సాక్షి, ఖమ్మం జిల్లా: డ్వాక్రా మహిళలకు డిప్యూటీ సీఎం భట్టి విక్రమార్క శుభవార్త చెప్పారు. త్వరలో డ్వాక్రా మహిళలకు వడ్డీలేని రుణాలు మంజూరు చేయనున్నట్లు మధిర మండలం రొంపిమల్ల రోడ్డు శంకుస్థాపన సభలో ఆయన వెల్లడించారు. ప్రజలకు ఇచ్చిన హామీలు అమలు చేస్తామని పేర్కొన్నారు.

పేదింటి మహిళలు పది మంది చొప్పున కలిసి స్వయం సహాయక పొదుపు సంఘాలుగా ఏర్పడటం మననందరికీ తెలుసు. ఈ సంఘాలు బ్యాంకుల నుంచి రుణాలు తీసుకుని.. వ్యాపార, కుటుంబ అవసరాలకు వినియోగించుకోవడమూ తెలిసిందే.  అయితే ఏ రాష్ట్రంలోనూ లేని విధంగా మన రాష్ట్ర ప్రభుత్వ సహకారంతో ఈ సంఘాలు ఇంకో అడుగు ముందుకు వేశాయి. ప్రతి నెలా పోగేసుకున్న సొమ్ముతో స్వయంగా రుణాలిచ్చే దశకు ఎదిగాయి. తద్వారా అంతర్గత ఆర్థిక వ్యవస్థను పటిష్టం చేసుకుంటున్నాయి. ఈ పరిణామం రాష్ట్రంలో గ్రామీణ ఆర్థిక కార్యకలా­పాల వేగాన్ని సూచిస్తోంది. ఇంత వేగంగా గ్రామీణ ఆర్థికాభివృద్ధి ఒక్క మన రాష్ట్రంలోనే కనిపిస్తోంది. సాక్షి, అమరావతి: అన్నమయ్య జిల్లా మదన­పల్లి మండలం బసినకొండ గ్రామంలో 18–19 ఏళ్ల క్రితం తొమ్మిది మంది మహి­ళలతో రాజరాజేశ్వరి స్వయం సహాయక పొదుపు సంఘం ఏర్పాటైంది. మొదట్లో ఒక్కొక్కరు నెలకు రూ.50 చొప్పున పొదుపు చేయడం ప్రారంభించారు. ఇప్పుడు ప్రతి నెలా రూ.500 చొప్పున దాచుకుంటు­న్నారు. ఇలా జమ చేసుకున్న సొమ్ము రూ.ఆరున్నర లక్షలకు చేరుకుంది. ఈ డబ్బు­లను అవసరమైన వారికి నామ­మాత్రపు వడ్డీకి అప్పుగా ఇవ్వాలని ఈ సంఘం సభ్యులందరూ నిర్ణయించుకున్నారు. దీంతో ఈ సంఘంలో సభ్యులైన నలుగురు మహిళలు ఆరు నెలల క్రితం రూపాయి­లోపు వడ్డీతో రూ.ఆరు లక్షలు రుణంగా తీసుకున్నారు. అప్పటి వరకు ఈ సొమ్ము పావలా వడ్డీ కూడా రాని బ్యాంకు సేవింగ్‌ ఖాతాకే పరిమితమై ఉండింది. ఈ సంఘం నిర్ణయం వల్ల ఇప్పుడు రూపాయి లోపు వడ్డీ వస్తోంది. వడ్డీ రూపంలో వచ్చే మొత్తం తిరిగి సంఘ నిధికే జమ అవుతుంది. సంఘం ఉమ్మడి నిధిలో జమ అయ్యే ఈ సొమ్ములో సభ్యులందరికీ వాటా ఉండటం వల్ల అప్పు తీసుకున్న సభ్యులకు మరింత ఉపశమనం కలుగుతోంది. ఈ విధానం వల్ల అందరం సంతోషంగా ఉన్నామని ఈ సంఘం లీడర్‌ సీహెచ్‌ లక్ష్మీకాంతం తెలిపారు. పి.అరుణ అనే సంఘ సభ్యురాలికి ప్రభు­త్వం ఇంటి పట్టాతో పాటు ఇంటి నిర్మాణా­నికి సైతం ఆర్థిక సహాయం మంజూరు చేయగా, అనుకున్న విధంగా ఇల్లు అందంగా కట్టుకునేందుకు అదనంగా రూ.1.65 లక్షలు సంఘమే ఆమెకు అప్పుగా ఇచ్చిందని చెప్పారు. ఇంకొక సభ్యురాలికి ఇంటి నిర్మాణం కోసం రూ.1.65 లక్షలు, మరొ­కరికి కొత్త వ్యాపార దుకాణం ఏర్పాటుకు రూ.రెండు లక్షలు, ఇంకొకరికి కుటుంబ అవసరాల కోసం రూ.70 వేల రుణం అందజేశామని ఆమె వివరించారు. సంఘ సభ్యులలో ఎవ్వరికీ డబ్బులు అవసరం లేని పక్షంలో తమ చుట్టపక్కల ఉండే తెలిసిన వారికి తక్కువ వడ్డీకి అప్పులు ఇవ్వాలని నిర్ణయించామని తెలిపారు. ఇదే గ్రామంలోని కల్యాణ స్వయం సహాయక సంఘం సైతం ఇదే రీతిలో ఆర్థిక లావాదేవీలు సాగిస్తోంది. ఈ సంఘం వద్ద రూ.ఏడు లక్షల పొదుపు నిధి ఉండగా.. ఐదు నెలల క్రితం ఇద్దరికి, ఈ నెలలో మరో ఇద్దరు తమ సంఘ సభ్యులకే మొత్తం రూ.నాలుగు లక్షలు రుణంగా ఇచ్చామని సంఘం లీడర్‌ పద్మావతి తెలిపారు. ఇలా రాష్ట్ర వ్యాప్తంగా ఎన్నో పొదుపు సంఘాలు మినీ బ్యాంకుల తరహాలో లావాదేవీలు సాగిస్తుండటం విశేషం.  అంతర్గత రుణ వ్యవస్థ బలోపేతం రాష్ట్రంలో నాలుగున్నరేళ్లుగా వైఎస్‌ జగన్‌ ప్రభుత్వం అమలు చేస్తున్న సంక్షేమాభివృద్ధి కార్యక్రమాలతో పేదింటి మహిళల్లో ఆర్థిక భద్రత తొణికిసలాడుతోంది. లక్షల సంఖ్యలో ఉన్న పొదుపు సంఘాలు ప్రస్తుతం ఒక్కొక్కరికి రూ.రెండు మూడు లక్షల చొప్పున అప్పులు ఇచ్చే స్థాయికి ఎదిగాయి. ఒకపక్క ఈ సంఘాల మహిళలు బ్యాంకుల నుంచి తీసుకునే రుణాలను సద్వినియోగం చేసుకుంటూనే, మరోపక్క వేరుగా పెద్ద మొత్తంలో అంతర్గత రుణ వ్యవస్థను పెంపొందించుకున్నాయి. ప్రభుత్వం కల్పించే ప్రోత్సాహంతో ఏడాదిన్నరగా అంతర్గతంగా మినీ బ్యాంకుల తరహా రుణ లావాదేవీలు సాగిస్తుండటం ఆహ్వానించదగిన పరిణామ­మని ఆర్థిక రంగ నిపుణులు ప్రశంసిస్తు­న్నారు. రాష్ట్రంలో గ్రామీణ ప్రాంతాల్లో 8,45,374 స్వయం సహాయక పొదుపు సంఘాలు ఉండగా.. కేవలం ఆగస్టు, సెప్టెంబర్, అక్టోబర్‌ నెలల్లో 4.39 లక్షల సంఘాలు తమ సంఘ పొదుపు నిధి నుంచి రూ.866 కోట్లు అంతర్గతంగా రుణాలు ఇచ్చాయి. ఆగస్టులో 1,55,778 పొదుపు సంఘాలు రూ.297 కోట్లు, సెప్టెంబర్‌లో 1,21,672 సంఘాలు రూ.204 కోట్లు, అక్టోబర్‌లో 1,62,259 సంఘాలు రూ.365 కోట్లు రుణంగా ఇచ్చాయి. 3 నెలల్లో రూ.1,241 కోట్లు వసూలు మరోవైపు.. స్వయం సహాయక పొదుపు సంఘాలు అంతర్గత రుణాల రూపంలో ఇచ్చే రుణాలను నెల వారీ కిస్తీ రూపంలో లేదా ఒకే విడత చెల్లింపునకు వీలుగా అవకాశం కల్పిస్తున్నాయి. రాష్ట్ర వ్యాప్తంగా గ్రామీణ ప్రాంతాల్లోని పొదుపు సంఘాలు గతంలో అంతర్గత రుణాల రూపంలో ఇచ్చిన రుణాలకు సంబంధించి గత మూడు నెలల్లో ఏకంగా రూ.1,241 కోట్లు (అసలు, వడ్డీ కలిపి) జమ కావడం గమనార్హం. గతంలో సంఘం నుంచి అంతర్గత రుణాలు పొందిన మహిళలు ఆగస్టులో రూ.493 కోట్లు, సెప్టెంబర్‌లో రూ.386 కోట్లు, అక్టోబర్‌లో రూ.362 కోట్లు చెల్లించారు. మొత్తంగా గత మూడు నెలల్లో బ్యాంకులకు ఏ మాత్రం సంబంధం లేకుండా పేద మహిళలు ఏర్పాటు చేసుకున్న ఆయా పొదుపు సంఘాలలో  ఏకంగా రూ.2,107 కోట్ల మేర అంతర్గత రుణ లావాదేవీలు కొనసాగడం ఈ వ్యవ­స్థలో కొత్తగా చోటు చేసుకున్న పరిణామం. ఇది మరిన్ని సంస్కరణలకు నాంది అని అధికారులు పేర్కొంటున్నారు. రూ.11,291 కోట్లకు పైగా పొదుపు నిధి గ్రామీణ ప్రాంతాల్లో మొత్తం 8.45 లక్షల స్వయం సహాయక మహిళా పొదుపు సంఘాల పేరిట పొదుపు నిధి రూపంలో ఏకంగా రూ. 11,291 కోట్ల మేర డబ్బులు ఉన్నాయి. ఇప్పటి­దాకా పొదుపు సంఘాలు బ్యాంకుల నుంచి తీసుకునే రుణ మొత్తంలో నాలుగో వంతుకు పైబడి ఆయా సంఘాల పొదుపు డబ్బులు కేవలం ఆయా సంఘాల సేవింగ్‌ ఖాతాలలో నిరు­పయోగంగా ఉండేవని అధికా­రులు చెబుతున్నారు. పొదుపు సంఘాలలో సభ్యులుగా ఉండే మహిళలు సగటున ఒక్కొక్కరు ప్రతి నెలా రూ.200 చొప్పున దాచుకుంటుంటా­రు. గ్రామీణ ప్రాంతంలో ఈ మొత్తం ప్రతి నెలా రూ. 110 కోట్ల నుంచి రూ.130 కోట్ల మధ్య ఉంటోంది. అక్టో­బర్‌లో రూ.126 కోట్లు ఇలా పొదుపు చేశారు. ఇలా దాచుకున్న డబ్బులు కేవలం పావలా వడ్డీ చొప్పున కూడా రాని బ్యాంకు సేవింగ్‌ ఖాతాల్లో ఉండిపో­వాల్సిన పరిస్థితి నుంచి రాష్ట్ర ప్రభుత్వం తప్పించింది. ఇలా ఉండి­పోయిన రూ. 11,291 కోట్ల మొత్తాన్ని రూపాయి దాకా వడ్డీ వచ్చేలా అంతర్గత రుణాలు రూపంలో వినియోగించుకునేలా ప్రభుత్వం మహిళలను ప్రొత్సహిస్తోంది. ఆర్థిక కార్యకలా­పాల్లో కీలక అంశమైన దీనిపై పొదుపు సంఘాల మహిళలకు శిక్షణా కార్య­క్రమాలు నిర్వహిస్తోంది. తద్వారా మహి­ళలు ప్రతి నెలా పొదుపు రూపంలో దాచుకునే డబ్బు­లతో అంతర్గత రుణాలు ఇచ్చే వెసు­లుబాటు ఇవ్వడం వల్ల మొత్తం సంఘాల పొదుపు నిధి భారీగా పెరు­గుతుంది. ఇది  భవి­ష్యత్‌లో ఆయా సంఘాల్లోని మహిళలు రుణాల కోసం బ్యాంకుల వద్దకు వెళ్లా­ల్సిన అవసరం లేకుండా ఆదుకుంటుంది. ఒక్కమాటలో చెప్పాలంటే సం­ఘాల్లోని సభ్యులు అవసరమైన మేర రుణాలు తీసుకునే స్థాయికి పొదుపు సంఘాల వ్యవస్థను బలో­పేతం చేయడం ప్రభుత్వ ఉద్దేశం. పొదుపు నిధిలో 80–90 శాతం వినియోగం పొదుపు సంఘాల మహిళలు నెలనెలా దాచుకున్న డబ్బులు పెద్ద మొత్తంలో బ్యాంకుల్లో ఉంచుకొని కూడా అవసరాలకు అదే బ్యాంకుల నుంచి అప్పుగా తీసుకోవడం ద్వారా ఆర్థికంగా నష్టపోతున్నారు. ఇది గుర్తించిన సీఎం వైఎస్‌ జగన్‌మోహన్‌రెడ్డి.. మహిళా సంఘాల పొదుపు డబ్బులపై ఎలాంటి ఆంక్షలు లేకుండా వాళ్ల అవసరాలకు ఉపయోగించుకునేలా వీలు కల్పించాలని ఎస్‌ఎల్‌బీసీ సమావేశాల్లో బ్యాంకర్లకు సూచించారు. ఉదాహరణకు ఒక పొదుపు సంఘం పేరిట రూ.రెండు లక్షల దాకా పొదుపు నిధి ఉండీ కూడా.. ఆ సంఘ సభ్యులు రూ.పది లక్షలు అవసరం ఉంటే రూ.పది లక్షలు అప్పుగా తీసుకునే బదులు, తమ పొదుపు డబ్బుల్లో రూ.లక్షన్నర వినియోగించుకొని, మిగిలిన రూ.8.50 లక్షలు అప్పుగా తీసుకోవచ్చు. తద్వారా ఆ మహిళలందరికీ ప్రయోజనం ఉంటుంది. ఇందుకు అనుగుణంగా పొదుపు సంఘాల మహిళలు తాము పొదుపు రూపంలో దాచుకున్న డబ్బులతో మొదట అంతర్గతంగా రుణాలు తీసుకుంటే, మిగిలిన మొత్తం బ్యాంకుల నుంచి అప్పు తీసుకునేలా సెర్ప్‌ ద్వారా మహిళలను ప్రొత్సహించే కార్యక్రమాలు చేపడుతున్నాం. పొదుపు సంఘాల పేరిట ఉండే మొత్తం పొదుపు నిధి రూ.11,291 కోట్లలో 80–90 శాతం నిధులను సంఘాల అంతర్గత రుణ వ్యవస్థలో వినియోగంలోకి తేచ్చేందుకు చర్యలు తీసుకుంటున్నాం. ఇందుకోసం సెర్ప్‌ ప్రధాన కార్యాలయంలో ప్రత్యేక బృందాన్ని ఏర్పాటు చేశాం. ఈ కార్యక్రమంపై నిరంతరం జిల్లాలతో సమీక్షిస్తున్నాం. – ఏఎండీ ఇంతియాజ్, సెర్ప్‌ సీఈవో 

