జేఈఈ మెయిన్స్‌లో సత్తాచాటిన గిరిజన బాలికలు
Breaking News
బిహార్‌లో ఎవ‌రూ ఊహించ‌ని ఫ‌లితాలు
చంద్రబాబు పుడింగి అయితే పొత్తులెందుకు?: సీఎం జగన్
తెలంగాణ సీఎం రేవంత్‌ రెడ్డికి ఢిల్లీ పోలీసుల నోటీసులు
ప్రధాని మోదీపై పిటిషన్‌.. ఢిల్లీ హైకోర్టు కీలక నిర్ణయం
Congress Party: ‘ముస్లిం ఓట్లు కావాలి కానీ.. అభ్యర్థులు అవసరం లేదా?’
జై శ్రీరామ్‌, క్రికెటర్ల పేర్లు రాసిన విద్యార్థుల పాస్‌.. చివరికి ఏమైందంటే!
3 వికెట్ల దూరంలో...
Published on Sun, 11/18/2018 - 02:15
క్యాండీ: శ్రీలంకతో జరుగుతోన్న రెండో టెస్టులో ఇంగ్లండ్‌ను విజయం ఊరిస్తోంది. 301 పరుగుల లక్ష్యంతో రెండో ఇన్నింగ్స్‌ బరిలో దిగిన శ్రీలంక శనివారం వెలుతురు లేమి కారణంగా ఆట ముగిసే సమయానికి 7 వికెట్ల నష్టానికి 226 పరుగులు చేసింది. మాథ్యూస్‌ (88; 6 ఫోర్లు), కరుణరత్నే (57; 4 ఫోర్లు) అర్ధశతకాలతో రాణించారు. చేతిలో మూడు వికెట్లు ఉన్న లంక విజయానికి ఇంకా 75 పరుగుల దూరంలో ఉంది. ప్రస్తుతం డిక్‌వెలా (27 బ్యాటింగ్‌; 3 ఫోర్లు) క్రీజులో ఉన్నాడు. ఇంగ్లండ్‌ స్పిన్నర్‌ లీచ్‌ (4/73) ధాటికి కౌషల్‌ సిల్వ (4), ధనంజయ డిసిల్వా (1), కుషాల్‌ మెండిస్‌ (1) త్వరగా ఔట్‌ కావడంతో లంక 26 పరుగులకే 3 వికెట్లు కోల్పోయింది.
ఈ దశలో మాథ్యూస్‌ నాలుగో వికెట్‌కు కరుణరత్నేతో 77, ఐదో వికెట్‌కు రోషన్‌ సిల్వా (37)తో 73 పరుగులు జతచేసి ఇన్నింగ్స్‌ నిలబెట్టాడు. శ్రీలంక విజయం దిశగా సాగుతున్న సమయంలో స్పిన్నర్‌ మొయిన్‌ అలీ (2/65) బౌలింగ్‌లో మాథ్యూస్‌ వెనుదిరిగాడు. దీంతో లంక మరోసారి కష్టాల్లో పడింది. అంతకుముందు ఓవర్‌నైట్‌ స్కోరు 324/9తో నాలుగో రోజు ఆట కొనసాగించిన ఇంగ్లండ్‌ 346 పరుగులకు ఆలౌటైంది. ఆల్‌రౌండర్‌ బెన్‌ ఫోక్స్‌ (65 నాటౌట్‌; 4 ఫోర్లు, 2 సిక్స్‌లు) అజేయంగా నిలిచాడు.
#
Tags