తనిఖీల పేరుతో ఇన్‌చార్జి అసభ్య ప్రవర్తన

తెనాలి:  బండ బూతులు తిడుతూ అన్నం తింటున్నారా..­పెం.. తింటున్నారా..! అంటూ గుంటూరు జి­ల్లా తెనాలిలోని జిల్లా ప్రభుత్వ ఆస్పత్రిలో మ­హి­ళా శానిటేషన్‌ వర్కర్లపై ఇన్‌చార్జి విజయసారథి సా­­గిస్తున్న దాష్టీకమిది.. సెల్‌ఫోన్లు దాచుకున్నా­రని యూనిఫామ్‌ చొక్కా విప్పించి ఒళ్లంతా తడు­ముతూ తనిఖీ చేయించటం. అదేమంటే జాకెట్‌ కూ­డా విప్పమన్నాగా.. విప్పలేదా! అని వె­కిలి­గా వ్యా­ఖ్యా­నిస్తూ పైశాచికానందం పొందడం ఆయ­న నైజమని మహిళా వర్కర్లు కన్నీటి పర్యంతమవుతున్నారు. 

విజయసారథి వ్యవహారశైలిపై విసిగిపోయిన వారు గురువారం తెనాలి తల్లీపిల్లల వైద్య­­శాల ఎదుట రోడ్డుపై బైఠాయించారు. తక్షణం అతనిపై చర్యలు తీసుకోవాలని డిమాండ్‌ చేశా­­రు. ఆస్పత్రి సూపరింటెండెంట్‌కు వినతిపత్రా­న్ని అందజేశారు. అనంతరం మీడియాతో మాట్లా­­డారు. కులాలవారీగా మహిళా వర్కర్లను వర్గీకరించి దళిత మహిళలను బూతులు తిడుతున్నారని తెలిపారు. డ్యూటీకి రాగానే అందరి ఫోన్ల­ను ఆఫీసు రూంలో పెట్టిస్తున్నారని, ఆ తర్వాత మహిళా ఉద్యోగి చేత వర్కర్ల యూనిఫాం షర్ట్‌ వి­ప్పించి తాకరాని చోట తాకుతూ తనిఖీ చేయిస్తు­న్నా­రని ఆవేదన వ్యక్తం చేశారు. 

ఇదే విషయం ప్రశ్నిస్తే లంగాలు, జాకెట్లూ విప్పదీయించి వెత­కమన్నానుగా.. చేయట్లేదా అని అడుగుతూ పైశాచిక ఆనందం పొందుతున్నాడని దుయ్యబట్టారు. ఉన్నతాధికారులకు ఫిర్యాదు చేస్తామన్నా.. ’నన్ను కదిలించేవాడు ఎవడూ లేడు, ఏమైనా చేసుకోండి’ అంటూ మాట్లాడాడని వివరించారు. ఎ­వ­ రైనా ప్రశ్నిస్తే పని నుంచి తొలగిస్తున్నాడని వెల్లడించారు. ఎనిమిదేళ్లుగా పనిచేస్తున్న తనను అకారణంగా తొలగించాడని, తనను విధుల్లోకి తీసుకోకుంటే ఇన్‌చార్జి గది ఎదుటే ఆత్మహత్యకు పాల్పడతానని ఒక వర్కర్‌ స్పష్టం చేశారు.