సాక్షి, అమరావతి: పొదుపు సంఘాల మహి­ళలకు మరింత ప్రయోజనం చేకూర్చే మరో చర్యకు రాష్ట్ర ప్రభుత్వం ఉపక్రమించింది. ఇప్ప­టివరకు ఆ మహిళలు బ్యాంకుల ద్వారా తీసు­కుంటున్న రుణ మొత్తంలో దాదాపు మూడో వంతుకు  సమానమైన డబ్బులు వారి బ్యాంకు ఖాతాల్లో పొదుపు రూపంలో పోగుపడి­నప్పటికీ.. ఆ మొత్తానికి నామ­మాత్రపు వడ్డీని మాత్రమే పొందుతున్నారు. కానీ, బ్యాంకుల నుంచి మాత్రం అధిక వడ్డీకి అప్పులు తీసుకుంటున్నారు. మహిళలు తమ పొదుపు సంఘాల ఖాతాల్లో దాచుకున్న డబ్బులను వాడుకోవడానికి బ్యాంకులు ఆంక్షలు పెడుతున్నాయి.  రాష్ట్రంలోని గ్రామీణ ప్రాంతాల్లో 8.75 లక్షల పొదుపు సంఘాలు ఉండగా, వాటిల్లో మహిళలు ప్రతినెలా దాచుకున్న డబ్బులే ఇప్పుడు రూ.11,196 కోట్లకు పెరిగాయి. రాష్ట్రంలో మహిళా సాధికారిత కోసం సీఎం వైఎస్‌ జగన్‌మోహన్‌రెడ్డి ప్రభుత్వం గత నాలుగేళ్లుగా తీసుకుంటున్న చర్యల ఫలితంగా మహిళలు గతంలో ఎప్పుడూ లేనివిధంగా ప్రతినెలా క్రమం తప్పకుండా ఒకొక్కరు గరిష్టంగా నెలకు రూ. 200 వరకూ దాచుకుంటుండడంతో పొదుపు డబ్బులు భారీగా పెరిగాయి. మరోపక్క.. గ్రామీణ ప్రాంతాల్లో పొదుపు సంఘాలు బ్యాంకుల నుంచి తీసుకున్న రుణాల మొత్తం రూ.30 వేల కోట్ల వరకూ ఉంటాయని గ్రామీణ పేదరిక నిర్మూలన సంస్థ (సెర్ప్‌) అధికారులు తెలిపారు. అంటే మొత్తం పొదుపు సంఘాల రుణాల్లో మూడో వంతుకుపైగా పొదుపు సంఘాల మహిళలు దాచుకున్న డబ్బులు ఉన్నా, వాటిని వాళ్లు వినియోగించుకోలేని పరిస్థితి నెలకొంది. సహజంగా పొదుపు ఖాతాలో ఉండే డబ్బులకు బ్యాంకులు నామమాత్రపు వడ్డీ ఇచ్చే పరిస్థితి ఉండగా, రుణాలపై వడ్డీ మాత్రం రెండు మూడింతల దాకా ఉంటోంది. ఈ రుణాలకు సంబంధించి ఆర్బీఐ నిబంధన 7.3.6 మేరకు సంఘాల పొదుపు డబ్బులపై ఎలాంటి ఆంక్షలు ఉండకూడదని పేర్కొనప్పటికీ చాలా బ్యాంకులు ఆ నిబంధన పాటించడంలేదని సెర్ప్‌ కార్యాలయ దృష్టికి వచ్చింది.  సీసీ విధానంలోనూ అదనపు భారంలేకుండా.. మహిళలు పొదుపు సంఘాల పేరిట బ్యాంకుల నుంచి తీసుకునే రుణాలకు సంబంధించి గత ఏడెనిమిది ఏళ్ల నుంచి సీసీ (క్యాష్‌ అండ్‌ క్రెడిట్‌ ) ప్రక్రియను బ్యాంకులు కొనసాగిస్తున్నాయి. ఈ విధానంలో రుణాలను గరిష్ట లోను మొత్తం మేరకు సీసీ ఖాతాలో అప్పుగా ఇచ్చినట్లు చూపి, ఆ మొత్తాన్ని సంఘం పొదుపు ఖాతాలో జమచేస్తున్నాయి. సీసీ విధానమంటే.. ఆ రుణ ఖాతాలోనే గరిష్ట లోను వరకు అవసరమైనప్పుడే డబ్బులు వినియోగించుకోవడం, ఆ వినియోగించుకున్న డబ్బులకు మాత్రమే వడ్డీ చెల్లించాల్సిన పరిస్థితి ఉంటుంది. అయితే, బ్యాంకర్లు కొన్నిచోట్ల మహిళలు లోను మొత్తం అవసరంలేని సమయంలో కూడా రుణ ఖాతాలో మొత్తం లోను డబ్బులను తీసుకున్నట్లుగా చూపి, వాటిని ఆ సంఘ పొదుపు ఖాతాలో ఉంచేస్తున్నారు. దీనివల్ల అవసరంలేని డబ్బులకూ వడ్డీ భారం పడుతోంది. వడ్డీ తగ్గించాలన్న సీఎం జగన్‌.. ఇక పొదుపు సంఘాల మహిళలు తీసుకునే రుణాల అంశంలో రుణాలిచ్చే సమయంలో మహిళలపై వివిధ రకాల అదనపు భారాలేవీ లేకుండా చర్యలు తీసుకోవాలంటూ సీఎం వైఎస్‌ జగన్‌మోహన్‌రెడ్డి మూణ్ణెళ్ల క్రితం బ్యాంకర్ల సమావేశంలో కోరారు. రాష్ట్ర ప్రభుత్వం నాలుగేళ్లుగా తీసుకుంటున్న చర్యలు కారణంగా మహిళల రుణాల చెల్లింపు ఇప్పుడు 99.5 శాతానికి పైగా పెరిగిన విషయాన్ని ఆయన గుర్తుచేశారు. ఈ తరుణంలో బ్యాంకర్లు వీలైనంత మేర పొదుపు సంఘాలకిచ్చే రుణాలపై వడ్డీ రేట్లు తగ్గించాలని సూచించారు. రుణాలు తీసుకునే ముందు సంఘాలలో ఉండే తమ పొదుపు డబ్బులను మహిళలు వినియోగించుకునే అవకాశం ఇవ్వకపోవడంతో పాటు.. చాలాచోట్ల సీసీ విధానంవల్ల జరుగుతున్న నష్టాన్ని ముఖ్యమంత్రి ఆ సమావేశంలో ప్రస్తావించి, పేద మహిళలకు నష్టం జరగకుండా చర్యలు తీసుకోవాలని బ్యాంకర్లను కోరారు. ఈ విషయాన్ని కేంద్రానికి సైతం లేఖలు రాయడంతో కేంద్రం సైతం కదిలింది.   క్షేత్రస్థాయి పరిశీలనకు కేంద్ర అధికారులు.. ఈ నేపథ్యంలో.. పొదుపు సంఘాల మహిళలు నష్టపోతున్న వైనంపై క్షేత్రస్థాయిలో పరిశీలించేందుకు కేంద్ర గ్రామీణాభివృద్ధి శాఖ పొదుపు సంఘాల రుణ విభాగంలో పనిచేసే కీలక అధికారి రామ్‌బియాస్‌ గుప్తా రాష్ట్రానికి వచ్చారు. సెర్ప్‌ అధికారులతో కలిసి ఆయన గుంటూరు, ఎన్టీఆర్, కృష్ణా జిల్లాల్లో పొదుపు సంఘాల మహిళలను కలిసి వివరాలు సేకరించారు. ఆ తర్వాత ఈనెల 12న రాష్ట్ర పంచాయతీరాజ్, గ్రామీణాభివృద్ధి శాఖ ప్రత్యేక ప్రధాన కార్యదర్శి బుడిత రాజశేఖర్, రాష్ట్ర బ్యాంకర్ల సంఘం ఏజీఎం రాజాబాబుతో కలిసి ఆయన విజయవాడలో బ్యాంకర్ల ఉన్నతాధికారులతో సమావేశమయ్యారు. ఈ మొత్తం వివరాలను ఆర్‌బీఐ, కేంద్ర ఆర్థిక శాఖలోని డిపార్ట్‌మెంట్‌ ఆఫ్‌ ఫైనాన్స్‌ విభాగానికి సెర్ప్‌ కార్యాలయం తెలిపింది.  0.5 శాతం మహిళలు కూడా నష్టపోకూడదనే.. మన రాష్ట్రంలో ప్రత్యేకంగా సీఎం వైఎస్‌ జగన్‌ ప్రభుత్వం ‘పొదుపు’ మహిళలు తీసుకునే రుణాలపై వడ్డీని రాష్ట్ర ప్రభుత్వం భరిస్తోంది. సకాలంలో రుణ కిస్తీలు చెల్లించకుండా ఉంటున్న 0.5 శాతం మహిళలు సైతం నష్టపోకుండా ఉండేందుకు రాష్ట్ర ప్రభుత్వం చర్యలు చేపట్టిందని సెర్ప్‌ అధికారులు వెల్లడించారు. త్వరలో సానుకూల నిర్ణయం వెలువడే అవకాశముందని వారు భావిస్తున్నారు.  

సాక్షి, అమరావతి/సాక్షి నెట్‌వర్క్‌: వైఎస్సార్‌ ఆసరా రెండవ విడత సొమ్ము డ్వాక్రా సంఘాల మహిళల ఖాతాల్లో విజయవంతంగా జమ అవుతుండటాన్ని పురస్కరించుకుని అక్కచెల్లెమ్మలు ఊరూరా పండగ వాతావరణంలో సంబరాలు చేసుకుంటున్నారు. 2019 ఎన్నికల నాటికి వారి పేరిట బ్యాంకుల్లో అప్పు మొత్తాన్ని నాలుగు విడతల్లో ప్రభుత్వం చెల్లిస్తున్న విషయం తెలిసిందే. ఈ నెల 7వ తేదీ నుంచి శనివారం వరకు 6,10,262 పొదుపు సంఘాలకు రూ.4,923.33 కోట్ల మొత్తాన్ని ప్రభుత్వం రెండో విడతగా జమ చేసింది. శనివారం 1,35,430 సంఘాలకు సంబంధించి రూ.1,108 కోట్ల మొత్తాన్ని చెల్లించింది. ముఖ్యమంత్రి జగన్‌మోహన్‌రెడ్డి ముందుగా ప్రకటించిన ప్రకారం.. సోమవారం మరో 1.45 లక్షల సంఘాలకు రూ.1,176 కోట్లు జమ చేసే అవకాశం ఉంది. దీంతో 12 జిల్లాల పరిధిలో లబ్ధిదారులందరికీ వైఎస్సార్‌ ఆసరా రెండో విడత డబ్బుల చెల్లింపు ప్రక్రియ పూర్తవుతుందని అధికారులు వెల్లడించారు. బద్వేలు ఉప ఎన్నిక కారణంగా ఎన్నికల కోడ్‌తో వైఎస్సార్‌ జిల్లాలో ఈ చెల్లింపులు తాత్కాలికంగా వాయిదా పడ్డాయి. గతంలో చంద్రబాబులా మోసం చేయకుండా.. ఎన్నికల ముందు చెప్పినట్టు గత రెండేళ్లగా తమ పొదుపు సంఘాల అప్పు డబ్బును అందజేస్తున్న ముఖ్యమంత్రి పట్ల మహిళలు వివిధ రూపాల్లో తమ కృతజ్ఞతలు చాటుకుంటున్నారు. ఈ సొమ్ము పంపిణీ ప్రారంభమైన 7వ తేదీ నుంచి రాష్ట్ర వ్యాప్తంగా మంత్రులు, స్థానిక ఎమ్మెల్యే ఆధ్వర్యంలో లబ్ధిదారులు సంబరాలు కొనసాగిస్తున్నారు. శనివారం 12 జిల్లాల పరిధిలో 70 చోట్ల లబ్ధిదారుల ఆధ్వర్యంలో ప్రత్యేక కార్యక్రమాలు నిర్వహించారు. పలుచోట్ల ముఖ్యమంత్రి వైఎస్‌ జగన్‌మోహన్‌రెడ్డి చిత్రపటాలకు క్షీరాభిషేకాలు నిర్వహించారు.   ఊరూరా సంబరాలు  ► తూర్పు గోదావరి జిల్లా రాజమహేంద్రవరం రూరల్‌ తొర్రేడులో ఎంపీ, వైఎస్సార్‌ సీపీ పార్లమెంటరీ చీఫ్‌ విప్‌ మార్గాని భరత్‌రామ్,  కొత్తపేట మండలం వానపల్లిలో బీసీ సంక్షేమ శాఖ మంత్రి చెల్లుబోయిన శ్రీనివాస వేణుగోపాలకృష్ణ, అమలాపురం ఎంపీ చింతా అనురాధ, కాకినాడ డైరీ ఫారం సెంటర్, తుని మండలం గెడ్లబీడు, శంఖవరం వద్ద జరిగిన కార్యక్రమాల్లో కాకినాడ ఎంపీ వంగా గీత, అల్లవరంలో అమలాపురం ఎంపీ చింతా అనురాధ పాల్గొన్నారు. ఇతర ప్రాంతాల్లోనూ ఎమ్మెల్యేలు చెక్కులు పంపిణీ చేశారు. పలుచోట్ల సీఎం జగన్‌ చిత్రపటానికి క్షీరాభిషేకం చేశారు.    ► పశ్చిమ గోదావరి జిల్లా ఉంగుటూరు నియోజకవర్గం నారాయణపురంలో జరిగిన కార్యక్రమంలో రాష్ట్ర మంత్రి చెరుకువాడ శ్రీరంగనాథరాజు ఆధ్వర్యంలో చెక్కులు పంపిణీ చేశారు. కొవ్వూరు మండలంలో మంత్రి తానేటి వనిత చెక్కులు పంపిణీ చేశారు.    ► విశాఖ జిల్లా చోడవరంలో ఎంపీ బీవీ సత్యవతి, పెదబయలులో జెడ్పీ చైర్‌పర్సన్‌ జల్లిపల్లి సుభద్ర చెక్కులు పంపిణీ చేశారు. కృష్ణా జిల్లా పమిడిముక్కల మండలం కపిలేశ్వరపురంలో మచిలీపట్నం ఎంపీ వల్లభనేని బాలశౌరి, విజయవాడలోని విద్యాధరపురం లేబర్‌కాలనీలో దేవదాయ శాఖ మంత్రి వెలంపల్లి శ్రీనివాసరావు,  గుడ్లవల్లేరు మండలం కౌతవరంలో జిల్లా పరిషత్‌ చైర్‌ పర్సన్‌ ఉప్పాల హారిక పాల్గొన్నారు.   ► అనంతపురం జిల్లా సోమందేపల్లిలో మంత్రి శంకరనారాయణ, చిలమత్తూరులో హిందూపురం ఎంపీ గోరంట్ల మాధవ్‌ ఆధ్వర్యంలో సంబరాలు నిర్వహించారు.  ► చిత్తూరు జిల్లా మదనపల్లె, పీలేరులో జరిగిన కార్యక్రమాల్లో ఎంపీ పెద్దిరెడ్డి మిథున్‌రెడ్డి చెక్కులు పంపిణీ చేశారు. ముఖ్యమంత్రి వైఎస్‌ జగన్‌మోహన్‌రెడ్డి చిత్రపటానికి క్షీరాభిషేకం చేశారు. బంగారుపాళెం మండల కేంద్రంలో జరిగిన కార్యక్రమానికి ఎంపీ రెడ్డెప్ప హాజరయ్యారు.    ► ప్రకాశం జిల్లా కొత్తపట్నంలో మంత్రి బాలినేని శ్రీనివాసరెడ్డి, శ్రీకాకుళం జిల్లా పలాస నియోజకవర్గం మందసలో మంత్రి సీదిరి అప్పలరాజు స్వయం సహాయక సంఘ సభ్యులకు వైఎస్సార్‌ ఆసరా చెక్కులు పంపిణీ చేశారు.   

ఒక్క ఆలోచన వేలాది మందికి తక్కువ ధరలకే నాణ్యమైన సరుకులు అందేలా చేసింది. అందరి చూపు ఆ మార్ట్‌పై నిలిచేలా పనితీరుతో ఆకట్టుకుంటోంది. ఎవరిపైనా పెట్టుబడి భారం పడకుండా చిన్నపాటి మొత్తంతో డ్వాక్రా సభ్యులే అంతాతామై నిర్వహించేలా ఆవిర్భవించిన జగనన్న మహిళా మార్ట్‌ ఇప్పుడు ఎందరికో ఆదర్శంగా నిలుస్తోంది.పేద ప్రజలకు తక్కువ ధరతో నాణ్యమైన వస్తువులు అందించడమే లక్ష్యంగా వైఎస్సార్‌ జిల్లా పులివెందులలో ఈ మార్ట్‌ ఏర్పాటైంది.  సాక్షి, కడప: ప్రతి స్వయం సహాయక సంఘ సభ్యురాలి ద్వారా రూ.150 పెట్టుబడితో.. సుమారు రూ.12 లక్షల వ్యయంతో మహిళా మార్ట్‌ రూపుదిద్దుకుంది. బయట మార్కెట్‌ కంటే 20 శాతం తక్కువ ధరలకే సరుకులను అందిస్తూ ప్రత్యేకతను చాటుకుంటోంది. ఇందులో కొంత మంది డ్వాక్రా సభ్యులకు ఉపాధి కల్పించడంతో పాటు సభ్యులందరికీ అదనంగా 2 శాతం రాయితీతో సరుకులను అందిస్తుండటం విశేషం. పెట్టుబడి పెట్టిన మహిళలందరికీ ఏడాదికి ఒకసారి బోనస్‌ రూపంలో సొమ్ము అందించాలని పట్టణ పేదరిక నిర్మూలన సంస్థ (మెప్మా) ప్రణాళిక రూపొందించింది. పులివెందుల నియోజకవర్గ ప్రజలకు అందుబాటులో ఉండేలా పాత బస్టాండు సమీపంలోని మున్సిపల్‌ కాంప్లెక్స్‌లో ఈ మార్ట్‌ను ఏర్పాటు చేసి, స్వయం సహాయక సంఘాల సభ్యుల ద్వారా విజయవంతంగా నడుపుతున్నారు. తక్కువ ధరకే నాణ్యమైన సరుకులు అందజేయడం ద్వారా పేదలకు అనుకూలంగా ఉంటుందన్న సీఎం వైఎస్‌ జగన్‌మోహన్‌రెడ్డి ఆలోచనలకు తోడు కడప ఎంపీ వైఎస్‌ అవినాష్‌రెడ్డి కృషితో ఈ మార్ట్‌ రూపుదిద్దుకుంది. ఏది కావాలన్నా హోల్‌ సేల్‌ ధరకే ప్రజల నిత్యావసరాలకు సంబంధించి ఏది కావాలన్న జగనన్న మహిళా మార్ట్‌లో లభిస్తుంది. డ్వాక్రా ఉత్పత్తులు, తిను బండారాలు (డ్వాక్రా మహిళలు తయారు చేసిన), ఒడియాలు, అప్పడాలు, డోర్‌ కర్టన్స్, నైటీలు, డోర్‌ మ్యాట్లు, చీపుర్లు అందుబాటులో ఉంచారు. పప్పుల దగ్గర నుంచి బెల్లం వరకు.. ఆవాల నుంచి అల్లం వరకు.. ప్రతి నిత్యావసర వస్తువు ఈ మార్ట్‌లో లభిస్తోంది. బయట మార్కెట్‌ కంటే ఇక్కడ ధర తక్కువ. హోల్‌సేల్‌ ధరకే సరుకులను అందించడంతో తక్కువ కాలంలోనే ప్రజాదరణ పొందింది. ప్రతినిత్యం డ్వాక్రా గ్రూపు సభ్యులతో పాటు ప్రజలు కూడా ఈ మార్ట్‌లో కొనుగోలు చేస్తుండటం నిత్యకృత్యంగా మారింది. 8 వేల మంది భాగస్వామ్యం  పులివెందుల మున్సిపాలిటీ పరిధిలో ఉన్న 8 వేల మంది డ్వాక్రా గ్రూపు సభ్యులతో మాట్లాడి ఒక్కొక్కరి వద్ద రూ.150 చొప్పున వసూలు చేసి, రూ.12 లక్షల పెట్టుబడి సొమ్ముతో మార్ట్‌ను నెలకొల్పారు. 2021 జనవరి 3వ తేదీన కడప ఎంపీ వైఎస్‌ అవినాష్‌రెడ్డి, మున్సిపల్‌ వైస్‌ చైర్మన్‌ వైఎస్‌ మనోహర్‌రెడ్డి, పాడా (పులివెందుల అర్బన్‌ డెవలప్‌మెంట్‌ అథారిటీ) ఓఎస్డీ అనిల్‌కుమార్‌రెడ్డి, మెప్మా మేనేజింగ్‌ డైరెక్టర్‌ విజయలక్ష్మి చేతుల మీదుగా ప్రారంభించారు. తర్వాత డ్వాక్రా గ్రూపులు పెరగడంతో మరో 5 వేల మంది సభ్యులు పెట్టుబడి సొమ్ము చెల్లించి భాగస్వాములయ్యేందుకు ముందుకు వచ్చారు. లాభాల్లో 60 శాతాన్ని రూ.150 చొప్పున పెట్టుబడి పెట్టిన ప్రతి మహిళకు ఏటా బోనస్‌ రూపంలో అందించనున్నారు.  భారీగా వ్యాపారం  ప్రస్తుతం ఈ మార్ట్‌లో వ్యాపారం జోరుగా సాగుతోంది. ప్రతి రోజు రూ.50 వేల నుంచి రూ.70 వేల వరకు వ్యాపారం జరుగుతోంది. నెలలో ఐదారు రోజులు లక్ష రూపాయల వ్యాపారం సాగుతోంది. నెలకు సరాసరిన రూ.15 లక్షల నుంచి రూ.18 లక్షల మేర వ్యాపార లావాదేవీలు కొనసాగుతున్నాయి. ప్రారంభించిన నాటి నుంచి ఈ రోజు వరకు ఎలాంటి సమస్యల్లేకుండా దినదినాభివృద్ధి చెందుతోంది.  డ్వాక్రా సభ్యులకు రాయితీ కార్డులు  పులివెందులలోని డ్వాక్రా మహిళలకు ప్రత్యేకంగా మార్ట్‌ పేరుతో గుర్తింపు కార్డులను ఇచ్చారు. జగనన్న మార్ట్‌కు వచ్చి సరుకులు కొనుగోలు చేసిన వారికి సొమ్ము మొత్తమ్మీద 2 శాతం రాయితీ ఇస్తున్నారు. ఉదాహరణకు రూ.3 వేల సరుకులు కొనుగోలు చేస్తే.. బయటి మార్కెట్‌తో పోలిస్తే అందరికీ 20 శాతం చొప్పున రూ.600 ఆదా అవుతోంది. దీనికి తోడు డ్వాక్రా మహిళలకు 2 శాతం అంటే రూ.60 అదనంగా మిగులుతోంది. మార్ట్‌లో ఏడుగురు డ్వాక్రా మహిళలకు ఉపాధి అవకాశం కల్పించారు. సరుకుల గ్రేడింగ్‌ మొదలు.. ప్యాకింగ్, బిల్లు కౌంటర్‌ వరకు డ్వాక్రా మహిళలే అన్ని పనులు చూస్తున్నారు.   సరుకులు బాగున్నాయి  జగనన్న మహిళా మార్ట్‌ అందరికీ అందుబాటులో ఉంది. ప్రధానంగా సరుకుల నాణ్యత చాలా బాగుంది. ఈ మార్ట్‌ను మహిళలే నిర్వహిస్తున్నారు కాబట్టి సరుకులు, వస్తువులను ఓపికగా అందిస్తున్నారు. ఏదీ కావాలన్న మార్ట్‌లో లభిస్తోంది.  – ప్రియాంక (శ్రీసాయినగర్‌), పులివెందుల ఉపాధి లభించింది  జగనన్న మహిళా మార్ట్‌ ప్రారంభించిన నాటి నుంచి ఇక్కడే పని చేస్తున్నా. సరుకుల గ్రేడింగ్‌ మొదలుకుని ప్యాకింగ్‌ వరకు అన్నీ చూసుకుంటాం. మెప్మా నుంచి ప్రతినెలా రూ.7,500 ఇస్తున్నారు. నాతోపాటు మరో ఆరుగురు ఇక్కడే ఉపాధి పొందుతున్నారు. నిత్యం సరుకుల కొనుగోలుకు ప్రజలు భారీగా వస్తున్నారు.  – పుష్పలత, డ్వాక్రా గ్రూపు సభ్యురాలు, పులివెందుల తూకం, నాణ్యతలో కచ్చితత్వం జగనన్న మహిళా మార్ట్‌లో సరుకుల ధరలు తక్కువగా ఉన్నాయి. బయట మార్కెట్లతో పోలిస్తే చాలా వరకు ప్రయోజనం ఉంటోంది. తూకం, నాణ్యతలోనూ కచ్చితత్వం ఉంటోంది. మార్ట్‌ ప్రారంభించినప్పటి నుంచి మేము ఇక్కడే సరుకులు కొనుగోలు చేస్తున్నాం. ఈరోజు కూడా రూ.3 వేలతో సరుకులను కొనుగోలు చేశాం. – బోనాల కళావతి, పులివెందుల సరసమైన ధరలకే సరుకులు  ఈ ఏడాది జనవరిలో జగనన్న మహిళా మార్ట్‌ను స్థాపించాం. డ్వాక్రా మహిళలకు కార్డులిచ్చి రాయితీపై సరుకులు అందిస్తున్నాం. ఇతర ప్రజలందరికీ కూడా తక్కువ ధరకే నాణ్యమైన వస్తువులు, సరుకులు అందిస్తున్నాం. డ్వాక్రా మహిళలకు ఉపాధి కల్పించడమే కాకుండా వారి భాగస్వామ్యంతోనే ఈ మార్ట్‌ను ముందుకు నడిపిస్తున్నాం. ఏడాదికొకసారి పెట్టుబడి పెట్టిన ప్రతి డ్వాక్రా మహిళకు బోనస్‌ రూపంలో ఆదాయం పెంచుతాం.         – పి.అబ్బాస్‌ ఆలీఖాన్,సిటీ మిషన్‌ మేనేజర్, మెప్మా, పులివెందుల  

