకం రాయలేదు. ఏం చేస్తే మంచిది, ఏంచేయకూడదు...ఇలా ఎన్నో విషయాల గురించి చర్చిస్తూ రైట్‌ పేరెంటింగ్‌ గురించి చెప్పడమే ఈ పుస్తక లక్ష్యం’ అంటున్నారు రచయిత్రులు. సోషల్‌ మీడియా, డిజిటల్‌ టూల్స్‌... మొదలైన వాటి వల్ల గతంతో పోల్చితే ఇప్పటి తల్లిదండ్రులు పేరెంటింగ్‌కు సంబంధించి రకరకాల సమస్యలు ఎదుర్కొంటున్నారు. ఈ నేపథ్యంలో వాటికి ఈ పుస్తకం పరిష్కార మార్గాలు సూచిస్తుంది. దీనికోసం ఎంతో రీసెర్చ్‌ చేశారు. బాల్యం నుంచి టీనేజ్‌ వరకు పిల్లలకు సంబంధించిన వివిధ దశల్లో తల్లిదండ్రులు ఎలాంటి విధానాలను అనుసరించాలో ఈ పుస్తకం సూచిస్తుంది. నిజ జీవిత కథలను ప్రస్తావిస్తూ పాజిటివ్‌ పేరెంటింగ్‌కు సంబంధించిన ఫ్రేమ్‌వర్క్, పిల్లలకు ఉపకరించే సెల్ఫ్‌– రిఫ్లెక్షన్‌ ఎక్సర్‌సైజ్‌లు, సెల్ఫ్‌–రెగ్యులేషన్‌ టెక్నిక్‌ల గురించి తెలియజేస్తుంది.
పెంగ్విన్‌ ర్యాండమ్‌ హౌజ్‌ ఇండియా ప్రచురించిన ఈ పుస్తకంలో ఎనిమిది చాప్టర్లు ఉన్నాయి. ‘పేరెంట్స్‌ తమ బాల్యంలోకి వెళ్లడానికి, ఆ జ్ఞాపకాల ఆధారంగా పిల్లల గురించి ఆలోచించడానికి, పాజిటివ్‌ పేరెంటింగ్‌ విషయంలో ప్రతి చాప్టర్‌ ఉపయోగపడుతుంది’ అంటున్నారు రచయిత్రులు.
#
Tags : 1