రేర్‌ ఎర్త్‌ మెటల్స్‌పై ఆంక్షలతో ఉపాధికి దెబ్బ

రేర్‌ ఎర్త్‌ మెటల్స్‌ ఎగుమతిపై చైనా ఆంక్షలు విధించడంతో దేశీయంగా ఈ ప్రభావం ఆటోమొబైల్‌సహా పలు రంగాలపై కనిపించనుంది. ఈ ప్రభావంతో ఆడియో ఎల్రక్టానిక్స్‌ పరిశ్రమలో 21,000 ఉద్యోగాలు రిస్క్‌లో పడనున్నట్లు ఎల్రక్టానిక్స్‌ పరిశ్రమల సమాఖ్య ఎల్సినా.. ప్రభుత్వానికి నివేదించింది. ఏప్రిల్‌లో టెర్బియం, డిస్‌ప్రోజియం తదితర రేర్‌ ఎర్త్‌ ఎలిమెంట్స్‌ ఎగుమతిపై చైనా కఠిన ఆంక్షలకు తెరతీసింది.

వీటిలో అధిక నాణ్యతగల (హైపెర్ఫార్మెన్స్‌) ఎన్‌డీఎఫ్‌ఈబీ(నియోడైమియం–ఐరన్‌–బోరన్‌) మ్యాగ్నెట్లు తదితరాలున్నాయి. ఇవి ప్రధానంగా కన్జూమర్‌ ఎల్రక్టానిక్స్‌ తయారీలో వినియోగించే కీలక ముడిసరుకులు కావడంతో ఈ ప్రభావం దేశీయంగా కనిపిస్తోంది. వీటి సరఫరాలకు విఘాతం కలగడంతో దేశీయంగా వేగవంత వృద్ధిలో ఉన్న వాచీలు, వినికిడి సంబంధిత(ఇయర్‌ ఫోన్స్, బడ్స్‌) ఎల్రక్టానిక్‌ వస్తువుల తయారీ దెబ్బతింటున్నట్లు ఎల్సినా పేర్కొంది. దీంతో పూర్తిస్థాయిలో తయారైన స్పీకర్‌ మాడ్యూల్స్‌ను చైనా నుంచి దిగుమతి చేసుకోవలసి వస్తున్నట్లు తెలియజేసింది.

ఇదీ చదవండి: ఐటీఆర్‌ ఫైల్‌ చేస్తున్నారా? ముందు జాగ్రత్తలు..

ఎలక్ట్రానిక్‌ వస్తు తయారీకి విఘాతం కలగడమేకాకుండా దిగుమతులపై అధికంగా ఆధారపడవలసిన పరిస్థితులు తలెత్తుతున్నట్లు వివరించింది. ఫలితంగా స్పీకర్, ఆడియో విడిభాగాల పరిశ్రమపై ఆధారపడిన  5,000–6,000 ప్రత్యక్ష ఉద్యోగాలకుతోడు పరోక్షంగా 15,000మంది ఉపాధిపై ప్రతికూల ప్రభావం పడనున్నట్లు వెల్లడించింది. ప్రధానంగా దక్షిణాది రాష్ట్రాలతోపాటు నోయిడాలో ఉపాధి కల్పన దెబ్బతినే వీలున్నట్లు పేర్కొంది.