సాక్షి, అమరావతి: ముఖ్యమంత్రి వైఎస్‌ జగన్‌మోహన్‌రెడ్డి ఎన్నికల ముందు ఇచ్చిన హామీ మేరకు పొదుపు సంఘాల అక్క చెల్లెమ్మల అప్పులపై వడ్డీ రూపంలో చెల్లించాల్సిన సుమారు రూ.1,020 కోట్లను అక్టోబర్‌ 2వ తేదీలోగా వారి అప్పు ఖాతాల్లో జమ చేసేందుకు ప్రభుత్వం కసరత్తు మొదలు పెట్టింది. ఈ ఏడాది ఏప్రిల్‌ నుంచి ఆగస్టు వరకు ఐదు నెలల కాలానికి మహిళల అప్పులపై వడ్డీగా చెల్లించాల్సిన డబ్బులను బ్యాంకు ఖాతాల్లో జమ చేయనుంది. ఏ సంఘానికి ఎంత మొత్తం జీరో వడ్డీ కింద చెల్లిందన్న బ్యాంకు రశీదులను వలంటీర్ల ద్వారా అక్కచెల్లెమ్మల ఇంటి వద్ద అందజేయాలని నిర్ణయించింది. ‘ఎన్నికల రోజు వరకు అక్కచెల్లెమ్మలకు ఉన్న పొదుపు సంఘాల రుణాల మొత్తం సొమ్మును అధికారంలోకి వచ్చిన రెండో ఏడాది నుంచి నాలుగు దఫాలుగా నేరుగా వారికే అందిస్తాం. అంతేకాకుండా మళ్లీ సున్నా వడ్డీకి రుణాల విప్లవం తెస్తాం. బ్యాంకులకు ప్రభుత్వమే వడ్డీ డబ్బులు చెల్లిస్తుంది’ అని వైఎస్‌ జగన్‌ నవరత్నాల హామీల్లో పేర్కొన్న విషయం తెలిసిందే. ఈ మేరకు వైఎస్సార్‌ ఆసరా పథకం ద్వారా ఎన్నికలు జరిగిన ఏప్రిల్‌ 11వ తేదీ నాటికి పొదుపు సంఘాల పేరిట ఉన్న అప్పు మొత్తాన్ని ఏడాది తర్వాత నుంచి నాలుగు దఫాల్లో చెల్లించేందుకు ఇప్పటికే కసరత్తు మొదలైంది. వైఎస్సార్‌ ఆసరా పథకం అమలయ్యే వరకు అక్కచెల్లెమ్మలపై వడ్డీ భారం ఉండకూడదని ఆ డబ్బులను ప్రభుత్వమే ఎప్పటికప్పుడు బ్యాంకులకు జమ చేయాలని నిర్ణయించింది. ఆ మేరకు తొలుత ఐదు నెలల డబ్బులను అక్టోబరు 2వ తేదీలోగా జమ చేయనుంది.     ప్రతి నెలా వడ్డీ రూ.204 కోట్లు   ఎన్నికలు జరిగిన ఏప్రిల్‌ 11 నాటికి పొదుపు సంఘాల పేరిట బ్యాంకుల్లో రూ.27,168.83 కోట్ల అప్పులు ఉన్నట్టు బ్యాంకర్ల సంఘం నిర్ధారించింది. ఈ వివరాలతో సెర్ప్, మెప్మా అధికారులు రాష్ట్ర మంతటా సంఘాల వారీగా సమావేశాలు నిర్వహించి, ఏ సంఘానికి ఎంత అప్పు ఉందో తీర్మానం చేయించి, దానిని బ్యాంకు అధికారుల ద్వారా సర్టిఫై చేయిస్తున్నారు. గ్రామీణ, పట్టణ ప్రాంతాల్లో ఇప్పటి వరకు 99 శాతం సంఘాలతో సమావేశాలు నిర్వహించే ప్రక్రియ పూర్తయింది. సంఘాల వారీగా సమావేశాలు నిర్వహించిన అనంతరం గ్రామీణ ప్రాంతాల్లో 6,01,132 సంఘాల పేరిట రూ.19,504 కోట్లు, పట్టణ ప్రాంతాల్లో 1,50,042 సంఘాల పేరిట రూ.4,587.71 కోట్లు అప్పు ఉన్నట్టు ఇప్పటి వరకు నిర్ధారించారు. ఇదిలా ఉండగా.. గ్రామీణ, పట్టణ ప్రాంతాల్లో సంఘాల వారీగా ఉన్న అప్పుపై ప్రతి నెలా సుమారు రూ.204 కోట్లు వడ్డీ రూపంలో చెల్లించాల్సి ఉంటుందని అధికారులు అంచనా వేశారు.     జీరోవడ్డీ పాస్‌ పుస్తకాలు   సంఘం వారీగా ఉన్న అప్పు మొత్తం, దానిపై ప్రతి నెలా మహిళలు బ్యాంకులకు చెల్లించాల్సిన వడ్డీ వివరాలతో పాటు ప్రభుత్వం ప్రతి నెలా వడ్డీగా బ్యాంకుకు చెల్లించిన రశీదు వివరాలు నమోదు చేయడానికి సెర్ప్, మెప్మా అధికారులు ప్రత్యేకంగా పాస్‌ పుస్తకాలను తయారు చేయిస్తున్నారు. అక్టోబరు 2వ తేదీ తర్వాత ప్రభుత్వం తొలి విడతగా సుమారు రూ.1,020 కోట్లు బ్యాంకుల్లో జమ చేసిన తర్వాత వాటికి సంబంధించిన రశీదులు మహిళలకు అందజేసే సమయంలోనే ఈ పాస్‌పుస్తకాలను కూడా పంపిణీ చేస్తారు. ఆ తర్వాత ప్రతి నెలా ప్రభుత్వం సంఘాల వారీగా బ్యాంకులకు చెల్లించిన జీరో వడ్డీ రశీదులను అందజేసి, సంఘాల వద్ద ఉండే ఆ పాస్‌ పుస్తకంలో ఎప్పటికప్పుడు నమోదు చేస్తారు.  

సాక్షి, ఇందూరు (నిజామాబాద్‌ అర్బన్‌): ఇప్పటి వరకు డ్వాక్రా మహిళలకు పొదుపు చేయడమే నేర్పించిన ఐకేపీ అధికారులు ఇకపై వారికి ఆరోగ్య సూత్రాలను నేర్పించనున్నారు. తీసుకునే ఆహారంతో పాటు ఎలాంటి జాగ్రత్తలు, పరిశుభ్రత పాటిస్తే మనిషి సంపూర్ణ ఆరోగ్యంగా ఉంటాడో వారికి అవగాహన కల్పించనున్నారు. మనిషి పుట్టిన నాటి నుంచి మరణించేంత వరకు సంపూర్ణ ఆరోగ్యంగా ఉన్నప్పుడే అసలైన ఆనందం, సంతోషం ఉంటుందని చెప్పడానికి, సామాజిక పరివర్తనలో మా ర్పు తేవడానికి ఆరోగ్యం–పోషణ అనే కార్యక్రమాన్ని ఐకేపీ శాఖ తెరపైకి తెచ్చింది. ముఖ్యంగా ఒక గర్భిణీ తాను బిడ్డను ప్రసవించే వరకు, పుట్టిన బిడ్డ రెండు సంవత్సరాల వరకు పెరిగే వరకు మొత్తం వెయ్యి రోజుల ప్రాముఖ్యతను తెలియజెప్పనున్నారు. మొత్తం ఐదు అంశాలపై డ్వాక్రా మహిళలకు ప్రతీ నెలా వారి రెండవ సమావేశంలో ఐకేపీ సిబ్బంది అవగాహన కల్పిస్తారు. అయితే ఈ నెల నుంచే కార్యక్రమాన్ని ప్రారంభించడానికి ఐకేపీ అధికారులు కసరత్తు చేస్తున్నారు. 11 మండలాలు ప్రాజెక్ట్‌గా.. జిల్లాలో 11 మండలాలను ప్రాజెక్టుగా తీసుకుని ఆ మండలాల్లోని మహిళా సంఘాల సభ్యులకు ఆరోగ్య సూత్రాలను తెలుపనున్నారు. ఆ మండలాల్లో ఆర్మూర్, బోధన్, డిచ్‌పల్లి, జక్రాన్‌పల్లి, కమ్మర్‌పల్లి, మాక్లూర్, మెండోరా, నవీపేట్, నిజామాబాద్‌ రూరల్, వేల్పూర్, ఎడపల్లి ఉన్నా యి. అయితే 11 మండలాలు కలిపి 787 వీవోలుండగా, 11,074 డ్వాక్రా గ్రూపులున్నాయి. ఈ మొత్తం గ్రూపుల్లో 1,13,216 మంది మహిళా సభ్యులున్నారు. అయితే ఐకేపీ అధికారులు ముందుగా జిల్లా స్థాయిలో ఏపీఎంలు, సీసీలకు శిక్షణ ఇస్తారు. జిల్లా స్థాయిలో శిక్షణ పొందిన వారు మండల స్థాయిలో వీవోఏలకు శిక్షణ ఇవ్వనున్నారు. వీరు ప్రతీ నెలా డ్వాక్రా మహిళలకు అవగాహన కల్పిస్తారు. వెయ్యి రోజుల ప్రాముఖ్యత మహిళ గర్భం దాల్చిన రోజు నుంచి బిడ్డకు రెండె సంవత్సరాలు నిండే వరకు తీసుకోవాల్సిన జాగ్రత్తలు, ఆహారపు అలవాట్లపై అవగాహన కల్పిస్తారు. పుట్టిన వెంటనే బిడ్డకు తల్లిపాలు తాగించాలి. ఆరు నెలల వరకు తల్లిపాలే పట్టాలి. ఆరు నెలలు నిండగానే తల్లిపాలతో పాటు తగినంత అనుబంధ పోషకాహారం అందించాలి. ఇను ము ఎక్కువగా ఉన్న ఆహారం, అయోడీన్‌ ఉప్పు, టీకాలు, శిశు సంరక్షణలో పరిశుభ్రతను వివరిస్తారు. పిల్లల పోషణకు పాటించే పద్ధతులు పిల్లల పోషణకై వారికి అందించే ఆహారం, టీకాలు, వయసుకు తగ్గ అందించే పోషకాల గురించి అవగాహన కల్పిస్తారు. ఎలాంటి ఆహారం పెట్టాలి, ఆహారం ఎలా ఇవ్వాలి, పరిశుభ్రతను వివరిస్తారు. శిశువుకు సరైన పద్దతిలో ఆహారం ఇస్తున్న తల్లులకు ‘స్టార్‌’ అమ్మ పేరుతో కండువా కప్పి సత్కరిస్తారు. చేతుల పరిశుభ్రత అనేక రుగ్మతలకు అపరిశుభ్రమైన వాతావరణం, చేతు లు సరిగ్గా కడగకపోవడం కారణాలవుతున్నాయి. చేతు లు సరిగ్గా కడుక్కోకున్నా క్రీములు మానవ శరీరంలోకి వెళ్లి వ్యాదుల సంక్రమణకు దారి తీస్తాయి. ఇందుకు ప్రతీ రోజు అన్నం తినే ముందు, మలమూత్ర విసర్జన, ఆటలాడిన తరువాత సబ్బుతో లేదా బూడిదతో చే తులు కడుక్కోవాలని సూచనలు చేస్తారు. చేతులు కడగడం వల్ల అంటు రోగాల సంక్రమణ, అతిసారం, ఊపిరితిత్తుల వ్యాధులను తగ్గిస్తుంది. శుభ్రమైన సమతుల్యమైన ఆహారం.. రోజు వారీగా తీసుకునే ఆహారంలో అన్ని రకాల పోషకాలు, న్యూట్రిన్‌లు, శక్తినిచ్చే ఆహారాన్ని తీసుకునే విధానంపై మహిళా సభ్యులకు అవగాహన కల్పిస్తారు. ఎలాంటి ఆహారం తీసుకోవాలి, కల్తీకి గురయ్యే ఆహారాలేంటీ ఇతర వివరాలను తెలియజేస్తారు. గుడ్లు, కోళ్లు, పప్పులు, పండ్లు, వెన్న, కూరగాయలు తీసుకోవడం వల కలిగే లాభాలను వివరిస్తారు. చెత్త నివారణ, పర్యావరణ పారిశుధ్యం అనేక సమస్యలకు మూల కారణం చెత్తే. ఈ చెత్తను నిర్మూలించడానికి, పర్యావరణ పారిశుధ్యం కాపాడేందుకు ఎలాంటి చర్యలు తీసుకోవాలో సభ్యులకు వివరిస్తారు. ఇళ్లను, పరిసరాలను శుభ్రంగా పెట్టుకోవడం, తడి, పొడి చెత్తను వేరు వేరుగా వేయడంపై అవగాహన కల్పిస్తారు.

