అమెరికాలో ప్రమాదంలో ప్రాణాలు విడిచిన తెలంగాణ యువకుడు
Breaking News
బిహార్‌లో ఎవ‌రూ ఊహించ‌ని ఫ‌లితాలు
చంద్రబాబు పుడింగి అయితే పొత్తులెందుకు?: సీఎం జగన్
తెలంగాణ సీఎం రేవంత్‌ రెడ్డికి ఢిల్లీ పోలీసుల నోటీసులు
ప్రధాని మోదీపై పిటిషన్‌.. ఢిల్లీ హైకోర్టు కీలక నిర్ణయం
Congress Party: ‘ముస్లిం ఓట్లు కావాలి కానీ.. అభ్యర్థులు అవసరం లేదా?’
జై శ్రీరామ్‌, క్రికెటర్ల పేర్లు రాసిన విద్యార్థుల పాస్‌.. చివరికి ఏమైందంటే!
75 ఏళ్లు వచ్చినా చం‍ద్రబాబులో పశ్చాత్తాపం లేదు: సీఎం జగన్
విమానంలో పొగలు.. బయటకు దూకుతుండగా ప్రయాణికులకు గాయాలు
కేంద్రం ఇచ్చిన నిధులపై బహిరంగ చర్చకు సిద్ధమా? బండి సంజయ్‌
ఉద్యమాన్ని నీరుగార్చే యత్నం
Published on Mon, 10/12/2015 - 01:39
♦ వైఎస్ జగన్‌మోహన్‌రెడ్డి ఆగ్రహం
♦ సీఎం చంద్రబాబు దిగజారుడు రాజకీయాలు సిగ్గుచేటు
♦ రాజకీయ అవసరాల కోసం వైద్య రంగాన్ని వాడుకుంటున్నారు
♦ ఉద్యమం చేస్తోంది ప్రత్యేక హోదా కోసం... జగన్ కోసం కాదు
♦ తప్పుడు గ్లూకోమీటర్‌లతో పరీక్షలు నిర్వహిస్తున్నారు
♦ రక్తనమూనాలు ట్యాంపర్ చేస్తున్నారు
సాక్షి, గుంటూరు: ప్రత్యేక హోదా ఉద్యమాన్ని నీరు గార్చేందుకు గాను ముఖ్యమంత్రి చంద్రబాబు నాయుడు దిగజారుడు రాజకీయాలకు పాల్పడడం సిగ్గుచేటని వైఎస్సార్ కాంగ్రెస్‌పార్టీ అధినేత వై.ఎస్.జగన్‌మోహన్‌రెడ్డి మండి పడ్డారు. రాష్ట్రమంత్రులు డాక్టర్ కామినేని శ్రీనివాసరావు, ప్రత్తిపాటి పుల్లారావు చేసిన వ్యాఖ్యలపై ఆయన తీవ్ర ఆగ్రహం వ్యక్తం చేశారు. దీక్షా వేదికపై ఆయన విలేకరులతో మాట్లాడారు. ‘డాక్టర్లు వ్యవహరిస్తున్న పద్ధతి మంచిది కాదు. యూరినల్ శాంపిల్స్ కావాలంటే నేరుగా డాక్టర్లు, మీడియా సమక్షంలో ఇస్తా. రాజకీయ అవసరాల కోసం వైద్య రంగాన్ని వాడుకుంటున్నారు. ఉద్యమాన్ని నీరు గార్చేందుకు కుట్ర పన్నుతున్నారు.
చంద్రబాబు ఇటువంటి వాటికి పాల్పడడం సిగ్గుచేటు.’ అని జగన్ అన్నారు. ‘ప్రత్యేక హోదా కోసం ఉద్యమం చేస్తున్నది నాకోసం కాదు. హోదా వస్తే పరిశ్రమలు వస్తాయి, ఉద్యోగాలు వస్తాయి, విద్యార్థులకు, ప్రజలకు మంచి జరుగుతుంది అని దీక్ష చేస్తుంటే రాజకీయాలు చేయడం సరికాదు. నేను రాజకీయాలు చూశాను గానీ ఇంత దిగజారుడు రాజకీయాలు ఎక్కడా చూడలేదు. అబద్ధాలు చెబుతున్నారు.’ అని జగన్ ఆవేదన వ్యక్తం చేశారు. ‘మా నాన్న ముందు డాక్టర్. ఆ తరువాతే రాజకీయాల్లోకి వచ్చి ముఖ్యమంత్రి అయ్యారు. పులివెందులలో మా మామ పేరున్న డాక్టర్. ఇప్పటికీ ప్రజలకు మంచి సేవలు అందిస్తున్నారు.
’ అని జగన్ ఉద్వేగంగా అన్నారు. ‘ఇక్కడ నుండి నమూనాలు తీసుకెళుతున్నారు అక్కడ టాంపర్ చేస్తున్నారు. వైద్యపరీక్షల ఫలితాలను ఎందుకు రిలీజ్ చేయడం లేదు. తప్పుడు గ్లూకో మీటర్ తెచ్చి దీక్షపై తప్పుడు ప్రచారాలు చేస్తున్నారు. ప్రభుత్వ వైద్యులు తెచ్చిన గ్లూకోమీటర్ 88 చూపిస్తుంటే కొత్త గ్లూకోమీటర్ 77 చూపిస్తోంది. డాక్టర్లు, సూపరింటెండెంట్‌లు మారాలి. మంత్రులు మాట కాదు దేవుడి మాట వినాలి.’ అని జగన్ వ్యాఖ్యానించారు.
#
Tags