భారత యూజర్లకు ఓపెన్‌ఏఐ బంపర్ ఆఫర్

ప్రముఖ ఆర్టిఫిషియల్ ఇంటెలిజెన్స్ సంస్థ ఓపెన్‌ఏఐ (OpenAI) ‘చాట్‌జీపీటీ గో’(ChatGPT Go) సబ్‌స్క్రిప్షన్‌ను భారతీయులకు ఏడాదిపాటు ఉచితంగా అందిస్తున్నట్లు పేర్కొంది. అయితే ఇప్పటికే ఈ సబ్‌స్క్రిప్షన్‌ తీసుకున్న యూజర్లకు ఈ ప్లాన్‌ను మరో ఏడాదిపాటు డిఫాల్ట్‌గా పొడిగిస్తున్నట్లు ప్రకటించింది. ఈ వారం చివరి నుంచి ఈ ఆఫర్‌ను అమలు చేస్తున్నట్లు కంపెనీ పేర్కొంది. ఈ ఆఫర్‌ పొడిగింపునకు సంబంధించి వినియోగదారుల తరఫున ఎటువంటి చర్యలు అవసరం లేదని స్పష్టం చేసింది. వారి బిల్లింగ్ తేదీని 12 నెలలకు వాయిదా వేస్తూ చాట్‌జీపీటీ గో అన్ని సర్వీసులు అందిస్తామని హామీ ఇచ్చింది.

భారత్‌పై ఓపెన్‌ఏఐ దృష్టి

చాట్‌జీపీటీ గో (ChatGPT Go)ను భారతదేశంలోని వినియోగదారులకు ఏడాదిపాటు ఉచితంగా అందించనున్నట్లు ఓపెన్‌ఏఐ ఇటీవల ప్రకటించింది. నవంబర్ 4 నుంచి పరిమిత కాలం పాటు నిర్వహించే ప్రమోషనల్ క్యాంపెయిన్‌లో నమోదు చేసుకోవడం ద్వారా ఈ ఆఫర్‌ను పొందవచ్చని తెలిపింది. భారత్‌లో తొలిసారిగా నవంబర్ 4న బెంగళూరులో డెవ్‌డే ఎక్స్ఛేంజ్ (DevDay Exchange-బైకర్‌ ప్రోగ్రామ్‌) కార్యక్రమాన్ని నిర్వహించనున్నారు. ఈ సందర్భంగానే ఈ ఉచిత ఆఫర్‌ను కంపెనీ ప్రకటించింది.

క్వెరీలు, ఇమేజ్ జనరేషన్ పరిమితులు తక్కువగా ఉండే ఈ చాట్‌జీపీటీ గో ప్లాన్‌ను భారతీయ వినియోగదారుల కోసం అందుబాటు చార్జీలతో అందించాలనే లక్ష్యంతో ఓపెన్‌ఏఐ ఈ ఏడాది ఆగస్టులో దీన్ని ఆవిష్కరించింది.

చాట్‌జీపీటీ వర్సెస్ చాట్‌జీపీటీ గో

చాట్‌జీపీటీ గో వర్సెస్ మైక్రోసాఫ్ట్ కోపైలట్