కొత్త ప్రభుత్వం వచ్చింది. సరికొత్త పథకాలు తీసుకువచ్చింది. ఎంతోమంది మహిళలకు ఆసరా కల్పించేందుకు తాజాగా పథకాలు ప్రారంభమవుతున్నాయి. ప్రతి పథకం సత్ఫలితాలనివ్వాలి. వారి ఆర్థిక స్థితిగతులను మెరుగుపర్చాలి. అవినీతికి ఆస్కారం లేకుండా... పూర్తి పారదర్శకంగా... నిజమైన లబ్ధిదారులకే అవి చేరాలి. అందుకు పరిశీలన అవసరం. అందుకే ప్యూరిఫికేషన్‌ మొదలైంది. ఐటీడీఏ పరిధిలోని ఎనిమిది సబ్‌ప్లాన్‌ మండలాల్లో ఈ ప్రక్రియ శరవేగంగా సాగుతోంది. అసలైన సభ్యుల వివరాలు ఈ నెల 20లోగా కంప్యూటరీకరించే దిశగా పనులు కొనసాగుతున్నాయి. సాక్షి, కురుపాం(విజయనగరం) : ప్రభుత్వం ప్రవేశపెట్టిన పథకాలు సద్వినియోగం కావాలి. నిర్దేశించిన గడువులోగా వారి ఆర్థిక స్థితిగతులు మెరుగుపడాలి. తద్వారా సర్కారు లక్ష్యం నెరవేరాలి. దానికి తగ్గట్టుగా డ్వాక్రా సంఘాలు పారదర్శకంగా ఉండాలి. అందులో లబ్ధిదారులు యాక్టివ్‌గా ఉండాలి. కానీ మరణించినవారు... స్థానికంగా లేనివారు... ఇంకా సంఘాల్లో కొనసాగుతున్నట్టే రికార్డుల్లో ఉన్నాయి. దానివల్ల కొన్ని చోట్ల అక్రమాలు కూడా జరుగుతున్నాయి. లేనివారి పేర్లతో లబ్ధిపొందుతున్న వారూ ఉన్నారు. వాటిని పర్యవేక్షించాల్సిన అధికారులు సైతం పెద్దగా పట్టించుకోలేదు. అందుకే ఇప్పుడు ప్యూరిఫికేషన్‌ పేరుతో వాటిని చక్కదిద్దేందుకు సర్కారు చర్యలు చేపట్టింది.   మహిళా సంక్షేమమే లక్ష్యంగా పథకాలు రాష్ట్రంలో వైఎస్సార్‌సీపీ అధికారంలోకి వచ్చిన తరువాత మహిళలకోసం పెద్ద ఎత్తున పథకాలు ప్రవేశపెట్టారు. ప్రజాసంకల్ప పాదయాత్ర ద్వారా సమస్యలు తెలుసుకున్న వై.ఎస్‌.జగన్‌మోహన్‌రెడ్డి తాను ముఖ్యమంత్రి అయిన తరువాత వాటిపై పథకాలు రూపొందించారు. నాలుగు విడతల్లో డ్వాక్రా రుణాల మాఫీ, వైఎస్సార్‌ చేయూత, వైఎస్సార్‌ ఆసరా, అమ్మ ఒడి, నామినేటెడ్‌ పదవులు, పనుల్లో మహిళలకు 50శాతం కేటాయింపు వంటివాటిపై చర్యలు చేపట్టారు. ఇవన్నీ నిజమైన లబ్ధిదారులకు అందితేనే సర్కారు లక్ష్యం నెరవేరుతుంది. ఇందులో భాగంగా 2009 నుంచి ప్రభుత్వ పథకాలను పొందుతున్న స్వయం సహాయక సంఘాల్లో వాస్తవాలు తేల్చేందుకు సెర్ఫ్‌ అధికారుల సూచనలతో వెలుగు అధికారులు రంగంలోకి దిగారు. గత ప్రభుత్వం ఇలాంటి చర్యలు చేపట్టక పోవడం వల్ల పసుపు కుంకుమ వంటి విషయాల్లో కొన్ని చోట్ల అక్రమాలు జరిగాయన్న ఆరోపణలు వచ్చాయి. ఈసారి అలాంటి అవకాశం లేకుండా స్వయం సహాయక సంఘాల్లోని సభ్యుల వివరాలు, వారి బ్యాంకు ఖాతాలు, ఆధార్, సంఘాలకు చెందిన కొత్త తీర్మానం, రేషన్‌ కార్డులు, ఫోన్‌ నంబర్‌ వంటివి సేకరించి కంప్యూటరీకరణ చేస్తున్నారు. సంఘాల్లో సభ్యులు మృతి చెందినా, మరొక ప్రాంతానికి వెళ్లిపోయినా వారి వివరాలను తొలగిస్తున్నారు. ఇలా పార్వతీపురం ఐటీడీఏ పరిధిలోని ఎనిమిది సబ్‌ప్లాన్‌ మండలాల్లో ఉన్న 12,600 సంఘాలకు చెందిన 99,602 మంది స్వయం సహాయక సంఘ సభ్యుల వివరాలను సేకరించేందుకు అన్ని వెలుగు కార్యాలయాల్లో వెలుగు ఏపీఎం, సీసీ, వీఓఏలు, కంప్యూటర్‌ ఆపరేటర్లు నిమగ్నమయ్యారు. చురుగ్గా ప్యూరిఫికేషన్‌ సెర్ఫ్‌ సీఈఓ, ఐటీడీఏ అధికారులు ఇచ్చిన సూచనల మేరకు చురుగ్గా స్వయం సహాయక సంఘా ల ప్యూరిఫికేషన్‌ చర్యలు చేపడుతున్నాం. ఈ నెల 20వ తేదీలోగా లక్ష్యం పూర్తి చేయాల్సి ఉంది. ప్యూరిఫికేషన్‌ వల్ల ఇక సంఘాల్లో ఇప్పటికే మృతి చెందినవారు, వేరొక చోటకు వెళ్లిపోయిన వారిని తొలగించాల్సి ఉంటుంది. దీనివల్ల నిజమైన అర్హులకే ప్రభుత్వ పథకాలు వెలుగు ద్వారా పొందే అవకాశం ఉంది. – రామకృష్ణ, వెలుగు ఏపీఎం, కురుపాం మండలం 

వైఎస్‌ఆర్‌ జిల్లా, బద్వేలు : డ్వాక్రా మహిళలు మాకే ఓటేశారు. పసుపు–కుంకుమతో వారిని ఆకట్టుకున్నాం... జనవరి నుంచి ఏప్రిల్‌ లోపు రూ.20 వేలు ఇచ్చాం... మాకు అడ్డులేదు. ఆడపడచులే మమ్మల్ని గెలిపిస్తారు... ఇది చంద్రబాబే కాదు రాష్ట్ర వ్యాప్తంగా టీడీపీ నేతల ప్రచారం. ఇది వైఎస్సార్‌సీపీ నేతల్లో కొంత ఆందోళన కలిగించినా చివరకు వైఎస్‌ జగన్‌మోహన్‌రెడ్డికే నారీలోకం మద్దతు పలికారు. çపసుపు–కుంకుమతో వారిని ఏమార్చాలని చేసిన యత్నాలను  తిప్పికొట్టారు. కనీసం డ్వాక్రా సంఘాల మహిళలు 5.66 లక్షల మంది ఓట్లు వేసినా టీడీపీకి ఓట్ల సంఖ్య కచ్చితంగా పెరిగేది. ఇదే జరిగితే లక్షల్లో పెరగాల్సిన ఓట్లు వేల సంఖ్యలో కూడా పెరగలేదు. ఆడపడుచులు చంద్రబాబు ఎత్తులను చిత్తు చేస్తూ పార్టీ అభ్యర్థులకు అండగా నిలిచారు. వైఎస్‌ జగన్‌ ప్రకటించిన వరాలకు ఆకర్షితులయ్యారు. చంద్రబాబుకు పసుపు పూసి వైఎస్‌ జగన్‌ను కుంకుమతో ఆశీర్వదించారని రాజకీయ విశ్లేషకులు చమత్కరిస్తున్నారు. వైఎస్సార్‌ సీపీకి జైకొట్టిన మహిళలు జిల్లాలో వైఎస్సార్‌సీపీ విజయం వెనుక మహిళమణులదే ప్రధాన భూమిక. ఈ విషయాన్ని అందరూ ఒప్పుకోవాల్సిందే. జిల్లాలో పురుషుల కంటే మహిళా ఓటర్లే ఎక్కువమంది ఉన్నారు. జిల్లాలోని మొత్తం ఓటర్లు 20,56,660 ఉండగా అందులో పురుష ఓటర్లు 10,15,964, మహిళా ఓటర్లు 10,40,400, ఇతరులు 296 మంది ఉన్నారు. పురుషుల కంటే 24,436 మంది మహిళా ఓటర్లు అధికంగా ఉన్నారు. గత నెల 11న జరిగిన ఎన్నికల్లో మొత్తం 17,02,981 మంది ఓటర్లు ఓటు హక్కు వినియోగించుకున్నారు. ఇందులో పురుషులు 8,29,063, మహిళలు 8,73,843 ఓటేశారు. పురుషుల కంటే మహిళలు 44,780 మంది అధికంగా ఉన్నారు. పోలైన ఓట్లలో వైఎస్సార్‌సీపీకి 10,18,141 మంది జై కొట్టగా టీడీపీకి 5,75,197 ఓట్లేశారు. పసుపు–కుంకుమతో మాయ జిల్లాలో గ్రామీణాభివృద్ధి శాఖ తరుఫున డ్వాక్రా సంఘాలు 35,856, మెప్మా తరుఫున 12,561 వేల సంఘాలున్నాయి. ఇందులో 4,66,440 మంది సభ్యులున్నారు. వీరిని లక్ష్యంగా చేసుకుని ఎన్నికల ముందు లబ్ధి పొందాలనే ఉద్దేశంతో పసుపు–కుంకుమ–2 పథకాన్ని ప్రకటించి ఒక్కోకరికి రూ.10 వేల రూపాయల పోస్ట్‌ డేటేడ్‌ చెక్కులిచ్చి హంగామా చేశారు. దీంతో పాటు రాష్ట్రవ్యాప్తంగా సభలు ఏర్పాటు చేసి గొప్పలు పోయారు. చంద్రబాబుకు అభినందనలంటూ మహిళలను బలవంతంగా విజయవాడ తీసుకెళ్లి నానా హింసలు పెట్టారు. మూడు చెక్కులను ఎన్నికలు సమీపించిన వేళ ఫిబ్రవరి, మార్చి, ఏప్రిల్‌ నెలల్లో నగదును ఖాతాల్లో వేసేలా ప్రణాళిక వేశారు. మూడో విడత చెక్కులు ఎన్నికలకు ఆరు రోజులముందు బ్యాంకులో జమ చేసినా నగదు ఇచ్చేందుకు బ్యాంకర్లు ఒప్పుకోలేదు. దీంతో అధికారులతో ఒత్తిడి చేయించి నగదు జమ చేయించాలని చూశారు. కొంతమందికి నగదు అందినా అధికశాతం మందికి మాత్రం ఖాతాల్లో జమ కాలేదు. బాబును నమ్మని మహిళలు 2014 ఎన్నికల సమయంలో డ్వాక్రా రుణాలు మాఫీ చేస్తామని చెప్పి అధికారంలోకి వచ్చిన తరువాత వారికి మొండిచెయ్యి చూపారు. దీంతో మహిళలు తీవ్ర ఆగ్రహాంతో ఉన్నారు. తిరిగి ఎన్నికలు సమీపించిన వేళ అధికారంలోకి వస్తే ఏటా పసుపు–కుంకుమ కింద రూ.10వేలు చొప్పున ఇస్తామని బూటకపుహామీ ఇచ్చారు. ప్రతి ఒక్కరికి సెల్‌ఫోన్లు ఇస్తామని చెప్పుకొచ్చారు. మహిళలే లక్ష్యంగా చేసుకుని ఆయన చేసిన వాగ్ధానాలను వారు నమ్మలేదు. తలకిందులైన అంచనాలు టీడీపీ అంచనాలు తలకిందుల చేస్తూ ప్రలోభాలతో తమను మాయ చేయలేరని ఓటర్లు నిరూపించారు. వైఎస్సార్‌సీపీ అభ్యర్థులకు ఓట్లు వేసి తగిన బుద్ధి చెప్పారు. గడిచిన ఎన్నికల్లో డ్వాక్రా రుణాలు మాఫీ చేస్తామని, బ్యాంకుల్లో  కుదువ పెట్టిన బంగారు నగలు, పుస్తెలతాడు పువ్వుల్లో పెట్టి ఇస్తామని ప్రచారంతో ఊదరగొట్టి గద్దెనెక్కాక హామీలను ఆటకెకికంచేసి వార్ని అప్పుల ఊబిలోకి నెట్టారు. కనీసం వడ్డీలేని రుణ బకాయిలు చెల్లించలేదు. ఈ సొమ్ములనే పసుపు–కుంకుమ రూపంలో పంపిణీ చేసి లబ్ధి పొందాలని చూశారు. ఐదేళ్లలో పట్టించుకోకుండా ఎన్నికల ముందు చంద్రబాబు చేసిన గిమ్మిక్కులను మహిళలు ఏ మాత్రం పట్టించుకోలేదు. మహిళల ఓట్లే అధికం పోలైన ఓట్లలో అధికశాతం డ్వాక్రా సభ్యులవే. పసుపు–కుంకుమ మాయలో మహిళల ఓట్లు పడిఉంటే టీడీపీకి అధికంగా ఓట్లు వచ్చేవి. జిల్లావ్యాప్తంగా వైఎస్సార్‌సీపీ, టీడీపీకి వచ్చిన ఓట్ల మధ్య వ్యత్యాసాన్ని చూస్తే ఇది స్పష్టమవుతోంది. డ్వాక్రా మహిళలే దాదాపు 4.66 లక్షలమంది ఉన్నారు. కానీ జిల్లాలోని టీడీపీ అభ్యర్థులకు వచ్చిన మొత్తం ఓట్లు 5.76లక్షలు మాత్రమే. అదే సమయంలో వైఎస్సార్‌సీపీకి 10లక్షలకు పైగా ఓట్లు వచ్చాయి. వీటిని చూస్తే పురుషులతో పాటు మహిళలు అధికసంఖ్యలో వైఎస్‌ జగన్‌ను నమ్మారని అర్థమవుతోంది. పనిచేయని చంద్రబాబు ఎత్తులు మహిళామణుల ముందర పసుపు–కుంకుమ ఎత్తులు చిత్తు అయ్యాయి. ఎవరెన్ని చేసినా తాము అనుకున్నదే చేస్తామని నిరూపించారు. వైఎస్సార్‌సీపీ అఖండ విజయాన్ని అందించడంతో ముఖ్యపాత్ర పోషించారు. జిల్లా జనాభాలో సగం కంటే ఎక్కువ ఉన్న మహిళలు గెలుపు ఓటమిల్లో తమదైన పాత్ర ప్రదర్శించారు. తెలుగుదేశం పార్టీ అధినేత చంద్రబాబు ఎన్ని కుతంత్రాలు పన్నినా మగువలంతా వైఎస్‌ జగన్‌మోహన్‌రెడ్డి వెంట నడిచారు. వైఎస్సార్‌ కాంగ్రెస్‌ పట్టం కట్టారు. చంద్రబాబును నమ్మలేకపోయారు గత ఎన్నికల సమయంలో ఇచ్చిన హామీలు నెరవేర్చకపోవడంతో డ్వాక్రా మహిళలు చంద్రబాబును నమ్మలేకపోయారు. ఈ ఎన్నికల్లో హామీలు ఇచ్చినా వాటి పరిస్థితి అంతేనని భావించారు. ఇలాంటి పరిస్థితుల్లో వైఎస్‌ జగన్‌ పార్టీ అభ్యర్థులకు భారీగా ఓట్లు వేశారు.– శారదమ్మ, జడ్పీటీసీ, పోరుమామిళ్ల

సాక్షి, అమరావతి/మైదుకూరు : ముఖ్యమంత్రి చంద్రబాబునాయుడు ఎంత ఊదరగొట్టినా మూడో విడత పసుపు–కుంకుమ డబ్బులు డ్వాక్రా మహిళల చేతికి అందలేదు. అదిగో చెక్కు డబ్బులిస్తున్నారంటూ అధికార పార్టీ నేతలు, వారికి సహకరించే సెర్ప్‌ ఉన్నతాధికారులు డ్వాక్రా మహిళలపై ఒత్తిడి తెచ్చి బ్యాంకుల వద్దకు పరుగులు పెట్టించారు. తీరా అక్కడకు చేరుకున్న మహిళలు చివరకు ఉసూరుమన్నారు. రోజంతా బ్యాంకుల వద్ద పడిగాపులు పడేలా చేసి.. సాయంత్రానికి ఈ రోజు బ్యాంకులు చెక్కులే తీసుకుంటున్నాయి, డబ్బులు నాలుగైదు రోజుల్లో ఇస్తారని వెలుగు సిబ్బంది చావు కబురు చల్లగా చెప్పారు. దీంతో కోప్రోదిక్తులైన మహిళలు  బ్యాంకుల ముందు ధర్నాలు, ఆందోళనలు చేశారు. దీని ద్వారా ఎన్నికల్లో ఎంతో లబ్ధిపొందుదామనుకున్న టీడీపీ నేతలకు ఎదురుదెబ్బ తగిలినట్లయింది. కానీ, ఏప్రిల్‌ ఐదవ తేదీతో ఇచ్చిన పోస్టు డేటెడ్‌ చెక్కులు మూడు నెలల్లోపు ఎప్పుడైనా బ్యాంకులో చెల్లుబాటు అవుతాయని డ్వాక్రా మహిళలకు నచ్చజెబుతున్నారు. చెక్కులు క్లియర్‌ అయితే డ్వాక్రా సంఘాలతో రాష్ట్రవ్యాప్తంగా సోమ, మంగళవారాల్లో పెద్దఎత్తున ర్యాలీలు నిర్వహించాలని ముఖ్యమంత్రి చంద్రబాబు పార్టీ నేతలకు ఆదేశించారు. అందుకనుగుణంగా సెర్ప్‌ సీఈవో కృష్ణమోహన్‌ కూడా జిల్లాలో పనిచేసే ఏపీఎంలు, ఏరియా కోఆర్డినేటర్లు, సంఘమిత్ర–యానిమేటర్లకు సెల్‌ ఫోçను మేసేజ్‌ ద్వారా మెసేజ్‌లు పంపారు. లేని పక్షంలో ఉద్యోగులపై క్రమశిక్షణ చర్యలు తీసుకుంటామని కూడా హెచ్చరించారు.  చెక్కులు వెనక్కి తీసుకున్న సిబ్బంది ఏకంగా సెర్ప్‌ సీఈవో పేరుతోనే ఆదేశాలు జారీ కావడంతో ఏప్రిల్‌ 8, 9 తేదీల్లో రాష్ట్రంలో డ్వాక్రా మహిళలను బ్యాంకుల వద్దకు రప్పించడానికి జిల్లాల్లో కిందిస్థాయి సిబ్బంది వారికి పంపిణీ చేసిన చెక్కులను బలవంతంగా వెనక్కి తీసేసుకున్నారు. ‘మేమే బ్యాంకుల్లో చెక్కులను జమ చేస్తాం.. మీరందరూ బ్యాంకులకు వచ్చి డబ్బులు తీసుకోండి’.. అని చెప్పారు.  దీంతో సంఘాల్లో మహిళలు సోమవారం ఉ.10 గంటలకే బ్యాంకులకు క్యూకట్టారు. అక్కడ గంటల తరబడి పడిగాపులు పడ్డాక అధికారులు.. ‘ఇప్పుడు చెక్కులే తీసుకుంటాం.. డబ్బులు నాలుగు రోజులు ఆగాక ఇస్తాం’.. అని చెప్పడంతో మహిళలు తిట్టుకుంటూ వెనుతిరిగారు. ఎన్నికలయ్యాక మళ్లీ డబ్బులు ఇవ్వరేమోనని భయపడి తాము ఇంతమంది ఒకేసారి వచ్చామని విజయవాడ బందరు రోడ్డులోని టైమ్స్‌ ఆస్పత్రి సమీపంలో ఉన్న ఇండియన్‌ బ్యాంకు వద్ద కూలైన్‌లో నిలుచున్న భారతి అనే డ్వాక్రా సంఘం లీడరు ‘సాక్షి’కి వివరించారు. మంగళగిరి నియోజకవర్గ పరిధిలోని యర్రబాలెం, నవులూరు, బేతపూడి గ్రామాల్లో దాదాపు 420 డ్వాక్రా సంఘాల పేరిట ఇచ్చిన చెక్కులను యానిమేటర్లు వెనక్కి తీసుకున్నారు. సోమవారం వివిధ సంఘాలకు చెందిన 3.15 లక్షల చెక్కులను బ్యాంకుల్లో జమ అయ్యాయని సెర్ప్‌ సీఈవో కృష్ణమోహన్‌ తెలిపారు. మైదుకూరులో ధర్నా పసుపు–కుంకుమ కింద ఇచ్చిన మూడో విడత చెక్కులు చెల్లకపోవడంతో పొదుపు సంఘాల మహిళలు చంద్రబాబు సర్కారుపై తీవ్రంగా మండిపడ్డారు. తమకు ప్రభుత్వం నుంచి ఎలాంటి ఆదేశాలు రాలేదని మైదుకూరులోని భారతీయ స్టేట్‌ బ్యాంకు సిబ్బంది చెప్పడంతో వారంతా తీవ్ర ఆగ్రహం వ్యక్తంచేస్తూ బ్యాంకు ఎదుటే కర్నూలు–చిత్తూరు జాతీయ రహదారిపై బైఠాయించి వాహనాల రాకపోకలను అడ్డుకున్నారు. ఈ సందర్భంగా పలువురు మహిళలు మాట్లాడుతూ.. రుణమాఫీ చేయకుండా చంద్రబాబు పసుపు–కుంకుమ పేరుతో చెక్కులు ఇవ్వడం శోచనీయమన్నారు. అయినా.. ఆ ఇచ్చేదేదో మూడు విడతల్లో ఇవ్వకుండా ఒకేసారి ఇచ్చి ఖాతాల్లో నేరుగా జమచేసి ఉంటే తమకు ఈ తిప్పలు ఉండేవి కావన్నారు.

