మారిన బంగారం ధరలు: తులం ఎంతంటే?

2024లో భారీగా పెరిగిన బంగారం ధరలు (Gold Price).. 2025లో కూడా కొనసాగుతున్నాయి. రెండు రోజుల్లోనే గోల్డ్ రేటు గరిష్టంగా రూ. 770 పెరిగింది. దీంతో దేశంలోని ప్రధాన నగరాల్లోని పసిడి ధరల్లో మార్పులు జరిగాయి. ఈ కథనంలో నేటి (January 2) బంగారం ధరలు ఏ ప్రాంతంలో ఎలా ఉన్నాయనేది తెలుసుకుందాం.

హైదరాబాద్, విజయవాడ, గుంటూరు, ప్రొద్దుటూరు వంటి ప్రాంతాల్లో గోల్డ్ రేటు వరుసగా రూ.300 (22 క్యారెట్స్ 10గ్రా), రూ.330 (24 క్యారెట్స్ 10గ్రా) పెరిగింది. దీంతో 22 క్యారెట్ల తులం బంగారం ధర రూ. 71,800కు చేరుకోగా.. 24 క్యారెట్ల గోల్డ్ రేటు రూ. 78,330 వద్ద నిలిచింది. ఇదే ధరలు బెంగళూరు, ముంబై ప్రాంతాల్లో కూడా ఉన్నాయి.

చైన్నైలో బంగారం ధరల విషయానికి వస్తే.. ఇక్కడ 22 క్యారెట్ల పసిడి రేటు రూ. 71,800 వద్ద, 24 క్యారెట్ల గోల్డ్ ధర రూ. 78,330 వద్ద ఉంది. దీన్ని బట్టి చూస్తే నిన్నటి కంటే ఈ రోజు ధరలు వరుసగా రూ. 300, రూ. 330 పెరిగిందని స్పష్టమవుతోంది.

దేశ రాజధాని నగరం ఢిల్లీలో కూడా గోల్డ్ రేటు పెరిగింది. అయితే ఇక్కడ 24 క్యారెట్ల 10 గ్రాముల గోల్డ్ రేటు 78,480 రూపాయలు, 22 క్యారెట్ల పసిడి ధర రూ. 71,950. దీన్ని బట్టి చూస్తే గోల్డ్ రేటు దేశంలోని ఇతర నగరాల కంటే కూడా ఎక్కువగా ఉన్నట్లు తెలుస్తోంది.

వెండి ధరలు
దేశంలో బంగారం ధరలు పెరిగినప్పటికీ.. వెండి ధరలు (Silver Price) మాత్రం స్థిరంగానే ఉన్నాయి. కొత్త ఏడాది.. దేశంలోని ప్రధాన నగరాల్లో కేజీ వెండి ధర రూ.90,500 వద్ద ఉంది. రాబోయే రోజుల్లో వెండి రేటు మరింత పెరిగే అవకాశం ఉందని నిపుణులు చెబుతున్నారు.

(Disclaimer: పైన పేర్కొన్న బంగారం ధరలు సూచనపూర్వకమైనవి మాత్రమే. వీటిపై జీఎస్టీ, టీసీఎస్‌, ఇతర పన్నులు, సుంకాలు అదనంగా ఉండవచ్చు. ఖచ్చితమైన ధరల కోసం మీ స్థానిక నగల దుకాణంలో సంప్రదించండి).