బాలీవుడ్‌ హీరో వరుణ్‌ ధావన్‌ త్వరలో తండ్రి కాబోతున్నాడు. తన భార్య, డిజైనర్‌ & మోడల్‌ నటాషా దలాల్‌ గర్భం దాల్చిన విషయాన్ని ఫిబ్రవరిలోనే వెల్లడించాడు.

'మేం పేరెంట్స్‌గా ప్రమోషన్‌ పొందబోతున్నాం. మీ ఆశీర్వాదాలు కావాలి.

నా కుటుంబమే నా బలం' అని ఇన్‌స్టాగ్రామ్‌లో రాసుకొచ్చాడు. తాజాగా అతడి భార్యకు సీమంతం చేశారు.

బంధుమిత్రులు సహా కొంతమంది సెలబ్రిటీలు మాత్రమే ఈ వేడుకకు హాజరై నటాషాను ఆశీర్వదించినట్లు తెలుస్తోంది.

హీరో షాహిద్‌ కపూర్‌ భార్య మీరా రాజ్‌పుత్‌.. నటాషా సీమంతం ఫంక్షన్‌ సెలబ్రేషన్స్‌ ఫోటోలను సోషల్‌ మీడియాలో షేర్‌ చేసింది.

వరుణ్‌ తల్లి లాలి ధావన్‌ అయితే నానమ్మగా ప్రమోషన్‌ పొందబోతున్నానన్న సంతోషంలో పార్టీలో చిందులేసింది.

ఇందుకు సంబంధించిన ఫోటోలు, వీడియోలు నెట్టింట వైరల్‌గా మారాయి.

ఇకపోతే వరుణ్‌- నటాషాల వివాహం 2021 జనవరిలో జరిగింది. ‍వరుణ్‌ ధావన్‌ కెరీర్‌ విషయానికి వస్తే.. ప్రస్తుతం అతడు బేబీ జాన్‌ సినిమా చేస్తున్నాడు.

అలాగే ఆయన ప్రధాన పాత్రలో నటించిన సిటాడెల్‌ ఇండియన్‌ వర్షన్‌ త్వరలోనే విడుదల కానుంది.

మరోవైపు బాలీవుడ్‌ బ్యూటీ జాన్వీ కపూర్‌తో కలిసి సన్నీ సంస్కారీకి తులసీ కుమారి అనే సినిమా చేస్తున్నాడు. వీరి కాంబినేషన్‌లో ఇది రెండో సినిమా కావడం విశేషం.