సాక్షి, విజయనగరం పూల్‌బాగ్‌: వైఎస్సార్‌ ఆసరా పథకం కింద డ్వాక్రా మహిళల అప్పు మొత్తాన్ని నాలుగు దఫాలుగా నేరుగా వారి చేతికే ఇస్తామన్న వైఎస్‌ జగన్‌మోహన్‌రెడ్డి హామీపై సర్వత్రా హర్షం వ్యక్తమవుతోంది. ఒక్కొక్కరికి రూ.50వేల మొత్తాన్ని నాలుగు దఫాలుగా చెల్లిస్తారు. వడ్డీ లేని రుణాలను కూడా ఇప్పిస్తామని చెప్పడం మరింత ఊరట కలిగిస్తోంది. ఈ ప్రకటనపై నియోజకవర్గంలో ఉన్న డ్వాక్రా మహిళలు సంతోషాన్ని వ్యక్తం చేస్తున్నారు. వైఎస్‌ జగన్‌మోహన్‌రెడ్డి ముఖ్యమంత్రి అయితే మా జీవితాల్లో వెలుగులు వస్తాయని చెబుతున్నారు. చంద్రబాబును నమ్మి మోసపోయాం  పొదుపు మహిళల రుణాలు మాఫీ చేస్తానని చంద్రబాబు చెప్పడంతో బ్యాంక్‌లో రుణాలు కట్టలేదు. నేటికీ రుణాలు మాఫీ చేయలేదు. నెల నెలా వడ్డీలు కడుతున్నాం. బాబు మాటలు నమ్మి మోసపోయాం. ఐదేళ్ల పాలనలో మహిళలకు మాయ మాటలు చెప్పి మోసగిస్తున్నారు. జగనన్న ప్రకటించిన వైఎస్సార్‌ ఆసరా, చేయూత పథకాలతో మహిళలకు ఎంతో లబ్ది చేకూరుతుంది.  – కాదులూరి లీలాత్రి, బూర్లి పేట, 38వవార్డు, విజయనగరం. బతుకులు బాగు పడతాయి.. వైఎస్‌ జగన్‌మోహన్‌రెడ్డి ముఖ్యమంత్రి అయితే మా బతుకులు బాగుపడతాయి. రుణాలన్నీ మాఫీ చేస్తానని మాయ మాటలు చెప్పి చంద్రబాబు ప్రభుత్వం మమ్మల్ని మోసం చేసింది. పొదుపు రుణాలు మాఫీ అయితే కష్టాల నుంచి బయట పడినట్లు అవుతుంది. వైఎస్‌ జగన్‌మోహన్‌రెడ్డి మాకు న్యాయం చేస్తారని నమ్మకం ఉంది. మహిళల కోసం జగన్‌ ప్రకటించిన పథకాలు బాగున్నాయి. – పండూరి మంగమ్మ, ఆబాద్‌వీధి, అశోక్‌నగర్‌ మహిళల జీవితాల్లో వెలుగు  వైఎస్‌ జగన్‌మోహన్‌రెడ్డి సీఎం అయితే మహిళల జీవితాల్లో వెలుగులు వస్తాయి. టీడీపీ మోసాలను మహిళలు ఇప్పుడిప్పుడే గుర్తిస్తున్నారు. మా కష్టాలను తెలుసుకున్న జగనన్న అప్పు మొత్తాన్ని నాలుగు దఫాలుగా నేరుగా చేతికే అందజేస్తామని హామీ ఇవ్వడం శుభపరిణామం. వడ్డీ లేని రుణాలను అందించడం వల్ల ఎంతో మేలు కలుగుతుంది.  – మహంతి లక్ష్మి, పూల్‌బాగ్‌కాలనీ, 3వవార్డు, విజయనగరం టీడీపీకి గుణపాఠం తప్పదు.. చంద్రబాబు మాటలు నమ్మి బ్యాంక్‌ రుణాలు కట్టకపోవడంతో వడ్డీలు చెల్లించాలని బ్యాంక్‌ అధికారులు మా పై ఒత్తిడి తీసుకువస్తున్నారు. చివరికి చేసేదేమీ లేక వడ్డీతో సహా చెల్లిస్తున్నాం. హామీ నెరవేర్చలేనప్పుడు మాఫీ చేస్తానని మాయ మాటలు చెప్పడం ఎందుకు? ఇచ్చిన డబ్బులు వడ్డీ చెల్లించేందుకు కూడా సరిపోలేదు. టీడీపీకి ఈ సారి గుణపాఠం తప్పదు. – పి.శ్రీదేవి, అశోక్‌నగర్, విజయనగరం 

సాక్షి,తిరుపతి తుడా: తిరుపతి నగరంలో ఎన్నికల తాయిలాలు అప్పుడే మొదలయ్యాయి. ఎమ్మెల్యే అభ్యర్థి ఎవరనే విషయంపై టీడీపీ అధిష్టానం ఇప్పటి వరకు క్లారిటీ ఇవ్వలేదు. అయినా ఎమ్మెల్యే సుగుణమ్మ మరోసారి తాను అభ్యర్థిగా పోటీ చేసే అవకాశం వస్తుందనే నమ్మకంతో ప్రలోభాలకు తెరతీశారు. డ్వాక్రా సంఘాల రిసోర్స్‌ పర్సన్లు, ఆయా గ్రూపుల్లో కీలకంగా వ్యవహరించే లీడర్లను మచ్చికవేసుకునేందుకు ఎత్తులు వేస్తున్నారు. తమ మాట వినే ఒక్కో ఆర్పీకి, గ్రూప్‌ లీడర్లకు చీర, రవిక, స్వీట్‌ బాక్స్‌లను అందించారు. అలానే పార్టీ సానుభూతిపరులై ఆయా ప్రాంతాల్లో కీలకంగా ఉన్న మహిళలను గుర్తిం చారు. అలాంటి వారిని పార్టీ కార్యాలయానికి పిలిపించి గిఫ్ట్‌బాక్స్‌లను అందిస్తున్నారు.  సీఎం సభకు రావాలని ఒత్తిడి.. రాష్ట్ర ప్రభుత్వం, పాలకులు డ్వాక్రా మహిళలను బానిసల్లా చూస్తున్నారు. టీడీపీ కార్యక్రమం జరిగినా, ప్రభుత్వ కార్యక్రమం నిర్వహిస్తున్నా సభలకు, సమావేశాలకు రావాలని డ్వాక్రా మహిళలపై తీవ్ర ఒత్తిడి తీసుకొస్తున్నారు. ప్రభుత్వం ఇచ్చే డబ్బులు తీసుకోవడంలేదా?, సభకు రాకుంటే  పేరును బ్లాక్‌ సిస్ట్‌లో పెడతాం అంటూ బెదిరింపులకు దిగుతున్నారు. మెప్మా సిబ్బందితోపాటు అధికార పార్టీ నాయకులు గ్రూపులు వారీగా ఫోన్‌ నెంబర్లను సేకరించి ఫోన్‌ చేస్తూ సోమవారం నిర్వహించే సీఎం సభకు రావాలని ఒత్తిడి తీసుకొస్తున్నారు. శివరాత్రి, సెలవు కావడంతో పిల్లలు ఇంట్లో ఉంటారు వచ్చేందుకు కుదరదని మహిళలు వేడుకుంటున్నా మెప్మా సిబ్బంది వేధిపులకు గురి చేస్తున్నారు. ‘మీ పేరు బ్లాక్‌ íలిస్ట్‌లో పెడతాం. చెక్‌ రాకుండా చేస్తాం’ అంటూ మహిళలకు వ్యక్తిగతంగా వేదిస్తున్నారు. గ్రూపుల వారీగా సీఎం సభకు వచ్చి ప్రాంగణంలో గ్రూప్‌ ఫొటోలు తీసుయించుకుని మెప్మా గ్రూప్‌లో పోస్టు చేయాలని హుకుం జారీ చేశారని కొంత మంది మహిళలు ఆవేదన వ్యక్తం చేస్తున్నారు.

సాక్షి ప్రతినిధి, ఏలూరు, ఆకివీడు: ధాన్యం కొనుగోలు కేంద్రాలు నిర్వహిస్తున్న డ్వాక్రా సంఘాలకు అన్యాయం జరుగుతోంది. మహిళల కష్టార్జితానికి రెక్కలు వస్తున్నాయి. మహిళల సాధికారతకు కట్టుబడి ఉన్నట్టు చెప్పుకుంటున్న రాష్ట్ర ప్రభుత్వం వారికి ఇవ్వాల్సిన డబ్బులు దారి మళ్లిస్తోంది. టీడీపీ ప్రభుత్వం వచ్చిన తర్వాత పార్టీ నాయకులకు ఇసుక ర్యాంపులు అప్పగించి డబ్బులు కూడబెట్టుకునేలా చేశారు. ఇక ధాన్యం కొనుగోలు కేంద్రాల నిర్వహణ ద్వారా వచ్చే డబ్బులను డ్వాక్రా సంఘాలకు ఇవ్వకుండా ప్రభుత్వమే వాడేస్తోంది. పశ్చిమగోదావరి జిల్లాలో సుమారు 193 ధాన్యం కొనుగోలు కేంద్రాలు డ్వాక్రా మహిళల ఆధీనంలో నడుస్తున్నాయి. కొనుగోలు చేసిన ధాన్యం క్వింటాలుకు రూ.30 చొప్పున కమీషన్‌ రూపంలో కేంద్రాలకు చెల్లిస్తారు. నాలుగేళ్లుగా సుమారు లక్ష మెట్రిక్‌ టన్నులకుపైగా ధాన్యాన్ని కొనుగోలు చేశారు. ఈ ప్రకారంగా కేంద్రాలకు రూ.36 కోట్లు కమీషన్లుగా ఆయా డ్వాక్రా గ్రూపులకు మంజూరయ్యాయి.  ఈ ఐకేపీ కేంద్రాల ద్వారా ధాన్యం కొనుగోలు కేంద్రాలకు గత 2014–15, 15–16 సంవత్సరాల్లో రూ.16 కోట్లు కమీషన్ల రూపంలో సివిల్‌సప్లయిస్‌ శాఖ డీఆర్‌డీఏకు బదిలీ చేసింది. గ్రామ సంఘాల పరిధిలోని మహిళలు కమీషన్‌ సొమ్మును పంచుకోవలసి ఉంది. 2016–17, 17–18 సంవత్సరాలకు     మరో రు.20 కోట్లు కమీషన్ల రూపంలో పౌరసరఫరాల శాఖ నుండి రావాల్సి ఉంది. వీటిని కూడా ఎన్‌ఆర్‌ఈజీఎస్‌ నిధులతో కలిపి భవనాల నిర్మాణాలకు మళ్లించేశారు. ఐకేపీ కేంద్రాల నుంచి మిల్లర్లకు సరఫరా చేసేందుకు ఇవ్వాల్సిన రవాణా ఖర్చులను కూడా వారికి ఇవ్వడం లేదు.  గత నాలుగున్నరేళ్లుగా మహిళలకు కమీషన్ల రూపంలో ఒక్క పైసా చెల్లించిన దాఖలాలు లేవు. కేంద్రాల్లో పనిచేసే మహిళలకు మాత్రం ప్రతి రోజూ రూ.500 చొప్పున కూలి కేటాయించి చెల్లిస్తున్నారు.  వీటితో పాటు ఆఫీసు మెయింటెనెన్స్, అద్దెలు తదితర వాటికి బిల్లులు చెల్లిస్తున్నారు. మిగిలిన సొమ్ము ప్రభుత్వం దారి మళ్లించి, ప్రభుత్వ కార్యకలాపాలకు వినియోగిస్తోంది. ఒకొక్క గ్రామ సంఘ భవనానికి రూ. 6 లక్షలు, మరో రూ.6 లక్షలు జాతీయ గ్రామీణ ఉపాధి పథకం నిధులు, మండల సమాఖ్య భవనానికి రూ.7 లక్షలు కమీషన్‌ సొమ్ముతో పాటు జాతీయ గ్రామీణ ఉపాధి పథకం నిధులు రూ.13 లక్షలు కలిపి రూ.20 లక్షలతో మండల సమాఖ్య భవనాలు నిర్మిస్తున్నారు. జిల్లాలో ఇప్పటి వరకూ 700 భవనాల నిర్మాణం వివిధ దశల్లో ఉండగా, 184 గ్రామ సంఘ భవనాలు నిర్మాణం పూర్తి చేసుకున్నాయి.  నిర్వహణ ఖర్చులపై ఆసక్తి ఉదయం 9 గంటల నుండి సాయింత్రం 5 గంటల వరకూ ఐకేపీ కేంద్రాల్లో ఉంటూ, ధాన్యం కొనుగోలు నిర్వహణ బాధ్యతలు చేపట్టడంతో మహిళలకు రూ.500 కూలి చెల్లిస్తున్నారు. దీంతో అక్కడ పనిచేసే మహిళలు కనీసం కూలి డబ్బు అయినా వస్తుందని ఆశతో పని చేస్తున్నారు. నిర్వహణ వ్యయం ప్రభుత్వం చెల్లించడంతో ఆ సొమ్ముతో డ్వాక్రా మహిళల్లో విభేదాలు కూడా తలెత్తుతున్నాయి.  పర్మినెంట్‌ అవుతుందని ఆశ ఐకేపీ కేంద్రాల్లో పనిచేస్తే తమ ఉద్యోగాలు పర్మినెంట్‌ చేస్తారని కొంత మంది మహిళలు ఆశతో కేంద్ర నిర్వహణకు ఆసక్తి చూపుతున్నారు. గ్రామ సమాఖ్యలోని సభ్యులు నిర్వహణా బాధ్యతల కోసం ఆరాటపడుతున్నారు. ఏటా నిర్వహణ బాధ్యతను కొత్త గ్రూపులకు ఇవ్వాల్సి ఉండగా, స్థానిక తెలుగుదేశం నాయకులు, ప్రజాప్రతినిధులు తమకు ఇష్టమైన గ్రూపులకు కేటాయించి కేంద్రాలపై అజమాయిషీ పొందుతున్నారనే ఆరోపణలు వెల్లువెత్తుతున్నాయి. పంచాయతీలకు కేటాయింపు పంచాయతీల్లో ఫర్నిచర్‌ కొనుగోలుకు రూ.2 లక్షల చొప్పున ఐకేపీ కమీషన్ల సొమ్మును దారి మళ్లించారు. పంచాయతీల పరిధిలో ఈపోస్, కంప్యూటర్లు, ఫర్నిచర్, ప్రింటర్‌ తదితర వాటిని కొనుగోలు చేశారు. ఆయా ఇన్‌ఫ్రాస్ట్రక్చర్స్‌ పంచాయతీలకు చేరింది.   ఇసుక అమ్మకాలపైనా ఇదే దందా! డ్వాక్రా మహిళలకు ఇసుక ర్యాంపులు కేటాయించి వారిని ఆర్థికంగా బలోపేతం చేస్తామని ప్రభుత్వం భజన చేసింది. అయితే ఇసుక అమ్మకాలపై తెలుగు తమ్ముళ్లు మహిళా గ్రూపుల్లో తలదూర్చి వారిని పక్కనపెట్టి ఇసుక మాఫియాను ఏర్పాటు చేశారు. దీంతో ఇసుక ర్యాంపుల కేటాయింపును ప్రభుత్వం రద్దు చేసింది. తదనంతరం మాఫియా గుప్పిట్లోకి ఇసుక ర్యాంపులు వెళ్లిపోయాయి.  కమీషన్‌ సొమ్ము ఉచితంగా ఇవ్వరు గ్రామ సంఘాలకు వచ్చే కమీషన్‌ సొమ్మును వ్యక్తిగతంగా పంపిణీ చేయరు. ఆ సొమ్ము గ్రామ సంఘాల ఖాతాల్లో నిల్వ ఉంటుంది. వడ్డీలకు తీసుకుని సభ్యులు వినియోగించుకోవచ్చు. నాలుగున్నర ఏళ్లుగా కమీషన్‌ సొమ్ము ఎవరికీ పంచలేదు. గ్రామసంఘాల, మహిళా సమాఖ్య భవనాలకు రూ. 6 లక్షలు, పంచాయతీలలో ఇన్‌ఫ్రాస్ట్రక్చర్‌కు రూ.2 లక్షలు చొప్పున కేటాయించాం. – వడ్డి రాజ్యలక్ష్మి, అధ్యక్షురాలు, మహిళా సమాఖ్య, ఆకివీడు

పశ్చిమగోదావరి, నిడదవోలు రూరల్‌: ఎన్టీఆర్‌ బయోపిక్‌ ఎన్టీఆర్‌ మహానాయకుడు సినిమాకు ప్రజల నుంచి ఆశించినంతగా స్పందన లేకపోవడంతో జిల్లా వ్యాప్తంగా సోమవారం నుంచి డ్వాక్రా మహిళలు, టీడీపీ నాయకులు కోసం ఉచిత షోలు వేస్తున్నారు. ఈనెల 25 ఉదయం, మ్యాట్నీ షోలతో పాటు, 26న నాలుగు షోలలో కూడా తమ పార్టీ నేతలకు, డ్వాక్రా మహిళలకు 50 శాతం టికెట్లు కేటాయించాలన్న టీడీపీ అదేశాలతో ఉషా పిక్చర్‌ డిస్ట్రిబ్యూటర్స్‌ సినిమా థియేటర్ల నిర్వాహకులకు ఆదేశాలు జారీ చేశారు. దీంతో జిల్లా వ్యాప్తంగా ఆయా పట్టణాల్లోని కౌన్సిలర్లతో పాటు టీడీపీ నాయకులు, డ్వాక్రా యానిమేటర్లు, డ్వాక్రా మహిళలకు సినిమా చూపించేందుకు  ఏర్పాట్లు చేశారు. సినిమాను టీడీపీ ఎమ్మెల్యే, సినీ నటుడు నందమూరి బాలకృష్ణ రాజకీయ ప్రయోజనాల కోసం తీయడంతోపాటు చంద్రబాబు వెన్నుపోటు రాజకీయాన్ని తెరకెక్కించకపోవడంతో సినిమా డిజాస్టర్‌ అయిందని ఎన్టీఆర్‌ అభిమానులు అభిప్రాయం వ్యక్తం చేస్తున్నారు. టీడీపీ నాయకులతో జరిగిన టెలి కాన్ఫరెన్స్‌లో ఈ సినిమాను అందరికీ చూపించాలని సీఎం చంద్రబాబు ఆదేశించటంతో టీడీపీ ఎమ్మెల్యేలు, పార్టీ నాయకులు ఉచిత షోలు వేసేందుకు చర్యలు చేపట్టినట్టు తెలిసింది. ఇప్పటికే డ్వాక్రా మహిళలను టీడీపీ కార్యక్రమాలను ప్రచారం చేసేందుకు సాధికార మిత్రలుగా నియమించారు. ఇటీవల పోలవరం, అమరావతి చూసేందుకు బస్సుల్లో  తరలించగా, ఇప్పుడు సినిమాలకు తప్పనిసరిగా రావాలని  ఆదేశాలు ఇవ్వడంపై విమర్శలు వస్తున్నాయి. డ్వాక్రా గ్రూపులకు ఇచ్చిన పోస్ట్‌ పెయిడ్‌ చెక్కుల విషయంలో ఎక్కడ ఇబ్బంది పెడతారోనని తప్పని పరిస్థితుల్లో  వారి మాట వినాల్సి వస్తోందని డ్వాక్రా సభ్యులు ఆవేదన వ్యక్తం చేస్తున్నారు. 

