ఒంటరితనం.. ఈ కుర్చీతో దూరం!

కష్టాల్లో ఉన్నవారికి, ఒంటరిగా బాధపడుతున్నవారికి ఓ ఆత్మీయ స్పర్శ ఎంతో ఉపశమనాన్ని కలిగిస్తుంది. కానీ ఆ ఆత్మీయ స్పర్శ ఇచ్చే వ్యక్తులు లేనివారి పరిస్థితి ఏమిటి? ఇందుకు సమాధానమే ఈ ‘ఆత్మీయ కుర్చీ’. చూడటానికి బొమ్మ కుర్చీలా కనిపిస్తున్నా.. ఒంటరితనంతో బాధపడేవారికి ఇది చాలా ఉపశమనం కలిగి స్తుందని దీని రూపకర్తలు చెబుతున్నారు.

ఇందులో కూర్చుని, ఈ బొమ్మ చేతులను ఇలా పెట్టుకుంటే మనసు చాలా ప్రశాంతంగా ఉండటంతోపాటు ఒంటరితనం నుంచి బయటపడిన అనుభూతి కలుగుతుందంటున్నారు. జపాన్‌కు చెందిన యూనికేర్ కంపెనీ దీన్ని తయారుచేసింది. వృద్ధుల కోసమే ఈ కుర్చీని రూపొందించినా, ఏ వయసువారైనా ఉపయోగించవచ్చని చెబుతున్నారు. దీని ధర దాదాపు రూ.25 వేలు.