చంద్రబాబుపై సిదిరి అప్పలరాజు కామెంట్స్
Breaking News
బిహార్‌లో ఎవ‌రూ ఊహించ‌ని ఫ‌లితాలు
చంద్రబాబు పుడింగి అయితే పొత్తులెందుకు?: సీఎం జగన్
తెలంగాణ సీఎం రేవంత్‌ రెడ్డికి ఢిల్లీ పోలీసుల నోటీసులు
ప్రధాని మోదీపై పిటిషన్‌.. ఢిల్లీ హైకోర్టు కీలక నిర్ణయం
Congress Party: ‘ముస్లిం ఓట్లు కావాలి కానీ.. అభ్యర్థులు అవసరం లేదా?’
జై శ్రీరామ్‌, క్రికెటర్ల పేర్లు రాసిన విద్యార్థుల పాస్‌.. చివరికి ఏమైందంటే!
75 ఏళ్లు వచ్చినా చం‍ద్రబాబులో పశ్చాత్తాపం లేదు: సీఎం జగన్
విమానంలో పొగలు.. బయటకు దూకుతుండగా ప్రయాణికులకు గాయాలు
విండీస్‌ చెత్త రికార్డు
Published on Thu, 11/01/2018 - 16:15
తిరువనంతపురం: టీమిండియాతో తొలి మూడు వన్డేల్లో బ్యాటింగ్ విభాగంలో విశేషంగా రాణించిన వెస్టిండీస్‌.. చివరి రెండు వన్డేల్లో మాత్రం ఘోరంగా వైఫల్యం చెందింది. ఈ క‍్రమంలోనే చివరిదైన ఐదో వన్డేలో విండీస్‌ చెత్త రికార్డును మూటగట్టకుంది. గురువారం ఇక్కడ గ్రీన్‌ఫీల్డ్‌ స్టేడియం వేదికగా జరుగుతున్న మ్యాచ్‌లో విండీస్‌ 104 పరుగులకే చాపచుట్టేసింది. ఫలితంగా వన్డే ఫార్మాట్‌లో భారత్‌పై అత్యల్ప స్కోరును నమోదు చేసిన అపప్రథను విండీస్‌ సొంతం చేసుకుంది. ఇది భారత్‌పై వన్డేల్లో విండీస్‌కు అత్యల్ప స్కోరు. 1997లో పోర్ట్‌ ఆఫ్‌ స్పెయిన్‌లో భారత్‌తో జరిగిన మ్యాచ్‌లో విండీస్‌ 121 పరుగులకే కుప్పకూలింది. ఇది ఇప్పటివరకూ భారత్‌పై విండీస్‌కు అత్యల్ప స్కోరు కాగా, దాన్ని తాజాగా సవరించింది.
ఈ మ్యాచ్‌లో విజృంభించిన టీమిండియా బౌలర్లు.. విండీస్‌ను పేకమేడలా కూల్చేశారు. భారత బౌలర్లలో రవీంద్ర జడేజా నాలుగు వికెట్లతో సత్తాచాటగా, బూమ్రా, ఖలీల్‌ అహ్మద్‌లు తలో రెండు వికెట్లతో మెరిశారు. భువనేశ్వర్‌ కుమార్‌, కుల్దీప్‌ యాదవ్‌లకు చెరో వికెట్‌ లభించింది. ఇదిలా ఉంచితే, తొలి మూడు వన్డేల్లో 926 పరుగులు చేసిన విండీస్‌. చివరి రెండు వన్డేల్లో కలిపి 257 పరుగుల్ని మాత్రమే సాధించి 20 వికెట్లను కోల్పోవడం గమనార్హం.
#
Tags