సాక్షి, గన్నవరం: డ్వాక్రా గూపు సభ్యురాలి సంతకాల ఫోర్జరీతో ధాన్యం కొనుగోలు లావాదేవీలు చేసిన టీడీపీ జన్మభూమి కమిటీ సభ్యురాలు, ఆమె కుమార్తెపై కోర్టు ఆదేశాల మేరకు కృష్ణా జిల్లా గన్నవరం పోలీసులు పలు సెక్షన్ల కింద కేసు నమోదు చేశారు. పోలీసుల సమాచారం ప్రకారం.. గన్నవరం మండలం దావాజిగూడెం ఉజ్వల గ్రామ సమాఖ్య సంఘంలోని రసూల్‌ స్వయం సహాయక సంఘంలో షేక్‌ రిజ్వానా సభ్యురాలిగా ఉన్నారు. ఆమె ఆంధ్రా బ్యాంక్‌ ఖాతాలో 2016, ఫిబ్రవరిలో మూడుసార్లు మొత్తం రూ.7.60 లక్షలు జమయ్యాయి. దీనిపై అప్పటి గ్రామ సమాఖ్య సంఘం అధ్యక్షురాలు, ధాన్యం కొనుగోలు కేంద్రం ఇన్‌చార్జి గొంది నాగరాజు(రాణి)ను ఆమె ప్రశ్నించగా.. . బ్యాంక్‌ ఖాతాలు లేని రైతుల ధాన్యం కొనుగోలు మొత్తాన్ని జమచేసేందుకు రిజ్వానా అకౌంట్‌ ఇచ్చినట్లు సమాధానమిచ్చింది. రిజ్వానా తన ఖాతాలోని నగదు డ్రా చేసి రాణికి, ఆమె కుమార్తె గొంది ప్రగతికి ఇచ్చింది. అనంతరం ధాన్యం కొనుగోలు కేంద్రంలో రూ.కోట్ల అక్రమాలు జరిగాయన్న ఆరోపణల నేపథ్యంలో తన పేరిట జరిగిన ధాన్యం విక్రయ పత్రాల్ని రిజ్వానా పరిశీలించగా.. ట్రాక్‌షీట్, రైతు కొనుగోలు ధ్రువపత్రం, రైతు చెల్లింపు తదితర పత్రాలపై ఆమె సంతకం ఫోర్జరీ చేసినట్లు గుర్తించింది. దీనిపై జిల్లా కలెక్టర్, వెలుగు అధికారులకు ఫిర్యాదు చేయడంతో.. వెలుగు అధికారులు విచారణ జరిపి రిజ్వానా సంతకం ఫోర్జరీ చేసినట్లు నిర్ధారించారు. ఈ వ్యవహరంపై గతేడాది నవంబర్‌ 16న ఆమె గన్నవరం సీఐ, విజయవాడ సీపీతో పాటు జిల్లా కలెక్టర్, డీజీపీకి ఫిర్యాదు చేసినా పట్టించుకోకపోవడంతో గన్నవరంలోని 11వ మెట్రోపాలిటన్‌ కోర్టును ఆశ్రయించారు. సీఆర్‌పీసీ సెక్షన్‌ 200 కింద గొంది నాగరాజు(రాణి), ఆమె కుమారై గొంది ప్రగతిపై చట్టపరమైన చర్యలు తీసుకోవాలని గన్నవరం పోలీసులను కోర్టు ఆదేశించింది. రెండు వారాల అనంతరం పోలీసులు సోమవారం వీరిద్దరిపై సెక్షన్‌ 420, 468, 471, 477, 506, 120(బి) రెడ్‌విత్‌ 34 కింద కేసులు నమోదు చేశారు. 

సాక్షి, అమరావతి బ్యూరో : సార్వత్రిక ఎన్నికలు సమీపిస్తున్న వేళ ముఖ్యమంత్రి చంద్రబాబు మరోసారి మహిళలను మోసగించడానికి ఎత్తులు వేస్తున్నారు. పట్టపగలే చుక్కలు చూపిస్తూ మరోసారి అధికారంలోకి రావడానికి పాచికలు విసురుతున్నారు. రుణాలు ఎవరూ కట్టాల్సిన అవసరం లేదని, అధికారంలోకి రాగానే ‘మాఫీ’ చేస్తామని 2014 ఎన్నికల ముందు చెప్పిన ఆయన అధికారంలోకి వచ్చాక మాఫీ చేసిన తీరు చూసి అటు రైతులు, ఇటు డ్వాక్రా సంఘాల మహిళలు నిర్ఘాంతపోయారు. ఆయన మాటలు నమ్మి అప్పుల ఊబిలో కూరుకుపోయారు. ఇప్పుడు నాలుగున్నరేళ్ల తర్వాత.. ఎన్నికలు మరో మూడు నెలల్లో జరగనున్న సమయంలో మరోమారు మహిళలకు ఎన్ని‘కల’ తాయిలాలు ప్రకటిస్తున్నారు. అధికారంలోకి రావాలని కొత్త ఎత్తుగడ   సీఎం చంద్రబాబు తాజాగా ‘పసుపు – కుంకుమ’ కింద ఒక్కో డ్వాక్రా మహిళకు రూ.10 వేలు ఇస్తామని ప్రకటించారు. ఈ మొత్తం అప్పుగా ఇస్తున్నప్పటికీ, ఆ విషయాన్ని స్పష్టంగా చెప్పడం లేదు. రాష్ట్రంలోని 93.80 లక్షల మందికి రూ.9,380 కోట్లు ఇస్తామని చెప్పారు. ఫిబ్రవరిలో తొలిదఫాలో రూ.2,500, రెండో దఫాలో రూ.3,500, మూడో దఫాలో రూ.4 వేల చొప్పున మహిళల ఖాతాల్లో జమ అయ్యేలా పోస్ట్‌ డేటెడ్‌ చెక్కులు ఇస్తామని చెప్పారు. ఈ డబ్బును మూడు దఫాల్లో ఇస్తామని చెబుతున్న చంద్రబాబును నమ్మి మరోసారి మోసపోయేందుకు తాము సిద్ధంగా లేమని డ్వాక్రా సంఘాల మహిళలు చెబుతున్నారు. ఫిబ్రవరి మూడు లేదా నాలుగో వారంలో ఎన్నికల షెడ్యూల్‌ విడుదలయ్యే అవకాశం ఉంది. ఈ స్థితిలో ఓటర్లను ప్రభావితం చేసే అవకాశం ఉందని భావిస్తే ఎన్నికల కమిషన్‌ దీన్ని తాత్కాలికంగా నిలిపివేసే అవకాశం ఉందని ఉన్నతాధికారులు అంటున్నారు. ఈ విషయం తెలిసే చంద్రబాబు దీనిని ప్రకటించారని, నెపం ఎన్నికల కమిషన్‌పై వేసి లబ్ధి పొందాలని చూస్తారని ఓ అధికారి అన్నారు.   అప్పుల ఊబిలో మహిళలు విలవిల 2014 ఎన్నికల ముందు చెప్పిన విధంగా డ్వాక్రా రుణ మాఫీ సాధ్యం కాదని అధికారం చేజిక్కించుకున్నాక చంద్రబాబు చావుకబురు చల్లగా చెప్పారు. మాఫీకి బదులు పెట్టుబడి నిధిగా సంఘంలోని ఒక్కో మహిళకు రూ.10 వేలు ఇస్తామని ప్రకటించారు. ఈ మొత్తం కూడా రూ.3 వేలు, 3 వేలు, 2 వేలు, 2 వేలు ఇలా నాలుగు దఫాలుగా అందజేశారు. బాబు వాగ్దానాన్ని నమ్మిన మహిళలు రుణాలు చెల్లించకపోవడంతో బ్యాంకర్లు నోటీసులిచ్చారు. నగలు వేలం వేశారు. కోర్టుల చుట్టూ తిప్పారు. ఖాతాల్లో ఉన్న డబ్బులను కూడా వడ్డీ రూపంలో జమ చేసుకున్నారు. దీంతో చాలా మంది మహిళలు తాము తీసుకున్న రుణాలపై వడ్డీలు చెల్లించేందుకే తిరిగి అప్పులు చేయాల్సి వచ్చింది. వైఎస్సార్‌ చేయూత, ఆసరా వైపే మహిళలు చంద్రబాబు ప్రభుత్వం ఇస్తానంటున్న రూ.10 వేల కంటే ప్రతిపక్షనేత, వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి ప్రకటించిన నవరత్నాల్లో ఒకటైన ‘వైఎస్సార్‌ చేయూత, వైఎస్సార్‌ ఆసరా వైపే మహిళలు మొగ్గు చూపుతున్నారు. 45 ఏళ్లు నిండిన బీసీ, ఎస్సీ, ఎస్టీ, మైనారిటీ మహిళలకు అధికారంలోకి వచ్చిన రెండో ఏడాది నుంచి వరుసగా నాలుగేళ్లలో నాలుగు దఫాలుగా రూ.75 వేలు ఉచితంగా అందజేస్తామని జగన్‌ హామీ ఇచ్చారు. అలాగే ఎన్నికల రోజు వరకు డ్వాక్రా మహిళలకు ఉన్న పొదుపు సంఘాల రుణాల మొత్తం సొమ్మును నాలుగు దఫాలుగా నేరుగా వారి చేతికే అందిస్తామని కూడా భరోసా ఇచ్చారు. ఈ హామీలపై మహిళలు హర్షం వ్యక్తం చేస్తున్నారు. బాబు మాటలు నమ్మేది లేదని, నమ్మి మోసపోయింది చాలని అంటున్నారు.  మళ్లీ మోసపోవడానికి సిద్ధంగా లేము డ్వాక్రా రుణాలను బేషరతుగా మాఫీ చేస్తామని చెప్పి, అధికారంలోకి వచ్చాక మాట మార్చారు. మళ్లీ ఎన్నికలు సమీపిస్తున్న నేపథ్యంలో రూ.10 వేలు ఇస్తామని చెబుతున్నారు. ఈ డబ్బులు పూర్తిగా ఇస్తారనే నమ్మకం మాకు లేదు. ఒకసారి మోసపోయాం. మళ్లీ మళ్లీ మోసపోవడానికి సిద్ధంగా లేము. – కంచికచర్ల పద్మావతి, డ్వాక్రా మహిళ, పరిటాల, కృష్ణా జిల్లా నాటి హామీ ఏమైంది? ఎన్నికలు సమీపిస్తున్న సమయంలోనే సీఎం చంద్రబాబుకు మహిళలు గుర్తుకు వస్తారు. నాడు రుణాలు పూర్తిగా మాఫీ చేస్తామని వాగ్దానం చేసి తర్వాత మాట మార్చారు. ఇప్పుడు మళ్లీ రూ.10 వేలు అంటూ తాయిలాలు ప్రకటిస్తున్నారు. నిజంగా సీఎంకు చిత్తశుద్ధి ఉంటే రూ.10 వేలను ఒకేసారి ఇవ్వాలి. – కృష్ణా వీరనారాయణమ్మ, డ్వాక్రా మహిళ, గండేపల్లి, కృష్ణా జిల్లా ఎప్పుడో చేతికందేలా చెక్కులేంటి?  ఎన్నికల ముందు డ్వాక్రా మహిళలకు రుణమాఫీ అని ఓట్లు వేయించుకున్న చంద్రబాబు ఆ తర్వాత నిండా ముంచారు.  నాలుగున్నరేళ్ల పాటు ఏమాత్రం పట్టించుకోకుండా ఇప్పుడు తగుదునమ్మా అంటూ పసుపు–కుంకుమ పేరుతో మా వద్దకు వస్తున్నారు. రూ.10 వేలు ఇవ్వాలనుకుంటే ఒకేసారి నగదుగా ఇవ్వొచ్చుగా? ఎప్పుడో చేతికందేలా చెక్కులేంటి? ఇక చంద్రబాబును నమ్మే స్థితిలో డ్వాక్రా మహిళలు లేరు. – మూడెడ్ల ఉమా, డ్వాక్రా మహిళ, గుడివాడ, కృష్ణా జిల్లా జగన్‌ రూ.75 వేలు ఇస్తామంటున్నారు డ్వాక్రా రుణ మాఫీ చేస్తామని జగన్‌మోహన్‌ రెడ్డి హామీ ఇచ్చారు. ఆయన మాట తప్పే నాయకుడు కాదు. జగన్‌ అధికారంలోకి వస్తే డ్వాక్రా మహిళలకు మేలు జరుగుతుంది. చంద్రబాబు మాటలు నమ్మి ఇప్పటికే మోసపోయాం. ఇకపై మోసపోయే పరిస్థితి లేదు. రుణమాఫీని ఏమార్చి పసుపు–కుంకుమ అని ఎప్పుడో చెల్లేలా బాబు చెక్కులు ఇస్తే వాటిని ఏం చేసుకోవాలి? – మాదాసు వెంకటలక్ష్మి, గుడివాడ, కృష్ణా జిల్లా 

సాక్షి, అమరావతి : ఎన్నికలు దగ్గరపడుతుండటంతో మహిళల ఓట్ల కోసం పదివేల పథకం పేరుతో సీఎం చంద్రబాబు నాయుడు సరికొత్త డ్రామాకు తెరలేపారు. డ్వాక్రా మహిళలకు చంద్రబాబు మరో టోకరా ఇచ్చారు. నిన్నటి వరకు డ్వాక్రా మహిళలకు పదివేలు చొప్పున ఇస్తున్నట్టు విస్తృతంగా ప్రచారం చేశారు. ఈరోజు అమలు దగ్గరికి వచ్చే సరికి పోస్ట్‌ డేటెడ్‌ చెక్కులిచ్చి చేతులు దులుపుకోవాలని నిర్ణయం తీసుకున్నారు. ఫిబ్రవరిలో చెక్కులు మాత్రమే ఇవ్వాలని ప్రభుత్వం నిర్ణయించింది. ఎన్నికల షెడ్యూల్‌ వచ్చాక డబ్బులు ప్రశ్నార్థకంగా కనిపిస్తుంది.  పదివేలను ఒక్కసారిగా ఇవ్వమని చెబుతున్న రాష్ట్రప్రభుత్వం మూడు విడతలుగా, అంటే ఎన్నికల ప్రక్రియ జరుగుతున్నప్పుడు ప్రజలను ప్రభావితం చేసేలాగా ఈ ప్లాన్‌ రెడీ చేసింది. ఇందులో కూడా ఎక్కడా నగదు చెల్లింపులు లేకుండా ఫిబ్రవరిలో డ్వాక్రామహిళలకు మూడు చెక్కులు ఇవ్వబోతున్నారు. వీటిలో ఒక చెక్కు ఫిబ్రవరికి సంబంధించి రూ. 2500, మార్చినెలకు సంబంధించి రూ.3500, ఏప్రిల్‌ నెలకు సంబంధించి రూ. 4000 పోస్ట్‌ డేటెడ్‌ చెక్కులు ఇస్తామని చెబుతున్నారు. సాధారణంగా ప్రభుత్వ పథకాల్లో పోస్ట్‌ డేటెడ్‌ చెక్కులు ఇచ్చి నిధులు ఇస్తామనే సందర్భాలు ఎక్కడా ఉండవు. ప్రభుత్వ తీరుపై డ్వాక్రామహిళలు తీవ్ర అసంతృప్తి వ్యక్తం చేస్తున్నారు.  ఇప్పటికే రెండు సంవత్సరాల నుండి ఏపీలో వడ్డీలేని రుణాల పథకాన్ని అమలు చేయడం లేదు. ఆగిపోయిన వడ్డీలేని రుణాలు రూ.2200 కోట్ల బకాయిలనే ఇవ్వకుండా వాటినే ఫిబ్రవరిలో చెక్కురూపంలో పసుపుకుంకుమ అనే పేరుతో కొత్త పథకంగా ప్రభుత్వం ప్రచారం చేసుకుంటుంది. గతంలో కూడా రూ. 14200 కోట్ల రుణమాఫీకి ప్రభుత్వం ఎగనామం పెట్టిన విషయం తెలిసిందే. 

సాక్షి, అమరావతి బ్యూరో: డ్వాక్రా సంఘాలను అధికార పార్టీ సానుభూతిపరులతో నింపేసేందుకు రాష్ట్ర ప్రభుత్వం సిద్ధ మైంది. 60 ఏళ్లు దాటిన డ్వాక్రా మహిళలను సంఘాల నుంచి బలవంతపు తీర్మానాల ద్వారా తప్పిస్తూ ఆ స్థానంలో తనకు అనుకూలమైన వారిని చేర్చుకునే కార్యక్రమానికి తెర తీసింది. రాష్ట్రవ్యాప్తంగా దాదాపు 1.70 కోట్ల కుటుంబాలు, 3.60 కోట్ల మంది ఓటర్లున్నారు. వీరందరినీ అధికార పార్టీకి అనుకూలంగా ప్రభావితం చేసేందుకు ప్రతి 100 మంది ఓటర్లకు ఆర్టీజీఎస్‌ ఆధ్వర్యంలో ఓ ఇన్‌చార్జిని నియమించారు. ఆ ఇన్‌చార్జి ఆధ్వర్యంలో పనిచేయాలంటూ డ్వాక్రా మహిళలపై తీవ్రంగా ఒత్తిళ్లు తెస్తున్నారు. అయితే ఇంటింటికీ తిరిగి ప్రచారం చేసేందుకు పలువురు మహిళలు నిరాకరిస్తున్నారు. దీంతో వీరిని తొలగించి తమవారిని నియమించుకునే ఎత్తుగడ వేశారు. దీన్ని అమలు చేయటంలో భాగంగా 60 ఏళ్లు దాటిన డ్వాక్రా మహిళలను సంఘాల నుంచి తప్పించాలనే అంశాన్ని సర్కారు తెరపైకి తెచ్చింది. వీరి స్థానంలో తమకు అనుకూలమైనవారిని, టీడీపీ అనుబంధ సంఘాలకు చెందినవారిని, నేరుగా తమ మనుషులను సంఘాల్లో నియమించుకోవాలని సర్కారు ఎత్తుగడ వేసింది.     కుప్పకూలుతున్న డ్వాక్రా వ్యవస్థ వయసు పైబడినా క్రియాశీలంగా ఉంటూ చిరు వ్యాపారాలతో తమ కాళ్ల మీద నిలబడుతున్న మహిళలను సైతం సంఘాల నుంచి సర్కారు తొలగిస్తోంది. ఇది వయో వృద్ధులైన 35 లక్షల మంది డ్వాక్రా మహిళల పాలిట శాపంగా పరిణమించింది. ఎన్నో ఏళ్లుగా డ్వాక్రా వ్యవస్థకు ఆసరాగా నిలిచిన మహిళలను సంఘాల నుంచి బలవంతంగా తొలగిస్తుండటంపై తీవ్ర ఆవేదన వ్యక్తమవుతోంది. బ్యాంకులపై నెపం వేస్తూ రాష్ట్రంలో 35 లక్షల మంది డ్వాక్రా మహిళలను తొలగించే ప్రక్రియను అధికారులు ఇప్పటికే చేపట్టారు.  పొదుపు సంఘాల మహిళలతో సర్కారు ప్రచారం.. తీవ్ర ప్రజావ్యతిరేకత ఎదుర్కొంటున్న రాష్ట్ర ప్రభుత్వం దీన్ని అధిగమించేందుకు అడ్డదారులు అన్వేషిస్తోంది. ఇందులో భాగంగానే రాష్ట్రంలోని 9.32 లక్షల డ్వాక్రా సంఘాల్లో సభ్యులుగా ఉన్న 95 లక్షల మంది పొదుపు మహిళలతో అధికార పార్టీకి అనుకూలంగా రాజకీయ ప్రచారం నిర్వహిస్తోంది. వయోభారం తదితర కారణాలతో తమకు సహకరించని డ్వాక్రా మహిళలను సంఘాల నుంచి నిర్దాక్షిణ్యంగా తొలగిస్తోంది.  సీఎం సభలు, టీడీపీ కార్యక్రమాలకు కచ్చితంగా రావాల్సిందే.. రియల్‌టైమ్‌ గవర్నెన్స్‌ సెంటర్‌ (ఆర్‌టీజీఎస్‌) పర్యవేక్షణలో డ్వాక్రా మహిళల తొలగింపు కార్యక్రమాన్ని అమలు చేసేందుకు అధికార పార్టీ వ్యూహాన్ని రచించింది. ప్రతి 100 మంది ఓటర్లకు ఓ ఇన్‌చార్జ్‌ని నియమించి ఇంటింటికి తిరిగి ప్రభుత్వ పథకాల ప్రచారం పేరుతో టీడీపీకి అనుకూలంగా ఓటర్లను ప్రభావితం చేయాలన్నది ప్రణాళిక. ఆ ఇన్‌చార్జ్‌కు స్థానిక డ్వాక్రా సంఘాల మహిళలు, అంగన్‌వాడీ కార్యకర్తలు సహకరించాలని అనధికారికంగా హుకుం జారీ చేసింది. ముఖ్యమంత్రి చంద్రబాబు పాల్గొనే సభలకు తప్పనిసరిగా హాజరు కావడంతోపాటు ఇతర టీడీపీ కార్యక్రమాల్లో డ్వాక్రా మహిళలు తప్పనిసరిగా పాల్గొనాలని స్పష్టం చేసింది.  పరోక్షంగా వేటు.. టీడీపీకి అనుకూలంగా ఆర్టీజీఎస్‌ పర్యవేక్షణలో పనిచేసే ఇన్‌చార్జ్‌ల వెంట ఇంటింటికి తిరిగేందుకు పలువురు డ్వాక్రా మహిళలు సుముఖత వ్యక్తం చేయటం లేదు. గంటల తరబడి జాప్యంతో జరిగే సీఎం చంద్రబాబు సమావేశాలకు హాజరుకావడం కూడా వారికి ఎంతో ఇబ్బందిగా పరిణమించింది. దీంతో తమకు అనుకూలంగా ఉండేలా విధివిధానాలను సర్కారు అనధికారికంగా రూపొందించింది. మొదట వయో వృద్ధులైన డ్వాక్రా మహిళలను లక్ష్యంగా చేసుకుంది. 60 ఏళ్లు దాటిన సభ్యులను డ్వాక్రా సంఘాల నుంచి వెంటనే తొలగించాలనే నిర్ణయానికి వచ్చినట్లు సమాచారం. వారి స్థానాల్లో కొత్తగా టీడీపీకి చెందిన వారు, పార్టీ అనుబంధ విభాగాల్లో పనిచేసే వారిని సభ్యులుగా చేర్చాలని మౌఖిక ఆదేశాల ద్వారా స్పష్టం చేసింది. నేరుగా ప్రభుత్వం తొలగిస్తున్నట్టు కాకుండా ఇతర మార్గాల ద్వారా వారిపై వేటు వేయాలని ఆదేశించారు. బ్యాంకులపై నెపం మోపి బలవంతపు తీర్మానాలు.. ప్రభుత్వ పెద్దల ఆదేశాలతో వృద్ధులైన డ్వాక్రా మహిళలను తొలగించేందుకు అధికారులు వ్యూహాత్మకంగా రంగంలోకి దిగారు. బ్యాంకులపై నెపం మోపి 60 ఏళ్లు దాటిన మహిళలను డ్వాక్రా సంఘాల నుంచి తొలగించాలని ఎత్తుగడ వేశారు. 60 ఏళ్లు దాటిన మహిళలు రుణాలను సక్రమంగా చెల్లించలేకపోతున్నారనే వాదనను తెరపైకి తెచ్చారు. ఈ నేపథ్యంలో పెద్ద వయసు మహిళలను తొలగించి వారిస్థానంలో కొత్త సభ్యులను చేర్చుకుంటున్నట్లు తీర్మానాలు చేయాలని సంఘాలకు సూచించారు. లేదంటే ఆ సంఘాలకు రుణాలు రావని తెగేసి చెప్పారు. జనవరి నుంచి డ్వాక్రా మహిళల ద్వారా విస్తృతంగా ప్రభుత్వ, పార్టీ ప్రచార కార్యక్రమాలను ప్రచారం చేయాలనేది ప్రభుత్వ పెద్దల ఉద్దేశం. అందుకే 60 ఏళ్లు దాటిన వారందర్నీ డిసెంబరు ఆఖరుకు తొలగించాల్సిందేనని ప్రభుత్వం స్పష్టం చేసినట్లు తెలుస్తోంది. సక్రమంగా రుణాలు చెల్లిస్తున్నా సరే... రాజకీయ కోణంలో టీడీపీ సర్కారు తీసుకున్న నిర్ణయం రాష్ట్రంలో 35 లక్షల మంది డ్వాక్రా మహిళల ఉపాధిని దెబ్బతీస్తోంది. వారిని తొలగిస్తే కానీ రుణాలు ఇవ్వరాదని ప్రభుత్వం చెప్పడంపై డ్వాక్రా సంఘాలు విస్తుపోతున్నాయి. డ్వాక్రా  సంఘాల్లో సభ్యులుగా ఉన్న 60 ఏళ్లు దాటిన మహిళలు క్రియాశీలంగా ఉన్నారు. పాలవ్యాపారం, కిరాణా వ్యాపారం, చేతివృత్తులు, అప్పడాలు తయారీ వంటివాటితో ఉపాధి పొందుతున్నారు.  సక్రమంగా బ్యాంకు రుణాలు కూడా తీరుస్తున్నారు. టీడీపీ సర్కారు తమవారిని నియమించుకోవాలనే ఉద్దేశంతో పెద్ద వయసు మహిళలను సంఘాల నుంచి తొలగించడం అన్యాయమని వాపోతున్నారు.  విధిలేక వేటేస్తున్న సంఘాలు... విధిలేని పరిస్థితుల్లో 60 ఏళ్లు దాటిన మహిళలను తొలగించే ప్రక్రియను డ్వాక్రా సంఘాలు చేపట్టాయి. రాష్ట్రంలో ప్రస్తుతం 9.30 లక్షల డ్వాక్రా సంఘాలు ఉన్నాయి. వాటిలో గ్రామీణ ప్రాంతాల్లో 7.31 లక్షలు, పట్టణ ప్రాంతాల్లో 2 లక్షల సంఘాలున్నాయి. ఈ సంఘాల్లో దాదాపు 95 లక్షల మంది మహిళలు సభ్యులుగా ఉన్నారు. ఒక్కో సంఘంలో 60 ఏళ్లు దాటిన వారు  ముగ్గురు నలుగురు సభ్యులున్నారు. ఆ ప్రకారం రాష్ట్రంలో 60 ఏళ్లు దాటిన డ్వాక్రా సంఘాల సభ్యులు దాదాపు 35 లక్షల మంది ఉన్నారు.  ప్రభుత్వ ఆదేశాలతో వారందర్నీ డిసెంబర్‌ ఆఖరునాటికి తొలగింపు ప్రక్రియను అధికారులు వేగవంతం చేశారు. ఆసరా కోల్పోయి అల్లాడుతున్న మహిళలు.... ప్రభుత్వ అమానవీయ చర్యతో 35 లక్షలమంది డ్వాక్రా మహిళలు  ఆసరా  కోల్పోతున్నారు. ఆరోగ్యంగా ఉన్న తాము డ్వాక్రా రుణాలతో చిరు వ్యాపారాలు, ఇతరత్రా వృత్తులతో ఉపాధి పొందుతున్నామని పేర్కొంటున్నారు. రాజకీయ కార్యక్రమాలకు హాజరు కావటం లేదని తమను తొలగించడం అన్యాయమని వాపోతున్నారు.  తొలగించే నిబంధన ఏదీ లేదు నిబంధనల ప్రకారం 18 ఏళ్లు దాటితే మహిళలకు డ్వాక్రా సంఘాల్లో సభ్యత్వం కల్పించవచ్చు. అయితే తొలగింపుపై నిర్దిష్ట వయో పరిమితి ఏదీ డ్వాక్రా నిబంధనల్లో లేదు. అయినప్పటికీ దీన్ని పట్టించుకోకుండా సర్కారు తన రాజకీయ అవసరాలకు ఉపయోగపడటం లేదనే అక్కసుతో 60 ఏళ్లు దాటిన వారిని సంఘాల నుంచి తొలగిస్తుండటం గమనార్హం. తన చేతికి మట్టి అంటకుండా బలవంతంగా సంఘాలతో తీర్మానం చేయిస్తూ లక్షల మంది మహిళలను తొలగిస్తోంది. గత ఆరేడు నెలలుగా తొలగింపు ప్రక్రియ కొనసాగుతోంది. సర్కారు తీరుపై కొందరు అధికారులు తీవ్ర అభ్యంతరం వ్యక్తం చేస్తున్నారు. బ్యాంకు రుణాలు అందకున్నా పొదుపు మొత్తాలతో సంఘాల్లో సభ్యులుగా కొనసాగేలా అనుమతించాలని సూచిస్తున్నారు.   బకాయిలు లేకుండా అప్పు తీర్చినా... నాకు 60 ఏళ్లు. ఎన్నో ఏళ్లుగా విస్సన్నపేట డ్వాక్రా సంఘం సభ్యురాలిగా ఉన్నా. కొద్ది  నెలలుగా నేను సంఘం అప్పు గురించి అడుగుతుంటే లీడర్లు సమాధానం చెప్పడం లేదు. గట్టిగా అడిగితే అసలు విషయం చెప్పారు. నన్ను సంఘం నుంచి తొలగిస్తేనే రుణం ఇస్తామని అధికారులు చెప్పారట. నేను పొదుపు సక్రమంగా కడుతూ, బకాయిలు లేకుండా అప్పులు చెల్లించా. అయినా సరే నన్ను సంఘం నుంచి తొలగించారు. నా భర్త చనిపోయినందున వితంతు పెన్షను కోసం దరఖాస్తు చేస్తే అదీ మంజూరు కాలేదు. డ్వాక్రా గ్రూపు ఆసరా లేక, పెన్షను అందక వృద్ధాప్యంలో తీవ్ర ఇబ్బందులు పడుతున్నా. మందులు కొనుక్కోడానికి కూడా డబ్బు లేక అవస్థ పడుతున్నా. – కందుల భారతి (విస్సన్నపేట, తిరువూరు మండలం, కృష్ణా జిల్లా)  అన్యాయంగా తొలగించారు.. లక్ష్మీమాతా డ్వాక్రా సంఘంలో ఎన్నో ఏళ్లుగా సభ్యురాలిగా ఉన్నా. బ్యాంకు అప్పు ఎప్పటికప్పుడు తీరుస్తూనే ఉన్నా. ఇన్నేళ్లలో రుణం చెల్లించకపోవడం అన్నదే లేదు. ఇప్పుడు హఠాత్తుగా నన్ను సంఘం నుంచి తొలగించేశారు. 60 ఏళ్లు దాటినవారిని తొలగిస్తున్నాం అని చెప్పారు. నేను ఆరోగ్యంగా ఉన్నా. చిరువ్యాపారం చేసుకుంటూ రుణాలు సక్రమంగా తీరుస్తున్నా అకారణంగా తొలగించారు. డ్వాక్రా రుణం ఇచ్చేముందు నన్ను తొలగించడం బాధేసింది. ఎవరి మీదా ఆధారపడకుండా బతుకుతున్న నేను ఉన్న ఆధారం కోల్పోయి ఇతరుల మీద ఆధార పడాల్సిన దుస్థితి వచ్చింది.  – రాజులపాటి వెంకటేశ్వరమ్మ(మండవల్లి, కైకలూరు మండలం, కృష్ణా జిల్లా)

సాక్షి, అమరావతి : డ్వాక్రా యానిమేటర్ల(వీవోయేల) ఆందోళనకు వైఎస్సార్‌ కాంగ్రెస్‌ పార్టీ సంపూర్ణ మద్దతు ప్రకటించింది. గ్రామీణ ప్రాంతాల్లో పని చేసే డ్వాక్రా యానిమేటర్లు (వీవోయే)లు సోమవారం నుంచి తలపెట్టిన ఆందోళనలు, చలో కలెక్టరేట్‌ కార్యక్రమాలకు వైయస్సార్‌ కాంగ్రెస్‌ పార్టీ తన సంపూర్ణ మద్దతు తెలిపింది. ఈ మేరకు వైఎస్సార్‌ సీపీ కేంద్ర కార్యాలయం ఓ పత్రికా ప్రకటన విడుదల చేసింది. పార్టీ కార్యకర్తలు, నాయకులు ఈ కార్యక్రమాల్లో ప్రత్యక్షంగా పాల్గొని సంఘీభావం ప్రకటించాలని పార్టీ పిలుపునిచ్చింది. ఆ ప్రకటనలో ‘‘వీవోయేలకు న్యాయబద్ధంగా జీతాలను చెల్లించకపోగా వారికి ఆర్థిక సహాయం అంటూ తాజాగా నెలకు రూ.3,000 సహాయం(సర్వీస్‌ ఛార్జ్‌) అంటూ చంద్రబాబు నాయుడు ప్రభుత్వం జీవో జారీ చేసింది. ఎన్నికలు నాలుగైదు నెలలు ఉన్నాయనగా జారీ చేసిన ఈ జీవోకు, ఇంతకు ముందు ప్రభుత్వం వీవోయేలతో జరిపిన చర్చల సందర్భంగా ఇచ్చిన హామీలకు సంబంధం లేదు. ప్రమోషన్లు, ప్రమాద బీమా, సెర్ఫ్‌ నుంచి గుర్తింపు కార్డుల ప్రస్తావనే ఈ జీవోలో లేదు. ప్రజా సంకల్ప యాత్ర తూర్పు గోదావరి జిల్లాలో జరుగుతున్న నేపథ్యంలో జూలై 15న పార్టీ అధ్యక్షులు శ్రీ వైఎస్‌ జగన్‌ను కలిసి డ్వాక్రా యానిమేటర్లు తమ గోడును వెళ్ళబోసుకున్న సందర్భంగా, వారికి తమ ప్రభుత్వం వచ్చాక రూ.10,000 వేతనంగా చెల్లిస్తామని హామీ ఇచ్చిన విషయం తెలిసిందే. చంద్రబాబు ఇచ్చిన తరవాత యానిమేటర్ల జీతాలను నిలిపివేయటం... ఇప్పుడు ఎన్నికలు దగ్గరకు వస్తున్నాయన్న భయంతో రూ.3000, అదీ ఈ నవంబరు నుంచి ఏడాది కాలం మాత్రమే ఇస్తాం అంటూ జీవో జారీ చేయటం దుర్మార్గమన్న వీవోయేల వాదనను వైఎస్సార్‌ కాంగ్రెస్‌ పార్టీ పూర్తిగా బలపరుస్తోంద’’  పేర్కొంది. వీవోయేల ఆందోళనలకు జిల్లాల వారీగా మద్దతు పలకాల్సిందిగా వైఎస్సార్‌ సీపీ తమ పార్టీ శ్రేణులకు పిలుపు నిచ్చింది.

సాక్షి, అమరావతి: సొమ్మొకరిది సోకొకరిది! సొమ్ము ప్రజలది.. సోకు చంద్రబాబుది! పొదుపు సంఘాలకు పైసా కూడా రుణమాఫీ చేయకపోయినా డ్వాక్రా మహిళల ధన్యవాదాల పేరుతో రూ.15 కోట్ల ప్రజాధనాన్ని గోడల పాలు చేసేందుకు రాష్ట్ర ప్రభుత్వం సిద్ధమైంది. ప్రజలకు ఇష్టం ఉన్నా లేకున్నా ముఖ్యమంత్రికి పొదుపు సంఘాల మహిళలు ధన్యవాదాలు చెబుతున్నట్లుగా రూపొందించిన ప్రచార స్టిక్కర్లను ఊరూరా, ఇంటింటికీ తిరిగి గోడలకు అతికించాలని టీడీపీ సర్కారు ఆదేశించింది. చంద్రబాబు గత ఎన్నికలకు ముందు ఇచ్చిన ఏ ఒక్క హామీని నెరవేర్చకుండా మోసగించినా... ‘ఇచ్చిన మాట నిలబెట్టుకున్న మా చంద్రన్నకు ధన్యవాదాలు..’ అంటూ సీఎం చంద్రబాబు ఫొటోతో స్టిక్కర్లు ఇప్పటికే సిద్ధమయ్యాయి. వీటిని నేడో రేపో టీడీపీ ఏజెంట్లు, సాధికార మిత్రలు ఇంటింటికీ తిరిగి గోడలకు అతికించనున్నారు. మహిళల నుంచి కృతజ్ఞతలు చెప్పించుకోవటానికి నానా ఇబ్బందులు, తంటాలు పడినా ఆశించిన ఫలితం లేకపోవటంతో స్టిక్కర్ల రూపంలో బలవంతంగా ధన్యవాదాలు చెప్పించుకునేందుకు చంద్రబాబు సిద్ధమయ్యారని పేర్కొంటున్నారు. డ్వాక్రా సంఘాలకు పెట్టుబడి నిధి కింద ఇచ్చే డబ్బులను అప్పు రూపంగా తీసుకోవాలంటూ ప్రభుత్వం ఇచ్చిన ఉత్తర్వులలోని ఓ భాగం, లబ్ధిదారుల ఇంటి వద్ద శనివారం (నేడు) లోగా ప్రభుత్వం ముద్రించిన స్టిక్కర్లను అతికించాలంటూ సెర్ఫ్‌ సీఈఓ జారీ చేసిన ఉత్తర్వులు  పసుపు కుంకుమ పేరుతో వంచన ఎన్నికలు సమీపిస్తుండటంతో టీడీపీ సర్కారు అసలు రంగు బయటపడుతోంది. గత ఎన్నికల సమయంలో హామీ ఇచ్చినట్లుగా డ్వాక్రా మహిళలకు రుణమాఫీ చేయకుండా పెట్టుబడి నిధి, పసుపు కుంకుమ అంటూ నట్టేట ముంచింది. వాస్తవానికి 2015లో రాష్ట్ర ప్రభుత్వం జారీ చేసిన ఉత్తర్వుల ప్రకారం పెట్టుబడి నిధి కింద ఇచ్చే డబ్బులను అప్పుగానే పరిగణించాల్సి ఉంటుంది. సర్కారు ఇప్పుడు డ్వాక్రా మహిళలతో బలవంతంగా ధన్యవాదాలు చెప్పించుకుని పోస్టర్లను అతికిం చేందుకు సాధికార మిత్రలను టీడీపీ కూలీల మాదిరిగా వినియోగించుకోనుంది. ప్రజలంతా బాబుకు ధన్యవాదాలు తెలుపుతున్నట్టుగా రూపొం దించిన కోటిన్నర స్టిక్కర్ల కోసం రాష్ట్ర ఖజానా నుంచి ప్రభుత్వం రూ. 15 కోట్లు ఖర్చు చేయడం గమనార్హం.  పసుపు కుంకుమ మొత్తాన్ని తిరిగి చెల్లించవలసిన అవసరం లేదంటూ గోడలకు అతికించడానికి ప్రభుత్వం రూపొందించిన స్టిక్కర్లు  ఒక్క మహిళకూ మాఫీ కాలేదని మంత్రే అంగీకరించారు డ్వాక్రా సంఘాల పేరిట బ్యాంకుల్లో ఉన్న రుణాలన్నింటినీ బేషరతుగా మాఫీ చేస్తానని గత ఎన్నికల ముందు హామీ ఇచ్చి అధికారంలోకి వచ్చిన చంద్రబాబు ముఖ్యమంత్రి అయి నాలుగున్నర ఏళ్లవుతున్నా ఒక్క రూపాయి కూడా మాఫీ చేయలేదు. తమ ప్రభుత్వం ఏ ఒక్క డ్వాక్రా మహిళలకూ రుణమాఫీ చేయలేదని సంబంధిత శాఖ మంత్రి పరిటాల సునీత స్వయంగా అసెంబ్లీలో లిఖితపూర్వకంగా సమాధానమిచ్చారు. వాస్తవం ఇలా ఉండగా డ్వాక్రా సంఘాలకు ఇచ్చిన మాటను చంద్రబాబు నిలబెట్టుకున్నారని పేర్కొంటూ, అందుకు ప్రజలంతా స్వచ్చందంగా ధన్యవాదాలు చెబుతున్నట్లు ప్రచార స్టిక్కర్లలో పేర్కొన్నారు. ఎన్నికల సమయంలో టీడీపీకి రాజకీయంగా ఉపయోగపడతారనే వ్యూహంతో రాష్ట్రంలో ప్రతి 35 ఇళ్లకు ఒకరు చొప్పున నియమించిన సాధికార మిత్రలకు ఈ ధన్యవాదాల ప్రచార స్టిక్కర్లను ఇంటింటికీ అతికించే బాధ్యత అప్పగించారు. శుక్ర, శనివారాల్లో కోటిన్నర ప్రచార స్టిక్కర్లను అన్ని ఇళ్లకు అతికించే బాధ్యతను గ్రామీణ పేదరిక నిర్మూలన సంస్థ (సెర్ప్‌), పట్టణ పేదరిక నిర్మూలన సంస్థ (మెప్మా) జిల్లా అధికారులకు అప్పగించారు.  పచ్చని పల్లెల్లో స్టిక్కర్ల చిచ్చు..? సీఎం చంద్రబాబు సొంత ప్రచారం కోసం తెరపైకి తెచ్చిన డ్వాక్రా ధన్యవాదాల స్టిక్కర్లు పచ్చని పల్లెల్లో చిచ్చు రేపనున్నాయనే ఆందోళన వ్యక్తమవుతోంది. రుణమాఫీ జరగక అప్పుల్లో కూరుకుపోయామని ఆగ్రహంతో ఉన్న డ్వాక్రా మహిళలు తిరగబడే అవకాశం ఉందని, అధికార బలంతో బలవంతంగా స్టిక్కర్లు అంటిస్తే ఘర్షణలు తలెత్తే ప్రమాదం ఉందని సెర్ప్‌ సిబ్బంది ఆందోళన చెందుతున్నారు. సంఘాలు సకాలంలో చెల్లిస్తున్నా తప్పని వడ్డీ భారం.. గత ఎన్నికల్లో ఇచ్చిన హామీ మేరకు డ్వాక్రా సంఘాల రుణాలను మాఫీ చేయకుండా మోసం చేసిన చంద్రబాబు సర్కారు కనీసం పావలా వడ్డీ, సున్నా వడ్డీ కూడా దక్కకుండా వారిని అప్పుల ఊబిలోకి నెట్టేస్తోంది. ప్రతి నెలా సకాలంలో వాయిదాలను చెల్లించే మహిళా సంఘాలకు సున్నా వడ్డీ వర్తింప చేయాలి. అయితే రాష్ట్ర ప్రభుత్వం డ్వాక్రా సంఘాలకు సున్నా వడ్డీ డబ్బులను 2016 సెప్టెంబర్‌ నుంచి బ్యాంకులకు చెల్లించడం లేదు. దీంతో సున్నా వడ్డీ బకాయిలు ఇప్పటి వరకు రూ.2275 కోట్ల మేర పేరుకుపోయాయి. మహిళా సంఘాలు సకాలంలో ప్రతి నెలా వాయిదాలను చెల్లిస్తున్నా రాష్ట్ర ప్రభుత్వం సంవత్సరాల తరబడి సున్నా వడ్డీ నిధులను బ్యాంకులకు ఇవ్వకపోవడంతో వాయిదాలతోపాటు వడ్డీని కూడా వసూలు చేస్తున్నాయి. ఈ విషయం ఇటీవల ముఖ్యమంత్రి అథ్యక్షతన జరిగిన బ్యాంకర్ల సమావేశంలోనే వెల్లడైంది.  రూ.14,205 కోట్ల నుంచి రూ.22,174 కోట్లకు పెరిగిన రుణభారం డ్వాక్రా సంఘాల రుణాలన్నీ మాఫీ చేస్తానని ఎన్నికల్లో హామీ ఇచ్చిన చంద్రబాబు ముఖ్యమంత్రి అయ్యాక మాట మార్చి రుణమాఫీ చేయబోనని, కేవలం పెట్టుబడి నిధి ఇస్తానంటూ ప్రకటించారు. దీంతో ఎన్నికల నాటికి మహిళా సంఘాలు రుణాలు 14,205 కోట్ల రూపాయలుండగా ఇప్పుడు వారి పేరిట రుణ భారం 22,174 కోట్ల రూపాయలకు పెరిగిపోయింది. ప్రస్తుత ఆర్థిక సంవత్సరంలో మహిళా సంఘాల సున్నా వడ్డీకి కేవలం రూ.1,000 కోట్లనే కేటాయించారు. సున్నా వడ్డీ బకాయిలే రూ.2,275 కోట్లు ఉండగా ప్రస్తుత బడ్జెట్‌లో రూ.వెయ్యి కోట్లు ఏ మూలకు వస్తాయని అధికార వర్గాలు పేర్కొంటున్నాయి.  బాబు హామీని అమలు చేయకపోవడం వల్ల సంఘాలకు ఎంత నష్టం? చంద్రబాబు హామీని అమలు చేసి ఉంటే 2014 నాటికి డ్వాక్రా సంఘాలకు ఉన్న రూ. 14,205 కోట్ల రుణాలన్ని మాఫీ అయ్యేవి. మళ్లీ ఆ సంఘాలకు రూ.14,205 కోట్లు లేదంటే అంతకంటే ఎక్కువగా 2014లోనే వాటి పేరిట బ్యాంకులు రుణాలిచ్చేవి. మాఫీ అయ్యే డబ్బులు, దానిపై వడ్డీ, కొత్తగా వచ్చే రుణం.. ఇలా మొత్తంగా ఈ నాలుగున్నర ఏళ్లలో 80 లక్షల మంది డ్వాక్రా మహిళలు సరాసరిన ఒక్కొక్కొరు రూ.35,500 దాకా నష్టపోయి ఉంటారని అంచనా.  పెట్టుబడి నిధి డబ్బులు బకాయిల కింద జమ ఒకపక్క రుణమాఫీ చేయకపోగా మరోపక్క సున్నా వడ్డీ కూడా ఇవ్వకుండా మహిళా సంఘాలను బాబు సర్కారు దారుణంగా మోసగించింది. రాష్ట్ర ప్రభుత్వం పెట్టుబడి నిధి కింద ఇస్తున్న డబ్బులను బ్యాంకులు మహిళా సంఘాల రుణ బకాయిల కింద జమ చేసుకుంటున్నాయి. పెట్టుబడి నిధి కింద ఇచ్చిన డబ్బులను మహిళా సంఘాలు డ్రా చేసుకోవడానికి అనుమతించాలని కోరితే రుణ బకాయిలు ఎవరు తీరుస్తారని బ్యాంకర్లు ప్రశ్నిస్తున్నారు.  ఇప్పటికే బాబు బాకా కోసం రూ.100 కోట్లు.... ఇచ్చిన హామీలను నెరవేర్చడంలో విఫలమైనా ప్రభుత్వం నుంచి లబ్ది చేకూర్చాననే ప్రచారం చేసుకునేందుకు చంద్రబాబు ఊరూరా ప్రత్యేకంగా కమ్యూనిటీ రిసోర్స్‌ పర్సన్‌(సీఆర్పీ)ను నియమించి రూ.100 కోట్ల దుర్వినియోగానికి తెరతీశారు. టీడీపీ సర్కారుకు అనుకూలంగా ప్రచారం చేసేందుకు వీరిని నియమించారు. వీరికి రోజుకు రూ.850 చొప్పున పారితోషికం అందించనున్నారు. వీరు చేయాల్సిందిలా ఒక్కటే...జనంలోకి వెళ్లి చంద్రబాబును కీర్తించడమే. దీనికోసం రూ.వంద కోట్ల ప్రజాధనాన్ని సర్కారు దుర్వినియోగం చేస్తోంది.  15 నుంచి సమ్మెబాటలో సెర్ప్‌ సిబ్బంది... సెర్ప్‌ సిబ్బందికి టీడీపీ 2014 ఎన్నికల సమయంలో పలు హామీలను ఇచ్చింది. జీతాలు పెంచాలని, పర్మినెంట్‌ చేయాలని నాలుగేళ్లుగా కోరుతున్నా పట్టించుకోకపోవడంపై సెర్ప్‌ సీసీలు, ఏపీయంలు సమ్మెబాట పట్టనున్నారు. టీడీపీ సర్కారు మోసాలకు నిరసనగా ఈ నెల 15వతేదీ నుంచి సమ్మె చేయనున్నట్లు సెర్ప్‌ సిబ్బంది ఇప్పటికే నోటీసులు జారీ చేశారు.  బలవంతపు ధన్యవాదాలు... సీఎం చంద్రబాబు వ్యవహరిస్తున్న తీరు చూస్తుంటే ఓ సినిమాలో తనకు గుడ్‌మార్నింగ్‌ చెప్పించుకోవటానికి ఓ హాస్యనటుడు పడిన పాట్లు గుర్తుకొస్తున్నాయనే వ్యాఖ్యలు వినిపిస్తున్నాయి. ఓ కాలేజీకి ప్రిన్సిపల్‌గా ఉన్న హాస్య నటుడు తనకు వచ్చిపోయే విద్యార్థులు గుడ్‌మార్నింగ్‌ చెప్పేవరకు అదేపనిగా వారి చుట్టూ తచ్చాడటాన్ని గుర్తు చేస్తున్నారు. ఇదంతా డబ్బు ఖర్చు లేని వ్యవహారం కాగా సీఎం చంద్రబాబు రూ.15 కోట్లు ఖర్చు చేసి మరీ ‘ధన్యవాదాల’ కార్యక్రమానికి తెరతీశారనే విమర్శలు వ్యక్తమవుతున్నాయి. టీడీపీ తొలిసారి అధికారంలోకి వచ్చిన వెంటనే నాటి ముఖ్యమంత్రి ఎన్టీఆర్, 2004లో సీఎంగా అధికారం చేపట్టిన వైఎస్‌ రాజశేఖరరెడ్డి  పేదల కోసం సంచలనాత్మకమైన సంక్షేమ పథకాలు అమలు చేసినా వారెప్పుడూ ఇలా వ్యవహరించలేదని పేర్కొంటున్నారు.  డ్వాక్రా మహిళలకు చంద్రబాబు  ఎన్నికల హామీ..  ఆర్థికంగా చిక్కుల్లో పడిన డ్వాక్రా సంఘాలను పునరుజ్జీవింపజేసే ప్రక్రియలో భాగంగా డ్వాక్రా సంఘాలు తీసుకున్న రుణాలన్నింటినీ అధికారంలోకి రాగానే మాఫీ చేస్తాం.      –టీడీపీ 2014 ఎన్నికల మేనిఫెస్టో (16వ పేజీ)లో చంద్రబాబు హామీ ప్రభుత్వం ఎన్నికల హామీ అమలు చేసిందా?  డ్వాక్రా మహిళలకు పైసా కూడా రుణమాఫీ చేయలేదు  డ్వాక్రా సంఘాలపై అప్పుల పెనుభారం  చంద్రబాబు సీఎంగా బాధ్యతలు చేపట్టే నాటికి డ్వాక్రా సంఘాల పేరుతో రూ.14,205 కోట్లు బ్యాంకుల్లో అప్పులు ఉండగా ఈ ఏడాది జూన్‌ 30 నాటికి  రూ. 22,174 కోట్లకు చేరింది.  సున్నా వడ్డీకి మంగళం టీడీపీ సర్కారు జీరో వడ్డీ పథకానికి నిధులు విడుదల చేయకపోవడంతో 2016 సెప్టెంబరు నుంచి వడ్డీ రూపంలో రూ.2,275 కోట్లను డ్వాక్రా మహిళలే చెల్లించుకోవాల్సి వచ్చింది.   పెట్టుబడి నిధి డబ్బులు అప్పు కిందే... 2015లో ప్రభుత్వం జారీ చేసిన ఉత్తర్వుల ప్రకారం పెట్టుబడి నిధి కింద డ్వాక్రా సంఘాలకు ఇచ్చే డబ్బులను అప్పుగానే పరిగణించాల్సి ఉంటుంది.   మాట నిలబెట్టుకున్నట్లు సర్కారు ప్రచారం.. డ్వాక్రా మహిళలకు ఒక్క రూపాయి కూడా రుణమాఫీ చేయకపోయినా ‘ఇచ్చిన మాట నిలబెట్టుకున్న చంద్రన్నకు ధన్యవాదాలు..’ అంటూ రూ.15 కోట్ల ఖర్చుతో ఇంటింటికీ స్టిక్కర్లు అతికించేందుకు తాజాగా ప్రభుత్వం సిద్ధమైంది.

సాక్షి, అనంతపురం : మంత్రి పరిటాల సునీత ఇలాకలో డ్వాక్రా మహిళలు ఇబ్బందులు ఎదుర్కొంటున్నారు. రుణం మంజూరు అయినా వాటిని డ్రా చేయటానికి అనుమంతిచటం లేదు కొందరు అధికారులు. వివరాల్లోకి వెళితే.. అనంతపురానికి చెందిన 16 డ్వాక్రా సంఘాలకు దాదాపు కోటి రూపాయల రుణం మంజూరు అయ్యింది. అయితే డబ్బు డ్రా చేయటంలో వారికి ఇబ్బందులు ఎదురవుతున్నాయి. రాప్తాడు ఏపీఎం గోపాల్‌, సీసీ అన్నపూర్ణలు డబ్బు డ్రా చేయటానికి అనుమతించటం లేదు. దీంతో చిన్మయ్‌ నగర్‌కు చెందిన కొందరు డ్వాక్రా మహిళలు డీఆర్‌డీఏ కార్యాలయానికి చేరుకుని ధర్నా చేపట్టారు. ఈ ధర్నాకు వైఎస్సార్‌ సీపీ, సీపీఎం, బీజేపీ నేతలు తమ మద్దతు తెలిపారు. తొమ్మిది నెలలుగా సమస్య ఉన్నా మంత్రి పరిటాల సునీత పట్టించుకోవటంలేదని డ్వాక్రా మహిళలు ఆగ్రహం వ్యక్తం చేశారు.